ئالىي مەكتەپنى ئوقۇپ بۇلالمىغان بىزنىڭ ياتاقتىكى قىزلار

qumjan

ھەقىقەتنى بايان قىلىش باشقا گەپ ،.ئۇنىڭ جەمىئەتكە ،يىڭىدىن ئالى مەكتەپكە كەلگەن ياشلارغا قانداق تەسىر بىرىشى بۇ باشقا گەپ .شۇڭا تىمىلارنىڭ ئويلىنىپ تەستىقلىنىشىنى ئۈمۈد قىلىىمەن.

rixtaelan

ئاخىرى بولغان بولسا ياخشى بولاتتى ،  ئاخىرنى ئوقۇپ بولۇپ ئاندىن بىرنىمە دەي ئەمسە؟؟؟؟

1mukaddas

ئاخىرى يوق ئەسەرلەنى  يوللاشقا قارشى تۇرۇرايلى !!!

yalniz ھەقىي سالاھىيەتلىك ئەزا

ھەي داۋامىنى كۆرەي دەپ كىرسەم قېنى بۇنىڭ داۋامى ؟  

قاچان يوللايسىز ؟

`

salma

بۇ ئەسەرنىڭ ئاخىرى زادى قاچان چىقىدۇ ؟؟؟؟؟؟؟؟؟

MALAK9

ئاخىرى يوق ئەسەرلەر يوقالسۇن!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

