ئۇيغۇرلارنىڭ پۇتبول قىزغىنلىقى نېمە ئۈچۈن يوقۇرى

mahsat

	جوڭگۇ دۆلەت ئىچىدە ئېلىپ بېرىلىۋاتقان ئۇدا ئالتە قېتىملىق پۇتبول مۇسابىقىسىنىڭ تۆت مەيدانىدا ئۇتۇپ، ئىككى مەيداندا تەڭلىشىپ، ئىزچىل بىرىنچىلىكنى قولدىن بەرمەي كىلىۋاتقان ئاساسەن ئۇيغۇر ياشلىرىدىن تەشكىللەنگەن شىنجاڭ كوماندىسىغا دىققەت قىلساق  ھەم  ئارقا-ئارقىدىن ئون كۈن پەرق بىلەن ئۈرۈمچى شەھرىدە ئۆتكۈزۈلگەن مۇسابىقە مەيدانىدىكى جوڭگۇ مۇسابىقە تارىخىدىكى تاماشىبىن سانى رىكورتىنى ھەر ئىككىلا قېتىمدا بۇزىۋەتكەن، جەمئى سەكسان مىڭدىن ئارتۇق تاماشىبىن،  شۇنداقلا تاماشىبىنلارنىڭ چەكسىز قىزغىنلىغى، ئۆزلىرىنى بۇلىشىغا قۇيۇۋەتكەن ھاياجانلىنىشلىرى، ھەر قىتىملىق مۇسابىقە مەيدانىنىڭ مىليوندىن ئاشقان بىلەت كىرىمى بىزنى ئويلاندۇرماي تۇرالمايدۇ. ئالدىنقى يىلى ئۈرۈمچى شەھەرلىك  5-باشلانغۇچ مەكتەپ ئوقۇغۇچىلىرى پۇتبول كوماندىسى باشلانغۇچ مەكتەپ ئوقۇغۇچىلىرى خەلقارا پۇتبول مۇسابىقىسىدە جوڭگۇغا كوماندىسىغا ۋاكالىتەن  ياراشقان ئۇيغۇر دوپپىلىرىنى كىيىپ مەيدانغا كىردى، مۇسابىقىدىمۇ چىمپىيونلىقنى قولغا كەلتۈرۈپ ئەل-يۇرتقا شان-شەرەپ ئاتا قىلدى. شۇنداقلا شىنجاڭ پىداگۇگىكا ئۈنۋېرستىتى ئوقۇغۇچىلىرى پۇتبول كوماندىسىمۇ جوڭگۇ ئالى مەكتەپ ئوقۇغۇچىلىرى پۇتبول مۇسابىقىسىدە چىمپىيونلىققا ئىرىشتى. يۇرتىمىز  تارىخقا نەزەر سالساق، 1880-يىلىدىن كىيىن ئاتۇش يېزىلىرىدىن باشلانغان پۇتبول ئويناش قىزغىنلىغى بىلەن، شۇ يىللاردا ئۇيغۇر پۇتبول ھىرىسمەنلىرى ياۋرۇپالىق چەتئەل پۇتبول كوماندىسىنى يىڭىپ، ئۇيغۇر پۇتبولچىلارنىڭ قانداقلىغىنى كۆرسۈتۈپ قويغان. بىر نەچچە يىل بۇلۇپ قالدى، ئىچكىرى ئۆلكىلەردىكى پۇتبول كولۇپلىرىدا توپ تىپىۋاتقان ئۇيغۇر ياشلىرىنىڭ ئىش-ئىزلىرى، ئۇلارنىڭ ماھارىتى ھەم دۆلەت ئىچىدىكى داڭقى ھەر خىل تاراتقۇلاردا خەۋەر قىلىنىپ تۇرىلىۋاتىدۇ. دۆلەت ئۆلىمپىك پۇتبول كوماندىسىغا بارى بىلەن نۇرەخمەت تاللىنىپ كىردى. يۇقارقىدەك ئەھۋاللاردىن  ئۇيغۇرلارنىڭ پۇتبول قىزغىنلىغى توغرىلىق ئويلانماي  تۇرالمايمىز. ھەممىمىزگە مەلۇم، ئۇيغۇرلار نوپۇس سانى جەھەتتە، ئىقتىسادى تەرەققىيات جەھەتتە، ئولتۇراقلىشىش