مەن يەنە ئۆزۈمنى ئالداپ ياشاۋىرەيمۇ ياكى

bahit0998

	مەن سىزنى بۇنداق قىلىدۇ دەپ ئويلاپمۇ باقمىغان ئىدىم ،چۈنكى ئالدىنقى قىتىم يىرىم كىچىدە سىزنىڭ  بۇرۇنقى قىز دوستىڭىز بىلەن بولغان پارىڭىڭىزنى ئاڭلاپ قالغان چىغىمدا سىزدىن شۇنداق كۆڭلۈم رەنجىگەن ئىدى ،ھەتتا شۇچاغدا سىزدىن ئاجىرىشىپ كىتىشنىمۇ ئويلاپ ئۈلگۈرگەن ئىدىم ،لىكىن سىز ئۇنىڭ تۇرمۇشتىكى بەزىبىر قىيىنچىلىقلار سەۋەبىدىن ھاجىتى چۈشۈپ تىلغۇن قىلىپتىكەن ............... دىگەندەك بىرتالاي سۆزلىرىڭىزگە ئىشەنمىسەممۇ ئامال يوق سىزنى كەچۈرۋەتكەن ئىدىم ،چۈنكى مەنمۇ بىر ئايال بولغانلىقىم ئۈچۈن ئۇنۇڭغا ھىسداشلىق قىلىپ بوپتۇ دىدىم ،لىكىن يىرىم كىچىدە تىلغۇن قىلغىنى ھەم سىزنىڭ مەندىن يوشۇرۇن پارڭلاشقىنىڭىز بەكلا ئىغىر كەلگەن ئىدى  سىزنىڭ شۇنداق خىجل بولغىنىڭىزنى كۆرۈپ ھەم بۇندىن بۇرۇن ئالاقە قىلمىغان مۇشۇ تۇنجى قىتىم ھەم ئەڭ ئاخىرىقى قىتىملىقى دىگىنىڭىزگە ئىشىنىپ  بوپتۇلا ئازمايدىغان ئىنسان يوق دەپ قەتئىي يۈزىڭىزگە سالماي تالاي كىچىلەرنى يىغا بىلەن ئۇيقىسىز ئۆتكۈۋەتكەن ئىدىم . سىزنى دەپ نۇرغۇنلىغان كۆڭۈلسىزلىكلەرنى يەنى قىيىن ئاپام (سىزنىڭ سۆيۈملۈك ئاپىڭىزنىڭ )ئورۇنسىز جىدەل تىپىشى مىنى سىزگە ئۇنى قىلدى بۇنى قىلدى دەپ يالغاندىن چىقىشى .......... ئىشقىلىپ سىزنىڭ ئاپىڭىزدەك ئاپا ھىچ يەردە يوق جۇمۇ بىرئاغزىدا مىڭ قىتىم  يالغۇز ئارزۇلۇق ئوغلۇم ،مەن بالامنى ئۇنداق تەسستەبىقىپ  چوڭ قىلغان ،بۇنداق تەىسستە ئوقۇتقان ،تويدىن كىيىن ئۆزگۈرۈپ كەتتى .....ئىشقىلىپ .ئاپىڭىزنىڭ سالغان نۇرغۇن خاپۇلىقلىرىنى  ئىچىمگە سىلىپ مۇشۇ كۈنلەرنى قانداق ئۆتكۈزگنىم سىزگە بەش قولدەك ئايان ئىدى ، ھەرقىتىم ئۆيگە قايىتقان چىغىڭىزدا سىزگە دەيدىغان نۇرغۇن سۆزلىرىم بولسقمۇ لىكىن سىزنىڭ ھارغۇن چىرايىڭىزنى كۆرۈپ بولدىلا ئۇنۇڭمۇ كۆڭلىنى تەڭ يىرىم قىلىپ نىمە قىلارمەن دەپ ئىچىمگە يۈتىۋىتىپ سىزخىزمەتكە مەڭغۇچە بولغان ئارلىقتا يالغان كۈلكە بىلەن كۈنلىرىمنى ئۆتكۈزىمەن ،نىمىشقا ھەپتىدە بىرقىتىم ئۆيگە قايىتقاندا ئۇ كۆڭۈلسىزلىكلەنى دەپ ئارام ئىلىشىنى بۇزماي دەپ سىزنى ئايايمەن ،چۈنكى سىنى ياخشى كۆرىمەن .