كومپىيۇتېر، ئائىلەمنىڭ ئارامىنى بۇزما

hatimaay

	ئۆتكەندە ئوسمانجان زاھىرنىڭ ‹تېلىۋىزور،مەھەلەمنى قايتۇرۇپ بەر› دېگەن يازمىسىنى كۆرگىنىمدە ئاجايىپ تۇيغۇلار غا كۆمۈلگەن ئىدىم. ئۇ گويا مېنىڭ  دېمەكچى بولغانلىرىمنى دېگەندەك، ئويلىغانلىرىمنى  ئويلاپ، سېغىنغانلىرىمنى سېغىنغاندەك تۇيۇلغان ئىدى. ئەمەليەتتە ئەتراپتىكى ‹ تەرەققىيات › نامىدىكى تالاي ئۆزگىرىشلەر ، بۇرۇنقى ساپ ھاۋانى ، تېنىچ مۇھىتىنى ،سەمىمىي ئادىمىگەرچىلىكنى ،يەنە نۇرغۇن-نۇرغۇن نەرسىلەرنى بىزگە سېغىندۇردى. شۇ چاغدايەنە نېمىدۇر بىر نەرسە كەمدەك  بۇ يازمىنى يېزىپ، بولۇپمۇ يەنە بىر خىل ئىچ سىقىلىشىم تۈگىمىگەندەك،    ئىچىم بوشىمىغاندەك بولغان  ئىدىم .ئارىدىن قانچىلىك ۋاقت ئۆتتى بىلمىدىم ‹‹ۋاقىت ھەممىنى ئۇنتۇلدۇرىدۇ››دېيىشىدىكەن، ئەمما بۇ ۋاقت ماڭا نۇرغۇن نەرسىلەرنى ئەسلەتتى ، سىغىندۇردى. ئۆيىمىزگە  كومپىيوتۇر كىرىپ ئىككى يىل ، تور كىرىپ بىر يىل بولغاندا مەن ئاخىر نېمە دېمەكچى ئىكەنلىكىمنى ئېنىق ھېس قىلدىم .ئويلىىغىنىمنى دېيەلمىگەن چېغمدا ھامان بىر كۈنى ئۇرۇپ چىېقىۋىتىمەن دەپ ئاچچىقىمنى ئىپادىلەيتتىم. ئەمما بۇ خىيال كۈچىيىپ ، كۆزۈمگە ئۆزۈمنىڭ كالتەك بىلەن كومپىيوتۇرنى ئۇرۇۋاتقان ياكى ئىكراننى بىشىمدىن ئىگىز كۆتۈرۈپ يەرگە ئاتقان ، ۋە ياكى بىرەر جايغا يۇشۇرۋاتقان ھالىتىم كۆرۈنىدىغان بولۇپ قالدى. ئەمىليەتتە مەن ئۇنداق  قىتىغۇر ،تۇخۇمدىن تۈك ئۈندۈرىدىغان بىشەم خۇتۇنلاردىنغۇ ئەمەس ئىدىم .ئالىي مەلۇماتلىق، كاللىسى ئوچۇق يولدىشىمنىڭ ھەم زېرەك ئىككى ئوغلۇمنىڭ جاھان يىڭىلىقلىرىنى بىلىپ ياشىشىنى ھەقىقىي ئۈمىد قىلاتتىم.ئۆتكەندە ئۇلار ماڭىمۇ بەزى تىخنىكىلارنى ئۈگىتىپ قويىمىز دېگەندە ۋاقىت چىقىرالمىغان ئىدىم. ئەمما ھازىر ۋاقتىم بولسىمۇ ئۆگەنمەيمەن دەپ ۋارقىرايمەن. باللىرىمنىڭ كۆزىنى ئېچىپلا كومپىيوتىر دەپ  ئويغىنىشى، دەم ئىلىش كۈنلىرىمۇ ھېچيەرگە چىقماي كومپىيوتىر بار ئۆينى ئەگىپ يۈرۈشلىرى جىنىمنى چىقىراتتى .بىرەر ئىشقا بۇيرىغاندا كوپىيوتىرنى ئېچىپ  بېرىسەن دەپ شەرت قىلۋىلىشلىرى، سائەت-سائەتلەپ ئولتۇرۇشلار، گاھىدا كومپىيوتىر تالىشىپ تۆكۈلگەن ياشلار، ۋاقىرىشىشلار،ئۆتۈپ كېتۋاتقان ۋاقىتلار، مۇزلاپ كېتۋاتقان تاماقلار،ئۇنتۇلۇپ كېتۋاتقان مېھىر سۇسلىشىپ كېتۋاتقان ئىمان-ئىتقاد...بارا-بارا كۆپ ئىشلاردىن بىزار بولدىغان بولۇپ قالدىم . بۇرۇن تاماقنى بىللە يەيدىغان ئائىلە  ھازىر    تاماق ۋاقتىدا تۆت ئادەم بىر يەرگە كېلەلمەيدىغان،  بەش ۋاق نامازنى دەل ۋاقتىدا ئۆتەشنىڭ ھەم جامائەت بىلەن ئۆتەشنىڭ قانچىلىك مۇھىملىقىنى ئىنىق چۈشىندىغان  ئائىلە بوسۇغىمىزدىكى مەسچىدكە ۋاقتى يوق  ئۆيدە ئوقۇلىدىغان، كۆڭۈللۈك،خوشال-خورام ئۆتىدىغان  ۋاقىتلارنىڭ ئورنىغا بىر يەرگە كەلسىلا خاپا بولۇش، چېچىلشلار...