دوزاخ يۇلىدىن قۇتۇلۇپ چىققان قىز

ئۇيغۇرۇم

	دوزاخ يۇلىدىن قۇتۇلۇپ چىققان قىز ھۆرمەتلىك ئۇقۇرمەن ، بۇ ھەقىقى راس بولغان بىر ۋەقە .شۇڭا ئەسەردىكى بەزى گەپلەر ئىنىق ئېلىنغان .ئۇقۇرمەنلەرنىڭ توغرا چۈشۈنىشىنى ئۈمىد قىلىمەن . ياز پەسلى كىتىپ كۈز پەسلى كىلەي دەپ قالغان ۋاقىتىدى.كۇچا ياقىسىدىكى رەت-رەت سېلىنغان دەل-دەرەخلەر بىر-ئىككىدىن غازاڭ چۈشىۋاتاتتى .مانا،ئابدۇللانىڭ ئۈرۈمچىگە كەلگىنىگە ھەش-پەش دىگۈچە ئىككى يىل بولۇپ قاپتۇ.ئۇ شۇ تاپتا يولدا كىتىۋېتىپ ئۆز يۇرتىنى ئويلىماقتا ئىدى‹‹مانا كۈز كەپتۇ .جاپاكەش مىھنەتكەش دىھقانلارنىڭ چىرايىغا كۈلكە يۇگۇرىدىغان چاغ كەپتۇ .بىچارە ،قەدىرلىك ئانام پىژغىرىم ئىسسىقتا ئېتىزدا ئىشلەۋاتقانمىدۇ ؟ئانا ! ماڭا ئىشىنىڭ خۇدايىم بۇيرىسا مەن جىق پۇل تېپىپ سىزنى ھالاۋەتلىك تۇرمۇشقا ئىگە قىلىمەن .لېكىن ، دادامچۇ ؟دادام ئانامنى يەنە ئۇرغانمىدۇ ؟››بۇلارنى ئويلاپ ئابدۇللانىڭ كۆڭلى يېرىم بولدى .لېكىن ئۇ تىزلا ئىسىگە قايتتى.دە،ئىشقا ئالدىراپ ماڭدى . شۇ ئەسنادا ئۇنىڭغا تېلىفۇن كەلدى .ئابدۇللا: ــ ئەسسالاممۇ ئەلەيكۇم ؟ ــ ۋەلەيكۇم ئەسسالام !شاشمۇ يا ئۇكاڭزا؟ قانداق مىنى تۇنىغانسە ؟ مەن ئاكاڭ ئەلى  ¬¬¬ـ جەمىئەتتىكى بالىلاردەك قىلغان ئاۋازدىن ئابدۇللا ئەلى ئىكەنلىكىنى بىلىۋالدى . ــ ھە تۇنۇدۇم ئاكا ،قانداق ئەخۋالىڭىز ؟يۇقاپلا كەتتىڭىزغۇ ؟ھە راس ! ئاپىڭىزنىڭ ئەخۋالى ياخشىدۇ ؟ ــ ياخشى ئۇكا ياخشى . سەن بىزنىڭ شاپائەتچىمىز دىگىنە ! ئەگەر سەن بولمىغان بولساڭ ،ئاپام بەلكىم ...... ئەلى گىپىنىڭ ئاخىرىنى دىيەلمىدى ــ مۇنداق ئىشتى ئۇكاڭزا ، كەشتە ئولتۇرۇش باتتى دىگىنە ؟ بالىلارنىڭ سىنى بەك كۆرگىسى باركەن .شۇڭا سىنى بارامدىكىن دەپ تېلىفۇن قىلغان . قانداق ،كەشتە بارامسەن ؟ ھە بۇلىدۇ ئاكا مەن باراي . ــ ئورنى بىز قايسى كۈنى تاماق يىگەن ئاشخانىدا ،سائەت يەتتىدە بارغىن . ماقۇل ئەمسە ،خوش . چۇقۇم كەل ھە؟ ــ ماقۇل ئاكا خوش (بىر كۈنى ئابدۇللا يولدا كىتىۋاتسا ،بىر ئايالنىڭ يولدا ياتقانلىقىنى كۆرگەن،ئۇ ئايالنى دوختۇرخانىغا ئېلىپ بارغان .دوختۇرلار ئۇ ئايالنىڭ يەنە ئون مىنۇت كىچىكىپ كىلىنگەن بولسا ھاياتىغا خەۋىپ يىتىدىغانلىقىنى ئېتقان ئىدى .بۇ ئايال دەل ئەلىنىڭ ئانىسى).   ئابدۇللا بۇلارنى ئويلىدى ۋە ئۆزىنىڭ ياخشى ئىش قىلغانلىقىدىن يەنە بىر قېتىم پەخىرلەندى .دە-تىز-تىز قەدەملىرى بىلەن ئىشقا كىتىپ قالدى . كەش بولدى .ئابدۇللا ئىشتىن چۇشۇپ ياتاق ئۆيىگە باردى .ئۆزى ياخشى كۆرىدىغان كىيىمىنى كىيىپ ئەلى تەكلىپ قىلغان ئاشخانىغا قاراپ ماڭدى .ئۇ يولدا كىتىۋېتىپ‹‹ئەلى دىگەن جەمىئەتتە ئوينايدىغان بىر بالا .ئۇنىڭ بىلەن ئارلىشىدىغان بالىلارمۇ ئۇنىڭغا ئوخشاشتۇ ھەقەچان ! ئەگەر ئۇلار ئىچىدىغان ،چىكىدىغان بالىلار بولسىچۇ ؟ چۇقۇم شۇنداق! جەمىئەتتە ئويناپلا يۇرۇندىغان قايسى بىر بالا ئىچمەيدۇ ؟چەكمەيدۇ ؟ئەگەر مەن بارسام ماڭا زورلاپ تۇرۋالسىچۇ ؟ياق!مەن ئۇيەرگە بارسام بولمۇغۇدەك ،ئەڭ ياخشىسى بارمايلا قۇياي!!››ئابدۇللا يولدا توختاپ قالدى .يەنە كۆڭلىنىڭ بەزى يەرلىرىدە ‹‹توغرا ،مەن ئۇ يەرگە باراي .بېرىپ ،جەمىئەتتە ئوينايدىغان ،مىللىتىمىزنىڭ شانو-شۆھرىتىگە داغ تەككۈزىدىغان بۇ ناكەس ئىپلاسلارغا ئۆزلىرىنىڭ نىمە ئىش قىلىۋاتقانلىقىنى بىلدۇرۇپ قوياي .جەمىئەتنىڭ بالىسى دىسە ،باشقىلارنىڭ نەزىرىدە بىر كىرەكسىز ئەخلەتكە تەڭ قىلمايدىغانلىقىنى بىلىپ قالسۇن .بۇ ماڭا ياخشى پۇرسەتكەن .ئەلى باغۇ، ئۇ ھەر قانچە بولسىمۇ مەن تەرەپتە تۇرار؟!›› ئابدۇللانى بىر خىل مەدەت ئاشخانا تەرەپكە ماڭغۇزدى . ئابدۇللا ئاشخانا ئالدىدا ئەلىنى كۆرۇپ ئالدىغا باردى.ئەلىمۇ ئابدۇللانى كۆرۇپ ئۇنىڭ ئالدىغا كەلگەچ : ــ ۋاي ئۇكا ئەجەپ تەستە كەلدىڭغۇ ؟ـ دېدى ئەلى جەمىئەتتىكى بىر قىسىم بالىلاردەك بېشىنى ئىگىپ خۇددى دوك ئادەمدەك غەيرى تەلەپپۇزدا ــ قىزلارمۇ كەپ بولغىلى نەۋاخ !! ــ ھە شۇ .....دېدى ئابدۇللا بېشىنى تۇتۇپ كۇلۇمسىرەپ . ــ ھە بولدى،بولدى .جۇرە !ـ دېدى ئەلى دە، ئاشخانىغا كىرمەي شۇ ئاشخانا يېنىدىكى چوڭ بىر رىستۇرانغا ئابدۇللانى باشلاپ ماڭدى .ئابدۇللامۇ ئەلىگە ئارتۇق گەپ قىلماي ئەلىگە ئەگەشتى . ئەلى ئابدۇللانى باشلاپ رىستۇراننىڭ ئىچكىرسىدىكى بىر ئايرىمخانىغا ئېلىپ كىردى .ئىچكىردىكىلەر بىر-بىرى بىلەن پاراڭلىشىۋاتقانىدى .ئۇلار ئەلى بىلەن ئابدۇللانى كۆرۇپ جىم بۇلۇشتى . ئەلى ئابدۇللانى ئۇستەلدە ئولتۇرۇشقا تەكلىپ قىلىپ بولۇپ باشقىلارغا قاراپ : ــ ھەممىڭلارغا تۇنۇشتۇرۇپ قوياي  ، بۇ يىگىت بايامنىڭ ياقى گىپىنى قىلىپ بىرىۋاتقان ئابدۇللا شۇ ،مانا مۇشۇ يىگىت . ھەممەيلەن ‹‹ئەسسالاممۇ ئەلەيكۇم ،ياخشىمۇ سىز ›› دىگەندەك سالاملارنى قىلىپ بولغاندىن كىيىن ئولتۇرۇشتى .ئابدۇللا ئۇلارغا ناھايتى چاققانلىق قاراپ چىقتى . ئۇ بەزى ئۇغۇللارنىڭ چېچىنىڭ بىر كۆزىنى ئىتىپ تۇرۇدىغانلىقىنى ،بەزىلىرىنىڭ چېچىنىڭ ،قىزىل ،سېرىق رەڭدە بۇيىۋاغانلىقىنى، يەنە بەزىلىرىنىڭ يۇز-كۆزلىرىدە تاتۇقى بارلىقىنى كۆردى .ئۇ بىر ئاز قورققاندەك بولدى ،لېكىن چاندۇرمىدى . ئۇ ئەمدى قىزلارغا سەپسېلىشقا باشلىدى . قىزلارنىڭ بەزىلىرى چېچىنى بۇدرە قىلىۋالغان ، بەزىلىرى گىرىمنى خۇددى ھەخسىز بەرگەندەكلا ئىنتايىن قېنىق قىلىۋالغان ،تار كىيىملەرنى كىيىۋالغان ......... ئابدۇللانىڭ كۆزى تۇيۇقسىزلا بىر قىزغا چۇشۇپ قالدى .ۋە ئۇ قىزغا قاراپ ھەيرانلا قالغانىدى .ئۇ قىز باشقا قىزلارغا ئوخشاش گىرىم قىلمىغان ،تار كىيىممۇ كېيمىگەن . ئۇنىڭ تېخى ئۇيغۇر قىزلارغا خاس ئۇزۇن چېچى بار ئىدى .ئۇ قىز كىشىنى جەلىپ قىلغۇدەك ئىنتايىن چىرايلىق ئىدىكى ،ئۇنىڭ چىرايىدىن ئاق-كۆڭۇللۇك ، نۇمۇسچان ساددا قىز ئىكەنلىكى مانا مەن دەپ چىقىپ تۇراتتى . ‹‹بۇ قىز ماۋۇ قىزلار بىلەن بىر سەپمىدۇ ؟ھەي ئىسىت ......!