بۈگۈن كۆڭلۈمنى يەنە بىرقىتىم رەنجىتتىڭىز ، ئەسلى سىزنى ھەپتىدىن بىرى ئارام ئالمىدى ،ئاران بىركەلگەندە ئوخشۇتۇپ بىر تاماق ئىتىپ كىرقاتلىرىنى يۇيۇپ بىرىپ پاراڭلىشىپ ئولتۇرارمىز دەپ نۇرغۇن پىلانلارنى تۈزىگەن ئىدىم ،بىلسىڭىز مەن سىز ئۈچۈن توردىن ھەرخىل تاماق ئىتىش ھەم قورۇما قورۇشنى ئۈگۈنۈپ تەييارلىق قىلغان سىزنىڭ ئاپپاق نىمىلا تاماق ئەتسىڭىز گۈل كەلتۈرۋىتىسىز جۇمۇ دىيىشلىرىڭىزنى ئاڭلاش ئۈچۈن تۈجۈبىلەپ تۇرۇپ قىينالساممۇ ھەرخىل قورۇمىلارنى تەييارلىغان  لىكىن سىز ئۆيگە كىرمەستىنلا بۈگۈن ئىشخانىدىكىلەربىلەن ئولتۇردىكەنمىز كىيىملىرىنى تەييار قىلىپ قويۇڭ دىگەن تىلغۇنىڭىزنى ئىلىپلا لەسسىدە بولۇپ قالدىم، چۈنكى مەن بىرچۈشتىن كىيىن رۇخسەت سوراپ تەييارلىغان تاماقنىڭ سىز ئۈچۈن ھىچقانداق ئەھمىيتى يوق ئىدى ،كۆڭلۈم يىرىم بولسىمۇ يارشىملىق كىيىملىرىڭىزنى تەييارلاپ ئاياقلىرىڭىزنى تەييارلاپ سىزنىڭ ئۆيگە كىرىشىڭىزنى تۆت كۆزبىلەن كۈتۈپ ئولتۇردۇم ،بىراق سىز بۇرۇندىن ئىشتىن كىلىپلا خوتۇن نەچچەكۈن كۈن كۆرمەي بەك سىغىندىم جۇمۇ سىزچۇ ؟ بۇبىرنەچچە كۈندىن بىرى مەن يوق قىينالدىڭىزمۇ؟ئۆيدە نىمە بار نىمە يوق دەپ ؟ دەپ ھەممە ئەھۋالنى بىرمۇبىر سورايدىغان ئادەم مىنىمۇ ئۇنتۇپ باش-كۆزلىرىڭىزنى يۇيۇش،ساقال ئىلىشلار بىلەن بەنىت بولۇپ كەتتىڭىز ،كۆڭلۈمگە كەلگەن بولسىمۇ بەلكىم باشقىلار ساقلاپ قالغان بولۇشى مۇمكىن دەپ ئۆز-ئۆزۈمگە تەسەللىي بەردىم ،تاماقتىن بىرقوشۇق بولسىمۇ يەپ مىڭىڭ دىگنىمگە قارىماي چىقىپ كەتتىڭىز . مەن يەنە شۇ غەمگە پاتقان ئۆيۈمدە يالغۇز قىلىپ قالدىم ،كومپىيۇرنى ئىچىپ ئۇنى بۇنى كۆرۈپ ۋاقىتنى ئۆتكۈزەي دىگەن بولسساممۇ لىكىن سىزنىڭ قىلغىنىڭىز ئىغىر كىلىپ يىغا تۇتۇپ كەتتى سىزگە تىلغۇندا بولسىمۇ كۆڭلۈمدىكىنى ئىيتاي دەپ تىلغۇن قىلدىم لىكىن ئىرىشكىنىم : -.....تلىغۇننى ناھايىتى تەسستە ئالدىڭىز . -ۋەي نىمە بولدى تىزگەپ قىلىڭ .... -ئالدىراشمىتىڭىز ؟ -قانداق دەيسىز ؟ -شۇ كۆڭلۈم يىرىم بولۇپ ....... گىپىمنىڭ ئاخىرى تۈگۈمەيلا يىنىڭىزدىكلەرنىڭ قاتتىق ئاۋازدا كۈلگەن ئاۋازى ئاڭلاندى .ئارقىدىنلا سىزنىڭ ئاۋازىڭىز ئاڭلاندى ،- بايا نىمە دىدىڭىز خوتۇن ؟ -يىنىڭىزدا قىزلارمۇ بارما ؟ -2-3 باللار قىز دوسلىرىنى ئەكىرىپتىكەن شۇلار . شۇنداق ئاچچىقىم كەلدى چۈنكى سىزنى مىنى ئاياپ بولسىمۇ ئۇنداق رەڭلىك ئولتۇرۇشلارغا بارمايدۇ ،ھەم مىنى ئالدىمايدۇ  دەپ ئويلاپ كەلگەن ئىدىم .