خۇمارە

مۇقەددەس ، بويى 1.70لەر ئەتراپىدا بار ، ئۆزى ئانچە چىرايلىق ئەمەس ، لىكىن بەدەن قۇرۇلىشىدا گەپ يوق ، ئىنتايىن قاملاشقان ، مودىل بولىدىغانلا قىز .مۇقەددەس رىژىسورلۇق كەسپىدە ئوقۇيدۇ .
گۈلمىرە ، ئۇنىڭ بويى ئانچە ئىگىز ئەمەس لىكىن ئۆزى بەك چىرايلىق، مىجەزى شۇنداق مۇلايىم ،مەكتەپكە كىرگەندىن باشلاپلا ئۇنى يىگىتلەر قوغلىشىشقا باشلىغان،گۈلمىرەنىڭ  ئائىلىسى راۋۇرۇس باي ئاتا-ئانىسىنىڭ كىچىكىدىلا ئاجرىشىپ  ، ئىزچىل روھىي ئازاپ ئىچىدە ياشاپ  ئۆزىنى قىينايدىغان مىجەزىنى يىتىلدۈرىۋالغان ،بىلىكىدە تاتۇقلار بەك كۆپ ، ھەممە تاتۇقنى ئۆزى قىلغان . گۈزەل-سەنئەت كەسىپنىڭ ئوقۇغۇچىسى .
ماھىرە ، ئۇ ئاكتىيورلۇق كەسپىنىڭ ئوقۇغۇچىسى . ئائىلە شارائىتى نورمال ، ئۆزى بەك چىرايلىق ، ئورۇق ، ئىگىز كەلگەن قىز . مۇشۇ دوستىمىز مانا بۇ مەكتەپكە  ئۆز كۈچىگە تايىنىپ كىرگەن ئوقۇغۇچىلارنىڭ ۋەكىلى .
ئەلفىرە ، ئەلفىرەنىڭ ئاتا – ئانىسى قازاقىستاندا سودا قىلىدۇ ، شۇڭا ئەلفىرە مومىسىنىڭ ئۆيىدە چوڭ بولغان، مومىسىمۇ ئەلفىرەنى بەك ئەركە چوڭ قىپتىكەن ، شۇڭا بۇ قىزنىڭ مىجەزى سەل ئۆز بىشىمچى ، ئۆزىنىڭكىنىلا راست دەيدىغان بىشەم مىجەز ، ئۇ بەك ئويۇنچى ، ئۇنىڭ دىيىشىچە ئۇ تولۇقسىزنى ئوقۇۋاتقان ۋاقتىدىلا بىر ئوقۇتقۇچىسى بىلەن  مۇھەببەتلىشىپتىكەن .توۋا ، بۇ قانداق ئىش ئەمدى ...ئۇسسۇل كەسپىنىڭ ئوقۇغۇچىسى .
{2}
    شۇنداق قىلىپ ئويۇننى ئاساس ، ئۆگىنىشنى قوشۇمچە قىلىپ يۈرگەن ۋاقىتلارنىڭ بىرىدە دوستىمىز مۇقەددەس گۈزەل – سەنئەت كەسپىدە ئوقۇيدىغان بىر بالىنى ياخشى كۆرۈپ قالدى ، ئىسمىنى  ئېرفات دەمدۇ ئەرفات دەمدۇ ئىشقىلىپ بىرنىمە فات ، ئۇنى ھازىرچە ئېرفات دەپ ئاتاپ تۇرايلى ئەمدى . ئېرفات كىچىك بالا چىراي ، ئاق پىشماق كەلگەن ئورۇق ، ئىگىز بالا ئىدى . ئۇ كۈندە دىگۈدەك مەيداندا رەسىم سىزاتتى ، بىزنىڭ ياتاقتىن مەيداننى ئۇدۇل كۆرگىلى بۇلاتتى ، مۇقەددەس دېرىزىدىن ئۇ بالىغا قاراپ سائەت سائەتلەپ ئولتۇرۇپ كىتەتتى . بىز ئۇنى تارتىپ تاماققا ئېلىپ چىقمىساق ئۇ ئاشلىقتىن ھۇشۇدىن كەتكۈچە ئولتۇرىشى مۇمكىن . بۇ ئاق پىشماققا نىمانچىۋالا قىلىدىغاندۇ دەيمەن . بىرىپ ئۇ بالىغا گەپ قىل دىسەك خىجىل بۇلىمەن دەيدۇ ، بىز بىلەن سىرتقا ئوينىغىلى چىققاندا ئۇنىڭدىن  ھەر چىرايلىق بالىلار ،ھەر يەرنىڭ باشلىق ، خوجايىنلىرى بىلەن ھاراق سوقۇشتۇرۇپ ئىچىدىغان بۇ دوستۇم ئەمدىلىكتە بىر ئاق پىشماقتىن خىجىل بۇلىمەن دېيىشى بىزنى ھەيران قالدۇرۋاتاتتى ، ئۇنىڭ خىجىل بۇلىمەن دىگەن سۆزىدىن چىرايلىرىمىز ئۆزگۈرۈپ كەتتى زادى ...
ئاخىرى دوستىمىز ئۈچۈن ئاززاق بەدەل تۆلەشنى لايىق تاپتۇقتە ، يالغاندىن ماھىرەنىڭ تۇغۇلغان كۈنى دەپ ھىلىقى كونا قاۋاقخانىنى بىر كۈن كۆتىرىگە ئالدۇق ، مەكتەپتىكى تونۇيدىغان تونىمايدىغان بالىلارنىڭ ھەممىنى چاقىردۇق ، ئەلۋەتتە ئېرفاتنى ئېرفاتنىڭ مەلۇم بىر دوستىغا پۇل بېرىپ چوقۇم ئەكىلىشنى تاپشۇردۇق .مۇقەددەس بۇ سورۇن ئۈچۈن مەخسۇس بازارغا چىقىپ بىر نەچچە قۇر كىيىم ئىلىپ ، ھۆسىن تۈزەيدىغان يەرلەرگە كىرىپ گىرىم قىلىپ ، ياسىنىپ چەستەيلا بولدى . بىز ئەسلى ماھىرەنىڭ تۇغۇلغان كۈنىنى قىلىمىز دىگۈچە مۇقەددەسنى ئەرگە بېرىمىز دىسەكمۇ بوپتىكەن ، بۇ قىز بالا ئۆزىنى ئۆزى چاندۇرۇپ ....خەير  ، بوپتۇلا ، ئاشۇ ئاق پىشماقنى كەلتۈرۋالسىلا بولمىدىمۇ ..
