تورداشلارغا چاقچاق كەتتى

ئايتۇغ

	ئەسسالامۇ ئەلەيكۇم،ئەلكۈيىداشلار! مۇنبەر قىزغىنلىقىنى تېخىمۇ پەللىگە كۆتۈرۈش نىيىتىدە تورداشلارغا كىچىككىنە چاخچاق قىلاي دەپ ئويلاپ بۇ تېمامنى يوللىدىم.چاقچاق ئېغىر كەتسە ۋايسىماي،تەنە قېلىپ ئەدىۋىمنى بەرمەي لايىقىدا جاۋاپ قايتۇرارسېلەر ھە؟! ئۈمىدۋارغا: ئەلكۈيىگە جۆر بولۇپ ھەر-كۈن، توربەت غېمى قىلىپ يۈرەمسىز؟ چاقچاق قىلسا قىزلار كۆز سېلىپ، ئالدىراش دەپ قاپاق تۈرەمسىز؟ يېشىڭىزمۇ چوڭ بولۇپ قالدى، ئۆزىڭىزنى ئويلاپ قويمامسىز؟ تور ئالدىدا بويتاق پېتى ھەم، قېرىپ كېتەي دەپلا ئويلامسىز؟ قېرى يىگىت بولۇپ قالسىڭېز، ياراتمايدۇ قىزلار بىلەمسىز؟ چاچ ئاقىرىپ،قورۇق چۈشكەندە، ئۆزگىلەردىن سۆيگۈ تىلەمسىز؟ سەركەردىگە: ھەيۋەت بىلەن ئولتۇرىسېز گۈللۈكتە، كىتابىڭېز قولىڭېزدىن چۈشمەيدۇ. يازغىنىڭېز پوۋىستمۇ يا ھىكايە؟ شۇنچە كۈتسەك ھازىرغۇچە پۈتمەيدۇ. گۈزەل3.8غا: كېچە-كۈندۈز مۇنبەردىلا يۈرۈيسىز، بىلەلمىدىم سىزگە ھاردۇق يەتمەمدۇ؟ ئايال كىشى بولمىش ئۆيدە ئەجىبا، كىر-قات يۇيۇپ تاماقلارنى ئەتمەمدۇ ؟ (ئىملا...)دەپلا كۈندە تەكرار سۆزلەيسىز، ئانا تىلنى قوغدىماقنى كۆزلەيسىز. خاتا كەتكەن يېرىمىزنى تەھرىرلەپ... يەنە شۇنداق بىزگە كۆڭۈل بۆلگەيسىز. بەرگىيە گە: (ناتونۇش يول..)بىزنى تونۇشتۇرىدۇ، چاك كەتمەيدۇ دەرىزىگە ھىچقاچان. سەمىمىيەت بىزنى ئۇيۇشتۇرىدۇ، يازمىڭىزغا تەشنادۇرمىز ھەرقاچان. قاپىيەلەر دىلنى-دىلغا ئۇلايدۇ، قول تۇتۇشۇپ يىتىشەيلى ئەتىگە. ھۆرمىتىمدە سىزگە قولۇم كۆكسۈمدە، ھامان بىر كۈن بارىمەن ھە پەتىگە؟ تۇتىمغا: (بابۇرشاھ)مۇ خېلى چوڭ بوپ قالغاندۇ؟ خەتمە توينىڭ باغىقىنى كۈتىمىز. (كەچلىك بازار)يەنە شۇنداق قىززىمدۇ؟ نىسىپ بولسا سىز تەرەپكە ئۈتىمىز. سەھرا غا: تۇيدۇرماستېن لىرىكىغا جۆر قىلىپ، سىڭدۈردىڭىز بىزلەرنىمۇ نەسىرگە. ئېپ كەتتىڭىز پىنھانلاردا تۇنجۇققان، ھەر كۆڭۈلنى يىراق تىلسىم قەسىرگە. مۇڭ تۆكۈلۈپ تۇرار بەزى قۇرلاردىن، جېنىم دوستۇم سىزگە ئازار يەتتىمۇ؟ مىھېرسىراپ تىلىسىڭىز يامغۇرنى، چاخماق چېقېپ سىزنى بىزار ئەتتىمۇ؟ (ئاق چاچ بولۇپ كەل باغاشلاي)دىيىشتۇق، ئېسىمدە ھەم  يەتتە قىز قول بېرىشتۇق. ئازار يەتسە بېرىمىزگە تەڭ يىغلاپ، شادلىق كەلسە ئورتاقلىشىپ كۈلۈشتۇق. ساداقەتنىڭ باغلىرىدا قىيغىتىپ، سەمىمىيەت گۈللىرىنى تېرىشتۇق. ئىپتىخارلىق،مەمنۇنلۇققا تويۇنۇپ، چىن دوستلۇقنىڭ ھىممىتىگە ئېرىشتۇق. ********* ئاخىرىدا ساڭا شادلىق تىلەيمەن، قولۇڭ سىقار شۇ تاپ مېنىڭ قوللۇرۇم. ھىسلىرىڭغا ئورتاقلىشىپ ئۆتكەيمەن، ئامان بولسۇن مەڭگۈ ئالتۇن بويلۇرۇڭ. سەكىنەگە: (يىگانە پەرىشتە)بىزگە ئابىدە، خىسلىتىڭىز زوقلاندۇرغان دىللارنى. غەيرىتىڭىز ئېسىمىزدە ھەمىشە، ئۆتكۈزگەنسىز ئىشەنچ بىلەن يىللارنى. چاقچاق دىسە ياشىرىدۇ جېنىڭىز، ياغدۇرىسىز تاتلىق-چۈچۈك تىللارنى. ئىلىخونىڭ قىزىمۇ يا ئۆزىڭىز؟ خۇمارى بار سەكرىتىشكە زىللارنى. (چاقچاق دىگەن مانا)دەپلا تويدۇرۇپ، يېزىۋەتسىڭىز ئوننەچچە بەت تولدۇرۇپ. پۇتلۇرۇمنى ئۇرۇپ يەرگە ئاھ ئۇرۇپ، قالماي يەنە ئەلەم بىلەن ئولتۇرۇپ. زاكىرەگە: تەنھەركەتنى كۆپ ئوينىغاچ ئاڭلىسام، مۈسكۈللىرىڭ ئەرگە ئوخشاپ كىتىپتۇ. يۇرتۇڭلاردا بوران چىقىپ ئونبىر بال، ۋىجىكلەرنى قويماي شوراپ كىتىپتۇ. تەمبەل بولغاچ جېنىم دوستەك بويلىرىڭ، سەندىن ئۇنچە ئەندىشە قېپ كەتمىدىم. (خىسلەت)بىلەن(ئۇچقۇن)لاردىن ئەنسىرەپ، كېچە-كۈندۈز تېلىفۇننى ئەتمىدىم. بۈگۈن ئاڭلاپ توختىدى دەپ بوراننى، سۈرۈشتە قېپ يۈتۈپ كەتكەن شۇلارنى. دېرەك ئېلىپ خاتىرجەم بوپ ئولتۇرسام، ئوت كىتىپتۇ دەيدۇ توخسۇن-تۇرپاننى؟ بولدى دوستەك يېنىپ كەلگىن قېشىمغا، ئىسسىق ئۆتۈپ ھوش-كاللاڭدىن كەتمەستە. شۇ پىژغىرىن ئىسسىقلاردا،مەيداندا، گىمناستىكا ئوينىماقمۇ بەك تەستە؟ مەلەككە: ئەلكۈيىنىڭ ئەركە قىزى مەلەكخان، تۈنۈگۈنكى بايرام ياخشى ئۆتتىمۇ؟ كىرىۋاپسىز بۈگۈن يەنە مۇنبەرگە، بىر كۈن ئۆتمەي خۇمار-پۇمار تۇتتىمۇ؟ ئەل قاتارى چاقچاق قىلسام يىغلامسىز؟ تۇمشۇق ئۇچلاپ،كۆز ئالايتىپ تىللامسىز؟ چوڭ بولدۇمغۇ مەنمۇ بىر ياش دەپ ياكى، جاۋاپ يېزىپ خوشاللىقنى چىللامسىز؟ زۇلپىقارغا: بىر يىل بورۇن كۆيگەن قىزنىڭ غېمىدە، تېخىچىلا پۇت-قول تىترەپ تۇرامسىز؟ يول كۆرسۈتۈپ گەپ ئۆگەتتۇق يەنىلا، دەردىڭىزگە داۋا ئىزدەپ يۈرەمسىز؟ دەردىڭىزنى تۆكۈپ قويۇپ مۇنبەرگە، تەكلىپلەرگە ئۈندىمەستىن تۇرىسىز. قورقسىڭىز شۇ قىزلارغا گەپ قىلىشتىن، ئون يىلدىمۇ يەنە بويتاق يۈرىسىز. ئاقگۈلگە: كۆپ يىل بولدى دوقۇرۇشۇپ يۈرۈيمىز، پۇرسەت بوپتۇ بۈگۈن سالام قىلماققا. ئۆزىمىزنى قاچان تونۇشتۇرىمىز؟ سالاملىشىپ،ئىزدىشىپ...ھەم تۇرماققا. ئوتياققا: سېزنى كۆرۈپ بۇ يەردە ھەم سۈيۈندۈم، كونا خىيال،ئەسلىمىگە بۇغۇلدۇم. ياخشىمۇسىز؟(ياخشى مېنىڭ ھالىممۇ). تىنچ تۇرغاندۇر ئوماق(مەجنۇنتال)ىممۇ؟ داۋامى بار(يوللىنىۋاتىدۇ...)ئىسمى چىقمىغانلار ماڭا قارىتىپ شىئېرىي چاقچاق يازساڭلار بولىدۇ.(ماڭا يوقما؟)دىگەن ئىنكاسلار ئۆچۈرىلىدۇ.ئىسمى چىققانلار شىئېرىي جاۋاپ قايتۇرۇڭلار