مېنى بەكمۇ چارچىتاتتى. ئاشۇ نەرسە يوق چاغلارنى بەكمۇ سېغىنىدىغان بولۇپ قالدىم.  سەھەرتۇرۇپ ھەممىمز ئۆزىمىزقىلىشقا تىگشلىك ئىشلار بىلەن مەشغۇل بولاتتۇق. ناشتىدىن كېيىن يەنە قىلدىغان ئىشلىرىمز بار ئىدى .ياكى ھەممىمىز جەم بولۇپ قىزغىن پاراڭلىشاتتۇق،تاماق ۋاقتىدىمۇ قولمۇ-قول قىلىشاتتۇق.  روھىمىز كۆتۈرەڭگۈ ئىدى. ‹بىسمىللاھ ›دەپ يەپ،‹ئەلھەمدۇلىللا ›دەپ دۇئا قىلاتتۇق.  ھەممە ناماز ۋاقىتلرىنى بىلپ تۇراتتۇق.ساقلىشاتتۇق. باللىرىمزغا بۇ ئارقىلىق گۈزەل دىنىمىز ھەققىدە تەربىيە بېرەتتۇق.ئۆزىمىز ئۈلگە بولۇشقا تىرىشاتتۇق .يولدىشىم توختىماي كىتاپ كۆرەتتى.قۇرئان ئوقۇيتتى،يادلايتتى.گەرچە ئىشى ئېغىر بولسىمۇ ھارغىنلىق ھېس قىلمايتتى.مەنمۇ ئۆي ئىشى قىلغاچ كىتاپ ئوقۇيتتۇم،خاتىرە قالدۇراتتىم، يىڭنە ئىشى قىلاتتىم.كۈنلىرىمىدىن بەك رازى ئىدىم.سەل مىجەزىم يوق كۈنلىرى يولدىشىم ئۆزى تەشەببۇسكارلىق بىلەن قازان بېشىغا ئۆتەتتى،دەممۇ -دەم ئەھۋالىمنى سورايتتى.ياخشىلىنىپ قالغۇچە مېنى بىرەر ئىشقا سالمايتتى.مەنمۇ ئاغرىپ قالمىساملا  ھەممە ئىشنى كۈچۈمنىڭ يېتىشىچە قىلاتتىم.ئەمما ھازىر  ھەممە ئىشلار ھاشاردەك ئالدىراپ قىلىندىغان،بىرەر گەپ قىلدىن قىيىق كەتسە چىچىلىدىغان بولۇپ قالدى.بالىلىرىم ئويۇن ئويناشقا ئالدىراپ بىر-بىرىدىن  قىزغىنىدۇ. يولدىشىم مۇنبەرلەردىكى زىيالىيلارنىڭ جەڭگى -جىدەللىرىنى كۆرۈپ بولالماي ئالدىرايدۇ.بۇنداق چاغلاردا بالىلار يېنىغا كېلىپ كومپىيۇتېرنى تالاشسا  ،ئىتنى قوغلىغاندەك قوغلايدۇ ،مەن بىرەر ئىشنى دېسەم قوپقاندەك قىلىدۇ- يۇ ،كۆزىنى شۇ نەرسىدىن ئۈزەلمەيدۇ.ئۆتىۋاتقان ۋاقىتلار بىلەن كارى يوق.كۈندۈزلەر كېتىپ،كىچىلەر تاڭغا ئولاشقان ،يولدىشىم يەنىلا مۈكچىيىپ ئولتۇرغان.مەن بىئارام بولۇپ  بۇگەپلەرنى  دىيەلمەي ،دىسەممۇ قايىل قىلىدىغانغا كۆزۈم يەتمەي ،ئۇخلىيالماي  غېرىپسىنمەن. ئۇلارنىڭ باھانىسى بەك تولا. يولدىشىم بىلىم ئېلىۋاتىمەن،مۇنبەر ئارقىلىق ئادەم تەربىيلەۋاتىمەن ، پالانچىلاردەك كوچىدا بىكار  تۇرغاندىن ياخشىغۇ دەيدۇ. 11 ياشلىق ئوغلۇم كومپيۇتېرنىڭ ئالدىغا ئۆتىۋالغۇچە ماتىرىيال ئىزدەيدىغانلىقىنى دېسە،6 ياشلىق ئوغلۇم ئىسلامى كارتون كۆرىدىغانلىقىنى،ئايەت ئۆگىنىدىغانلىقىنى دەپ مېنى گوللايدۇ.ئەمەلىيەتتە  سائەتلەپ ئويۇن ئوينايدۇ .    يولدىشىم ۋە بالىلىرىمنىڭ ماڭا تەئەللۇق ۋاقتىنى  تارتىۋالغان،ئۇلارنىڭ سالامەتلىكىنى زىيانغا ئۇچراتقان،بالىلىرىمنىڭ بالىلارچە ھېس -تۇيغۇلىرىنى بۇزۇۋاتقان شۇ نەرسىنى گاھىدا چېقىۋەتسەم دەيمەن. ئەمما ئۇنداق قىلمايمەن. پەقەت ئۇنىڭدىن  جان پارىلىرىمنىڭ نورمال پايدىلىنىشىنى،ۋاقتىنى،زېھنىنى،ئۇيقۇسىنى ۋە مۇھىم ئىشلىرىمىزنى كومپىيۇتېرنىڭ يەپ كەتمەسلىكىنى ئۈمىد قىلىمەن.  ۋە ئائىلمىزنىڭ ئارامى ۋە خۇشاللىقىنى قايتۇرۇپ بېرىشىنى تەلەپ قىلىمەن.[ بۇ يازمىنى مۇبارەك تەھرىرلىگەن ۋاقتى 2012-6-21 12:59 ]