بۇ يالغان تۇغۇلغان كۈن سورۇنىمۇ شۇنداق ياخشى بولدى ، مۇقەددەس بىلەن ئېرفات ئىككىسى بىر – بىرىگە قاش كۆزلىرىنى ئوينىتىپ يۈرۈپ ئاخىرى بىر يەرگە كەلدى. بۇ سورۇننى ئاخىرلاشتۇرۇپ يەنە تامدىن ئارتىلىپ ياتاققا قايتقان ۋاقتىمىزدا مۇقەددەس ياتاقتا يىغلاپ ئولتۇراتتى . مۇقەددەس سورۇننىڭ يېرىمىدا ئېرفات بىلەن سىرتقا چىقىپ كەتكەن ئىدى ، قاچانلاردىن ياتاققا قايتىپ كەلگىنىنى بىلمىدۇق ، شۇنچىلىك ئىچىنىشلىق يىغلاۋاتقان بۇ دوستىمىزغا ئىچىمىز ئاغرىپ كەتتى ، نىمە بولدۇڭ دەپ سورىغىنىمىزغا   ئاغزى – بۇرنىمىزغىچە تويغۇزۋەتتى بۇ ..
     - ھۈ ھۈ .. مەن سەن بىرمىلەرگە سورۇن ھازىرلاپ بە دىگەنمىتىم ؟ ماڭا ئۇ شۇمنى كەلتۈرۈپ بېرىڭلار دىگەنمىتىم ، يۈزۇمنى يەر بىلەن تەڭ قىلدى بۇ شۇم ، ئۆزى بىر مۇنچە تاتلىق گەپلەرنى قىلىدۇ ، شۇنىڭدىن كىيىن  بىر مۇنچە گەپ قىلىپ كۆڭلۈمنى ئىزھار قىلسام مەن ياخشى كۆرىدىغىنى ئەسلى سىزنىڭ دوستىڭىز ماھىرە دەيدۇ ! #$^%^%$@&(سەت گەپ ).  ھۈ  ھۈ  ھۈ ...
   شۇنداق ئاچچىقىمىز كەلدى ، ماھىرە سەكرەپلا قوپۇپ :
       -        قارا ماۈۇ ھارامدىن بولغاننىڭ قىلغان قىلىقىنى ، ھازىرلا بېرىپ ئىككى پۇتىنى بىر ئۆتۈككە تىقمايدىغان بولسام ..
      -        يىغە زۇۋانىنىڭنى ، بۇ پولىرىڭنى بېرىپ ئاچاڭغا دەپ بەر ، ماۋۇ يۈزۈمنىڭ مۇشۇنچىلىك تۆكۈلگىنى يىتىپ ئاشا ماڭا ھۈ ھۈ ھۈ  ....
       بىچارە دوستۇم ، تۇنجى ئاشىقى تەرىپىدىن مانا مۇشۇنداق ئەخمەق قىلىندى ، خۇيلىرىمىز نەدىن تۇتا ، شۇنىڭدىن كىيىن بۇ ئېرفات دىگەننى نەدە كۆرسەك شۇ يەردە تىللاپ ، سىلكىپ يۈردۇق . ئۇنىڭدىن باشقا تېلفون نومۇرىنى ئۇدۇل كەلگەن يەرگە يىزىپ ئاخىرىغا « ھەمرا لازىممۇ » دەپ قوشۇپ قويدۇق .  شۇنىڭدىن كىيىنمۇ مۇقەددەس ئىككىنچى بىرسىنى ياخشى كۆرىمەن دىگەن گەپنى قىلىپ باقمىدى .قىزلارنىڭ ھەسەتخورلۇقىغا نىمە تەڭ دەيسىلەر ؟شۇنىڭدىن كىيىن مۇقەددەس ماھىرەگە ئانچە گەپ قىلمايدىغان بۇلىۋالدى .
شۇنداق قىلىپ كۈنلىرىمىز مۇشۇنداق ئۆتىۋەردى ، بىز كۈندۈزلىرى ئاساس جەھەتتىن كەسپىمىز بىر بولمىغاچقا ئۇچرىشالمايتۇق ، كېچىسى خېلى بىر ۋاققىچە ئۇخلىماي پاراڭلىشاتتۇق ، پاراڭ مەزمۇنلىرىمىز ئاساس جەھەتتىن قايسى بازاردىكى قايسى دۇكانغا يېڭى كىيىملەر كەپتۇ ، قەيەرگە يېڭى كۇلۇپ ئىچىلىپتۇ ، مەكتەپتىكى  كىم بىلەن كىمنىڭ ئىشى بار  ، كىمنىڭ تۇتۇق دادىسى بار دىگەندەك مەزمۇنلار بۇلاتتى ..
        بىز دائىم بارىدىغان ھىلىقى مەكتىپىمىزنىڭ يىنىدىكى ھاۋاقخانىغا يېقىندىن بېرى چەت ئەللىك قېرىنداشلار جىق كىلىدىغان بۇلۇپ قالدى ، ئاساس جەھەتتىن ئومۇملىشىپ كەتتى ، بىزمۇ شۇلار بىلەن پاراڭلىشىش ئۈچۈن ئىنگىلىز تىلى ئۆگىنىشكە كىرىشىپ كەتتۇق ، كېيىن بۇ يەرنىڭ بىر ھاراق تەڭشىگۈچىسى ئىشتىن ھەيدىلىپ بىر چەت ئەللىك ئىشقا چۈشتى ، ئۇنىڭ بىلەن چالا-پۇچۇق ئۆگەنگەن ئىنگىلىز تىلىمىز بىلەن قول ئىشارەتلىرىمىزنى قوشۇپ يۈرۈپ خېلى ياخشى تونۇشىۋالدۇق ، ئۇ گوللاندىيەلىك بۇلۇپ ئىسمى ماييور ئىدى ،كېيىن بىلسەك ئۇنىڭ بىر جۇڭگولۇق قىز دوستى بۇلۇپ ئىنتايىن چىرايلىقكەن ، لىكىن بىر قېتىم قاتناش ۋەقەسى تۈپەيلى چىرايى بۇزۇلۇپ كېتىپتۇ ، شۇنىڭ بىلەن ماييور ئۇ قىزنى تاشلىۋىتىپتۇ ... بۇنىڭ ئەقىدىسىنىڭ بۇنداق سۇسلىقىغا قاراپ ئۇنى ناچار دەپلا چۈشەندۇقتە گەپمۇ قىلماس بولدۇق ، ئۇ بىز ھەر قېتىم كەلگەندە بىزگە قاراپ سالام قىلسا قاراپمۇ قويمايتۇق .