›› ئابدۇللا ئېچىندى . باشقىلار داۋاملىق ئۆزلىرىنىڭ پارىڭىنى قىلىشىۋاتاتتى .ئۇزۇن ئۆتمەي تاماق چىقتى .تاماققا ھەمەيلەن ئېغىز تىگىپ بولغاندىن كىيىن ،كۆزىنىڭ يېنىدا تاتۇقى بار ياسىن دەيدىغان بىرى ئورنىدىن تۇرۇپ گېلىنى بىر قۇر يىنىك قېقىۋېتىپ گەپ قىلدى : ــ ھەممىڭلارنىڭ كەلگىنىگە مەرھابا دوسلار ،ئابدۇللا بۇرادىرىمىزنىڭ كەلگىنىگىمۇ خوش بولدۇق !شۇنداقلا بۇندىن كيىنكى ئىشلىرىمىزنىڭ ئۇڭۇشلۇق بۇلىشى ئۇچۇن قېنې ھەممىمىز بىر قەدەھتىن كۆتۇرەيلى ! ھە قېنى بۇرادەر كۆتۇرۋېتەيلى !ـ ئۇ قۇلىدىكى بىر رومكا ھاراقنى ئابدۇللاغا ئۇزاتتى . ‹‹تۇيە مانا كەلگەنگە ! ئۆمرۇمدە ئىچىپ باقمىغان بۇ سېسىق نەرسىنى ئىچەمدىم ؟ ياق ! بۇنى ئىچسەم بولمايدۇ !!›› ئالە ئۇكا - دېدى ياسىن يەنە بىر قېتىم . باشقىلارمۇ ياسىننىڭ گىپىنى قۇۋەتلەپ بىر-ئىككى ئېغىزدىن گەپ قىلدى . ئابدۇللا شۇ ئەسنادا نىمە قىلارىنى بىلەلمەي قالدى .ئۇ تۇيۇقسىز ھېلىقى گۇزەل قىزغا قارىدى ، قىزنىڭ چىرايىدا ئابدۇللا تىكىلىپ تۇرۇپ ‹‹ئىشمەڭ››دىگەن ئەندىكىش ئىپادىسى چىقىپ تۇراتتى . ــ مەن ئىچەلمەيمەن ، ئۇنىڭ ئورنىغا چاي ئىچەي . خاپا بولمىساڭلار ! ئابدۇللانىڭ بۇ گىپى سورۇندىكىلەرنى ھەيران قالدۇرۋەتتى . ــ ۋاي ئالە بۇرادەر ،ھېچ ئىش بولمايدۇ بىرەر قېتىم ئىچىپ قويغىنىڭغا ! ــ خاتىرجەم بول ، جاھان ئۆرۇلۇپ چۇشمەيدۇ . بىز بار !- ئارىدىن بىرى گەپ قىستۇردى . ــ ئۇ دۇنياغا قىز پېتى كىتەي دىگەنمىتىڭ يە ؟ سورۇندىكىلەر كۇلۇشۇپ كەتتى . ــ ۋاي راس مەن ئىچەلمەيمەن ،ھەم ئىچىپ باقمىغان . كەچۇرۇڭلار ! ــ ئو......ش، ھەجەپمۇ قىز بالىدەك ناز قىلىدىغان بالىكەنە بۇ ! خاتىرجەم بۇلۇڭ بىزمۇ ئىچىمىز ،ھېچ ئىش بولمايدىغۇ !ـ دېدى بىر قىز . ــ ۋىييەي ،قارىغاندا بۇ يىگىت راسلا پاك ئوخشىمامدۇ ؟ ئۇلار يەنە بىر قېتىم كۈلۈشۈپ كەتتى .بىراق ، ئۆمرىدە بۇنداق سېسىق گەپ ئاڭلاپ باقمىغان ھېلىقى قىز يەنى شىرىنگۈل خىجىللىقىدىن بېشىنى كۈتۈرەلمەي قالغانىدى .ئابدۇللا بۇلارغا گەپ قىلىش پۇرسىتى كەلدى دەپ ئويلىدى ۋە چىرايىغا كۇلكە يۇگۇرتۇپ قاتتىق نەپرەتلەنگەن قىياپەتتە ھېلىقى قىزغا قاراپ : ــ ئىشقىلىپ ئۆزلىرىدىن پاك . سورۇندىكىلەر يەنە بىر قېتىم قاقاقلاپ كۈلۈشۈپ كەتتى . ئابدۇللا ئەسلى بۇ گەپنى كۈلكۈلۈك بۇلۇش ئۇچۇن ئەمەس ، بەلكى قىزنى خىجىل قىلىش ئۇچۇن ئېيتقانىدى .بىراق ئۇ قىز خىجىل بۇلۇش ئۇياقتا تۇرسۇن ،قاقاقلاپ كۇلۇپ كەتتى .ئابدۇللا ئىچىدە بۇ ئادەملەرگە گەپ قىلغاننىڭ ھېچقانداق پايدىسى يوقلىقىنى بىلىپ يەتتى . ئەلى كۇلكىسىنى ئاران توختۇتۇپ : ــ بولدى دوسلار ئابدۇللا راس ئىچەلمەيدۇ . ئۇنىڭ ئورنىغا مەن ئىچەي . بىراق بىر شەرتىم بار !  ئابدۇللا بىزگە باشقا ئىش قىلىپ بەرسۇن قانداق دەيسىلەر ؟ ھەممەيلەن قۇشۇلدى ۋە چاۋاك چېلىشتى.ئابدۇللا مەنىلىك قىلىپ ‹‹ماقۇل›› دېدى .ئۇ ئەتراپقا قاراپ ئۇسۇل ئوينايدىغان ، ناخشا ئېيتىدىغان ھەم دىسكو خانىلارنىڭكىدەك ئالا يېشىل چىراغلارنىڭ بارلىقىنى كۆردى . ئابدۇللا ناخشا ئېيتالايتى ،ئۇسۇل ئوينىيالاتتى . ــ  مەن ھاراق ئىچەلمىگەنكىن ئۇسۇل ئويناپ بىرەي ئەمسە .بىراق،مىنىڭمۇ بىر شەرتىم بار !تۇنجى ئۇسۇلنى ئەلى ئاكام بىلەن ئوينايمەن . ــ چاتاق يوق . قارشى ئالىمىز - قارشى ئالىمىز ــ ھەممەيلەن خۇشال بۇلىشىپ ئالقىش ياڭراتتى . ئابدۇللا بىلەن شىرىنگۈلدىن باشقا بالىلار ھاراق ئىچىشتى .ھاراق ئىچىپ بولغاندىن كىيىن  ئابدۇللا بىلەن ئەلى بىر قول ئۇسۇل ئوينىدى .ئابدۇللا ھاراق ئىچەلمىگىنى بىلەن ئۇسۇلنى ياخشى ئوينايتى . ئۇلار ئۇسۇل ئويناپ تاكى ئورنىغا بېرىپ ئولتۇرغۇچە ،سورۇندىكىلەر ئۇلارغا توختىماي چاۋاك چېلىشتى .    سورۇن باشلاندى .بەزىلەر ھاراق ئىچىشىۋاتاتتى . بەزىلەر ناخشا ئېتسا ، بەزىلەر ئۇسۇل ئوينايتى ، تاڭسا ئوينايتى . ئۇغۇللارغۇ ھاراق ئىچسۇن بوپتۇ ، قىزلارغا ھاراق ئىچىپ نىمە كەپتۇ ؟  بۇرۇندىن تارتىپ ئۇلۇغلىنىپ كىلىۋاتقان ئاق- كۆڭۇل ، بىغۇبار ئۇيغۇرلىرىمىز مۇشۇنداق بوپ كەتتىمۇ ؟ ھازىرقى مۇشۇ قىزلار كەلگۇسى مىللىتىمىزنىڭ  ئانىسى ئەمەسمۇ ! ئۇلار ئۆزلىرى مۇشۇنداق يۇرسە كەلگۇسى ئەۋلاتلارنى قانداق تەربىيلەيدۇ ؟ مۇشۇنداق سورۇندا ئولتۇرۇشنى ،ھاراق ئىچىشنى ئۆگۇتەمدۇ ؟ ئاھ ئۇلۇغ ئۇيغۇرۇم ، سەن شۇنچىۋالا ئاق- كۆڭۇل ،تىرىشچان مىللەتتىڭغۇ ! ئەمدىلىكتە يات ئەلدىن قېلىشمايدىغان ، ئۇلارنى دورايدىغان بوپ قالدىڭمۇ ؟كەلگۇسى ئەۋلاتلىرىمىزغا ئۆزىمىزنىڭ ئۆرپ-ئادىتىمىزنى ئەمەس ،بەلكى يات ئەلنىڭ ئۆرپ ئادىتىنى ئۆگۇتەمدۇق ؟   ئولتۇرۇش داۋاملاشماقتا ئىدى . سورۇندىكىلەرنىڭ كىتىدىغان چىرايى يوق . ۋاقىتىنىڭ ئۈتىشىگە شىرىنگۈلنى ئايىغى چىقماس ئەندىكىش خىياللار قىينىماقتا ئىدى . ئۇ تەشۈشلەنمەكتە ‹‹ ئۇلۇغ خۇدا مىنى ئۆز پاناھىڭدا ساقلىغايسەن . بۇگۇن بۇ يەردىن ساق-سالامەت كىتىۋالساملا ، بۇندىن كىيىن ھېلىغۇ ياتاقداشلىرىمكەن باشقا دوسلۇرۇم تاماق يىگىلى چىقايلى دىسىمۇ ئىككىنجى چىقماسمەن .! مۇشۇمۇ ئادەمنىڭ قېلىقىمۇ ؟ھايۋاننىڭ ئۆزىكەنغۇ.... !››   ئۇ قايتالمىغانسىرى قورقىۋاتاتتى . قانداقتۇر بىر قورقۇنۇچ ئۇنى داۋاملىق قىنايتى . ئۇغۇللار ئۇسۇل ، تاڭسا ئوينايلى دىسە ، ئۇ ئىنتايىن ھۆرمەت بىلەن ‹‹كەچۈرۈڭ مەن ئويناشنى بىلمەيمەن ›› دەپلا رەت قىلاتتى .لېكىن ،ئارقىدىنلا  دوسلىرىنىڭ كۆز ئىشارىتى ۋە گەپ سۆزلىرى شىرىنگۈلنى ئەندىشىگە ، ساراسىمىگە سېلىۋاتاتتى . ئەمدىلىكتە . ئۇ كىتەي دىسىمۇ كىتەلمەيدۇ . نەگە بارىدۇ ؟ ياتاققا قايتامدۇ ؟ ياق ، ياق ! ھازىر ھېلىغۇ ياتاق بىناسى ئىكەن ،ھەتتاكى مەكتەپ دەرۋازىسىمۇ تاقىلىپ بولغىلى نەۋاخ ! ئەلىنىڭ كۆزى شىرىنگۈلگە چۇشكەن چېغى ، ئۇ قىزنىڭ يېنىغا كىلىپ : ــ ئىسمىڭىز نىمە خان ؟ ئەجەپ تاڭسىمۇ ،ئۇسۇلمۇ ئوينىماي ئولتۇرۇپ كەتتىڭىزغۇ ؟سىزگە دوسلۇرۇم يارىماي قالدىمۇ يە ؟ ــ كەچۈرۈڭ ! مەن راسلا ئويناشنى بىلمەيمەن . ــ ئوھوي خان ، مەن بۇنى سورۇرۇدۇم ،ئىسمىڭىزنى سوراۋاتىمەن ئىسمىڭىزنى ؟ ــ ھە ! ئىسمىم شىرىنگۈل – دېدى قىز ھۇدۇققان ھالدا . ــ ۋاھ ! ئەمىسە سىز شىرىن بولسىڭىز مەن پەرھات بۇلاي !  سورۇندىكىلەر كۈلۈشۈپ كەتتى . شىرىنگۇلنىڭ بەدىنىگە سوغۇق تىترەك ئارلاشتى . يۇزلىرى خىجىل بولغىنىدىن خۇددى ئۆپكىدەك ھوپپىدە قىززىرىپ تاتىرىپ كەتتى .دىمىسىمۇ شىرىنگۇلگە بۇ چاخچاق بەكلا ئېغىر كەلگەنىدى .ئەلى بۇ قىزنى خىجىل قىلماي دىدىمۇ ، ياكى بۇ سورۇندا يۇزۇم چۈشۈپ كەتمىسۇن دېدىمۇ ئىشقىلىپ ئۆزىنىڭ ئورنىغا بېرىپ ئولتۇردى . ئارىدىن بىر مەيدان ئۇسۇل ئۆتتى .ئەلى شىرىنگۈلنى باشلاپ ئەكەلگەن ياتاقدېشىنى يېنىغا چاقىردى .ئۇ قىز بىلەن قىزغىن پاراڭلاشتى .گەرچە ئابدۇللا ئەلىنىڭ يېنىدا ئولتۇرغان بولسىمۇ ،ئەلى بىلەن ھېلىقى قىزنىڭ دىيىشىۋاتقان گەپلىرىنى بىر ئاڭلاپ بىر ئاڭلىماي قالغانىدى .لېكىن ئابدۇللا بۇ ئىككىسىنىڭ شىرىنگۈل توغۇرلۇق پاراڭلىشىۋاتقانلىقىنى بىلەتتى . ئۇ باشقىلارنىڭ گىپىنى ئوغۇرلۇقچە ئاڭلاشنىڭ ئەدەپسىزلىك بىلسىمۇ ،بۇ سورۇندا ئۇلارنىڭ گىپىنى ئوغۇرلۇقچە ئاڭلاشنى توغرا تاپتى .ئابدۇللا ئۇلارنىڭ گىپىنى ئاڭلاش ئۇچۇن ئۇلارغا يىقىنلاشتى .‹‹ئۆلمەكنىڭ ئۇستىگە تەپمەك ›› دىگەندەك ناخشا- مۇزىكا باغانسىرى ئۈنلۇك چىقىۋاتاتتى .ئاخىرىدا ھېلىقى قىزنىڭ ئۈنلۈك ئاۋازدا ئەلىگە خاپا بۇلۇپ  دىگەن سۆزلىرى خېلى ئىنىق ئاڭلانغانىدى .‹‹ياق ئەلى ياق ، ئۇنداق قىلساڭ بولمايدۇ .بىلەمسەن ، ئۇ تېخى پاك قىز . يەنە كىلىپ سىنىڭ كىسىلىڭ بار . ئۇ قىزنىڭ ئۆمۈرلۈك بەختىنى نابۇت قىلماقچىما سەن !›› ئابدۇللانىڭ بىردىنلا يۇرۇكى جىغغىدە بوپ سېلىپ كەتتى . ئۇ كۆڭلىدە ‹‹ ئەلى دىگەن مۇناپىق ، شىرىنگۈل بىلەن بىللە بۇلۇشنى ئويلاپتۇ دە ! ئۇنداق ئاسان ئىش يوق . ئەمدى ئۇ قىزنى بۇگۇن  نىمىلا بولمىسۇن قۇتقۇزۇپ چىقىشىم كىرەك ! بىراق قانداق قۇتقۇزىمەن ؟›› ئابدۇللا بۇلارنى ئويلاۋاتقاندا تۇيۇقسىز بىر قىزنىڭ ‹‹ سىز بىلەن تاڭسا ئوينىسام بۇلامدۇ ؟›› دىگەن ئاۋازدىن چۈچۈپ ئىسىگە كەلدى . ۋە ئۇ قىزغا قاراپ : ــ كەچۈرۈڭ مەن ئۇسۇل ئوينىيالىغىنىم بىلەن تاڭسا ئوينىيالمايمەن ،خاپا بولمىسىڭىز ! ــ ئوينىيالمىسىڭىز ھېچقىسى يوق ، مەن سىزگە ئۇگۈتۈپ قۇيىمەن .قېنى تۇرۇڭە ؟ - دېدى بۇ قىز مۇلايىملىق بىلەن كۈلۈمسىرەپ تۇرۇپ . ــ ئوينا ئۇكا ، بۇ قىزنىڭ كۆڭلىنى يەردە قويساڭ  بولماس ! ئادەتتە ئۇغۇللار قىزلارنى تارتىدىغان ،ھازىر بۇ قىز سىنى تارتىۋاتىدۇ جۇمۇ ؟ خوش بوپ ئوينىساڭ بۇلىدۇ تېخې – دېدى ئەلى ھېلىقى قىز بىلەن پارىڭىنى توختۇتۇپ . بىراق ئابدۇللانىڭ ئەلى بىلەن ھېلىقى قىزنىڭ گەپلىرىنى ئاڭلۇغىسى بار ئىدى . يامان يىرى ئۇ مۇنۇ بۇ قىزنىڭ تەلىپىنى رەت قىلالمىدى . ئۇ قىز بىلەن تاڭسا ئويناۋېتىپ قىزنىڭ پۇتىغا نەچچە قېتىم دەسسىۋالدى . ئابدۇللا قىزغا ‹‹ كەچۈرۈڭ ›› دىگەن گەپتىن ئارتۇق گەپ قىلمىدى . ئاخىرى ئۇ قىز ئۇنىڭغا گەپ ئاشتى : ــ تاڭسا دىگەننىچۇ ، ئۆزىنى قۇيىۋېتىپ ئوينايدۇ .قەپەزدىكى توشقاندەك تىترەپ تۇرسىڭىز ئوينىيالمايسىز !-دېدى قىز . ئابدۇللا پەقەت كۈلۈمسىرەپ بېشىنى لىڭشىتىپ قويدى ،بىراق گەپ قىلمىدى . ئۇنىڭ پۇتۇن خىيالى شىرىنگۈلنى قانداق قىلىپ قۇتقۇزۇشتا ئىدى  .تاڭسا ئويناۋاتقان قىز يەنە گەپ قىلدى : ــ ۋاي - ۋۇي ! مەن سىزگە گەپ قىلمىسام ،سىز ماڭا گەپ قىلمۇغۇدەكسىز .تۇنۇشۇپ قالايلى ،ئىسمىم قۇندۇزئاي . نىمانچە خىجىل بولىسىز ،خىجىل بولماڭ . بىلىمەن ، سىز ماۋۇ بالىلارغا پاقەت ئوخشىمايدىكەنسىز ، شۇڭا سىزگە قىززىقىپ قالدىم . ئابدۇللا بۇ گەپلەرنى  ئاڭلاپ بەدەنلىرى بىر خىللا تىكەنلىشىپ كەتتى . ــ سىز خىجىل بولسىڭىز مىنىڭ ئۇكامغا ئوخشاش بەك ئۇماقلىشىپ كىتىدىكەنسىز ھە !- دېدى قۇندۇزئاي كۇلۇپ كىتىپ –ھى ھى ھى قىز ئابدۇللاغا بىر خىل تەلپۇنۇش ئىلكىدە چىرايىغا  قاراپ تۇراتتى . ئابدۇللا بولسا بۇنداق قىزلارغا قىززىقمايتى . ئۇ پات-پات شىرىنگۈلگە قاراپ قۇياتتى . ئابدۇللا بىر ئىشنى ئويلىغاندەك بۇلۇپ ، بىللە تاڭسا ئوياۋاتقان قۇندۇزئايغا قاراپ : ــ سىز شىرىنگۈلنى تۇنامسىز ؟ ــ ئەلىۋەتتە تۇنۇيمەن . بىز ھەممىمىز بىر ياتاقتا ، ئۇ مىنىڭ يىقىن دوستۇم . بىز ئالى مەكتەپتە ئۇقۇيمىز . نىمە ؟ ئۇنى ياخشى كۇرۇپ قالغان ئوخشىمامسىز ؟- دېدى قىز ھىجىيىپ تۇرۇپ ــ بولمىسا مەن تۇنۇشتۇرۇپ قۇياي ! ــ ياق بولدى . مەن مۇنداقلا سوراپ قويدۇم . بۇ قىز كەلگەننىڭ ياقى ئۇسۇل يا تاڭسا ئويناپ باقمىدى .ــ دېدى ئابدۇللا .ئۇنىڭ پۇتۇن ئەسيادى شىرىنگۈلنىڭ قانداق قىز ئىكەنلىكىنى بىلىش ئىدى . ــ شۇڭا ھەيران بوپ سورۇشۇم . ــ ئۇما ؟ دېدى قىز ــ بۇنداق سورۇنغا پەقەت كەپ باقمىغان ، ئۇ دەرىستىن باشقا ھېشنىمىنى بىلمەيدۇ . ئاۋۇ ئەلى ئاكاي بىلەن پاراڭلىشىۋاتقان قىز ‹‹ ئەگەر بۇگۇن بىز بىلەن تاماققا چىقمىساڭ راسلا خاپا بوپ قالىمىز ›› دەپ زورلاپ ئېلىپ چىققان ــ دېدى قىز . ئابدۇللا ئاخىرى ھەممىنى چۇشەندى . شۇ ئەسنادا مۇزىكىمۇ تۈگدى ،ئۇ قىزغا ‹‹رەخمەت ›› دەپ قۇيۇپ ئورنىغا كىلىپ ئولتۇردى . ئارىدىن بىر ئاز ۋاقىت ئۆتكەندىن كىيىن ئەلى بىلەن پاراڭلاشقان قىز شىرىنگۈلنى سىرتقا ئېلىپ چىكەتتى . ئارقىدىنلا ئەلىنىڭ بىر دوستى مەس بوپ قالدىمۇ ، ياكى مەس بولغان قىياپەتكە كىرۋالدىمۇ ئېيتاۋۇر ! قىزلارنىڭ يىنىغا قاراپ ماڭدى . ئۇ ئۇياققا بېرىپ بىر قىزغا ، بۇياققا كىلىپ بىر قىزغا چۈشۈنىكسىز تاقا-تۇقا گەپلەرنى قىلىشقا باشلىدى .ئاندىن شىرىگۈل ئولتۇرغان ئۇرۇنغا كىلىپ ئولتۇردى .ئۇ يىگىت ئىھتىياتسىزلىقتىن شىرىنگۈلنىڭ چېيىنى تۇكۇۋەتتى ‹‹ مەن شىرىنگۈلنىڭ چېيىنى تۈكۈۋەتتىم ، ئۆزۇم يەنە چاي قۇيۇپ بىرىشىم كىرەك ›› دەپ ئۆز-ئۆزىگە گەپ قىلىپ چاي قۇياپ قويغان دەرىزە تەرەپكە قاراپ ماڭدى . بۇ مەس بىلەن ھېچكىمنىڭ كارى بولمىدى . پەقەت ئابدۇللا ئۇ مەسكە دىققەت قىلىپ تۇراتتى . ئۇ مەسنىڭ ئىستاكانغا چاي قۇيغاچ چايغا بىر نەرسە سېلىۋەتكەنلىكىنى كۆردى . ئابدۇللانىڭ يۇرۇكى ئەنسىز سۇقۇشقا باشلىدى .