مۇھىتى جەھەتتە، ئوزۇقلۇنۇش ئادىتى، چىراي-ئىرىق جەھەتتە، دىنى ئېتىقادى -قىممەت ئېڭى، تىل سېستىمىسى ھەم تەپەككۇر پەرقى، تىل-يېزىق تەرەققىياتى   جەھەتتە جوڭگۇدىكى كۆپ سانلىق مىللەت بولغان خەنزۇلاردىن پەرىقلىنىدۇ. ئۇيغۇرلارنىڭ ئون مىليۇن نوپۇسى جوڭگۇ ئومۇمى نوپۇسىنىڭ بىر پىرسەنتىگە يەتمەيدۇ. لېكىن، مۇشۇنداق پەرىق بولسىمۇ، ئۇيغۇرلارنىڭ پۇتبولدىكى ئالاھىدىلىگى جوڭگۇدا كۆزگە چېلىقىپ تۇرىۋاتىدۇ.  ئۇيغۇرلارنىڭ پۇتبول قىزغىنلىغى جوڭگۇدا مىللەتلىك پەرىققە ئىگە بۇلىۋاتىدۇ.  پۇتبول قىزغىنلىغى ھىرىسمەنلىك بىلەن  پۇتبول ئويناش ھەم قىزغىنلىق، ھاياجان ئىچىدە  پۇتبول مۇسابىقىسىنى كۆرۈش ئارقىلىق ئىپادىلىنىدۇ. پۇتبولدىكى ماھارەت ھەم تاماشىبىن قىزغىنلىغى ھەممىمىزنىڭ كۆز ئالدىمىزدا تۇرىۋاتىدۇ. ئەمدى دوستلارنىڭ مۇلاھىزىسىگە سۇنىمىز. ئۇيغۇرلارنىڭ پۇتبول قىزغىنلىغى نىمە ئۈچۈن يۇقۇرى؟! 1. تەن ساپاسىمۇ؟ 2. بەسلىشىش ئېڭىمۇ؟3.  ئوزۇقلىنىش ئادىتىمۇ؟ 4. قەيسەرلىك، چىدامچانلىق خارەكتىرىمۇ؟ 5. باتۇرلىقتىن، تەۋەككۇلچىلىقتىن ھوزۇرلىنىش ئىستىگىمۇ؟    6 . ئۆزلۈكنى، كىملىكنى نامايەن قىلىش روھىمۇ؟ 7. رىقابەتنى قوللاش مايىللىغىمۇ؟ 8. ماھاراتكە ئاپىرىن ئېيتىش خاھىشىمۇ؟  9.  ھاياجانلىق، سەنئەتكە ئامراق ئادىتىمۇ؟ 10. باشقا سەۋەپ بارمۇ؟ دوستلارنىڭ باشقا ئويلىغانلىرى بولسا سەۋەپ-نەتىجىلىك ھالدا قايىل قىلارلىق پىكىرلىرى بىلەن ئورتاقلىشىنى ئۈمۈت قىلىمەن.  ئۆزىمىزنى تەھلىل-تەتقىق قىلىپ باقايلى.     (بۇ تېمىنىڭ نەشىر ھوقۇقى ئەلكۈيى تورىغا مەنسۇپ. باشقىلارنىڭ خالىغانچە يۆتكىشىگە بولمايدۇ.)                                                                                                                                                                                                                                                                                                         2012-يىلى 5-ئاينىڭ 24-كۈنى

buaixa

	قىزغىنلىكنىڭ يۇقىرى بولىشى بەلكىم ئوغلانلىرىمىزنىڭ ھوجۇدىدا بولغان ئەركەكلەگە خاس چىدام خەيرەتنىڭ ，جاسارەتنىڭ بولغانلىقىدىندۇر.

kurbandolan

	ئەلۋەتتە بىزنىڭ ۋۇجۇدىمىزدىكى ئەركەكلىك،، تەن ساپايىمىزنىڭمۇ بىر قەدەر ياخشى بولىشى، تارىخىي تەرەققىيات جەريانىدا شەكىللەنگەن بەسلىشىش تۇيغۇسى، شۇنداقلا ئۆزىنىڭ مىللىي غورۇرىنى نامايەن قىلىشقا بولوغان ھېرىسلىك قاتارلىق ئامىللار سەۋەبىدىن بولىۋاتىدۇ.

adilkanun

	«1. تەن ساپاسىمۇ؟ 2. بەسلىشىش ئېڭىمۇ؟3.  ئوزۇقلىنىش ئادىتىمۇ؟ 4. قەيسەرلىك، چىدامچانلىق خارەكتىرىمۇ؟ 5. باتۇرلىقتىن، تەۋەككۇلچىلىقتىن ھوزۇرلىنىش ئىستىگىمۇ؟    6 . ئۆزلۈكنى، كىملىكنى نامايەن قىلىش روھىمۇ؟ 7. رىقابەتنى قوللاش مايىللىغىمۇ؟ 8. ماھاراتكە ئاپىرىن ئېيتىش خاھىشىمۇ؟  9.  ھاياجانلىق، سەنئەتكە ئامراق ئادىتى  10. باشقا سەۋەپ» مەن شىنجاڭنىڭ نۆۋەتتىكى «پۇتبول»نى مۇشۇ 10 پارچىدىن تەركىپ تاپقان رەڭلىك،  « ھۇررا  لوڭقىسى» نىڭ نامايەندە پۇتبولى دەپ قارايمەن!

taxnayi-a

	مېنىڭ قاراشلىرىم: 1. ئۆزلۈكىنى ئىپادىلەشكە ئۇرۇنۇشنىڭ ئىپادىلىرى. 2. ئەجدادلىرىمىز يۇقىرى پەللىگە ئىلىپ چىققان لىكىن نۆۋەتتىكى جەمىئەت ئەھۋالىدا تولۇق جارىي قىلدۇرالمايۋاتقان باتۇرلۇق، جەڭگىۋارلىق تىپىدىكى پائالىيەتلەرگە بولغان سىغىنىش. 3. تەن ساپاسى جەھەتتىكى ئارتۇقچىلىق، ۋۇجۇدىدا ساقلىنىپ كەلگەن ئەركەكلىك روھىنىڭ پارتىلىشى  .....