چۈنكى سىزنىڭ مىنىڭ كۆڭلۈمىدكى ئورنىڭىز شۇنداق ئۇلۇغ ئىدى . ئەپسۇس ........ - خەق بىلەن ئولتۇرغىچە ئۆيگە قايتىپ كەلسىڭىز بولمامدۇ ؟ -بولسا ئارام ئالغاندا يىنىڭىزدىن چىقماي ئولتۇرسام  ھە ؟ مەنمۇ بىر ئادەم،مەن ياباشقا ئەرلەردەك كىچە كىچە سىرىتتا يۈرمەيمەن ،سىزنى ئۇرمايمەن ،تىللىمايمەن ،ئاغزىڭىزدىن چىققىنىنى قىلىىپ بىرىمەن  ،تولا كۆزۈمگە كىرىۋالماي قويىڭە تىلغۇننى دەپلا قويۇۋەتتىڭىز . بۇگەپلەرنى ئاڭلاپ كۆز ئالدىم قاپقاراڭغۇ بولۇپ كەتتى ،سزى مىنىڭ كۆيۈمچان ئىرىم شۇمۇ يا؟ توۋا بۇرۇندىن قىيىن ئاپاملارنىڭكىدىن يىغلاپ كەلسەم خاپا بولما خوتۇن  بۇئىشلار ھامىنى بىركۈنى ئوڭشلىپ كىتىدۇ ،چىداپ تۇرغىن ئاپام چوققۇم ساڭا بولغان مۇئامىلسىنى ئۆزگەرتىدۇ دەم ماڭا تەسسەللى بىرىدىغان ،مىنى كۈلدۈرۈش ئۈچۈن ،كۆڭلۈمنى ئىلىش ئۈچۈن تىرشىدىغان ئادەم  بۈگۈن ...............   يىغلاپ يىتىپ ئۇخلاپ قاپتىمەن بىر چاغادا ئويغۇنۇپ قارىسام سىز  يەنىلا قايىتپ كەلمەپسىز ، سائەتكە قارىسام 3:40ئۆتۈپ تۇ تىلىغۇن قىلسام قارشى تەرەپ پاراڭلىشىۋاتىدۇ تىلىغۇننى قويماي تۇرۇڭ دىدى ، بىر ئازدىن كىيىن قايتا تىلىغۇن قىلسام يەنىلا ئوخشاش ، بىردەمدىن كىيىن ئۆزىڭىز تىلىغۇن قايتۇردىڭىز . قەيەردە ئىكەنلىكىڭىزنى سورسام سىز نۇمۇس قىلماي باللار بىلەن ياتاقتا ھازىر ئۆيگە ماڭىمەن دەپلا تىلغۇننى قويىۋەتتىڭىز .  توۋا .......... بۇ نىمە دىگەن نۇمۇسسىزلىق خىجىل بولماي ماڭا ياتاقتا دىگىنىڭىز نىمىسى ؟  بىردەمدىن كىيىن تۆۋەندە ماشىنىىڭ ئاۋازى ئاڭلاندى ،مەن سىزدىن ئەنسىرەپ ئالدىڭىزغا چىقتىم لىكىن ئاڭلاشقا تىگىشلىك بولمىغان گەپلەرنى ئاڭلاپ قالدىم .ئەسلى يىنىڭىزغا بىرىپ ئىچىم بوشۇغىچە تازا تىللاپ ئۆيگە كىرىپ كىتەي دەپ ئويلىغان لىكىن شەيتىنىم ئۇنىڭ ئەپتى بەشىرسىنى ئاشكارلاش ئۈچۈن ھەممە سۆزىنى ئاڭلا دەۋاتاتتى .مەن چاندۇرماي كەينىڭىزگە كىلىپ ماشىنىىڭ ئارقىسىدا تۇردۇم . - مىنى سىغىنغانمىدىڭىز ؟ - ........... - بۈگۈن مەن شۇنداق خۇشال بولدۇم ،خۇددى ئۆزۈمنى بۇرۇنقى چاغلارغا كەپ قالغاندەك ھىس قىلىۋاتىمەن  ،يۈرۈگۈم نەچچە ياش يدشىرىپ كەتتى جۇمۇ ، سىز چۇ ؟ نىمە؟ راستىنلا شۇنداق ئويلامىسىز ؟ ھاھاھا...........   