         كۈنلەرنىڭ بىرىدە قاۋاقخانا خوجايىنى بىزگە «يىڭى ۋەزىپە» تاپشۇردى ، بۇ خوجايىن بىزگە مۇئاش بىرىدىغان ، بىز بۇ قاۋاقخانىنى باشقا قاۋاقخانىلارغا بېرىپ ئوغۇرلۇقچە شۇ يەردىكى مېھمانلارغا تەشۋىق قىلىدىغان بولدۇق .خوجايىن بىزنىڭ بىخەتەرلىكىمىز ئۈچۈن كەينىمىزگە ئۆزىنىڭ قولچۇماقچىلىرىنى ئورۇنلاشتۇرۇپ قويدى .   راست گەپ قىلساق باشتا شۇنچە خوش بۇلۇپ كەتتۇق ، لىكىن كىيىن بىر دەككىمىزنى يىگەندىن كىيىن ئىككىنچى بۇنداق ئىشنى قىلمايدىغان بولدۇق ، ئەلۋەتتە ئادەم بىر قېتىم بۇرنىغا يىگەندىن كىيىن ئاندىن ئەقلىنى تاپىدۇ ئەمەسمۇ !
         مەلۇم بىر كۈنى بىزمۇ شۇ تەشۋىقات خىزمىتىمىزنى ئىشلىگەچ باشقا بىر قاۋاقخانىغا باردۇق ، بىز بەشىمىز بىراقلا كىرگەنكى باشقىلار ئاسانلا دىققىتىنى بىزگە قارىتاتتى ، بىزمۇ كۈلكە – چاقچاق ، كىلىپ بىر ئۈستەلدە ئولتۇردۇق ، ئالدىرماي بىزگىمۇ ھەر خىل مېۋە سالات ، ئىچىملىكلەر سوۋغا قىلىنىشقا باشلىدىدە بىزمۇ خىزمىتىمىزنى باشلاپ باشقا ئۈستەلگە بىرىپ ئوغۇرلۇقچە تەشۋىقاتىمىزنى باشلىدۇق . بىردەمدىن كىيىن قارىساق مەلۇم بىر ئۈستەلدە ئەلفىرەنىڭ ۋارقىرىغان ئاۋازى ئاڭلاندى . ھەممەيلەن بىرىپ قارىساق ئۇنى بۇ قاۋاقخانىنىڭ ئىككى قوغدىغۇچىسى تارتىپ سىلكىشلەپ ئىچىگە ئەكىركەتتى ، بىز ۋاقىرساق بىزنىمۇ قوشۇپ ئەكىركەتتى-دە ، بىزنى سىلكىشلەپ  ۋارقىراپ ، قورقۇتۇپ دىگۈدەك ئاغزىمىزدىن گەپ ئالدى ، ئارىمىزدا ئەلفىرە بىلەن مۇقەددەس ئەڭ «باتۇر»بولغاچقا ئۇلار ۋارقىراپ سوقۇشۇپ ئارىسىدىكى بىر چوقۇر يۈز چېچى يوق تاز تەرىپىدىن قولىدىكى پىچاق بىلەن قوقاق سېلىنىپ تاس قالدى بىر قولىدىن ئايرىلغىلى ، بىردەمدىن كىيىن بىزنىڭ قاۋاقخانا خوجايىنى قوشۇپ قويغان قوغدىغۇچىلار كىرىپ بىر جەڭگە جىدەللەردىن كىيىن ئاران تەستە قۇتۇلۇپ چىقتۇقتە ئىككىنچى بۇ قاۋاقخانىغا ئاياغ باسمىدۇق ، قورقۇپ كەتكىنىمىزدىن بىزنىڭ مەكتەپنىڭ يىنىدىكى كونا قاۋاقخانىغىمۇ ھازىرغىچە  بىرىپ باقمىدۇق ....
{3}
        شۇنداق قىلىپ ئالىي مەكتەپ ھاياتىمىزنىڭ ئىككىنچى يىلىغىمۇ قەدەم باستۇق، ئىككىنچى يىلى يىغىلغاندا قىزلاردىكى زور ئۆزگۈرۈشلەرنى ھېس قىلدۇق ، ماھىرە سۇس گىرىم قىلىۋالغان بۇلۇپ  ئۇ چېچىنى  قىزىل رەڭگە بوياپ چوڭ بۈدۈر قىلىۋەتكەن بۇلۇپ كىيىنىشىمۇ شۇنداق ئىلمىي ، سىپتا بۇلۇپ باي ئائىلىگە يېڭى كىلىن بۇلۇپ كىرگەن قىزلارغا ئوخشاپ قالغان ئىدى ، ئۇنىڭ سۆزلەپ بېرىشىچە ئۇنىڭ تولۇق ئوتتۇردىن باشلاپ  يۈرگەن يىگىتى بولىدىغان ، ئۇ ھىلىمۇ شۇ يىگىتى بىلەن ئالاقىلىشىۋاتىدۇ ، لىكىن ئۇنىڭ يىگىتى  ھازىرمۇ ماھىرەنىڭ بۇرۇنقى تولۇق ئوتتۇرىدىكى ۋاقتىدىكىدەك مۇلايىم ، ئەدەپلىك ، پاك ، غۇبارسىز بىر قىز دەپ ئويلايدۇ ، لېكىن ئەپسۇس بۇ يىگىت پۈتۈنلەي خاتالاشقان ، تاكى مۇشۇ ئىش يۈز بەرگىچە ئۇ ئۆزىنىڭ خاتالاشقانلىغا ئىزچىل ئىشەنمەي كەلدى .
مەكتەپتە ئۇيغۇر ساۋاقداشلىرىمىزغا قارىغاندا خەنزۇ ساۋاقداشلىرىمىز جىق ، ئۇلار بىلەنمۇ مۇناسىۋىتىمىز ئىنتايىن ياخشى ، دائىم بىللە بېرىپ ناخشا ئېيتىپ ، كۇلۇپلارغا بىرىپ ئويناپ كىلىمىز ، ئۇلارنىڭ ئالاقىلىشىش دائىرىسى بىزنىڭكىدىن خېلىلا ياخشى ، ئۇلارنىڭ بۇلارنىڭ باقىدىغان ، بارلىق ئىشلىرىنىڭ ھۆددىسىدىن چىقىدىغان تۇتۇق دادىلىرى ئىنتايىن جىق ، بۇ قىزلار ئۆزلىرى ئىنتايىن چىرايلىق ، خۇددى قونچاقلاردەكلا ، لېكىن كۆپىنچىسى تەبئىي چىرايلىق ئەمەس، ئاساس جەھەتتىن ھەممىسى دىگۈدەك يۈزىگە ھۆسىن گۈزەللەشتۈرۈش پىچىقى تەككۈزگەن سۈنئىي  چىرايلىق قىزلار  . بۇنداق قىزلارنىڭ كۆپىنچىسىنىڭ ئائىلە شارائىتى دىگەندەك ياخشى ئەمەس، بىز بەشىمىزنىڭ ئائىلە شارائىتىنىڭ قانداقلىقىنى سىلەر بىلىسىلەر ، ئەلۋەتتە ئارىمىزدىكى ماھىرە ئائىلە شارائىتى نورمال ، ئاساس جەھەتتىن ئۆز كۈچىگە تايىنىپ بۇ مەكتەپكە كىرگەن ئوقۇغۇچى . بىزنىڭ ئاتا – ئانىلىرىمىز ھەپتىسىگە كارتىلىرىمىزغا نەچچە مىڭ يۈەن ئۇرۇپ تۇرسا ماھىرەگە ئاتا-ئانىسى ئايلىقىغا ئاران نەچچە يۈز يۈەن ئۇرۇپ بىرىدۇ ، ماھىرە لاتارىيەگە بەك قىزىقىدۇ ، دائىم 500مىڭ يۈەن پۇل چىقىپ قالسا ئۇنى ئالىمەن ، بۇنى ئالىمەن دىگەن گەپلەرنى توختىماي قىلىدۇ، ئۇنىڭغا شۇ پۇل چىقىپ قالسا بىرىنچى بۇلۇپ ئالىدىغىنى iphone  !!!