uyhuray

	تورداشلارغا چاقچاق دەپ، ئايتۇغ قوشاق قېتىپتۇ. يىڭى ئەزا بولغاچقا، مىنى ئۇنتۇپ قېلىپتۇ.

sakina

	پاھ ،پاھ قالتىس كەلتۈرۈپسىزغۇ سۈيۈملۈك ئايتۇغ . چاقچاق قىلىپسىز ، كۆڭۈللەردىن كۆڭۈللەر سۇ ئىچتى .يۈرەكلەر ياشاردى .رەھمەت ئەزىزەم ! ھەممىمىزگە يەتكۈزۈپسىز سالامنى، دىل سۆيۈندى رەھمەت ئايتۇغۇم. قول تۇتۇشۇپ سىز بىلەن مۇنبەرنى، سەيلە قىلىش يۈرەكتىكى ئارزۇيۇم.

rasqil

	مەنمۇ ئەلكۈيىگە يىڭى ئەزا ، قاتماپسىز مىنى قاپىيەلىك قوشاققا . ئەگەر مەن يازغان بولسام قوشاقنى ، دىمەس ئىدىم  ئۆتە خېنىم بۇياققا.

uyghurbeg

	چاقچاق ئىكەن،كۆرەي دەپ، كەلدىم يىراق شەھەردىن. كۆرەلمىدىم ئىسمىمنى، بۇيەردىكى قاتاردىن. قاراپ باقسام بىر ئوغۇل، ئورۇن ئاپتۇ چاقچاقتا. باشلىق ئىكەن ئوغۇل ھەم، قاپتۇ قالغان تاشلاقتا. خەير،كۆرەي،يېزىڭ سىز داۋامىنى بالدۇرراق. يېزىڭ ئەمدى ئوغۇلنى، بۇ چاقچاقدا جېقاراق...