بولسا پات -پات بىز تەرەپلەرگە مۇشۇنداق كىلىپ تۇرۇڭ .  چوققۇم سىز رازى بولغۇدەك كۈتىۋالىمەن . -................ -بىزنى نىمە كۆرۈپ قالدىڭىز ،سايىماخۇن ئەمەس بىز خوتۇندىن قورقۇپ ئولتۇردىغانغا ؟ -..................... -  خوتۇننىڭ خىتىنى بەرسەم يىنىپ كىلەمسىز يا ؟ھاھاھاھ.......... -........... -ئۇنچىلىڭ جۈرەت بولمىسا ئەكىشى دەمدۇ بىزنى ، ئىشەمىسىڭىز سىناپ باقامدۇق ؟ -  ....... -  راس دەۋاتىمەن ؟ سىزنى ھازىرغىچە ئۇنتىيالمىدىم . ........................... -........... - مۇھەببەت  يوق دىسەم يالغان بولىدۇ ،لىكىن كۆپ قىسىمى مەسئۇلىيەت تۇيغسى .چۈنكى ئەينى چاغدا سىز گە قىيداپلا  ئالدىراپ توي قىلغان....................... . -........... - ئۇغۇ شۇ ، ئۇمۇ ئاسان قولغا كەلمىگەن ، سىزگە كۆرسۈتۈپ قويۇش ئۈچۈن ئۇنۇڭغا قىلمىغىنىم قالمىغان ،ئەمدى  بىرسىنى قولغا كەلتۈرۈش ئۈچۈن ئۇنچىلىك گەپلەرنى قىلمىسا قانداق بولىدۇ ؟  شۇ ھەممىسى سىزنىڭ دەردىڭىزدە جىنىم . لىكىن يۈرەكتە يەنىلا سىز .............  يەنە نىمىلەرنى دىيىشتىكىن كۆز ئالدىم قاراڭغۇلىشىپ كەتتى ، چىقىپلا ئۇنىڭ تەستىكىگە بىرنى سالدىم ،ئۇ تۇيۇقسىز پەيدا بولغىنىمنى ھەم تۇيۇقسىز تەككەن تەستەكتىن نىمە قىلارىنى بىلمەي تۇرۇپلا قالدى  .  مەن ئۆيگە قايتىپ كىرىپ ئۆزۈمنى كارۋاتقا تاشلاپ ئاۋازىمنى قويۇپ بىرىپ يىغلىدىم . ئۇنىڭ كەينىمدىن كىرىپ چۈشەندۈرگەن گەپلىرىنىڭ بىرسىمۇ قۇلىقىمغا كىرمىدى .  ياتاق ئۆينىڭ ئىككىنى تاقاپ تاڭ ئاتقۇچە ئۇنىڭ بۇرۇنقى ۋەدىلىرى ، تويغا قوشۇلمىغاندا  ئالدىمدا خۇددى كىچىك بالىدەك  يالۋۇرۇپ تۇرۇشلىرى ...........  ئىشقىلىپ بۇرۇنقى بەخىتلىك كۈنلەر ھەم كۆڭۈلسىزلىكلەرنىڭ ھەممىسى  كۆز ئالدىمدىن كىنو لىنتىسىدەك ئۆتۈشكە باشلىدى . بۇنىڭ چۈش بولۇپ قىلىشىنى ئەتىگەندە ئويغانسام  ئاخشامقى ئىشلارنىڭ چۈش بولۇپ قىلىشنى بەكلا ئۈمۈد قىلدىم لىكىن تاڭ يورۇدى ............................. بەزى مەزمۇنلانى ۋاقىت يىتىشمەسلىك سەۋەبىدىن يازالمىدىم . بۇمىنىڭ تۇنجى قىتىم مۇنبەرگە ئەسەر يوللۇشۇم ، ئىمزا ياكى باشقا ئىشلاردا خاتالىق بولسا تۇزتىپ ئوقۇشىڭلارنى ئۈمۈد قىلىمەن .                      2012.8.9                                               قەشقەر                -مەنبە : ئۆز قەلىمىم .

