داۋا كۆل ساياھەت بايرىمى قىزىپ كەتتى.سىز تېخى كەلمىدىڭىزمۇ؟

qabiljan

	2012-يىلى 6-ئاينىڭ 29-كۇنى ئەتىگەندە ‹‹ يوپۇرغا ناھىيەسىنىڭ 2-نۆۋەتلىك داۋا كۆل قۇملۇق مەنزىرىسى ساياھەت بايرىمى ›› رەسمى باشلاندى.شۇ كۈنى ئەتىگەندە  ئېچىلىش مۇراسىمى ئېچلغاندىن تاكى كەچ كىرگىچە  ئاپتونۇم رايۇنىمىزنىڭ ھەرقايسى جايلىرىدىن،ھەتتا ئىچكى ئۆلكىلەردىن كەلگەن يۈزمىڭغا يېقىن ساياھەتچىنى كۈتىۋالدى. بۇ قېتىمقى ساياھەت بايرىمى ئۈچ كۈن داۋاملىشىپ 7-ئاينىڭ بىرىنچى كۈنى كەچ ئاخىرلىشىدۇ. بۇ يىلقى ساياھەت بايرىمىنىڭ ساياھەتچىلەرنى جەلىپ قىلىدىغان يارقىن نوقتىلىرى بەك كۆپ بولغاچقا قېرىنداش ۋىلايەتلەردىن كەلگەن نەچچە ئون مىڭلىغان ساياھەتچىلەر شۇ كۈنى تاڭ سەھەردىن باشلاپ داۋا كۆل ساياھەر رايۇنىغا قاراپ ئېقىشقا باشلاپ قاتناش تارماقلىرىغا زور بېسىم پەيدا قىلغان.ساياھەتچىلەر بەكمۇ كۆپ بولغاچقا ج خ تارماقلىرىمۇ نەچچە مىڭلىغان ساقچى كۈچلىرىنى ئاجرىتىپ .بۇ نۆۋەتلىك ساياھەت بايرىمىنىڭ ئوڭۇشلۇق ۋە بىخەتەر ئۆتكۈزىلىشى ئۈچۈن پۇخىتا ئاساس ياراتقان. شۇ كۈنى چۈشتىن كېيىن سائەت تۆتتىن كېيىن خىزمەتتىن چۈشۈپ تۇنجى كۈنىدىكى ساياھەت بايرىمىنى كۆرۈشكە بېرىپ بۇ يىلقى  ساياھەت بايرىمىنىڭ نىمە ئۈچۈن شۇنچە كۆپ ساياھەتچىلەرنى جەلىپ قىلغانلىقىنىڭ سەۋەپلىرىنى  چۈشەندىم.بىرىنچىدىن ‹‹ پەلەك شاھى›› ئادىل  ھۇشۇر بۇ يىلمۇ تەكلىپ قىلىنىپ شاگىرتلىرى بىلەن بىرگە دار ئويۇنى كۆرسۈتۈپتۇ. ئىككىنچىدىن ئاپتۇنۇم رايۇننىڭ ھەرقايسى جايلىرىدىن  ئېلىپ كېلىنگەن داڭلىق قوچقارلار ئۈسۈشتۈرۈلۈپ يېڭىپ چىققانلىرىنىڭ ئىگىلىرىگە كاتتا مۇكاپاتلار بېرىلىپتۇ. ئۈچىنچىدىن ئاپتۇنۇم رايۇنىمىزنىڭ ھەرقايسى ۋىلايەت –ئوبلاستلىرىدىن داڭلىق چېلىشچىلارنى تەكلىپ قىلىپ كېلىپ چېلىشىش مۇسابىقىسى ئۆتكۈزۈپتۇ.بۇ تۈر بۇ قېتىمقى بايرامدىكى ئەڭ جەلىپكار تۈر ئىكەن. تۆتىنچىدىن ئاپتۇنۇم رايۇنىمىزنىڭ ھەرقايسى ۋىلايەت –ئوبلاستلىرىدىن ئىت تالاشتۇرغۇچىلار داڭلىق تالاشچى ئىتلىرىنى ئېلىپ كېلىپ تالاشتۇرۇپ ئىت تالاش سورۇنىدىن ئوت چىقىرىۋېتىپتۇ. بەشىنچىدىن ناھىيەلىك سەنئەت ئۆمىگىنىڭ ئارتىستلىرى بۇ بايرامغا ئاتاپ تەييارلىغان ئەدەبى سەنئەت نومۇرلىرىنى ئورۇنلاپ تاماشىبىنلارنى شاتلاندۇرۇپلا قالماي ئەل ئارىسىدىن خىللىنىپ كەلگەن ئەلنەغمىچىلەرمۇ ئۆز كارامەتلىرىنى كۆرسۈتۈپ تاماششىبىنلارنى قىقاس كۈلكىلەرگە مەجبۇر قىپتۇ. ئالتىنچىدىن يەرمەنكە ئۆتكۈزۈلۈپتۇ.