بىراق بۇ چاغدا يىنىكلىك قىلسا شىرىنگۈلنىلا ئەمەس ، ئۆزىنىمۇ قۇتقىزالمايدىغانلىقىنى بىلەتتى . شۇڭا ئۇ يەنە چاندۇرماي سۇكۈتتە تۇرۇشنى تاللىدى . مەس چاينى قۇيۇپ بۇلۇپ دەلدەڭشىپ كىلىپ شىرىنگۈلنىڭ جايىغا چاينى قۇيۇپ قويدى ، ۋە ئۆزىنىڭ ئورنىغا كىلىپ بېشىنى ئۈستەل ئۇستىگە قۇيۇپ يېتىۋالدى . ئۇزاق ئۆتمەي شىرىنگۈل بىلەن ھېلىقى قىز كىردى .ئۇلار ئۇرۇنلىرىغا بېرىپ ئولتۇرغاندىن كىيىن ھېلىقى قىز ئەلىگە بىر قارىۋەتتى ،ۋە سورۇندىكىلەرگە قاراپ : ــ دوسلارنىڭ بۇ سورۇنغا كەلگەنلىكىدىن بەكمۇ خوش بولدۇم . بىز قايتايلى ،ۋاقىتمۇ بىر يەگە بېرىپ قاپتۇ . ئاخىرىدا ھەممەيلەننىڭ خۇشال خۇرام ، ئىشلىرىمىزنىڭ ئۇڭۇشلۇق بۇلىشىنى ئۈمىد قىلىپ ، ھەممەيلەن بىر قەدەھتىن كۈتۈرۋېتەيلى ! - دېدى ۋە ئالدىدىكى قىزىل ھاراق قۇيۇلغان رومكىنى قۇلىغا ئېلىپ كۇتۇردى .شىرىنگۈلمۇ ئالدىدىكى چاينى قۇلىغا ئالدى . ئابدۇللا شىرىنگۈلنى ئەسكەرتىش ئۇچۇن ئۇنىڭدىن كۆزىنى پەقەت ئۈزمىدى ‹‹ جېنىم شىرىنگۈل ماڭا بىر قېتىم قارىسىڭىز بولمامدۇ ؟ مانا مەن ، مانا مەن ! چاينى ئىشمەڭ ، ئىشمەڭ ....... ››  ئابدۇللانىڭ ئىچى تىتىلداپ كەتتى .شۇ ۋاقىتتا شىرىنگۈل ئۆزىنىڭ قايتىدىغانلىقىدىن خوش بوپ كىتىپ باشقىلار بىلەن كارى بولمىغان ئىدى . ھەممەيلەن ئورنىدىن تۇرپ ‹‹ خوشە ›› دىيىشىپ ھاراقنى ئىچىشتى . شىرىنگۈلمۇ قولىدىكى چاينى بىراقلا ئىچىۋەتكەنىدى . ھەممەيلەن خوشلىشىپ قايتىشقا باشلىدى .شىرىنگۈل بولسا بۇ يەردىن كىتىدىغانلىقىدىن ئالامچە خوش ئىدى . لېكىن ، ئۆزىنىڭ دوزاخ تەرەپكە قاراپ مېڭىۋاتقانلىقىنى خىيالىغىمۇ كەلتۈرۈپ باقمىغان ئىدى . ئۇغۇللارمۇ بىر ئىككىدىن قايتىشتى .ئەمدى بۇ سورۇندا ئەلى ،ئەلىنىڭ بىر دوستى ، ئابدۇللا قالغاندى .ئارقىدىن ئۇزۇن ئۆتمەيلا ئەلى ئورنىدىن تۇرۇپ : ــ جۇرە ئابدۇللا بۈگۈن سىنىڭ كۆڭلىڭنى بىر ئېچىپ قوياي ! - دېدى ۋە ئابدۇللا بىلەن ھېلىقى دوستىنى ئەگەشتۈرۈپ ئۇدۇل ياتاققا قاراپ ماڭدى . ياتاق ئالدىدا ھېلىقى ئەلى بىلەن پاراڭلاشقان قىز تۇراتتى . ئابدۇللا ئىشنىڭ يامانلىقىنى سەزدى ، ئەزەلدىن ھەر بىر ئىشنى ئەتراپلىق ئويلايدىغان بۇ يىگىت ھېلىمۇ كۆڭلىگە بەزى پىلانلارنى پۇككەنىدى . ئۇ تېلىفۇنىنى يانچۇقىدىن چىقىرىپ ئاۋاز ئالىدىغان قىلىپ قۇيۇپ يەنە چاندۇرماي تېلىفۇنىنى يانچۇقىغا سېلىپ قويدى . ئەلى قىزنىڭ يېنىغا كىلىپ : ــ قانداق ئىش پۈتتىمۇ ؟ ــ ھەئە ! ھەممە ئىشلار جايىدا . مەنمۇ ئىشىمنى تۇگەنتتىم .ـ ھە راس ! مەن ھېشنىمىنى كۆرمىدىم جۇمۇ - دېدى دە ‹‹ قېنى ›› دىگەندەك قىلىپ قۇلىنى ئۇزاتتى . ئەلى ياچۇقىدىن 1000يۇەنگە يىقىن پۇلنى چىقىرىپ ھېلىقى قىزغا بەردى . قىز پۇلنى ئېلىپلا كەتتى . ئابدۇللا تىزراق ئامال قىلمىسا شىرىنگۈلنىڭ ئۆمۈرلۈك بەختى نابۇت بۇلاتتى ، ھەم ئۆزىنىمۇ كەچۈرەلمەيتى . قانداق قىلىش كىرەك ؟ ــ قېنى كىرىڭلار – دېدى ئەلى . ئابدۇللا ياتاققا كىرىدى . كارۋات ئۈستىدە شىرىنگۈلنىڭ ئاجايىپ تاتلىق ئۇخلاۋاتقانلىقىنى كۆردى ‹‹ئاھ قىزچاق ! سەن بۈگۈن ئۆز مىللىتىمىز تەرىپىدىن ، ياق مۇنۇ مۇناپىقلار تەرىپىدىن دەپسەندە قىلىنىدىغان بولدۇڭ . سىنىڭمۇ گۈزەل ئارزۇ-ئارمانلىرىڭ ، سۇيىدىغان ئادىمىڭ بار بولغۇيتى .مانا مۇشۇ دەقىقىلەردە ھەممىسى كۈپۈككە ئايلىنىدىغان بولدى ›› ئابدۇللا كەينىدىكى بىرسىنىڭ گىپىنى ئاڭلاپ ئىسىگە كەلدى . ــ بولدى ئەلى ئاكا ،مەن ئوينىمايمەن .مەن بۇنىڭغا ئوخشاش نازۇك، چىرايلىق قىزنى كۈچىلاردا كۆرۇپ باققىنىمغا ، بۇنداق سورۇندا ئۆمۈرۈمدە كۆرۇپ باقمىغان . ئۇنىڭ ئۈستىگە بىزدە  ساقايماس كىسەل بار دىگىنە ؟ ئەگەر بۇ قىز كىيىنكى كۈنلىكىدە ئۆزىنىڭ‹‹ ئەيدىز››بوپ قالغانلىقىنى بىلسە ئۆزىنى ئۆلتۆلۋېلىشتىن يانمايدۇ ! شۇڭا.... بولدى – دەپلا ئارقىغا بۇرۇلۇپلا چىقىپ كەتتى . بىراق بۇ گەپلەر ئەلىگە تەسىر قىلغاندەك ئەمەس ئىدى . ئۇ قىزنىڭ يېنىغا بېرىپ قىزنىڭ كىيىملىرىنى سېلىشقا باشلىدى . ئەلى بۇنداق قىلسا ئابدۇللا ئەمدى قاراپ تۇرۇرۋەرسە ھەرگىز ئۈلگۈرەلمەيتى .ئۇ ‹‹ بۇ قىزنى ماڭا بەرسەڭ بەردىڭ .بولمىسا يا سەن ئۇلىسەن ،يا مەن ئۇلىمەن ›› دەپ ئويلىدى . ۋە ئەلىنىڭ يېنىغا كىلىپ : ــ ئەلى ئاكا  ـ دېدى ئۇ مۇلايىملىق بىلەن . ئەلى ئاڭلايدىغاندەك ئەمەس ئىدى . ئابدۇللا يەنە ــ ئەلى ئاكا بۇ قىزغا مەن قىززىقىپ قالدىم .بۇ قىزنى ماڭا بەرسەڭ ، ساڭا كىيىنچە بۇنداق پۇرسەت كەپ قالا !ــ دېدى ئابدۇللا يالغاندىن ھېجاراپ تۇرۇپ . ئەلى بىر ھازاغىچە گەپ قىلمىدى . بىردەمدىن كىيىن كاللىسىدىن ئۆتتى بولغاي ‹‹ماقۇل›› دەپلا ئىشىك تەرەپكە قاراپ ماڭدى . ئۇ توختاپ كەينىگە بۇرۇلۇپ : ــ ئىسىڭدە بولسۇن . قىز ھۇشىغا كەپ بولغۇچە سەنمۇ چۇقۇم باشقا ياتاققا چىقىپ كەت ، ھېچقانداق ئىز قالدۇرما ! ــ بۇلىدۇ ئاكا بۇلىدۇ . سىنىڭ مۇشۇ پۇرسەتنى بەرگىنىڭگە رەخمەت جۇمۇ ! - ئەلى چىقىپ  كەتتى . ــ ئۇھ ! ئۇلۇغ ئاللانىڭ كۆزى ئۇچۇقكەن . شىرىنگۈل سىز ئاخىرى بۇ يامانلىقتىن ساقلىنىپ قالدىڭىز . ئەگەر بۇ مۇناپىق سىزگە يامان نىيەتلىك قىلغان بولسا .....ھەي ! - ئابدۇللا ئاستا پىچىرلىدى .ئۇ شىرىنگۈلنىڭ يېنىغا كىلىپ  قىزنىڭ ئۇچۇق قالغان كۆكرىكىنى خىجىلچانلىق بىلەن، قىز شۇ ئەسنادا ھۇشىغا كىلىپ خاتا چۈشۈنۈپ قېلىشىدىن قورقۇپ شىرىنگۈلنىڭ  كىيىملىرىنى ئانچە-مۇنچە تىز تىز  تۈزەشتۈرۈپ ئوڭشاپ قويدى . ئۇ دەرىزە تەرەپكە قۇيۇلغان سافاغا كىلىپ ئولتۇردى ، دە قىزنىڭ ھۇشىغا كىلىشىنى كۈتتى . ئابدۇللا ھازىر ئۆزىنىڭ بۇ ياخشى ئىشنى قىلغىنىدىن يەنە بىر قېتىم پەخىرلەنمەكتە ئىدى . ئابدۇللا قىزغا قارىغانسىرى قارۇغىسى كىلەتتى ، قىز خۇددى ھېچ ئىش بولمىغاندەك بەخەرامان ئۇخلاۋاتاتتى . قىزنىڭ  قاپقارا ئۇزۇن سۇمبۇل چاچلىرى قالايمىقان چېچىلىپ تۇراتتى . ئابدۇللا قىزنىڭ چېچىنى ئوڭشاپ قۇيۇش ئۇچۇن قىزنىڭ  يېنىغا كەلدۇييۇ ، قىز تۇيۇقسىز ھۇشىغا قېلىپ خاتا چۈشۈنۈپ قېلىشىدىن ئەنسىرەپ يەنە يىراق تۇردى . يېرىم كىچە سائەت ئۈچتىن ئاشتى .