          تەتىل  تۈگەپ مەكتەپكە يىغىلغاندا بىز باشقا بىر ماھىرەنى كۆردۇق ، ئۇنىڭ قولىدا ئارزۇسىدىكى تېلفون ، پۇتىدا پاشنىسى ۋەھشى ئىگىز قارا رەڭلىڭ ئاياق ، ئۇچىسىدا تارلىقىدىن نەپەسلىنىشمۇ قىيىنلىشىۋاتقاندەك تۇيغۇ بىرىدىغان قارا رەڭلىك قىسقا كۆينەك كىيىۋالغان بۇلۇپ قولىدا ھەر قىممەت باھالىق ئۈزۈك ، قۇلقىدا بىز ئۆتكەندە ماھىرەدىن باشقا ھەممەيلەن ئوخشاش ئالغان 4999يۈەنلىك ھالقا كۆزنى چاقنىتىپ تۇراتتى . ئۇ ياتاققا كىرگەندە ھەممەيلەن ھەيرانلا قالدۇق ، ئۇ ئاۋۋال قارا كۆزەينىكىنى ئېلىۋىتىپ :
       -        ياخشىمۇ تۇمۇچۇقلار ، مىنى كۆرگىڭلار كەلدىمۇ ؟
ئۇنىڭ ئەركىلەپ قىلغان سۆزلىرىدىن بىز بەكلا ھەيران قالدۇق ، ھەيرانلىقىمىزنىڭ ئىپادىسى ئۇنىڭ ئەركىلىشىدىلا  ئەمەس  بەلكى ئۇنىڭدىكى پۈتكۈل ئۆزگىرىش ئىدى . بۇ ھەيرانلىقىمىز تاكى ئۇ مەكتەپتىن قوغلاندى بولغىچە داۋاملاشتى .....
           بۇ مەۋسۇم باشلىنىپ بىزدىكى ئۆزگۈرۈشلەرنى ھەممەيلەن ئاساس جەھەتتىن قوبۇل قىلىپ ، رېئاللىققا تەن بېرىپ دىگەندەك ياشاۋەردۇق ، بىرىنچى يىللىق ۋاقتىمىزدا بىز يېڭى ئوقۇغۇچى بۇلغاچقا دەرس تاشلاش مەسىلىسى دېگەندەك ئېغىر ئەمەس ئىدى . لىكىن ئىككىنچى يىللىققا چىقاندا بۇ مەسىلە ئېغىرلىشىشقا باشلىدى ،بارا –بارا دەرس تاشلاش مەسىلىسى ئېغىرلىشىپ  ياتاققا قايتماسلىققا تەرەققىي قىلدى . ئەلۋەتتە ياتاققا قايتمايۋاتقىنى ماھىرە بىلەن مۇقەددەس ئىدى . مەكتەپتىكى ياتاق تۈزۈمى ئەلۋەتتە باشقا مەكتەپكە ئوخشاش، ئەمدى بىزنىڭ مەكتەپ سەنئەت تۈرىدىكى مەكتەپ بولغاچقا باشقۇرغۇچىلارمۇ بىر كۆزىنى يۇمۇپ بىر كۆزىنى ئىچىپ بىر- ئىككى قېتىم ياتاققا قايتمىغانلارنى ئۆتكۈزۋىتەتتى ،ئەلۋەتتە چەكتىن ئاشۇرۋەتسە بۇ مەسىلە قاتتىق سۈرۈشتە قىلىناتتى .
بۇ ئىككىسىنىڭمۇ قىزىل رەقىمى توشۇپ قالاي دىگەندە مەكتەپ بۇلارغا ئاگاھلاندۇرۇش جازاسى بەردى . بىر كۈنى بۇ ئالدىراش مەلىكىلەرنى چاقىرىپ ئەكىلىپ ئۇلار بىلەن ئوبدان پاراڭلىشىشنى ئويلاپ تېلفون قىلدۇق :
          - ماھىرە ، نەدە سەن بۈگۈن قىزلار يىغىلىپ ئويناپ كېلىشنى ئويلىشىۋاتىمىز ، دائىم ئوينىغىلى چىقساق سەن بىلەن مۇقەددەسنى تاپقىلى بولمايدۇ ، ئەمدى كەلمىسەڭ سىلەرنى تىزىملىكتىن چىقىرۋەتمەيلى يەنە ..
      - جىنىم ، بۈگۈن چوقۇم كۆرۈشەيلى ، ھەممىنى مەن ئورۇنلاشتۇرىمەن ، مېنىڭ تېلفۇنۇمنى ساقلاڭلار ھە ~~
بۇ قانداق گەپ ئەمدى ، بۇ بىزنىڭ ماھىرەنى تونۇغان ۋاقتىمىزدىن باشلاپ ھازىرغىچە دېگەن ئەڭ ھەيران قالارلىق گىپى بولدى . ئەزەلدىن بىز باشلىغان يەرگىمۇ نازلىنىپ ئاران بارىدىغان دوستىمىز ئەمدىلىكتە سورۇننى مەن ئورۇنلاشتۇرىمەن دەۋاتاتتى . بىز مۇقەددەسكىمۇ تېلفون قىلدۇق ،ئۇ « بۇنداق قىزىق ئۇيۇندىن مەن  قالسام قانداق بۇلىدۇ ، ھىلى بارىمەن» دەپلا قويىۋەتتى . ھەي ، مۇقەددەسچۇ ئىمتىھان دىسەكمۇ « بولدىلا ئاداش ، ئۇخلاۋاتقانتىم» دىگەن ئادەم ماھىرە سورۇن تۈزىمەن دەيدۇ دىسەم بىردەمدە كىلىدىغان بولدى ھەم دېگىنىدەك بىردەمدە كەلدى . بىز ياسىنىپ تەييار بۇلۇپ ماھىرەنىڭ تېلفۇنىنى ساقلىدۇق ، ساقلىغاچ بىراقلا مۇقەددەس بىلەن پاراڭلىشىشنى ئويلاپ تۇرسام ئەلفىرە ئېغىز ئاچتى :