mahsat

	.        ماڭا پۇتبول مۇسابىقىسىنىڭ نەق مەيدانىغا بېرىپ كۆرۈش پۇرسىتى بولمىغان ئىدى. پەقەت ئەلكۈيى مىكرۇ بىلۇگىدىن ئۇچۇرلارنى ئاڭلاپ تۇردۇم. ئەتىسى چۈشتىن كىيىنگىچە بىرەر تور بەتلىرىدىن مۇسابىقە جەريانىنى كۆرۈش پۇرسىتى بولمىدى. ئاخىرى ئەلكۈيى تورىدىن مۇسابىقىنىڭ ئەمىلىي جەريانىنى ھەم نۇرغۇن سۈرەتلەرنى، شۇنداقلا  بىر قىسىم تاماشىبىنلارنى نەق مەيداندا زىيارەت قىلىش ئەھۋالىدىن خەۋەردار بولدۇم. مۇسابىقىدىكى قىزغىنلىق ھەم ماھارەتتىن ھاياجانلاندىم. مىنى بۇ پۇرسەتتىن بەھرىمان قىلغان ئەلكۈيى تورىغا رەھمىتىمنى بىلدۈرگۈم كەلدى. بىر كىم جاپا تارتمىسا مۇسابىقە جەريانى ئەلكۈيى تورىغا ئۆزىچىلا چىقىپ قالامدۇ-ھە!  شۇنىڭ بىلەن « ئۇيغۇرلارنىڭ پۇتبول قىزغىنلىغى نىمە ئۈچۈن يۇقۇرى؟ » دىگەن تېمىدا قەلەم تەۋرەتىپ ئەلكۈيى مۇنبىرىگە يوللۇدۇم . ئەمما بىر نەچچە سائەت بولماي تۇرۇپلا  ئويلىمىغان يەردىن سەنسىز دوستىمىز بۇ تېمىنى ئۆزىنىڭ نامىدا ھەم باشقىلارنى كۆچۈرمەڭ دىگەن تەلەپ بىلەن مىسرانىمغا يوللاپتۇ. ھىچقانداق ئەسكەرتمە بەرمەپتۇ. يەنە بەزى دوستلار تور مونۇپۇللىغى قىلماڭ، ئاقسالىق قىلماڭ دەپ خاتالىققا چاپان يېپىپتۇ. تېمىنى قايسى مۇنبەردە ئوقۇسىلا بولمىدىمۇ دەپ ماڭا ئۈگەتمىچىلىك قىلىپتۇ.   قېنى دوستلار ئادىل گەپ قىلىپ بېقىڭلار، شىنجاڭ كوماندىسى ياشلىرىمىزنىڭ روھىنى نامايەن قىلىپ، بېيجىڭ كوماندىسىنى يەڭگەن مۇسابىقىنىڭ ئەمىلي جەريانى قېنى ھازىرغىچە ئەلكۈيىدىن باشقا  قايسى ئۇيغۇر تور بەتلىرىدە تارقىتىلدى؟ مۇشۇ مىسرانىمدىممۇ يوقكەنغۇ! يەنە بىر ئەھۋال، ئۇيغۇر تور مۇنبەرلىرىمىزدە تېما تەكرارلىغى شۇنداق ئېغىركەن، قايسى بەتكە قارىسا ئوخشاش تېما. خاسلىق، يېڭىلىق يارىتىش توغرىلىق ئويلىنىپ باقساق بۇلىدىغۇ! دوستلارنىڭ تېمىنى جېقراق ئادەم كۆرسىكەن دىگەن ئۈمىدىنى چۈشەنمەي قالمايمىز. ئەمما، باشقىلار نىمە سەۋەپتىن تېما يوللىدى، باشقىلارنىڭ ئەمگىگىنى ھۆرمەتلەش كېرەك دىگەننى بىلىشىمىز كېرەكقۇ!  بۇتېمىنى خالىغانچە باشقا بەتكە يوللاشقا بولمايدۇ دەپ ئەسكەرتمە بىرىپ قويسىمۇ قانداق قىلالايتىڭ دەپ كۆچۈرىۋېرىش ساپاسىزلىق، ئەخلاقسىزلىق ئەمەسمۇ-ھە! مەن بۇ توغرىلىق ئىنكاس يازسام، يە سەنسىز دىگەن دوستىمىز يە مۇنبەر مەسئۇللىرى بۇ توغرىلىق ھىچقانداق ئىنكاس بىلدۈرمەي، بىشىنى ئىچىگە تىقىۋالدى. مەن دىققەت قىلسام، مۇنبەرلىرىمىزدە بىرسى  ئەمگەك سەرىپ قىلىپ يېزىپ چىققان تېمىنى يەنە بىرسىنىڭ خۇددى ھەققى باردەك ئوغۇرلاپ كىتىۋېرىدىغان ئىشلىرى خېلى باردەك.   مىسالەن ئېيىتساق، سىزنىڭ ئەمگىگىڭىزگە رەھمەت ئېيتىپ بىرسى سىزگە سوغا قىلغان نەرسىنى يەنە بىرەيلەن تەربىيەسىزلىك بىلەن ئېلىپ كىتىپ ئۆزىنىڭ قىلۋالسا توغرا ئىش ئەمەسقۇ بۇ. تېمىدا ئوتتۇرىغا قۇيۇلغان تەييارغا ھەييار بۇلۇشنى خالىمايدىغان  بەسلىشىش ئېڭى، ئۆزىنى كۆرسۈتۈپ قۇيۇش خارەكتىرى، كۈچ-ماھارىتىگە تايىنىپ ئۇتۇق قازىنىش ئىقتىدارى، تىرىشچانلىقنى، ئۆزىنى بېغىشلاشنى قوللاش پۇزىتسىيەسى، مىللەتنىڭ ساپا-غۇرۇرىنى ئىپادىلەش روھى... بىز مۇشۇ توغىرىدا مۇلاھىزىگە سۇنغان. ئەمما، مۇشۇنچىلىك كىچىك ئىشتا چاندۇرىمىز، بىزدە سەمىمىلىك، پەزىلەت يوقمۇ-ھە!   بۇ مىسرانىمغا يازغان ئنكاسىمنى ئەينەن كۆچۈرۈپ كەلدىم. مەنمۇ خەقتىن دوراپ كۆچۈرۈپ باقايچۇ.