قىز تېخىچە ھۇشىغا كەلمىدى . ئابدۇللا  بۇ قىزنى كەلسە ، بولغان ئەخۋالنى بىرمۇ-بىر سۆزلەپ بەرسە ، قىز تەسىرلىنىپ ئۇنىڭغا رەخمەت ئېيتىپ ئۆزى بىلەن دوس بۇلىدىغانلىقىنى ئويلاپ ئىختىيارسىز كۈلەتتى . ئۇ ئۆزىنىڭ چاپىنىنى قىزغا يېپىنچە قىلىپ قۇيۇپ  يەنە ئۆزىنىڭ ئورنىغا كىلىپ ئولتۇردى . ۋاقىت سىكىنۇتلاپ ئۆتمەكتە . قىز تېخىچە ھۇشىغا كەلمىدى .ئابدۇللامۇ ئۇخلاشنى خالىمىغان ئىدى . ئاخىرى كۈتكەن مىنۇتلار يىتىپ كەلدى . شىرىنگۈل ھۇشىغا كەلدى . ئۇ بېشىنى كۈتۈرۈپ ياتاق ئىچىگە بىر قۇر كۆز يۈگۈرۈتكەندىن كىيىن ئابدۇللانى كۆردى . ئابدۇللا ئورنىدىن تۇرۇپ شىرىنگۈلگە قاراپ ‹‹ ئاخىرى ھۇشىڭىزغا كەلدىڭىز ›› دەپ كۈلۈمسىرەپ قويدى . شىرىنگۈل ئۇستىبېشىغا بىر قۇر قاراپ چىقتى . ئۇنىڭ  يېنىدا ئابدۇللانىڭ  چاپىنىمۇ بار ئىدى . شىرىنگۈل  باشقىلارنىڭ ئۆزىگە چېقىلغانلىقىنى بىلىپ ئىككى قولى بىلەن يۈزىنى ئىتىپ بېشىنى تىزىغا قۇيىۋالدى . ۋە ئۇزۇنغىچە بېشىنى كۈتۈرمىدى . ئابدۇللا بۇنى كۆرۇپ  قىزنىڭ يېنىغا كىلىپ: ــ نىمە بولدىڭىز ؟- دەپ سورىغاندا ، قىز ناھايتى كەسكىنلىك بىلەن ئوڭ قۇلىنى ئابدۇللاغا قارىتىپ بىر بارمىقىنى چەنلەپ تۇرۇپ : ــ يىقىن كەلمە ! سەن ئىپلاس مىنى نىمە قىلدىڭ ؟ مەن ساڭا نىمە يامانلىق قىلغان ؟ نىمىشقا بۇنداق قىلىسەن ، زادى نىمىشقا ؟ سەن چوشقا مىنىڭ بەختىمنى نابۇت قىلدىڭ بىلەمسەن شۇنى ! قىزنىڭ يىغىسى بارغانچە كۈچەيمەكتە ئىدى . ئۇنىڭ كۆز ياشلىرى تارام-تاراملاپ چۈشۈپ كىيىملىرىنى ھۆل قىلىۋەتتى . ــ نىمە بولدىڭىز ! سىزگە بىر ئىش بولغىنى يوققۇ !- دېدى ئابدۇللا تىرىكمەي ناھايتى تەمكىنلىك بىلەن . ــ ھېچ ئىش يوق دەمسەنا ؟ نۇمۇس قىلماي شۇ گەپنى دەۋاتامسەن ؟سەنلەر بىلىشەمسەن ، بىر قىزنىڭ پاكلىقىنى يۇقىتىشنىڭ قانچىلىك ئېغىر ئىكەنلىكىنى چۈشۈنىشەمسەن ؟ - قىزنىڭ ئاۋازى تىترەپ ،لەۋلىرى قولاشماي قالغانىدى . كۆزىدىن چىققان ياش قىزنىڭ يۈزىنى بويلاپ كىيىملىرىگە چۇشتى . ئابدۇللامۇ ‹‹ قىز بالا دىگەن بىردەم يىغلىۋالسا يۇمىشاپ قالىدۇ دەيدىغان ، يىغلاپ –يىغلاپ ھېلىغىچە بۇشاپ قالا ! ئاندىن چۈشەندۈرسەممۇ كىچىكمەسمەن ›› دەپ ئويلاپ قىزغا گەپ قىلمىدى . ئارىدىن بىر ئاز ۋاقىت ئۆتتى . شىرىنگۈل يىغىسىنى توختاتتى .ئۇ بېشىنى ئاستا كۆتۇرۇپ پەس ئاۋازدا : ــ ئەمدى بۇ دۇنيادا ياشۇغۇدەك يىرىممۇ قالمىدى ! قانداق ياشايمەن ؟ ئابدۇللا بۇ گەپنى ئاڭلاپ چاققانلىق بىلەن : ــ مەن سىزگە چېقىلمىدىم ، ئاۋال سىز مىنىڭ چۈشەندۈرۈشىمنى ئاڭلاڭ بۇلامدۇ ؟ -شىرىنگۈل ئابدۇللاغا كۆزىنى يۇغان ئېچىپ نەپرەت بىلەن قاراپ : ــ نۇمۇس قىلماي چېقىلمىدىم دەمسەن ؟  قىلغۇلقنى قىلىپ بۇلۇپ تېنىۋالماقچىمۇ سەن ؟ ۋۇ مۇناپىق نائەھلى ! – شىرىنگۈلنىڭ گەپلىرى قولاشماي ،ئاۋازى تىترەك ، ئىنتايىن جانسىز چىقىۋاتاتتى ــ ئۆلسەڭ دوزاخ ئەھلى بۇلاسەن خۇدايىم ! ئىسىت ئاخشام كۆزۈمگە يىقىملىق كۈرۈنۈپ كەتكەنلىرىڭ ، سىنىڭمۇ سىڭلىڭ باردۇ ؟!  يۇقال بۇيەردىن سىنى كۆرە كۆزۈم يوق !........... قىزنىڭ ئاخىرقى گەپلىرى‹‹ قېنى قىززىق›› بۇ يىگىتنىڭ ئاچچىقىنى كەلتۈرۈپ قويدى . ــ  ئىززىتىنى قىلغىننى بىلمەيدىغان . ساڭا دەپ قوياي ،ساڭا ھېشكىم چېقىلمىدى .ئاخشام قانداق كەلگەن بولساڭ ھازىرمۇ شۇنداق سەن ! گەپ قىلماي تۇرسام ئەجەپ تىللاپ كەتتىڭا ! ــ شىرىنگۈل ئابدۇللانىڭ گىپىنى ئاڭلاپ قېتىپلا قالدى .ــ ئەگەر مەن سىنى قۇتقۇزىۋالمىغان بولسام بۇ چاغقىچە ئەلى دىگەن مۇناپىق سىنى ئايغاغ قىلغان بۇلاتتى . ــ ئەمدى ئابدۇللا ئۆزىنى بېسىۋالالمىدى ــ ھەي پاسكىنا ، مەكتەپتە ئۇقىغىلى كەلگەندىكىن ئۇقۇشىڭنى ئۇقىماي نىمە با بۇ يەدە ؟ پوق باما ؟ ئاتا-ئاناڭ جاپادا ئىشلەپ پۇل تېپىپ ، سىنى بۇ يەدە ئولتۇرۇش قىلىپ ئوينىسۇن دەپ ئۇقىتىۋاتامدا؟ ئىسىت ، ئاناڭ بىلەن داداڭنىڭ سىنى باققان ئەجرىگە ! ساڭا دەپ قۇياي رەسۋا ....   ‹‹چاڭ››   ئۆمرىدە بىرەسىدىن بۇنداق ئىزا-ئاھانەت ئاڭلاپ باقمىغان شىرىنگۈل ئابدۇللانىڭ يۇزىگە كۈچەپ بىرنى سالدى . بىرەسىدىن بۇنچىلىك قاتتىق يۇزىگە تاياق يەپ باقمىغان ئابدۇللامۇ قىزغا قاراپلا قالغانىدى . ــ مەن سىز ئويلىغاندەك قىزلادىن ئەمەس . ئولتۇرۇڭ مەن سىزگە دەپ بىرەي. ــ  باياتتىن بىرى سەنلەپ گەپ قىلغان شىرىنگۈل ئەمدى بۇشاپ قالغاندى . ئابدۇللا ئارتۇق گەپ قىلماي سافاغا كىلىپ ئولتۇردى . ــ مەن ئويدە بىر بالا – دەپ سۆزىنى باشلىدى شىرىنگۈل ــ بىر بالا بولغانلىقىم ئۇچۇن ئاپام بىلەن دادام مىنى بەك ئەركىلىتەتتى . 8 ياشقا كىرگىنىمدە ، ئاپام تۇيۇقسىز قاتناش ۋەقەسىدە تۈگەپ كەتتى . 4 يىلغىچە دادام بىلەن بىر-بىرىمىزگە ھەمرا بۇلۇشۇپ ياشىدۇق . 4 يىلدىن كىيىن دادام قايتا توي قىلدى . ئۇ خوتۇن بەكلا ھازازۇل ئىدى . دادام بار يەردە بىر خىل ، يوق يەردە بىر خىل مۇئامىلە قىلاتتى . دادام ئادىراش بولغاچقا ماڭا ھەمرا بۇلىدىغان ۋاقتى بەك ئاز چىقاتتى . ۋاقىتنىڭ ئۆتىشىگە ئەگىشىپ ، كىيىن ئۇ ئايال ‹‹مەن ئاغىرىپ قالدىم ›› دىگەننى باھانە قىلىپ يېتىۋالىدىغان بولدى . تاماق ئېتىش ، كىر- قاتلارنى يۇيۇش، ئوي تازىلاش ئىشلىرى ماڭا يۇكلەندى . مەن بۇ خۇتۇندىن قۇتۇلۇشنى ئويلايتىم . قۇتۇلۇشنىڭ بىردىن – بىر يۇلى بولسا ، ياخشى ئۇقۇپ ئالى مەكتەپكە ئۈتۈش ئىدى . ــ قىزنىڭ ئاۋازى ئىنتايىن جانسىز ،كۆزلىرىدىن ياشلار تاراملاپ ئېقىپ تۇراتتى . گەپلىرىمۇ  تىترەك ھالەتتە چىقىۋاتاتتى . ــ  كىيىن مەن كۆڭلۈمدىكى   ئالى مەكتەپكە ئۆتتۇم . ئاخىرى ئۇ ئۆگەي خۇتۇندىنمۇ قۇتۇلدۇم.     