ئابدۇقادىر جالالىدىنغا كۆڭۈل سۆزۈم

pukra

	ئەلۋەتتە مۇنبەرلەردە،  بىلوگلاردا ئابدۇقادىر جالالىدىن ئاكىمىز توغۇرلۇق ئاز بولمىغان تەپسىلاتلارنى ئۇچراتتىم  ھەم يازغان كىتابلىرىنىڭ ھەممسىنى ئوقۇپ بولالمىساممۇ «ئۆزىنى ئىزدەش بوسۇغىسىدا»، «ئابدۇقادىر جالالىدىن ماقالىلىرى»، «شىنجاڭ مەدەنىيىتى »ژورنىلىدىكى 2005يىلدىن كېيىنكى سانلىرىدىكى ھەربىر تەپسىلاتنى ئوقۇپ چىقتىم . ھەم ئاكىمىز مىدىيا ۋاستىلىرىدا ئۆزىنىڭ نۇتۇقلىرىنى پات-پات ئاڭلىتىپ تۇرىدۇ ،مېنىڭچە سىزنى تېخىمۇ كۆپ سۆزلەپ بەرسىكەن دەيمەن .ئەلۋەتتە بۇ مېنىڭ شەخسىي قارىشىم . سىزنىڭ تېنىڭىزنىڭ سالامەت بولۇشىنى،  بىز ئۈچۈن كۆپرەك يېزىپ بېرىشىڭىزنى ئۈمىد قىلىمىز،  مەنمۇ نۇتۇقلىرىڭىزنى ئاڭلاپ تۇرسام دەيمەن. مەن ئاپتۇر توغرسىدا ئازراق ئىلاۋە قىستۇراي.  (مۇنبەرلەردىكى ئەسەرلەردىن پايدىلاندىم ،كۆپچىلىك ئەپۇ قىلغايسىلەر) __________________________ شۇنداق بىر كىشى بار ،ئۇنىڭ ئۆزگىچە پىكىرلىرى تالاي دىللارنى رام قىلسا،شائىرانە قەلبى سانسىزلىغان قەلبلەرنى مەستخۇش قىلىدۇ،ئۇنىڭ نۇتۇقىنى ئاڭلىغان ھەر قانداق كىشى ئىختىيارسىز بۇ پەخىرلىك ئۇيغۇر ئوغلانىدىن كۆڭلى سۆيۈنمەي قالمايدۇ ئەلۋەتتە. ئۇ بولسىمۇ ئۇزۇندىن بۇيان كۈنلىرىنى بىر تەرەپتىن ئوقۇتقۇچىلىق مۇنبىرىدە ئۆتكۈزۈپ سانسىزلىغان سىتودنېتلارنى تەربىيلەپ مىللىتىمىزنىڭ ئالىي مائارىپغا زور تۆھپىلەرنى قوشسا ، يەنە بىر تەرەپتىن خەلقىمىزنىڭ ئەدەبىيات سەيناسىنى تىرەن پىكىرلىرى، تېتىملىق يازمىلىرى بىلەن بېيىتىپ، بىزگە كىملىك تۇيغۇسىنى تېخىمۇ چوڭقۇر بىلدۈرۈشكە تۆھپىسى زور بولىۋاتقان شىنجاڭ پىداگوكىكا ئۇنىۋېرېستېتىنىڭ پروفىسسورى، تالانتلىق شائىر،پەخىرلىك يازغۇچى، ئەدەبىياتشۇناس ئۇستازىمىز ئابدۇقادىر جالالىدىندۇر. << ئەگەر بىر مىللەت ئۆزىنىڭ ئۆتمۈشىنى چۈشەنمىسە ، كېلەچىكى توغرىسىدا ئويلانمىسا ، پەقەت قورساق بېقىش ۋەسۋەسىسىدىلا بولسا ، بالىلار ئۆزىنىڭ ئىجتىمائىي ، مىللىي كىملىكى ھەققىدە مەكتەپلەردىن ساۋاق ئالالمىسا ، ئۇ بېلىققا ئوخشاش ياشىشى مۇمكىن . ئۇ پاكىز سۇدىمۇ ياشاۋېرىدۇ ، پاسكىنا سۇدىمۇ ئاۋاز چىقارماي ياشاۋېرىدۇ ، سۇسىزلىقتىمۇ ئاۋاز چىقارماي ئۆلىدۇ . >>                                                                     -ئابدۇقادىر جالالىدىن ئابدۇقادىر  جالالىدىن بىز ئۈچۈن نېمىدىن دېرەك بېرىدۇ؟ غابدۇللا توقاي تاتارلار ئۈچۈن، خۇرشىد دەۋران ئۆزبەكلەر ئۈچۈن،ئىمران سالھى پارسلار ئۈچۈن،مەھمۇت دەرۋىش پەلەستىنلىكلەر ئۈچۈن، ئادنان ئوكنان تۈرك قېرىنداشلىرىمىز ئۈچۈن نېمىدىن دېرەك بەرسە، ھازىر ئابدۇقادىر جالالىدىن بىز ئۈچۈنمۇ شۇنىڭدىن دېرەك بېرىدۇ. ئابدۇقادىر ئاكىمىزنىڭ تولۇق تەرجىمھالىhttp://www.alkuyi.com/star/display.php?id=196 ئەلكۇيى زىيارەت خاتىرسى/forum.php?mod=viewthread&tid=12217 ئابدۇقادىر ئاكىمىزنىڭ نۇتۇقلىرى توپلىنىپ ئەلكۈيىدە ئېلان قىلىنغان ئىدى ،بۇ ئۇلانمىنى تاپالمىدىم . سىزنىڭ بىز ئۈچۈن ئاممىۋى سورۇنلاردا سۆزلىشىڭىز ھەرگىزمۇ سىزنىڭ ئوبرازىڭىزنىڭ «پاخاللىشىپ» كېتىشىنى كەلتۈرۈپ چىقارمايدۇ .بىز سىزنىڭ يەنىمۇ كۆپرەك سۆزلەپ بىرىشىڭىزنى ئۇمىد قىلىمىز .ئەلۋەتتە دوستلۇرۇمغا  سىزنىڭ ئەسىرىڭىزنى ،نۇتۇقلىرىڭىزنى تەۋسىيە قىلسام ئوقۇپ ،ئاڭلاپ بولۇپ ، «بۇ ئادەمنىڭ پايپاقلىرىنى يۇيۇپ خىزمىتىنى قىلساق بولغۇدەك »-دېدى . لېكىن راستىنلا شۇنداق قىلمىسىمۇ بۇ كىشىلىرىمىزنىڭ سىزگە بولغان ھۆرمىتىنى ئىپادىلەيدۇ. ئەمدى نەق گەپكە كەلسەك مېنىڭ سىزگە خەت يىزىشىم سىزدىن بىز ئۈچۈن سۆزلەپ بىرىشىڭىزنى ئۆتۈنۈپ، بولۇپمۇ بىز ياشلار ئۈچۈن،  ھازىر ياشلاردا ئىرادىسىزلىك ،نىشانسىزلىك ،يەنە ئاللىقانداق ئىللەتلەر ئېغىر بولماقتا.  ھەم سىز بىزنىڭ ئالىي مەكتەپتە ئوقۇتۇش ئېلىپ بارىسىز ، شۇڭا ۋاقتىڭىزنى چىقىرىپ بىز ياشلاردا ساقلانغان مەسىلىلەر ھەم بىز ياشلار ھازىر نېمىلەرنى قىلىشىمىز كېرەك؟ بىزدىن كۈتىدىغان ئۇمىدلىرىڭىزنى بايان قىلىپ ئۆتسىڭىز... بۇ تېمىنى ياشلار ئۈچۈن يوللىدىم . ياشلارنىڭ ئۇقالمىغان چىگىش مەسىلىلەر ،ئاڭقىرالمىغان مەسىلىلەردە سۇئال سوراپ نەزەر دائىرسىنى كېڭەيتىپ ، يىڭى مەسىلىلەردە ئۆز چۈشەنچىسىنى ئايدىڭلاشتۇرىۋېلىشىنى ئۇمىد قىلىمەن . ئاخىرىدا پەخىرلىك ئۇستازىمىز،شائىر،ئەدەبىياتشۇناش،پىرافىسسور ئابدۇقادىر جالالىدىن مۇئەللىمنىڭ تېنىگە سالامەتلىك،ئائىلىسىگە بەخت ۋە ئامەت يار بولىشىنى، شۇنداقلا بۇنىڭدىن كېيىنكى ئىجادىي ھاياتىنىڭ يەنىمۇ پارلاق،نەتىجىلىك بولىشىنى،ئۆزگىچە پىكىرلىرى ۋە تېتىملىق يازمىلىرىنى خەلقىمىزنىڭ ھۇزۇرىغا سۇنۇپ تۇرىشىنى چىن دىلىمىزدىن ئۈمىد قىلىمىز ۋە تىلەيمىز! ھۆرمەت بىلەن: شىنجاڭ پىداگوكىكا ئۇنۋىرسىتىتى 2011-يىللىق تارىخ كەسىپ ئوقۇغۇچىسى   ئادىلجان سادىق.