jessurane

	مىنىڭ ئويلىغانلىرىم: مىنىڭچە ئىغىرلىق قىلىڭ.سەۋر قىلىڭ،نامىزىڭىزدا ئاللادىن ئۇنىڭ ھەققىگە دۇئا قىلىڭ.ئويلىغانلىرىڭىزنى ئاچچىقلانماستىن ئۇنىڭغا تەپسىلىي ئىيتىڭ.بىر مەزگىل ئۆتسۇن بۇ جەريانىدا ئۇنىڭ روھىي كەيپىياتى،ئىش ھەركىتىگە دىققەت قىلىڭ،لىكىن ئۆتكەن ئىشلارنى تەگىمەڭ.ئەگەر بۇ جەريانىدا ئۇنىڭغا يەنە تولوق ئىشەنىچ قىلالمىسىڭىز كەسكىنلىك بىلەن ئايرىلىپ كىتىشىڭىزنى قوللايمەن(ئەگەر پەرزەنتىڭلار بولمىسا ).بۇ ئشىلار مۇشۇ ئۇلۇغ كۈنلەردە يۈز بەرگەن بولسا ئانچە جىق ئويلاپ كىتىشنىڭغۇ ھاجىتى يوق ئىدى. سىزنىڭ ھازىرقى ئەھۋالىڭىزدىن قارىغاندا كەيپىياتىڭىز ئانچە نورمال ئەمەس.بۇنداق چاغدا ھەر قانداق ھۆكۈم چىقارمىغۇلۇق.نامىزىڭىزنى جايىدا ئوقوپ،ئۆز مەجبۇرىيەتلىرىڭىزنى ئىلگىركىدەك ئادا قىلىپ بىر نەچچە ئاينى ئۆتكۈزۈڭ.ئاندىن بۇ جەريانىدا قانداق قارار چىقىرىشنى ئويلاشسىڭىزمۇ ئۈلگىرىسىز.ئاجىرشىش قارارىغا كىلىش بىلەن ئاجىرشىش قەدىمىنى ئىلىش ئوخشىمايدۇ.قارارغا كەلگەن بىلەن قەدەمنى ئالماق ھەقىقەتەن تەس... مىنىڭچە بۇ ئىشلارنى بىشىدىن ئۆتكۈزۈپ باققانلار تىخىمۇ ياخشى چۈشىنەلەيدۇ. بولىدىغان زىرائەت كۆكىدىن مەلۇم.مەن بۇ سۆزگە چىن كۆڭلۈمدىن قايىل. ئاللا ئىگىمىزدىن ئىشىڭىزنىڭ ئوقوشلوق بولىشىنى،سىزگە ياخشى بولغان تەرەپكە باشلىشىنى تىلەيمەن.