zulpikar

	بۇ 4قەۋەتتىكىuyghurbeg يوللىغان 2010-06-02 19:05 غا قارتىلغان  : چاقچاق ئىكەن،كۆرەي دەپ، كەلدىم يىراق شەھەردىن. كۆرەلمىدىم ئىسمىمنى، بۇيەردىكى قاتاردىن. قاراپ باقسام بىر ئوغۇل، ئورۇن ئاپتۇ چاقچاقتا. باشلىق ئىكەن ئوغۇل ھەم، قاپتۇ قالغان تاشلاقتا. خەير،كۆرەي،يېزىڭ سىز داۋامىنى بالدۇرراق. يېزىڭ ئەمدى ئوغۇلنى، بۇ چاقچاقدا جېقاراق... ....... ئۈمىدۋار،سەركەردە،تۇتىم،زۇلپىقار،ئوتياق...لار ئوغۇلدۇ؟ ئوغۇللارنى  كۆپرەك يازسا گەر، ئايتۇغ بەلكىم قالار تاياققا. شۇڭا بەلكىم يازمىغاندۇ ئۇ، تويماي دەپ قىلغان چاخچاققا.

atikam1

	ئەلكۇيىگە ئەزا بوپ كېرىپمۇ ، ياتسىراپلا يۇرىمەنغۇ دائىملا. چاقچاقللارغا قوشىۋېلىڭ ئايتۇغخان، مەنمۇ كۇلەي سىلەر بىلەن شۇندىلا.

sahra

	ئايتۇغ ساڭا جاۋاپ بار . مىھرى ئاتەش قوللىرىڭنى  بەر ماڭا ، سىقاي شۇندا سېغىنىشتىن ئۆرتۈنۈپ . كۆزلىرىمدە ئەمدى شاتلىق ئەگىيدۇ ، چاچلىرىممۇ شۇنچە لېزىم يەلپۈنۈپ. مۇڭلىرىمغا خىتاپ قىلغان ئاشۇ كۈن، كەلمەسلىككە كەتتى ئەمدى كەلمەيدۇ . يۈرۈكىمىز تۈكۈشىدۇ شاتلىقنى ، ئازاپلارغا پۇرسەت قېنى؟ بەرمەيدۇ. چاچلىرىمىز ئاقارسىمۇ يۈرەك ياش، ئېيتقىنىڭدەك سېغىنىشتا ئۈتىمىز . دوسلۇق  دىگەن ئەبىدىلىك مىھنەت ئۇ ، ۋىسال بىلەن شات كۈلكىنى كۈتىمىز .

ئايتۇغ

	بۇ 1قەۋەتتىكىuyhuray يوللىغان 2010-06-02 18:37 غا قارتىلغان  : تورداشلارغا چاقچاق دەپ، ئايتۇغ قوشاق قېتىپتۇ. يىڭى ئەزا بولغاچقا، مىنى ئۇنتۇپ قېلىپتۇ. ئايدەك سىڭلىم ئۇيغۇرئاي، رەنجىمەڭە چاي قۇياي. يېڭى-كونا دىمەيمەن، قول بېرىڭە قول سۇناي؟

ئايتۇغ

	بۇ 3قەۋەتتىكىrasqil يوللىغان 2010-06-02 18:51 غا قارتىلغان  : مەنمۇ ئەلكۈيىگە يىڭى ئەزا ، قاتماپسىز مىنى قاپىيەلىك قوشاققا . ئەگەر مەن يازغان بولسام قوشاقنى ، دىمەس ئىدىم " ئۆتە خېنىم بۇياققا. مەن قىلمىسام چاخچاقنى، سىزمۇ قىلماڭ دېمەيمەن. تونۇشۇشتا ھەرگىزمۇ... غەللە-پاراق يىمەيمەن.