بۇ يەرمەنكىگە ھەرقايسى يېزا بازارلار ئۆزلىرىنىڭ ماھىر ئۇستىلىرىنى تەشكىللەپ  ياساپ،سىزىپ،تىكىپ ... تەييارلىغان ھەر خىل نەپىس قول ھۈنەر بۇيۇملىرىنى كۆرگەزمىگە قويۇپ ساياھەتچىلەرنى ئۆز ئەتراپىدىن كېتەلمەس قىلىۋېتىپتۇ.       يەتتىنچىدىن بۇ تومۇزنىڭ ئەڭ  ئىسسىق مەزگىلى بولغاچقا  داۋا كۆلنىڭ سۈپ سۈزۈك ھەم سالقىن سۈيىگە چۆمۈلۈپ،ئارقىدىنلا تەنگە داۋا قۇمىغا كۆمۈلۈپ راھەتلىنىدىغانلارمۇ تەرەپ –تەرەپلەدىن كېلىشىپتۇ. سەككىزىنچىدىن قۇملۇق مەنزىرىسى ئىچكى ئۆلكىلەردىن ۋە چوڭ شەھەرلەردىن كەلگەن ساياھەتچىلەرنى گۈزەل  نازىنىن قىزدەك مەھلىيا قىلىۋاپتۇ.بۇ يەردە قۇملۇق ساياھەت ماشىنىلىرى،دالا ئاپتۇمۇبىللىرى،چىرايلىق زىننەتلەنگەن ئات ۋە ئات ھارۋىسى،مەپە ۋە نەچچە يۈزلىگەن كارۋان تۆگىلىرى بار بولۇپ ساياھەتچىلەر تۆگىگە مىنىپ قۇملۇقلار ئارىسىنى ساياھەت قىلىپ ‹‹قەدىمكى زامان كارۋانلىرى››نىڭ  قۇملۇق كېزىپ جاھان كۆرگەن  ئۇلۇغ كەچمىشلىرىنى ئۆز ئەمەلىيىتىدە سىناپ بېقىشنى بەكمۇ خالايدىكەن. يوپۇرغا ناھىيەلىك پارتىكوم ۋە ھۆكۈمەت بۇ يەرگە ئون نەچچە يىلدىن بېرى ھەر يىلى نەچچە ئون مى؛ليۇن يۈ.ەن مەبلەغ سەرىپ قىلىپ ،مىللىيچە ئاشخانا،ياپروپاچە مېھمانخانا،قازاقچە كىگىز ئۆي،سۇجۇ خاڭجۇلاردىكىدەك ئىسىل راۋاق ۋە مەنزىرىلىك كۆل،تۇرپان ئاستانىنىڭكىدەك تال  باراڭلىق كارىدۇر.جەننەتتىن نىشان بېرىپ تۇرىدىغان مىۋىلىك باغ،بەرپا قىلىپلا قالماي يەنە ساياھەت رايۇنىغا بارىدىغان يولنىڭ ئىككى تەرىپىگە يىللاردىن بېرى تال توغراقلارنى تىكىپ تۇتقۇزۇپ يېشىللىق كۆلىمىنى كېڭەيتىپلا قالماي بۇ يەرنىڭ ھاۋاسىنى ساپلاشتۇرۇش،مۇھىتىنى گۈزەللەشتۈرۈشتەك قوش ئۈنۈمنى قولغا كەلتۈرگەن. ‹‹مىڭ داڭلىسىمۇ يەپ باقمىغۇچە تەمىنى بىلمەس›› دېگەندەك مەن قانچە تونۇشتۇرساممۇ ئۆز كۆزىڭىز بىلەن كېلىپ كۆرۈپ باقمىغۇچە دېگەنلىرىمنىڭ بۇ يەرنىڭ تەرىپلىرىنىڭ مىڭدىن بىرى ئىكەنلىكنى بىلمەيسىز.يەنە ئىككى كۈنلۈك پۇرسەت سىزنى كۈتۈپ تۇرۇپتۇ.ۋاقتى ۋە شارائىتى يار بەرگەن دوستلارنىڭ كېلىپ ئويناپ كېتىشىنى ئۈمىد قىلىمىز. مۇھىم ئىشتىن بىنرنى دەپ قويۇشنى ئۇنتۇپ قاپتىمەن.خۇش خەۋەر ،بۇ ئۈچ كۈنلۈك ساياھەت بايرىمى جەريانىدا دەرۋازىدىن كىرگەنلەردىن كىرىش بېلىتى ئالمايدىكەن.شۇنداق بولغاندا يەتمىش يۈئەن پۇلىڭىز تېجىلىپ قالدى دېگەن گەپ! مەنبەسى: ئۆزۈم