ئايتۇر

	زايە كەتكەن ئەقىدە، زايە كەتكەن مۇھەببەت!...............     ھىچ بىلمىدىم  ،ئەرلەر زادى نىمنى ئارزۇقىلىدىغاندۇ ؟؟؟     خەقنىڭ ئەرلىرىنى ئازدۇرۇپ يۈ رگەن  ئاشۇ ( نۇمۇسسىز  )ئاياللار چۇ ؟     قۇدرەتلىك  ئاللا  ئۇ لۇغ رامىزان ئايلىردا ئازغۇن بەندىلىرىڭگە ئىنساپ ،ئىمان ئاتاقىلغايسەن .    كۆ ڭلىڭىزنى چۈشىنىپ  تۇرۇپتىمەن . ئىمان-ئەقىدە بوھرانغا ئۇچراۋاتقان ھازىرقى دەۋىردە پاكىز، ئارزۇيىدىكىدەك ئائىلە قۇرماق ۋە ئائىلىنى پاكىز ساقلىماق ھەقىقەتەن تەس بوپ قالدى. لىكىن شۇنداق ياشىيالىغان، ئائىلىسى، پەرزەنتلىرى ئۈچۈن ئۆزىنى بېغىشلاپ، پاكىز، ھالال، بەخىتلىك ياشاپ ئۆتۈۋاتقانلارمۇ ئاز ئەمەس، ئۇلارغا ھەرقاندىقىمىزنىڭ مەسلىگى كېلىدۇ، ھۆرمىتى قوزغىلىدۇ. ئەمما شۇنداق پاكىز، بەخىتلىك ئۆتۈۋاتقان بىر ئائىلىدە مۇشۇنداق ئەھۋال يۈز بەرسە..... بۇنىڭغا نىمە دىگۈلۈك......                                                                   سوغۇققان  بولۇڭ ،    مىنىڭچە  يولدىشىڭىز نىڭمۇ  سىزدىن ئايرىلىپ قالغۇسى  يوقتۇ، چۈنكى باشقىلارنىڭ نەزىرى چۈشكىدەك ئەرنى ئەرقىلغان سىزئەمەسمۇ ؟    ئاجىرشىپلا كەتسىڭىز توياتتى  تازا  .......    لىكىن كىمنىڭمۇ ئۆزىنىڭ ياشلىغىنى، بارلىغىنى بېغىشلاپ قۇرغان بىر ئائىلە قەلئەسىنى ۋەيران قىلىۋەتكۈسى كەلسۇن؟! بۇنىڭغا ۋىجدانسىز ئەرلەر چىدىغان بىلەن بىز يەنىلا چىدىمايمىز.........    ماشىنىنىڭ ئاچقۇچىنى تارتىۋىلىپ ئۆيدىن ھەيدەپ چىقىرامسىزكىن يە....مىھمانخانىدا ياشاپ ئۆتەمدۇ، ياكى باشقىلارنىڭ ئۆيىگە كېتىپ ياشامدۇ.............

تۇركىنە

	ياخشمۇسز،سەۋېر قىلىڭ جېنىم! ئاچچق ئەقىلنى كېسىدۇ دېگەن گەپ بار، بۈگۈن ئالدىراپ چىقارغان قارارىڭىز ئەتىكى پۇشايماننىڭ ئاساسى بوپ قالمىسۇن. ھەر ھالدا بىر قېتىم پۇرسەت بېرىپ بېقىڭ، يەنە ئوڭشالمىسا ئۇ ئۆزىنىڭ پىشانىسى. تۇرمۇشىڭىز تىنىچلانمىغىچە مىنىڭچە بالىلىق بولماي تۇرغىنىڭىز ياخشى، بولمىسا كىيىن بار جاپانى بالا تارتىپ قالىدىغان ئىش بوپ قالمىسۇن. كونىلاردا «ئايال قىلسا ئەرگە، ئەر قىلسا بالىغا» دەيدىغان گەپ بار ئەمەسمۇ. ئەڭ مۇھىمى ئاللادىن ئىنساپ تېلەڭ، بەختىڭىزنى تېلەڭ، غەيرەت قىلىڭ....

muharram

	ھەي مۇشۇ تۇرمۇشتا ئۇڭۇشىزلىقا ئۇچرىغان ئاياللارنى كۆرسەم نەچچە كۇنگىچە دورا يەۋالغان بېلىقتەكلا بوپلا قالىمەن، بىز ئاياللار ئائىلە ،بالا دەپلا نۇرغۇن ئازاپلارغا ،خورلۇقلارغا ،ئەيىپلەشلەرگە بەرداشلىق بېرىپ ئۈتىدىكەنمىز،بىراق ئاقىۋەتتە ئېرىشىدىغىنىمىز  ئۆمۇر  يولداشىمىزنىڭ  ۋاپاسىزلىقى  ،يولسىزلىقى بۇلىدىكەن خالاس.بىراق بەخىت قېرىندىشىم  ئائىلە ،بەخىت دىگەن  بىر كۇندە قۇرىدىغان،ئېرىشىدىغان نەرسە ئەمەس دىمەكچى بولغىنىم يەنىمۇ بەرداشلىق بېرىڭ ،چىداملىق بۇلۇڭ سەۋىر-تاقەتلىك بۇلۇڭ.ئاللاھ سەۋىر قىلغۇچىلار بىلەن بىللە.