enwer-jula

	ئۇيغۇرلارنىڭ پۇتبولغا بولغان ئالاھىدە ئامراقلىقىدا يايلاق مەدەنىيىتى شارائىتىدا مېجەزىگە گېن خارەكتىرلىك ئورناپ قالغان كەڭلىكلەردە چېپىش، ئات ئۇرۇشى قىلىشقا ماھىر بولۇشتەك يوشۇرۇن سېگناللار سەۋەپچى بولامدىكىن دەيمەن. پۇتبول مەيدانىنىڭ ئۆزىلا يايلاق، پۇتبولچىلار گويا جەڭگاھتىكى ئېسىل ئارغىماقلاردۇر. بۇنداق مۇھىتنى كۆرسە ئەلۋەتتە ئاتېللا بىلەن ئوغۇزخاننىڭ ئەۋلاتلىرى بولغان ئۇيغۇرنىڭ جېنى يايراپ كېتىدۇ-دە.

elijan0215

	mahsat يوللىغان ۋاقتى  2012-5-25 00:07 .    جۇڭگۇچىلىقتا بۇنىڭغىمۇ كۆنۈپ قالىسىز،  ھازىرغا كەلگۈچە شىنجاڭدا ئومۇملاشمايۋاتقان ئىككى چوڭ باش قاتۇرىدىغان  ھۇقۇق قالدى، بىرى ئاپتۇنۇمىيە ھۇقۇقى، بىرى نەشىر ھۇقۇقى ... ھەر ئىككىلىسى ئاساسى قانۇندا كاپالەتلەندۈرۈلگەن بولسىمۇ ئىجرا قىلىدىغان خادىم يوق، ھەتتا ئىنتېرنىتتىمۇ ناھايتى مەسئۇلىيەتسىزلىك بىلەن ‹توردىن يىغىلغان، نەشىر ھۇقۇقىڭىزغا دەخلى يەتسە بىز بىلەن ئالاقىلىشىڭ،24سائەتتە ئۈچۈرىلىدۇ› دەپ يېزىلغان. بۇ يەرلىرىمۇ ئۇيغۇر بەتلىرىگە ئۇدۇلمۇ ئۇدۇل تەرجىمە قىلىنىپ سىڭىپلا كىردى ... ھەممە مۇنبەردە ئوخشاش تىمىلار ... زېرىكىپ ھۆ بۇلىدۇ ئادەم.