abm165

	بۇ گەپلەرنى  مەندەك ئالىمنىڭ  ئىشحانىسىعىلا  كىرىپ ئوزىگىلا  دىگەن  بولسىڭىز  ياحشى بولماسمىدى .

aske

	ئەمما   ياشلارنىڭ   يۈرىكىدىك  گەپنى   دەپسىز   قىرىندىشىم ،    قەلبىمدە   بىر   يۈكسەك  بىر  ئابىدە  بۇ    ئۇستاز ،    ئەتىدىن  كەچكىچە   كۆيدۇم  پىشتىم   دەپ  ئەسەر   يىزىۋاتقان   (ھەممىسى  ئەمەس ، بەزى بىر  )  مەن يازغۇچى ، مەن  شائىر  دەپ  يۈرگەن   كىشىلىرىمىز    ياخشىراق  ئۇيلىنىپ بىقىشى  كىرەك ،      بىزگە  سان  ئەمەس   سۈپەت  لازىم،  ئابدۇقادىر جالالىدىن   ئاكىمىزنىڭ  تىخمۇ  كۆپ   سۆزلەپ ، كۆپ  يىزىپ بىرىشىنى   تۈۋەنچىلىك  بىلەن سۇرايمىز،   بىز   سىزگە     قانمايمىز  ئابدۇقادىر جالالىدىن   ئاكا

tohar

	ئۇيغۇر مىللىتىنىڭ تىرىك دانكۇسى ئۇ.... ئابدۇقادىر جالالىدىن،ئەركىن سىدىق،ئۆمەرجان ھەسەن بوزقىر، ئابدۇۋەلى ئايۇپ گۈلەن،ئەسەت سۇلايمان،زاھىر داموللا ھاجىم قاتارلىقلار ئۇيغۇر مىللىتىنىڭ 21-ئەسىردىكى ئاقارتىش خىزمىتىدە ئەڭ مۇھىم ۋەزىپىنى ئۈستىگە ئالغان،ھەقىقىي زىيالىيلىق ئۆلچىمىگە توشىدىغان كىشىلەردۇر. مەن يازغۇچىلار مۇنبىرىدىكى ئاتالمىش شائىر-يازغۇچىلارنى بەك ياقتۇرۇپ كەتمەيمەن،يۇقۇردا ئىسمى تىلغا ئېلىنغان كىشىلەر ئۇيغۇر خەلقى ئەڭ ھۆرمەتلىسە بولدىغان،بىر ئۆمۈر قەدىرلەشكە،ئەزىزلەشكە تېگىشلىك بولغان،بىزنى توغرا يولغا يېتەكلەيدىغان،مىللەتنىڭ باشلامچىسى بوپ مېڭىۋاتقان كىشلەر دەپ ئويلايمەن.ئۇلارنىڭ بىزگە بەرگەن بىلىمى ھەقىقىي بىلىمدۇر....