جاھانكەزدى

	سىزگە ھەقىقەتەن ھېسداشلىق قىلىمەن،توۋا!ئوتى بار يەرنىڭ سۈيى يوق ، سۈيى بار يەرنىڭ ئوتى يوق دىگەندەك ،نىمە بوپ كېتىۋاتىدۇ بۇ جاھان . مەنمۇ ئاجرىشىپ كەتكەن ، لېكىن مېنىڭ ئەھۋالىم سىزنىڭكىگە ئوخشىمايدىكەن ، سىزگە دەيدىغىنىم : ئۇنىڭغا پەقەت بىرلا قېتىم پۇرسەت بېرىڭ ،ئەگەر يەنە ئوڭشالمىسا ئۇنىڭدىن دەرھال ئاجرىشىپ كېتىڭ ،چۈنكى ،بىر قېتىم خاتالىق ئۆتكۈزۈپ ،تۈزەتمىگەن ئادەمنىڭ كېيىن تۈزەلمىكى تەس (بولۇپمۇ سىزنىڭ ئېرىڭىزدەك بۇزۇقلارغا ئامراقلارنىڭ) .بىرنى تۇغۇپ بولسىڭىز ئۇ چاغدا ئۇ تېخىمۇ بۇزۇلسا ،ئۇ چاغدا سىزگە تېخىمۇ تەس بولىدۇ .ئەمما،مەيلى نېمىلا ئىش يۈز بەرمىسۇن ،سىزنىڭ ئۆزىڭىزنى پاك تۇتۇشىڭىزنى ، ئېرىڭىزدىن ئۆچ ئېلىش ئۈچۈن بۇلغىنىپ كەتمەسلىكىڭىزنى ئۈمىد قىلىمەن ، چۈنكى مەن شۇنداق ئاياللارنىمۇ كۆردۈم ، بۇ بىر خاتالىق ، چوڭ خاتالىق ، ماقۇل ئەمىسە،مەردانە ،كەڭ قورساق بولۇڭ ، شۇ يادىڭىزدا بولسۇنكى ،سىز تىرىشسىڭىزلاھەممە ئىشلار ئۆتۈپ كېتىدۇ .

جاھانكەزدى

	بەلكىم مەن توغرا گەپ قىلمىغاندىمەن ، بىراق مەنمۇ ئەر كىشى بولغاچقا ئەرلەرگە مۇناسىۋەتلىك بەزى ئىشلارنى سىزدىن ياخشىراق چۈشىنىشىم مۇمكىن ، بىز پەقەت سىزگە تەسەللى بېرەلەيمىز ،قالغىنىنى يەنىلا ئۆزىڭىز ئويلىنىپ بىر تەرەپ قىلغىنىڭىز ياخشى ،چۈنكى «قوشناڭدىن مەسلىھەت سورا، ئۆزۈڭنىڭ بىلگىنىنى قىل » دىگەن گەپ بار ئەمەسمۇ ! ئاخىرىدا ئۆزىڭىزنىڭ قارارى ئەڭ توغرا بولىدۇ ..