2006-يىلى ئالى مەكتەپكە كەلدىم .ھەمدە ئۆز كەسپىمنى تىرىشىپ ئۆگەندىم . بىكار قالغان ، زىرىككەن ۋاقىتلىرىمدا مەكتەپنىڭ كۈتۈپخانىسىدا كىرىپ  . ئۇيغۇرلارنىڭ تارىخى رومانىنى تېپىپ ئۇقۇيتۇم . ئۇنىڭدىن باشقا ئىشلارغا قىززىقمىدىم . ھەتتا ئۇغۇللار مۇھەببەت ئىزھارى قىلسا ‹‹ مەن تېخى كىچىك ›› دىگەندەك باھانىلەرنى قىلىپ رەت قىلىپ كەلدىم . تۈنۈگۈن ياتاقداشلىرىم ‹‹ بىز ساۋاقداش ھەم ياتاقداش بولغىلى 4 يىل بولدى . سەن بىرەر قېتىممۇ بىز بىلەن بىرگە سىرتقا چىقىپ باقمىدىڭ ، بۇگۇن تاماق يەپ كىرىمىز . مۇشىنىڭغىمۇ بىللە بارمىساڭ ،بىز سەندىن راسلا رەنجىپ قالىمىز .›› دىگەچكە ئامالسىز بىللە چىققان . كىم بىلسۇن ؟ جەمىئەتتىكى بالىلار بىلەن ئولتۇرۇشۇمنى ! بىلگەن بولسام ھەرگىز كەلمەيتىم .   ئابدۇللا شىرىنگۈلگە ھېسداشلىق قىلغۇسى كەلدى . بىراق ، بايام قىزنىڭ ئۇنىڭغا قىلغان بىگۇناھ سۆزلىرىگە ئۇنىڭ تېخىچە ئاچچىقى بار ئىدى .  ئۇ يانچۇقىدىن يان تېلىفۇنىسىنى ئېلىپ ئاخشام ئۈنئالغۇغا ئېىلىپ قويغان گەپنى چىقىرىپ ئۇستەل ئۇستىگە قۇيۇپ قويدى . تېلىفۇندا ئاخشامقى بولغان ئىشلار ئەينەن چىقىۋاتاتتى . ھېلىقى قىزنىڭ ئەلى بىلەن پاراڭلاشقان گەپلىرىدىن ،تاكى ئۇغۇلنىڭ ‹‹بىزدە ساقايماس  ئەيدىز كىسىلى بار›› دىگەنغىچە گەپلەر بار ئىدى . شىرىنگۈل بۇلارنى ئاڭلاپ گەپمۇ قىلالمىدى . ئۇ ھازىر يا يىغلاشنى يا ۋاقىراشنى بىلەلمەي قالدى . ئۆزىنى دوزاخ ئوتىدا پۇتۇن بەدىنى كۇيقۋاتقاندەك تىترەيتى . ئۇنىڭ ھازىرقى كەيپىياتى تىل بىلەن تەسىرلىگۈسىز دەرىجىدە ئىنتايىن مۇرەككەپ ئىدى . ئابدۇللانىڭ كۆزى شىرىنگۈلگە قارىشى ،شىرىنگۈلنىڭ ئابدۇللاغا قارىشى تەڭ كىلىپ قالدى .ئابدۇللا شىرىنگۈلنىڭ چىرايىدىن ئىنتايىن قورقۇپ كەتكەنلىكىنى كۆردى ،ۋە كۆزىدىن بىر تامچە ياش تۇكۇلدى . بۇ ئۇنىڭ بىر قىز ئۇچۇن تۇنجى ياش تۆكىشى ئىدى . ئابدۇللا ئۆزىنى ئاران تۇتىۋېلىپ تېلىفۇنىسىنى ئېلىپ ئىشىك بار تەرەپكە قاراپ ماڭدى . بۇنى كۆرگەن قىز ئورنىدىن تۇرۇپ مېڭىشقىمۇ ئۈلگىرەلمەي خۇددى ياشقا توشمىغان بۇۋاقتەك ئۆمىلەپ بېرىپ ئابدۇللانىڭ پۇتىغا ئېسلىۋالدى . ئۇ توختىماي يىغلايتى .ئاغىزىدىن پەقەتلا ‹‹كەتمەڭ ، ئۈتۈنۈپ قالاي ›› دىگەن گەپلا ئاران چىققانىدى. ئابدۇللا شىرىنگۈلنى ئاستا يۇلەپ كارۋاتتا ئولتۇرغۇزدى . ئابدۇللا قىزنىڭ شۇنچىۋالا قورقوپ كەتكەنلىكىنى سىزىپ ئۆزىنىڭ سەرگۈزەشلىرىنى ئېيتىپ بىرەي دەپ تۇرغۇنىدا ‹‹مىنىڭ يېنىمغا كىلىپ ئولتورىسىڭىز ؟›› ئىنتايىن جانسىز، پەس ئازۋازدا دىگەن گەپتىن ئابدۇللا گەپ قىلماي شىرىنگۈلنىڭ يېنىغا كىلىپ ئولتۇردى . قىز ئۇنىڭ بىلىكىنى چىڭ تۇتۇپ ، بېشىنى مۆرىسىگە قۇيۇپ ئابدۇللاغا : ــ كەچۈرۈڭ، توغرا چۈشۈنەرسىز ! سىزنى تۇتىۋالسام ئانچە قورقمايدىكەنمەن . ئابدۇللا قىزنىڭ كۆڭلىنى ئاياپ گەپ قىلمىدى . ــ بولدى كۆڭلىڭىزنى يېرىم قىلماڭ . مەنمۇ بېشىمدىن ئۆتكەن ئىسسىق سۇغاقلارنى سىزگە دەپ بىرەي - دېدى ئابدۇللا . ئۇ بىر پەس تۇرغاندىن كىيىن ــ مەن بىر دىھقان ئائىلىسىدە تۇغۇلغان .بىز تۆت بالا مەن ئۆينىڭ چوڭى . تۇلۇقسىزنى پۈتتۈرۇپلا ئۇقىيالمىدىم . دادام ھەر كۇنى مەھەللە دوقمىشىغا بېرىپ بىر نەچچە تەڭتۈشلىرى بىلەن قارتا ئوينايدۇ . دادامغا ئاشۇ دوسلىرى بىلەن قارتا بولسىلا بولدى . باشقا ئىش بىلەن پەقەت كارى يوق . بىزنىڭ ئىككى پارنىكىمىز بار . ئانام شۇ پارنىكتىن چىققان سەي كۆكتاتلارنى سېتىپ ئائىلىنى قامدايتى . شۇنداق بولسىمۇ دادام ئانامنى ‹‹پۇل تاپمىدىڭ ›› دەپ ئۇراتتى . ئۇرغاندىمۇ شۇنداق قاتتىق ئۇراتتى . مەن مەكتەپتە ئۇقۇيدىغان بولغاچقا ئانامغا ياردەملىشەلمەيتىم ، كىيىن مەن مەكتەپتە ئۇقۇمۇدۇم . ئانامنىڭ مىنى مەكتەپتە بەك ئۇقۇتقىسى بار ئىدى . لېكىن ، مەن ئانامنىڭ  جاپا تارتىپ قېلىشىغا چىدىمىدىم .شۇنىڭدىن كىيىن مەن  ئانامغا ياردەملىشىپ پارنىكتا ئىشلىدىم . ئائىلە ئەخۋالىمىزمۇ كۈندىن كۈنگە ياخشىلىنىشقا باشلىدى . داداممۇ ئانامنى ئۇرمايدىغان بولدى . مەنمۇ چوڭ بولدۇم . ئىككى يىل ئىلگىرى مەن ئانام بىلەن بازارغا بېرىپ سەيلىرىمىزنى سېتىپ  كەچقۇرۇن ئۆيگە قايتقان ۋاقتىمىزدا يانچۇقچى ئوغورلار ئانامنىڭ يانچۇقىدىن بىر كۈن مىڭ مۇشاقەت جاپا بىلەن سەي سېتىپ تاپقان يۈز نەچچە يۈەن پۇلنى ئوغۇرلىۋاپتۇ . بىز ئۆيگە كەلگەندە دادام بۇ ئىشنى ئۇقۇپ ئانامنى ئۇردى . مەن دادامنى تۇتىۋالغان بولساممۇ ، ئانامنى يەنە ئۇردى . بىر چوپ-چوڭ بۇلۇپ قالغان بالىنىڭ ئالدىدا ئۆز ئانىسىنىڭ تاياق يەپ ئىڭىراشلىرىنى كۆرۇشتىن قاتتىق ئازاپ بولمىسا كىرەك ! بۇ پاجىئەنى كۆرۇپ ئۆزىمنى تۇتالماي ئۆز دادامغا قول ياندۇرۇپ سالدىم . ــ ئابدۇللا بۇلارنى دەۋېتىپ كۆڭلى بۇزىلدى - كىيىن مەن ئۆيدىنچىقىپ ئۈرۈمچىگە كەلدىم .   ــ بولدى دىمەڭ مەن چۈشەندىم .ــ دېدى شىرىنگۈل . دە ئابدۇللانىڭ قۇلىنى چىڭ قۇچاقلاپ تۇرۇپ ــ سەۋىر قىلىڭ بۇ كۈنلەرمۇ ئۈتۈپ كىتىدۇ . دادىڭىزمۇ چۇقۇم تۈزۈلىپ كىتىدۇ . ــ خۇدايىم دىگىنىڭىزدەك بولغاي ، شۇنداق بولسا بەك ياخشى بۇلاتتى . ئابدۇللا بۇ ئىشلارنى سۆزلەپ بىرىپ شىرىنگۈلنىڭ قورقۇنقچلىرىنى يۇقاتقانىدى . ئۇنىڭ كۆڭلى ئاستا-ئاستا جايىغا چۈشكەن ئىدى .لېكىن ئۇ ئۆزنىڭ ئەڭ يىقىن دوستى ھەم ياتاقداشلىرىنىڭ ئۇنىڭ بەختىنى نابۇت قىلغىلى تاسلا قالغانلىقىنى ئويلىسا كۆڭلى يېرىم بۇلاتتى . بەدەنلىرى تىكەنلىشىپ كىتەتتى .    تاڭ ئاتتى . ئابدۇللانىڭ ئىشقا بارىدىغان ۋاقتى بولدى . ئۇ بىر كىچە ئۇخلىماي كۆزلىرى قىززىرىپ كەتكەنىدى . ئۇ كىيىملىرىنى تۇزەشتۈرۈپ كىتىشىگە تەمشەلگەندە، شىرىنگۈل : ــ ئابدۇللا ، مەن سىزگە قانداق رەخمەت ئېيتىشىمنى بىلەلماۋاتىمەن ، ئاخشام قىلغانلىرىمنى كەچۈرەسىزمۇ ؟ سىز مىنى قۇتقىزغان تۇرۇپ مەن سىزنى يەنە ھاقارەتلىدىم .......