      -دوستۇم مۇقەددەس ، ئىككى كەلىمە سۆز قىلايمۇ جىنىم ؟
     -قىلە ئاداش ، قۇلقۇم سەندە .- ئۇ شۇنداق دىگەچ سومكىسىدىن تاماكىدىن بىرنى ئېلىپ ئۆزىگە تۇتاشتۇردى .بىز تېخىمۇ ھەيران قالدۇق ، ھاراق ئىچكىنىمىز بىلەن تاماكا چەكسە چىرايى بۇزۇلۇپ كىتىدىكەن دىگەن گەپكە بەك ئىشىنىپ تاماكىغا يىقىن يوللىمىغانتۇق، مۇقەددەسنىڭ ئېغىر ئولتۇرىشىغا قاراپ ئۇنىڭ ئىچىدە بىزگە دىمەيۋاتقان دەردى بارلىقىنى ھېس قىلىپ قالدىم .
    - تاماكىغىمۇ ئۆگىنىپسەندە ، تاماكا چەكمەيمىز دىيىشكەنغۇ ؟
   - سەن بىلەن مۇناسىۋىتى يوق ، گېپىڭنى دە !
ئەلفىرە توختىسا مەن سۆزلەپ ، مەن توختىسام گۈلمىرە سۆزلەپ مۇقەددەسكە بىز خۇددى ئۇنىڭ ئاتا ئانىسىدەك بار نەسىھەتنىڭ ھەممىنى قىلىپ بولدۇق ، خۇددى ئۆزىمىزدە مەسىلە يوقتەك ....
       -        مېنىڭ يۈرىۋاتقان يىگىتىم بار .- دىدى مۇقەددەس قولىدىكى تاماكىنى ئۆچۈرۋىتىپ .
       -        يىگىت دىگەن ھەممىسىدە بار ئاداش ، بەزىلەرنىڭ تېخى بىر ئەمەس ئۈچتىن تۆتتىن بار...
       -        مېىنىڭ يىگىتىم كانادالىق ، ئىسمى كارلوس ، مەن ئۇنىڭ بىلەن توي قىلىمەن
   سۈكۈت ....
     سۈكۈت ....
        يەنە  سۈكۈت ....
      ھەيرانلىقتا ئىڭىكىمز چۈشۈپ قالايلا دېدى ، گەپمۇ قىلالماي قالدۇق . توۋا ماۋۇ قىز نېمە دەيدىغاندۇ ئەمدى؟  چەتئەللىك بىلەن يۈرسىغۇ كۆڭۈل خوشى دەپ چۈشەنسەك ، ئەمدى توي قىلىمەن دەيدىغۇ ؟؟؟!!! بىز ئۇنىڭغا خېلى گەپ قىلدۇق ، ھېچبىر گەپ يەيدىغاندەك ئەمەس ...
    شۇ ۋاقىتتا ماھىرەدىن تېلفون كەلدى :
   - قىزلار تەييار بولدۇڭلارمۇ ؟ مەن مەكتەپنىڭ ئالدىدا ، تېز چىقىڭلار ..
مەكتەپنىڭ ئالدىغا چىقساق  BMWماشىنىدىن بىرسى تۇراتتى ، ماھىرە ماشىنىدىن چۈشتىدە بىز بىلەن كۆرۈشۈپ ماشىنىغا چىقىڭلار قىزلار ، دىدى . ئۇ بۈگۈن تېخىمۇ چىرايلىق بۇلۇپ كەتكەن بۇلۇپ ئۇچىسىدىكى تار قىزىل كۆينەك بىلەن بۇ چىرايلىقلىقىدا ماشىنا بۇنىڭغا تولىمۇ ماسلاشقان ئىدى . بىز ماشىنىغا چىقتۇقتە بۇ بېيجىڭدىكى ھاياتىمىزدا تېخى كىلىپ باقمىغان بىر كۇلۇپقا كەلدۇق ، بۇ كۇلۇپ ئۈچ قەۋەتلىك بۇلۇپ ماھىرە بىزنى VIP مېھمانلار ئورنىغا باشلىدى . ....
     بۇ يەردىكى ئويۇنمۇ ئاخىرلىشىپ قايتايلى دەپ تۇرساق ماھىرە :
       -        يۈرۈڭلار قىزلار ، مەن سىلەرگە ياتاق ئىلىپ قويغان ، شۇ يەرگە قايتىمىز .-دېدى .
شۇنداق قىلىپ يەنە ماھىرەنىڭ باشلىشى بىلەن مەلۇم بىر بەش يۇلتۇزۇق مېھمانسارايغا كەلدۇق . بۇ يەرنىڭ شارائىتىنى دىمەيلا قوياي بولدى . ئاخىرى جىمجىت جايغا كىلىپ پاراڭلىشىشقا پۇرسەت بولدى –دە ، مەن ئاۋۋال ئېغىز ئاچتىم .
     -ماھىرە ، توختىماي ئوينىغان لاتارىيەرىڭدىن مۇكاپات چىققان ئوخشىمامدۇ ؟
    -ياق ئاداش ...
   -ئەمىسە تۇيۇقسىزلا ئۆزگىرىپ كەتتىڭغۇ ؟
        -        داداڭغا چىققان ئوخشىمامدۇ لاتارىيە ؟-دىدى مۇقەددەس .
        -        ياق ، لاتارىيە ئۇنداق ئاسان چىقمايدىكەن بىزگە .
       ...خېلى بىر تالاش تارتىشلاردىن ئۇ ئاخىرى بۇنىڭ جەريانىنى دەپ بەردى ، ماھىرەنىڭ بىر تۇتۇق دادىسى بارمىش ، ئۇ بىر ئۆي مۈلۈك شىركىتىنىڭ خوجايىنىمىش ، بۇ خوجايىننىڭ راۋۇرۇس پۇلى بارمىش ، ماھىرەنىڭ ئاغزىدىن چىققاننى تەل قىلىپ بىرەرمىش .....تەرەققىياتىنى ئوقۇرمەملەرنىڭ خىيالىغا قويدۇم .
........
     بۇ مەۋسۈمگە خاتىمە .