tabassumay

	......ئابدۇقادىر جالالىدىن ئاكىنىڭ سادىق ئوقۇرمىنى مەن ، ئەسەرلىرىنى بەك ياقتۇرىمەن ، لىكىن تولۇق ئوقۇپ بولالمىدىم تىخى .....قولىغا دەرت كەلمىسۇن !~~    بۇ تىمىنى يوللاپ بەك ياخشى قىپسىز !~~ كۆپرەك سۆزلىرىنى ئاڭلاپ قەلبىمىزگە پۈكسەك بولاتتى ....

taxnayi-a

	مەنمۇ ئابدۇقادىر جالالىدىن ئاكىنىڭ ئەسەرلىرىنى ياخشى كۆرۈپ ئوقۇيمەن. بولۇپمۇ ئۇنىڭ بىزگە ئوخشاش قىران ۋاقىتلىرىدىكى ئىددىيۋىي كۆرەشلىرىنىڭ مەھسۇلى بولغان ماقالىلىرىنى سۆيۈپ ئوقۇيمەن. ئۇستازنىڭ ھەربىر يازمىسى مۇرەككەپلىكتىن خالىي، تولىمۇ ئاممىباب دەپ ئويلايمەن. دەۋرىمىزدە ياشلارنىڭ روھىنى ئۇرغۇتىدىغان ناتىقلار ئاز بولىۋاتىدۇ. نۇرغۇن ئۇستازلىرىمىز توختىماي ئىزدىنىۋاتقان بولسىمۇ، بۈگۈنكىدەك ياشلىرىمىز ئىچكىرىي ئۆلكىلەرگە چېچىلىۋاتقان شارائىتتا ئۇلارنىڭ ئىددىيلىرى بىلەن ۋاقتىدا تونۇشۇش، ئىلھام ئېلىشلار كەم بولىۋاتىدۇ. مېنىڭچە بولغاندا ئابدۇقادىر جالالىدىن قاتارلىق ئۇستازلىرىمىز تور ۋاستىلىرىدىن پايدىلىنىشنى ئويلىشىپ باقسا بولاتتى...توردا بولسىمۇ ھەقىقىي مائارىپنىڭ ئەندىزىسىنى شەكىللەندۈرەلىسەك ھىچ گەپ ئەمەستى!    مەنمۇ ئۇستازنىڭ تېنىگە سالامەتلىك ،كۈنلىرىگە خاتىرجەملىك، تەپەككۇرىغا چەكسىز قۇۋۋەت تىلەيمەن.

Yuruq

	tohar يوللىغان ۋاقتى  2012-5-27 00:13 ئۇيغۇر مىللىتىنىڭ تىرىك دانكۇسى ئۇ.... ئابدۇقادىر جالال ... سىزنىڭ نەزىرىڭىزدىكى زىيالىي قانداق بولىدۇ؟ بولسا مۇشۇ سىز تىلغا ئالغان كىشىلەرنىڭ «زىيالىي» دېگەن قالپاقنى كېيىش ئۈچۈن نېمە ئىش قىلغانلىقىنى بىر قۇر سۆزلەپ چىققان بولسىڭىز بوپتىكەن.