مەن...... ــ ھېچقىسى يوق توغرا چۈشۈنىمەن . ئەگەر سىزنىڭ ئورنىڭىزدا مەن بولغان بولساممۇ بەلكىم شۇنداق قىلار بولغۇيتتۇم . بولدى رەخمەت ئيتماڭ ، سىز مىنى توغرا چبشەنسىڭىز ماڭا قىلغان ئەڭ چوڭ رەخمىتىڭىز شۇ ! شىرىنگۈل ئابدۇللانىڭ يېنىغا كىلىپ بېشىنى پەس قىلىپ ئابدۇللاغا ئوغۇرلىقچە قاراپ : ــ كەچۈرۈڭ ، سىزنىڭ يۈزىڭىز ! ئابدۇللا نىمە بولغانلىقىنى بىلەلمەي ئىشىك كەينىدىكى ئەينەككە قارىۋېدى ، ئاخشام شىرىنگۈل يۈزىگە ئۇرغان قول ئىزىنىڭ ‹‹ مانا مەن ›› دەپ چىقىپ تۇرغانلىقىنى كۆردى . ئابدۇللا يۈزىنى تۇتۇپ تۇرۇپ :    ــ نىمىنداق قاتتىق سىزنىڭ قۇلىڭىز ، يۈزۈمگە ئۆچمەس ئىزدىن بىرنى قالدۇرۇپ قويدىڭىزمۇ نىمە ؟ ــ دېدى ئۇ ھېجىيىپ تۇرۇپ ــ ھېچقىسى يوق    . ئۇ ئىشىكتىن تەرەپكە بېرىپ بولۇپ تۇيۇقسىز : ــ ھە راس ياتاقداشلىرىڭىزغا  ھېچقانداق گەپ قىلماڭ . خۇددى ھېچ ئىش بولمىغاندەك يۈرۈڭ ، كىيىن ئۇلارنىڭ قىلغانلىرىنى بىرمۇ-بىر ياندۇرۇپ پۇشايمان قىلدۇرۋېتىمىز . شىرىنگۈل بىردىنلا خوش بۇلۇپ كەتتى . ئۇ ئابدۇللانىڭ ‹‹پۇشايمان قىلدۇرۋېتىمىز ›› دىگەن گىپىدىن سۈيۈنۈپ ، ئابدۇللانىڭ باغرىغا ئۆزىنى ئاتقۇسى كەلدى . لېكىن قىزنىڭ نازاكىتى ئۇستۈن كىلىپ ئۆزىنى ئاران تۇتىۋالغان ئىدى . ــ تېلىفۇن نۇمۇرىڭىزنى دەپ بەرسىڭىز ئالاقىلىشىپ تۇرساق !ـ دېدى شىرىنگۈل ئابدۇللاغا تېلىفۇنىسىنى سۇنۇپ . ئابدۇللا شىرىنگۈلگە تېلىفۇن نۇمۇرىنى دەپ بىرىپ ئىشقا كەتتى . ئۇ يولدا ماڭغاچ ئاخشامقى قاباھەتلىك ئىشلارنى بىر ئويلاپ چىقتى ۋە يەنە بۇ ئىشلارنىڭ ئەمدى بىر چۈش بوپ قېلىشىدىن قورقتى . شىرىنگۈل مىھمانخانىدىن قايتىپ ئۆزنىڭ ياتىقىغا باردى . ياتاقتا ھېچكىم يوق بولۇپ ، قىزلارنىڭ ئاللىقاچان ياتاققا  كىلىپ بولغانلىقىنى  ، يەنە سىرتقا چىكەتكەنلىكىنى بىلدى . ئۇ كارۋېتىغا چىقىپ ئاخشام بولغان ئىشلارنى ئويلىدى . ئويلاۋېرىپ ئاخىرى يىغلىۋەتتى . ئۇ ئەمدى بېشىنى قويۋېلىپ ھۆكىرەپ يىغلاشقا باشلىدى . ئەگەر ئابدۇللا قۇتقىزىۋالمىغان بولسا ئۇ كىيىنكى تۇرمۇشىنى ..... بۇلارنى ئويلىسا بەدەنلىرى شۈركەندى، ۋۇجۇدىدا ئاجايىپ بىر خىل نەپرەت ئەۋىچ ئالاتتى ‹‹ بۇگۇندىن باشلاپ ئابدۇللا مىنىڭ ھاياتىمنىڭ بىر قىسمى ›› دەپ ئويلىدى . شىرىنگۈل يىغلاۋېرىپ قاچانلادا ئۇخلاپ قالغانلىقىنى بىلمەي قالدى . ــ بولغان ئىشلار مۇشۇ ئۇكام - دېدى ئابدۇللا ئاكام ئالدىدىكى چاينى ئىچكەچ . ئۆمرۇمدە بۇنىڭغا ئوخشاش راس بولغان پاجىئەلىك ئىشنى  ئۆز قۇلىقىم بىلەن ئاڭلاپ باقمىغان ئىدىم . ئابدۇللا ئاكام بىلەن شىرىنگۈل ھەدەمنىڭ بۇ ۋەقەرىنى ئاڭلاپ يۇرۇكۇم ئېچىشىپ ،بەدەنلىرىم سۇغۇق تەرلەپ كەتتى .شۇ تاپتا بىر ئېغىز گەپ قىلىپ سالسام ئۆزۇمنى تۇتىۋالالماي يىغلاپ كىتىشىم تۇرغانلا گەپ ئىدى  . لېكىن ، ئابايام ئاشخانىغا كىرىشنىڭ ئالدىدا ئابدۇللا ئاكام بىلەن شىرىنگۈل ھەدەمگە ‹‹ ھەر قانچە ئىش بولسىمۇ يىغلىمايمەن ›› دەپ ۋەدە بەرگەن ئىدىم . شۇنىڭ ئۈچۈن  ئۆزىمنى تۇتىۋالدىم . شىرىنگۈل ھەدەمگە قارىغانسىرى قارۇغۇم كىلەتتى ، ئۇ شۇنچىلىك چىرايلىق ، شۇنچىلىك نازۇك نۇمۇسچان قىزكەن . تاس قاپتۇ ئەلى دىگەن مۇناپىق دەستىدىن ئۆمۇرلىك بەختى نابۇت بولغىلى . خېلى ۋاخقىچە ھېچقايسىمىز گەپ قىلمىدۇق . ئازراق ۋاقىت ئۆتكەندىن كىيىن ئابدۇللا ئاكام گەپنى باشلىدى : ــ بولغان ئىش مۇشۇ . تەقدىرنىڭ ئۇرۇنلاشتۇرىشى بىلەن شۇ كۇنى ئاخشام  بۇ سۈيۈملىك قىز بىلەن  تۇنۇشۇپ قالدىم ، كىيىن پاراڭلاشتۇق ، ئەمدى دىسە مۇھەببەتلەشتۇق . ــ ئىشقىلىپ مەن ھازىر ئۆزۇمنى دۇنيادىكى ئەڭ بەخىتلىك قىز دەپ ھېساپلايمەن .ــ دېدى شىرىنگۈل ھەدەم ئابدۇللا ئاكامغا قاراپ  يىقىملىق كۈلۈمسىرەپ ــ مىنى ياخشى كۆرىدىغان ئادىمىم يىنىمدا بار . ــ خۇدا قوشقان بىر جۈپ ئىكەنسىلەر .سىلەرنى ھېچكىم ئايرىۋېتەممىگۇدەك ! بەخىتلىك بۇلۇڭلا ئاكا ھەدە ھەر ئىككىلىسى ‹‹رەخمەت›› دىيىشتى .مەن ئۇلاردىن يەنە سورۇدۇم : ــ ھە راس قاچان توي قىلىدىغان بولدۇڭلار ؟ بىر ئاز ۋاقىت ئۆتكەندىن كىيىن شىرىنگۈل ھەدەم : ــ خۇدايىم بۇيرىسا كىلەركى ئاينىڭ ئون سەككىزىنجى چىسلا قىلماقچى ــ دېىدى   ــ نىمانچە بالدۇر؟ـ دېدىم مەن ھەيران بۇلۇپ .ــ ماڭىمۇ دىمەي غىپپىدە يۇشۇرۇن توي قىلىدىغان ئوخشىمامسىلەر ؟ - دېدىم مەن نارازىلىق بۈلدۈرگەندەك قىلىپ . ــ ھا ھا ھا ھا  سەندىن يۇشۇرغۇدەك بولمىدۇققۇ تېخى . بىزمۇ دەيلى دەپ تۇرغان سەن داۋالدىڭ شۇ  .  ھېلىمۇ بىر بولاي دەپ قالدى . ئەمدى توي قىلمىساقمۇ بولماس ! ئۇنىڭ ئۈستىگە شىرىنگۈل ئانامنىڭ جاپا تارتىپ قېلىشىنى خالىمايدىكەن ! - دېدى ئابدۇللا ئاكام ئۇلار بىر-بىرىنى ئىنتايىن ياخشى كۆرىدىكەن .‹‹ تاھىر- زۆھرە ، پەرھات-شىرىن ››دەك ياخشى كۆرىشىدىكەن دىسە ھەرگىزمۇ ئارتۇق كەتمىگۈدەك . ــ بىز ماڭايلى ئۇكام ، ۋاقىتمۇ بىر يەگە بېرىپ قاپتۇ . ــ دېدى شىرىنگۈل ھەدەم ــ تويىمىزغا باراسىز ھە ؟ ــ باراسىز ئەمەس چۇقۇم بارىدۇ .ـ دېدى ئابدۇللا ئاكام كەسكىن تەلەپپۇزدا ــ تويدا قازانغا ئوت قالاپ ، ئاشپەز ئۇستامغا سېرىق ئاشنى سېلىشىپ بىرىپ ( يۇرتىمىزدا توي بولغان كۇنى سېرىق ئاش بىلەن پولو ئىتىدۇ ) ، يۈگۈر- يىتىم ھەممىنى ئابدىراخمان ئۆزى قىلىدۇ ــ دېدى خاتىرجەم بۇلۇڭ ئاكا ! توي كۈنى ئەتتىگەن بېرىپ ھەممە ئىشنى ئۆزۈم قىلىپ بىرىمەن .تويۇڭلاردا جىقراق ئىش قىلسام خۇدايىم ماڭىمۇ شىرىنگۈل ھەدەممۇ ئوخشاش چېچى ئوززون، چىرايلىق قىزدىن بىرنى ئۇچۇرتامدۇ تېخى ــ دېدىم مەن چاخچاق قىلىپ ھەممەيلەن كۈلۈشۇپ كەتتۇق . قىز بىلەن يىگىت كەتتى . قىز خۇددى يىگىت بىر يەرگە قېچىپ كىتىدىغاندەك قۇلىنى ئالماشتۇرۋېلىپ چىڭ تۇتىۋالغانىدى .                                   تۇگدى بۇ ئەسەرنى ‹‹ئەلكۈيى ››  مۇنبىرىدىن باشقا  مۇنبەرگە يوللاشقا  قەتئى رۇخسەت يوق !!  ئەسەرنىڭ باش ئارگىنالى ئەلكۈيى مۇنبىرىگە تەۋە  !!!   ئەمگىكىمگە ھۆرمەت قىلىڭ  !!!!