لالە09

	سەۋر قىلىڭ!!!

aqari ھەقىي سالاھىيەتلىك ئەزا

	تاقەتلىك بولۇڭ،سىزگە ھەقىقەتەن ئېغىر كەلگۈدەك ئىش بوپتۇ.جاھان كەزدى بىلەن جەسۇرانە ئوبدان گەپ قىپتۇ. ئىمكانىيىەت بولسىلا ئائىلىڭىزنى ساقلاپ قېلىڭ.

halal

	دەرۋەقە ھېچكىم بۇنداق گۈزەل، بەخىتلىك بىر ئائىلىنىڭ ۋەيران بولغىنىنى كۆرۈشنى خالىمايدۇ، ھەممىمىز بۇ قىزنىڭ سەۋىرچان، تاقەتلىك بولۇشىنى، قارشى تەرەپكە پۇرسەت بېرىپ، ئائىسىنى ساقلاپ قېلىشىنى ئۈمىد قىلىمىز.   لىكىن ئائىلىنىڭ ئىناقلىغىنى، پاكىزلىغىنى، بەختىنى قوغداشنىڭ مەسئۇلىيىتى ئايال تەرەپتىلىمۇ؟! بۇ ئائىلىنى ساقلاپ قېلىندىمۇ دەيلى، بۇ ئائىلىدە ئىلگىرىكى گۈزەل، ئىناق، بەخىتلىك كۈنلەر يەنە مەۋجۇت بولارمۇ؟!    يەنە بىر تەرەپتىن ئويلاپ كۆرەيلى، بۇ تېمىنى ئوقۇۋاتقان سىز ئاۋۇ 3-شەخىس (ئەرنىڭ ساۋاقدېشى، تۇنجى سۆيگىنى)نىڭ يولدېشى بولسىڭىز، ئايالىڭىز سىزنى ناھايىتى ھۆرمەتلەيدىغان، ئائىلىگە ناھايىتى كۆيۈپ پىشىدىغان، ئىككىڭلار ناھايىتى بەخىتلىك ئۆتۈۋاتقان بولۇپ، ئايالىڭىز تاسادىپى پۇرسەتتە بۇرۇنقى ساۋاقدېشى بىلەن ئۇچرىشىپ بايىقى خاتالىقنى سادىر قىلغان بولسا، بۇ پەقەت تۇنجى قېتىملىغى بولسا، سىز بۇ ئايالىڭىزنى كەچۈرىۋىتىپ ئائىلىڭىزنى داۋاملىق ساقلاپ قالالامسىز؟!    ئائىلىنى قانداق قۇرۇش، قانداق گۈللەندۈرۈش، قانداق بەھىرلىنىش ئەر-ئايال ئىككى تەرەپنىڭ ئورتاق مەسئۇلىيىتى ۋە ھوقۇقى. بۇ ناھايىتى يۈكسەك ۋە ناھايىتى نازۇك مەسئۇلىيەتتۇر. قايسى تەرەپ مەسئۇلىيەتسىزلىك قىلسا ئائىلىگە دەز كېتىشى مۇقەررەر.    بۇ ئائىلىنى ساقلاپ قېلىشقا رىشتە بولالايدىغان 3نەرسە بار، ئۇ بولسىمۇ ئەرنىڭ پۇشايمىنى، ئائىلىگە ۋە ئايالىغا بولغان سەمىمىيىتى ۋە ئۆزىنى (ئۆز قەلبىنى) تازىلىشىدۇر. بۇ ئۈچىنىڭ قايسى بىرى كەم بولسا ياكى چىن يۈرەكتىن بولماي ساختا بولسا بۇنداق ئائىلىنى ساقلاپ قالغىلى بولمايدۇ، ھازىر ساقلاپ قېلىنغان بىلەنمۇ كەلگۈسىدە يىمىرىلىدۇ، شەكلەن ساقلاپ قېلىنسىمۇ روھى جەھەتتىن يىمىرىلىدۇ، بۇنداق ئائىلىدىن دوزاخ ياخشىدۇر. تولۇقلىما مەزمۇن (2012-8-11 15:49): قوشۇمچە: بۇ يەردە سەل قارىلىۋاتقان يەنە بىر ناھايىتى مۇھىم ۋە ناھايىتى نازۇك بىر نەرسە بار، ئۇ بولسىمۇ ئېتىقادتۇر. ھەقىقى ئېتىقاد كىشىلەر ئارىسىدىكى پەزىلەت، ئىنساپ، بەخىت ۋە قانائەتكە ۋاستىدۇر، ئائىلىدىكى ئىناقلىق ۋە بەخىتكە كاپالەتتۇر. كىمكى ئۇنىڭدىن يىراقلىشىدىكەن، پەزىلەت ۋە بەخىت ئۇنىڭدىن يىراقلىشىدۇ.