kuwwat

	ھەقىقى ھسىياتىڭىزنى تۈكۈپسىز ھەدە

nuridin

	گەرچە قاراشلىرىڭىز توغرىدەك قىلسىمۇ،يەنىلا كونتۇرۇللۇق ئۆزىڭىزدە.چۈنكى ھېچكىم بىزنىڭ بېشىغا قورال تەڭلەپ چوقۇم تورغا چىق ،دەپ مەجبۇرلىمايدۇ.كومپيۇتېرغا قارايدىغان ۋاقتىڭىزنى مۇۋاپىق ئورۇنلاشتۇرالىسىڭىزلا ھېچ ئىش بولمايدۇ. سەۋەبنى ئاۋال ئۆزىمىزدىن ئىزدىگىنىمىز تۈزۈك.

atikam1

	خاتىمەئاي  بۇ تېمىڭىزنى خۇددى ئۆزەم ياشغاندەكلا ئۇقۇدۇم،،،، بۇنداق ئەھۋاللار  ھازىر كۆپۇنچە ئائىلىدە مەۋجۇت،،،،جەمىئەتنىڭ تەرەققىياتىغا ئەگىشىپ  بىزدىكى  كۆپ ئۆرپى-ئادەتلەر يوقۇلۇش گىرداۋىغا بېرىپ قېلىۋاتىدۇ،،،،تېلپۇن ھەم كومپىيوتېردەك ئالاقىلىشىش قوراللىرى ھازىر ئائىلىلەرگە بۇسۇپ كىردى،،،،،بۇلارنىڭ بۇسۇپ كىرىشىگە ئەگىشىپ  ئائىلىلەردە ھەقىقەتەنمۇ  ئارامچىلىق بۇزۇلۇشقا باشلىدى ،،،،،شۇنداق بولغانىكەن بىز بۇ قوراللاردىن  توغرا پايدىلىنىپ  ،،،ئائىلىنىڭ ھەم مىھرى-مۇھەببەتنىڭ بۇزۇلىشىغا يول قويمايلى،،،،

yigana0998

	تەدبىر ئۆزىمىزدە، ئىش ئۆزىمىزگە باغلىق.

atlanuyghur

	ئەمسە  مەنمۇ كومپىتۇر ئالمىسىام بوغدەك ئەمسە... خى خى..

abdulla9543

	ئۆزىمىزنى كونتىرول قىلساق بولىدۇغۇ،،،

bahadir0997

	ئاپىرىن ،نەق مېنىڭ بېشىمغا كېلىۋاتقان ئىشلارنى يېزىپسىز،مەنمۇ پەرزەتلىرىمنى زادىلا توسىيالمايۋتىمەن....مۈمكىن بولسا بۇ جەھەتتە پەرزەنتلىرىنى باشقۇرۇش تەجىربىلىرىگە ئىگە توردرشلارنىڭ تەلىماتلىرىنى ئايىماسلىگىنى ئۈمۇد قىلىمەن!!!

layli7

	مىنىڭ ھىسسى تۇيغۇمنى ئىپادىلەپتۇ. بالىلار جۇمە كۇنى بولسىلا دۇم چۇشىدۇ.

nuridin

	bahadir0997 يوللىغان ۋاقتى  2012-6-21 19:28 ئاپىرىن ،نەق مېنىڭ بېشىمغا كېلىۋاتقان ئىشلارنى يېزىپس ... بىر مەزگىل تورنى ئۈزۈڭ قېرىندىشىم.