turk0999

	كارامەت يىزىلىپتۇ ..بولسا ئەلكۈيى تورى ئازراق كۈچ چىقىرىپ ئاۋازلىق ئەسەر قىلىپ تورداشلارنىڭ ھوزۇرىغا سۇنغان بولسا.....

vqay

	شىرىنگۈلنى چاينى ئىچكۈچە قاراپ تۇرغانكىن ئابدۇللامۇ تايىنلىقكەن . ئەگەر شۇ كۈنى ھېلىقى باش پېرسۇناژ شىرىنگۈلگە چېقىلىپ ، ئاللىقانداق كېسەللەرنى يۇقتۇرۇپ قويغان بولسا بۇنى گۇناھى بىرىنجى بوپ ئابدۇللاغا يېزىلاتتى .

banxira

	ئۇ  قىزمۇ  شۇنداق  پاك  ياشاشنى  ئويلىغاندىكىن  نىمە  بار ئۇنداق مەرەز  سورۇندا  ؟ ھەر  قانچە  دوستلىرى  تۇرماق  يىقىن  تۇققىنى  شۇنداق  كىچىدە  ماڭ  دىسە ماڭامدىغان  .    بىر  بولسا  ئۇ  قىزنىڭ  كاللىسىنىڭ  دەردى  بار  .  بىر  بولسا دۆت  .

zulpikar4168

	نىمىلا دىگەن بىلەن ئابدۇللادىن ئۈگۈنۈشكە ئەرزىدۇ قىرىنداشلا!

mahsat

	ياخشى يېزىپسىز، ئەجرىڭىزگە رەھمەت! بىز مۇشۇنداق ئاجىزلارنى قوغدىيالايدىغان ھەم باشقىلارنى ھۆرمەت قىلىپ پۇرسەتپەرەسلىك قىلمايدىغان توغرا-خاتالىققا پۇزىتسىيەسى ئېنىق بولغان ئەخلاقى -پەزىلەت ئىگىلىرىگە مەدھىيە ئوقۇشىمىز كېرەك. ئەدەبىيات مانا مۇشۇنداق گۈزەللىك بىلەن رەزىللىكنى بىزگە كۆرسۈتۈپ بىرەلەيدۇ.  ئەسەردىكى ساۋاغداش قىزلار ئارىسىدىكى بىر-بىرسىگە بولغان سەمىمىيەتسىزلىك، باشقىلارغا ئىشەنگەنلەرنى سېتىۋېتىدىغان مۇناپىقلىق ھەم  ئالى مەكتەپتە قىزلارغا ئەخلاقى جەھەتتە تەلەپ-ئۆلچەم قۇيۇلمايدىغانلىقى ئالى مەكتەپ ئوقۇتىشىدىكى ئېغىر كەمچىلىك بىلەن پەسكەش قىزلارنى تەربىيىلەيدىغان ئاتا-ئانىلارنىڭ پەزىلىتى توغرىسىدىكى مەسىلىلەر ئاشكارىلانغان بولۇپ، مۇشۇنداق ئەسەرلەر كىشىلەرگە ساۋاق ئاتا قىلالايدۇ.

ئۇيغۇرۇم

	vqay يوللىغان ۋاقتى  2012-6-30 11:41 شىرىنگۈلنى چاينى ئىچكۈچە قاراپ تۇرغانكىن ئابدۇللامۇ ت ... ئەسەرنى تۇلۇق  ئوقۇپ   ئاندىن  ئىنكاس  يېزىشىڭىزنى  ئۈمىد قىلىمەن  قېرىندىشىم !!!   جەمىئەتنىڭ بالىلىرىنى چۈشەنمەيدىغاندەكلا گەپ قىلىدىكەنسىز !!!

sertlan

	تىمىڭىزغا كۆپ رەھمەت،ئەسەرنى تۇلۇق  ئوقۇپ چىقتىم

1aynak

	بەك ياخشى،ئەسەركەن،

نەپرەت

	جەمىيتىمىز تىخىمۇ كۆپ « ئابدۇللا » لارغا مۇھتاج .