    بۇ مەۋسۈم شۇنداق قىلىپ ھەيرانلىق بىلەن باشلىنىپ ھەيرانلىق بىلەن ئاخىرلاشتى ، ھەرقىسما ئىشلار بۇلۇپ كەتتى . دوستىمىز مۇقەددەس شۇ سورۇندىن كىيىن ئىز-دېرەكسىز يوقاپ كەتتى . مەۋسۈم ئاخىرىدا چەت ئەلدىن تېلفون قىلىپ مەن توي قىلىپ بولدۇم دەيدۇ .خەير ، دوستىمىزغا بەخت تىلەپلا قالدۇق شۇ ، مەكتەپ ئۇنى جىق سۈرۈشتۇرۇپ كەتتى ، ئاخىرى بىزدىنمۇ گەپ ئالالماي ، ئاتا-ئانىسى بىلەنمۇ ئالاقىلىشالماي مۇقەددەسنى ئۆزلىكىدىن ئوقۇشتىن چېكىندى دىگەن نام بىلەن ئارخىپ تۇرغۇزدى .  
       ئېسىڭلاردا بولسا دوستىمىز ماھىرەنىڭ يۈرگەن يىگىتى بار ئىدى دەپ ھىكايەمنىڭ ئوتتۇرسىدا تەكىتلەپ ئۆتكەن ئىدىم . ماھىرە ئۇ يىگىت بىلەن ئايرىلىپ كىتىمەن دىگەندە ، بۇ بالا ماھىرەدىكى قىسمەن  ئۆزگىرىشلەرنى  ھىس قىلىپ ماھىرەنى ئىزدەپ بېيجىڭغا كەلدى . ئىككىسىنىڭ ئوتتۇرسىدىكى ھەرخىل جەڭگە- جىدەلەردىن كىيىن ماھىرەگە گېپىنى ئۆتكۈزەلمىگەن بۇ بالا ئازاپ ئىچىدە يۇرتىغا قايتتى . ئۇ قايتىپ ئۇزۇن ئۆتمەي ماھىرەنىڭ تۇتۇق دادىسى ئېغىر ئالدامچىلىق جىنايىتى بىلەن تۈرمىگە كىردى ، بۇ ئىشقا ماھىرەمۇ چىتىلىپ قىلىپ مەكتەپ ماھىرەنى مەكتەپتىن ھەيدىدى . شۇنىڭدىن كىيىن ھازىرغىچە ماھىرە بىلەن ئالاقىلىشىپ باقمىدۇق . لىكىن باشقىلارنىڭ ئاغزىدىن سۆز چۆچەكلەرنى ئاڭلاپ تۇردۇق، بەزىلەر ماھىرەنى تۇتۇق دادىسى بىلەن تۈرمىگە كىرىپ كەتتى دەيدۇ ، يەنە بەزىلەر ماھىرەنى چەتكە چىقىپ كىتىپتۇ دەيدۇ ، يەنە بەزىلەر ماھىرەنى سودا قىلىپ ۋەھشى بېيىپ كىتىپتۇ دەيدۇ ... خەقنىڭ ئاغزىنى ئىتىۋالغىلى بولمايدۇ ، سۆزلەيدىغانلار سۆزلەۋىرىدۇ ئەلۋەتتە  ...
{4}
       شۇنداق قىلىپ كۈنلەرنىڭ ئۆتۈشى بىلەن بىزنىڭ قىزلاردىن ئاران ئۈچىمىزلا قالدۇق ، ئالىي مەكتەپنىڭ ئۈچىنچى يىللىقى ئەمىلىيەتتە ھەممىزنىڭ كەسپىمىزگە بولغان قىزغىنلىقىمىز بارا-بارا سۇسلىشىدىغان ۋاقتىمىزكەن ، ئاساس جەھەتتىن كەسپىمىزگە بولغان مەشىق ئازىيىپ مۇناسىۋەت كۆپىيىدىغان مەزگىل بۇلۇپ ، بۇ مۇناسىۋەتنى مەكتەپتىكى ئوقۇتقۇچىلىرىمىزمۇ يارىتىپ بىرەتتى . ئۇ-بۇ يەرلەردىن كەلگەن كىنو رىژىسورلىرى بۇلۇپ قالسا ئوقۇتقۇچىلىرىمىزغا بىزگە تېلفون بېرەتتىدە ئۇلار بىلەن بىرلىكتە تاماق يەيتۇق ، بۇنى ئەمدى ياخشى پۇرسەت دەپ چۈشىنەتتۇق ، ھە راست ،سىلەرگە دەپ قويۇشنى ئۇنتۇپ قاپتىمەن ،  مەن ئەسلى مۇزىكا ئىشلەش كەسپىنىڭ ئوقۇغۇچىسى ، كەسىپنى دىگەندەك ياخشى ئۆگەنمىگىنىم بىلەن ناخشىنى بەك ياخشى ئېيتىمەن ، شۇڭلاشقا ئاكتىيورلۇق كەسپىنىڭ بالىلىرى بىلەن ياخشى ئۆتكەچكە، ۋە شۇنداقلا ئۆزۈممۇ خېلى چىرايلىق ، ئوقۇتقۇچىلار بىلەنمۇ مۇناسىۋىتىم ياخشى بولغاچقا بۇنداق رىژىسورلار كەلگەندە ئۇلار مېنىمۇ چاقىرىۋالاتتى ، مۇشۇنداق قىلىپ يۈرۈپ بەزىدە  كىنولارنىڭ قوشۇمچە روللىرىغىمۇ چىقىپ قالاتتىم ، ھىلىقى ئۆھۆ دەپ بولغىچە ئۆتۈپ كېتىدىغان روللارغا ...
         مەكتىپىمىزنىڭ  كەينىدە بىر باغچە بار ، ئۇ باغچىدە ئەڭ كۆپ ئۇچرايدىغىنى بىرنىڭ مەكتەپنىڭ گۈزەل-سەنئەت كەسپىنىڭ رەسساملىرى ، ئۇلار بىكار ۋاقىتلىرىدا بۇ يەرگە كىلىپ  كۈنلەپ –كۈنلەپ رەسىم سىزىدۇ ،بىزنىڭ چىرايلىق قىز گۈلمىرەمۇ شۇ ، ئۇنىڭ سىزغان رەسىملىرىگە قاراپ ھەيران قالىمەن ، ھەقىقەتەن تالانت باشقىدە ، ئۇ باغچىدىكى مەنزىرلىك يەرلەرنى سىزسا خۇددى ئاپپارات بىلەن تارتقاندەك چىن چىقاتتى . ئەلۋەتتە بۇ ئەڭ يارقىن نۇقتا ئەمەس ، گۈلمىرە ئۆزى بەكلا چىرايلىق ، ئۇنى قوغلىشىدىغان بالىلار بەك جىق ، ئۇ رەسىم سىزغىلى باغچىغا كىرسە ، ئۇنى كۆرگىلى بىر مۇنچە ئوغۇللار باغچىغا ئوغۇرلۇقچە تەڭ كىرىدۇ ۋە ياكى بەزىلىرى باغچىدا گۈلمىرەنى ساقلايدۇ . لېكىن بۇ گۈلنىڭ كۆڭلىدە باشقا بىر بۇلبۇل باردە ئەپسۇس . بۇ بۇلبۇل دەل گۇلمىرەدىن بىر قارار يۇقىرى كەسىپتىكى فىرقەت دىگەن ئاكاش . بۇ بالا تولىمۇ كىلىشكەن ، بويلىرى ئىگىز ، قاش-كۆزلىرى قاپقارا ئىنتايىن قاملاشقان بىر بالا . گۈلمىرەنىڭ مەكتەپتە « مەكتەپنىڭ گۈلى » دىگەن نامى بار ، بۇ بالىنىڭمۇ مەكتەپتە قىزلار كەينىدە يۈرگىنى يۈرگەن . بۇ  بالىمۇ ئارىلاپ باغچىغا كىرىپ رەسىم سىزىدىغان ، فىرقەت باغچىدا رەسىم سىزسا گۈلمىرە ئۇنىڭ كەينىدىرەك يەردە تۇرۇپ فىرقەتنى سىزاتتى .