tohar

	Yuruq يوللىغان ۋاقتى  2012-5-27 11:57 سىزنىڭ نەزىرىڭىزدىكى زىيالىي قانداق بولىدۇ؟ بولسا مۇ ... مەن تىلغا ئالغان ئادەملەر ھەممە كىشىگە تۇنۇش،ئۇلارنىڭ قىلىۋاتقان ئىلمىي ئەمگەكلىرىنى ئۇيغۇر خەلقى ئېتىراپ قىلىدۇ.مېنىڭ نەزىرىمدىكى سۆزلەۋاتقان زىيالىيلار مىللەت ئىچىدە ئەڭ شۆھرەت قازانغان،21-ئەسىردىكى ئەڭ مۇنەۋەر دەپ قارايدىغان ئۇيغۇر زىيالىيلىرىدۇر. ھازىر كۆپ ئۇيغۇر زىيالىيلىرىدا ئۆزىنىڭ سەۋىيىسى ئۆسكەنسىرى،ئادەم ياراتمايدىغان،ھەممە نەرسىنى شارائىتقا،شۇ توپقا ئارتىپ قۇيدىغان كىشىلىرىمىز بار،ئۇمۇمىي نۇقتىدىن باھا بەرمەي،ئۆزىنىڭ دۇنيا قارىشىنى پۈتكۈل مىللەتكە باغلاپ چۈشەندۈرۈپ سۆزلەيدىغان كىشىلىرىمىز نۇرغۇن.بەزى زىيالىيلار ئادەم ياراتمايدۇ،ئۆزىدىكى نۇقسانلار بولسا،شەخسىيىتىگە قاراپ ھۇجۇم قىلىشتىن باشلايدۇ،تۈگمەس ھېكايە-شېئىرلارنى يازغانغا،ئەدەبىي ئەسەرلەرنى يېزىپ تۇرغانغىلا زىيالىي بولمايدۇ،شۇ يازغان ئەسەرلىرى خەلققە بەرگەن ئەمەلىي ئۈنۈم مەسىلسىگە قاراش كېرەك.پۈتكۈل مىللەتنىڭ توپىدا كۆتۈرۈلىۋاتقان يىغىغا دەرمان بولغۇدەك دورا تېپىش كېرەك،ئاممىباب تىلدا ھەممە كىشى چۈشەنگۈدەك ئەسەر يېزىپ،ئېدىلۇگىيە ۋە تەلىم-تەربىيە خىزمىتىنى ياخشى ئىشلەش كېرەك.بىرەر ناھەقچىلىك،ئادەلەتسىزلىك ئىشى بولۇپ قالسا،نەق مەيدانغا سەكرەپ چۈشۈش كېرەك ۋە ئۇ يەردە ئادالەتنى ياقلاپ،ھەققانىيەتتە تۇرالىشى كېرەك. يۇقۇردا ئىسمى تىلغا ئېلىنغان شەخسلەرنى ئەسەرلىرىنى ئۇقۇپ باققان ئادەملەرنىڭ ھەممىسى ئۇقىدۇ،ئۇنى كۆپ سۆزلەپ ئولتۇرغۇم يوق،زاھىر داموللا ھاجىمنىڭ يازغان ئەسەرلىرى بولمىسىمۇ،ئۇ كىشىنىڭ جامائەت توپلانغان سۇرۇنلاردا قانداق نۇتۇق سۆزلەيدىغانلىقى،ئاتۇشتىكى خەلقنىڭ مەنىۋى تۈۋرۈكى بولغانلىقى، خۇسۇسەن شۇ رايۇنغا نىسبەتەن ئىسلام چىرىقى بولۇپ،خەلق ئۈچۈن قانداق خىزمەت قىلىۋاتقانلىقى ئاتۇشتىكى ھەممە كىشىلەرگە ئايان.زاھىر داموللا ھاجىم تەلىم-تەربىيە،دىن توغۇرلۇق چەكلىنىپ قالماي،ئۇيغۇر تارىخى،ئېدىلۇگىيىسى،ئاقارتىش خىزمىتىدە قانداق ياخشى ئىشلارنى قىلىۋاتقىننى بىلىمىز.

pukra

	بۇ  تىمىنى مەن ياشلار ئۇچۈن يوللىدىم .ئابدۇقادىر ئاكىمىز چوقۇم كۆرىدۇ.ئەگەر كۆرمىسە ئەلكۇيى تورىدىكىلەرنى ياردەمگە چاقىرىقمىز .بۇ  تىمىدا داۋاملىق ياشلىرىمىز ئۆزىنىڭ سۇ ئاللىرىنى ئوتتۇرغا قويسا بولىدۇ؟