qabiljan

	تېما تەستىقلىنىپ قالسا،يەنە باشقا نادىر سۈرەتلەرنى يوللايمەن.

aksumalikisi

	تېمىڭىز تەستىقلىنىپ بوپتۇ .  نادىر سۈرەتلىرىڭىزنى يوللاڭ ئەمسە....... سز يوللىغان نادىر سۈرەتلەرنى كۈرۈشكە ئالدىراۋاتىمىز جۇمۇ.......... مىنىڭمۇ بارغۇم كېلىۋاتىدۇ جۇمۇ يۇپىرغۇغا........... يۇپىرغۇغا بارساق قېچىپ كەتمەڭ جۇمۇ .........(چاقچاق)

banker

	مەن ئالدىنقى ھەپتە بىرىپ كەلدىم

悲泣的心

	بۇرۇن قەشقەردە ئۇقۇۋاتقان ۋاختمدا بىر قېتىم بارغان . مانا 6 يىل بۇلۇپ قاپتۇ نىمە دىگەن تىز ئۇتكەن ۋاقىت بۇ. بىر كۇرۇپ كىلشكە ئەرزيدۇ

mahsat

	بايرامنىڭ مەزمۇنلىرىنى بىلەن ئىسىل سۈرەتلەرنى يوللاپ بەك ياخشى ئىش قىلىپسىز. بايراملىرىمىزدا مۇشۇنداق ئەنئەنىۋى مەدەنىيەتلىرىمىز كۆپلەپ نامەيەن بولۇپ تۇرسا نېمە دېگەن ياخشى ھە! سىز يوللىغان مەزمۇنلۇق سۈرەتلەرنى كۆرۈپ دەرھال بارغىم كىلىۋاتىدۇ، ئەمما ئۈرۈمچىدىن بارغىچە تۈگەپمۇ كەتكىدەك ھەم ۋاقىتمۇ چىقىرالمايمەن. شۇڭا سىزنىڭ كومپىيۇتېردا بولسىمۇ بايراملىق ھىس-تۇيغۇلارغا ئىگە قىلغىنىڭىزغا كۆپ رەھمەت. ئىنكاسىڭىزغا قارىسام يەنە سۈرەتلەرنى يوللايمەن دەپتىكەنسىز، رەڭدار مەدەنىيەت مەزمۇنىدىكى سۈرەتلىرىڭىزنىڭ داۋامىغا تەشنامىز ھەم شۇنداقلا سىزنىڭ بۇنداق قىممەتلىك ئەجرىڭىزگە پەقەت قولىمىزدىن كىلىدىغان ئىنكاسلىرىمىز ئارقىلىق تەشەككۈرىمىزنى بىلدۈرۈپ تۇرىمىز. دىمىسىمۇ رەسىملىرىڭىزدىن بايرامغا قاتناشقاندەك تۇيغۇغا كىلىپ قالىدىكەن كىشى. تولۇقلىما مەزمۇن (2012-6-30 12:51): باشتىكى باغلاشماي قالغان جۈملىدىكى «بىلەن» نىڭ ئورنىغا « ھەم» دەپ ئوقۇغايسىز

arslani

	مەن ئالدىنقى تەتىلدە بارغان ، بىلمىدىم ھازېر  قانچىلىك ئۆزگەردىكى  ، گەپنىڭ راستى ئالدىقى قېتىم خەجلگەن پۇلغا قوساق ئاغرىپ قايتىپ كەلگەن .  ياخشىلنىپ كەتكەن چىراي ھازېر

ئۇيغۇرۇم

	يۇپۇرغا ناھىيىسىدە 80% ئۇيغۇر بار دەپ ئاڭلىغانتىم . لېكىن ئاۋۇ  سۇرەتتىكى خەتنىڭ ئۇيغۇرچىسى بەك كىچىك خەنزۇچىسى باك چوڭ  يېزىلغانغىنىغا قاراپ , ھەقىقەتەن غەلىتە ھىس قىلىپ  قالدىم !!!

qabiljan

otmvx

	ئەسسالامۇ-ئەلەيكۇم يۇرتدېشىم تىمىڭىزغا كۆپ رەھمەت:    مەن بۇ رەسىملەرنى  كۈرۈپ  يۇرتۇم يوپۇرغىنى شۇنداق كۆرگۈم كەلدى ، خەلىقلىرىم ئاق كۆڭۇل ، خەلىقلىرىم ئسىل جاي  ئۇ ئەزىز يۇرتۇم ......ھۆكۈمەت تارماقلىرىنىڭمۇ  تۈرلۈك سىياسەتلىرىنىڭ ئە مىلىلىششىمۇ  شۇنداق ياخشى  ۋەزىپىدىن ئاشۇرۇپ ئۇرۇندايدۇ ،  نەمۇنىلىك  بەشتە ياخشى ناھايە ئۇ ،شۇڭا ئاشۇنداق  ساياھات ئورۇنلىرى  قۇرۇلۇپ تۇرۇدۇ    ....................................................    مەنمۇ بۇقېتىم بارغاندا چۇقۇم  بىر  بېرىپ  كۇرۇپ كەلمىسەم  داۋا كۆلنى