        بىر كۈنى گۈلمىرە بىر دەستە گۈل كۆتۈرۈپ كىردى ياتاققا ، نىمە بولغىنىنى سورىساق ئۇ يۈزلىرى قىزىرىپ تۇرۇپ فىرقەت بىلەن بۈگۈندىن باشلاپ يۈردۇق ، دەيدۇ .  بىز ھەسەت ، ھەۋەس ، ھەيرانلىق ئىچىدە ئۇلارغا بەخت تىلىدۇق ، ئۇلار ھەقىقەتەن ئىنتايىن ماسلاشقان ، بۇلارنىڭ يۈرگىنى بىردەمدە مەكتەپكە پۇر كەتتىدە ، بۇلارنىڭ كەينىدە يۈرىيدىغان قىز – ئوغۇللار ھەسەت ئىچىدە يىغلاپلا قالدى . شۇنداق قىلىپ بۇلار ھازىرغىچە ئىنتايىن بەخىتلىك ياشاۋاتىدۇ .
        مانا ئالىي مەكتەپكە بىللە كىرگەن بىر ياتاقتىكى قىزلاردىن ھازىر قېقىلىپ – سوقۇلۇپ ئەلفىرە ئىككەيلەن قالدۇق ،   ئەلفىرەنىڭ كەسپىي ئۇسسۇل بولغاچقا ئۇ ئىككىنچى يىللىقتىن باشلاپلا ئۇيەردە ئۇسسۇل ئويناپ بۇ يەردە ئۇسسۇل ئويناپ كۆپىنچە ۋاقىتلاردا شەھەرمۇ-شەھەر ئۇچۇپ يۇرۇپ مەكتەپتىن توختىماي رۇخسەت سوراپ ئۇمۇ ئاگاھلاندۇرۇش جاساسىدىن بىرنى يىدى . ئۇنىڭمۇ كۈنى ئاز قالدى . ئەگەر ئۇمۇ سەل ئۆزىنى بىلمىسە مەكتەپ ئۇنىمۇ قوغلىشى ئىنىق .
ئۈچىنچى يىللىققا كەلگەندە قىزلاردا ئاساس جەھەتتىن ئالاقە ئازىيىپ ھىلىقىدەك كۇلۇپلارغىمۇ جىق بارماس بولدۇق ، ھەممەيلەن پراكتىكا  ئىشلىرىنىڭ غېمىنى قىلاتتى ، پراكتىكا يەرلەرنى ئۇقۇشۇپ كېيىنكى يىلى ئۇدۇللا پراكتىكىغا چۈشۈشنى ئويلايتتى . لىكىن مەن پىراكتىكا ئىشىغا ئانچە كۈچەپ كەتمىدىم ، ناخشىنى ياخشى ئېيتىدىغان بولغاچقا مەكتەپتىن خېلىلا يىراق بىر قاۋاقخانىدا ناخشا ئېيتتىم ، بۇ يەردە بەرگەن پۇلنىڭ تايىنى يوق ، ماڭىمۇ ھەم ئانچە پۇل لازىم بولمىغانكى مۇشۇ يەردە كۆڭلۈمى خوش قىلىپ يۈردۈم . ....
.....
    خاتىمە
         قەدىرلىك ئوقۇرمەن ، بىزنىڭ ياتاقتىكى قىزلارنىڭ قىسسەلىرى ئاساس جەھەتتىن مانا مۇشۇنداق  ئاخىرلاشتى . تۆتىنچى يىللىقتا ھەممىسى ئۆزلىرى خالىغان ۋە ياكى ئاتا ئانىلىرى ئورۇنلاشتۇرغان يەرلەردە پراكتىكا قىلدى ، پۈتتۈرگەندە ئۆزلىرىنىڭ جايلىرىغا قايتىپ خىزمەتكە ئورۇنلاشتى ، ئەلفىرە بىيجىڭدا كىيىم دۇكىنى ئىچىپ شۇ يەردە قالدى ،ھازىر ئۇ كاتتا بايغا ئايلىنىپ ئاتا – ئانىلىرىنىڭ ئورنىنى بىسىپ چەتئەلمۇ چەتئەل سودا قىلىپ يۈردى .  گۈلمىرە بىلەن فىرقەت گۈلمىرە ئوقۇش پۈتتۈرۈپلا توي قىلدى ، ھازىر ئۇلارنىڭ ئۇلاردىنمۇ چىرايلىق بىر ئوغلى بار . پەقەت گۈلمىرە بىلەن ھىلىمۇ ئالاقىلىشىپ تۇرىمەن . مەن بولسا ئىككى دادام ئىككى ئاپامنىڭ ياردەملىرى ئاستىدا بىر ساياھەت شىركىتىدە ئىشلەۋاتىمەن . ....
       ........
        ئوقۇرمەن ، بەلكىم  بۇ بىر توقۇلما ۋە ياكى چىن ھىكايە ، ئىشقىلىپ بۇ ھىكايە تۇرمۇشتىن كەلگەن تۇرمۇشقا قايتىدۇ . مەن  بۇنىڭ قايسىسىنىڭ توقۇلما قايسىسىنىڭ چىن ئىكەنلىكىنى بۇ يەردە سۆزلەپ ئولتۇرمايمەن ، پەقەت سىلەرنىڭ ھوزۇرۇڭلارغا بىر ھىكايە سۇندۇم خالاس ....
تامام .

rixtaelan

ياخشى يېزىپ سىز جۇمۇ  تالانتىڭىز ياخشىكەن ، تېخىمۇ تىرىشىپ مۇشۇنداق ئەسەرلەرنى سۇنىشىڭىزنى ئۈمۈد قىلمەن . رەھمەت سىزگە

خۇمارە

ئاخىرى ئىنكاس شەكلىدە چىقىپ  قاپتىغۇ ؟

خۇمارە

ئاخىرى ئىنكاس شەكلىدە چىقىپ  قاپتىغۇ ؟