kumandan

	بۇرە ئوت چوپ يەيدىغان ھالەتكە چۇشۇپ قالسىمۇ ھامان بۇرىدە............................

mutallip152

	ئۇيغۇرلارنىڭ پۇتبول قىزغىنلىغى نىمە ئۈچۈن يۇقىرى دىگەننى مەن پەقەت بىر نوقتىدىن ئىزاھلاپ ئوتمەكچى: ماڭا ئىلگىرى دادام ‹‹ ئۇيغۇر ›› دىگەن سۆز ‹‹ ئۇيۇشۇش ›› دىگەن مەنىدە ئىكەنلگىنى چۇشەندۇرۇپ بۇنىڭ بىرلىك ،ئىتتىپاقلىق ، ئۆملۇك دىگەن مەنىىلەردە دەپ يىشىپ چۇشەندۇرۇپ،بىزلەرنىڭ داۋاملىق ئىناق-ئىتتىپاق بۇلۇپ ،بىرلىكتە،ئۆملۇكتە ياشاش توغرىسىدا تەربىيە بىرەتتى .دىمەك : بىز ئەسلىدە ئەنە شۇنداق مىللەت ئىدۇق.ھېلى ھەم شۇنداق مىللەت بىز !!! كىم دەيدۇ بىزنى چېقىمچى،چىدىماس،بىرلىككە كىلەلمەيدۇ دىگەنلەرنى كىم دەيدۇ.باشقا مىللەت مۇ ؟؟؟ ياق ... بىزنى باشقا مىللەتلەرمۇ شۇنداق ئىناق - ئىتىپاق،مىھماندوست، ئاقكۈڭۇل ياخشى ياخشى مىللەت دەپ تەرىپلەپ يۇرسە ، بەزى بىر مىللەت خائىنلېرى ئۆز مىللىتىنى تىللاپ،باشقا يات مىللەتلەرنى ماختاپ تاس قالىدۇ ئاشۇ بىچارە ئاتا -ئانىسىنى نىمە ئۈچۈن شۇ يات مىللەتلەردىن بولمىغان دەپ ھىساپ ئالغىلى.مانا ئالدىنقى ئىككى قېتىملىق مۇسابىقىدىن ئىنىق كۈرۇپ تۇرۇپتىمىزكى بىزنىڭ ئىناق -ئىتىپاقلىقىمىز جۇڭگۇدا ‹‹ رىكورت ›› ياراتتى .( بۇنى بىز ئۈزىمىزچە دىمىدۇق ئەلۋەتتە.نۇپۇزلۇق كىشىلەر ئەمىلى مىساللار ئارقىلىق ئىسپاتلاپ ئوتتى.) ئاشۇ 35000 ئادەمنى سىز چاقىرغانمۇ ياكى مەن ؟؟؟  45000 ئادەمنى كىم چاقىرغان ؟؟؟ بۇنى ‹‹ ئۇيغۇر مىللىتىمىز ›› دىكى ئىتتىپاقلىق ،ھەمكارلىق ،مىھرى مۇھەببەت چاقىرغان !!!!  نەخ مەيداندا 45000 ئادەمنىڭ ۋۇجۇدىنى تىتىرەك بېسىپ ،كۆزلېرىنى ئىللىق ياش قاپلىغان بولسا ئەلكۇيى تورىنى كۆرگەن ۋە باشقا ئۇسۇللاردا بۇنىڭدىن خەۋەر تاپقان نەچچە مىليۇن ئۇيغۇرمۇ ھەم شۇنداق ھىسياتقا كەلمەي قالمىدى ئەلۋەتتە...... مانا بۇ ‹‹ ئۇيۇشۇش ›› روھى ، ئىتتىپاقلىق روھى.ئۇيغۇرلاردىكى پۇتبۇل قىزغىنلىقى شۇ سەۋەپتىن بولسا كىرەك.