بىر ناخشا بار قەلبىمدە، ئېيتىپ بېرەي ئاڭلا جان ئانا

taxnayi-a

	بىر ناخشا بار قەلبىمدە، ئېيتىپ بېرەي ئاڭلا جان ئانا (بارلىق مېھنەتكەش ئانىلارغا بېغىشلايمەن) تەشنائىي تومۇرۇڭدا ئىسسىققىنە تامچە قان ئىدىم، ۋۇجۇدۇڭنىڭ ھارارىتى ئىللىتىپ تۇرغان. تېمىپ چۈشتۈم كائىناتقا، تىتىرىدى زېمىن، قۇياش بولدۇڭ باش باھارنى چىللىتىپ شۇئان. سۈمۈرەتتىم ئاپئاققىنە مۇھەببىتىڭنى، چۈش كۆرەتتىڭ چۈشلىرىڭدە پەپىلەپ مېنى. ئۇخلار ئىدىم يۇرىكىڭنىڭ ئىچىدە ئانا، «ئىڭە...» لىرىم يىغلىتاتتى كېچىلەپ سېنى. «ئانا» دېدىم، يۇيىۋەتتى مەڭزىڭنى ياشلار، «ئانا» بىلەن ئېغىزلاندىم چىققاندا تىلىم. «ئانا» دېسەم دورىۋالدى سۆزۈمنى تاغلار، ئانا...ئانا ... سۆيىنىدۇ ھەرتاڭدا دىلىم. قۇياش بىلەن تەڭ تۇرىسەن ئوچاق بېشىدا، ئاق قۇشقاچلار قونىۋالار بېشىڭغا تېخى. ئېچىۋىتىپ ھىجىردىكى مۇھەببىتىڭنى، يول ئالىمەن مەكتىپىمگە تاقلىغان پىتى. پىشانەمدە نۇر چاچىدۇ سۆيگەن ئىزلىرىڭ، يىراقلارغا يول ئالغاندا ئىلىمنى كۆزلەپ. كەتسەممۇ گەر سەرگەردان بوپ جاھان چېتىگە، بىللە ئىدى ئاۋازلىرىڭ مۇھەببەت سۆزلەپ. سېغىنغانسەن يۈرىكىڭدىن ياشلار ئاققۇزۇپ، سورىغانسەن قۇشقاچلاردىن ھىدىمنى ئانا. دەپ بەردىمۇ تاڭ سەھەردە سوققان شاماللار، «ئاپپاق قوزاڭ سالام ئېيتۇر يۈرەكتىن ساڭا» ! تومۇرۇمدا چۇقان سېلىپ كىشنەيدۇ قانلار، كەتمەكچىمەن سەن سۆزلىگەن چۆچەك قوينىغا. «چىن تۆمۈر» نى سېغىنىمەن، «ئوغۇز» قەيەردە، كىشەن سالاي، توختاپ تۇرسۇن، يىللار بوينىغا. رازى بولغىن ئاق سۈتىڭگە، رازى بول ئانا، قۇرۇپ چىقاي سېنىڭ ئۈچۈن يىڭى بىر دۇنيا. ئۈزۈپ كېلىپ قۇياشنى مەن ئالما شېخىدىن، سوۋغا قىلاي، يۇتىۋەتكىن، تۈمەن يىل ياشا.   2012-5-13

KARAKURUM0998

	ئانىلار بايرىمىغا مۇبارەك بۇلسۇن

bayqar

	تومۇرۇڭدا ئىسسىققىنە تامچە قان ئىدىم، ۋۇجۇدۇڭنىڭ ھارارىتى ئىللىتىپ تۇرغان. تېمىپ چۈشتۈم كائىناتقا، تىتىرىدى زېمىن، قۇياش بولدۇڭ باش باھارنى چىللىتىپ شۇئان

bayqar

	«ئانا» دېسەم دورىۋالدى سۆزۈمنى تاغلار، كەتسەممۇ گەر سەرگەردان بوپ جاھان چېتىگە، بىللە ئىدى ئاۋازلىرىڭ مۇھەببەت سۆزلەپ رازى بولغىن ئاق سۈتىڭگە، رازى بول ئانا، قۇرۇپ چىقاي سېنىڭ ئۈچۈن يىڭى بىر دۇنيا.   بۇ جايلىرى ئاجايىپ يارىدى بۇ شىئېرنىڭ ... ئۈزۈپ كېلىپ قۇياشنى مەن ئالما شېخىدىن، سوۋغا قىلاي، يۇتىۋەتكىن، تۈمەن يىل ياشا. لېكىن مۇنۇ مىسرادىكى ئۈزۈپ كېلىپ  قۇياشنى مەن ئالما شېخدىن دېگەن مىسرانى بىر چۈشەندۈرۋەتسىڭىز؟ تازا چۈشىنەلمەي قالدىم ؟  رەھمەت !

taxnayi-a

	bayqar يوللىغان ۋاقتى  2012-5-13 15:19 «ئانا» دېسەم دورىۋالدى سۆزۈمنى تاغلار، كەتسەممۇ گەر س ... شئىر دېگەنغۇ چۈشەندۈرىدىغان نەرسە ئەمەستى، ھەركىم ئۆز ئالدىغا چۈشەنسە بولىۋىرەتتى. شۇنداقتىمۇ ئاز تولا ئىزاھات بىرەي ئەمسە!   ئاۋۇ «قۇياش» قانداقتۇر ئاسماندىكى قۇياش ئەمەس بەلكى پەرزەنىتنىڭ ئانىسىغا بولغان مۇھەببىتىگە سىمۋول قىلىنغان، ئالما شىخىدا پىشىدىغان« قۇياش». بىر گۈدەكنىڭ سەبىي تىلىكى دەپ چۈشەنسىڭىزمۇ بولىدۇ. دېمەكچىمەنكى : پەرزەنتىڭنىڭ مىھرى ۋاپالىق مۇھەببىتىدىن كۈچ ئىلىپ، «قۇياش» نى يۇتىۋەتكەن خىسلەت ئىگىسىدەك، ئۇلۇغلۇق تەختىدە مەڭگۈ ياشا ئانا....    ھى...ھى... باشقا شئىرلارنى يازسام ئانچە قاملاشقاندەك قىلمىغان، قارىغاندا يۈرۈكۈمدە ئانامغا بولغان مۇھەببەت ھەقىقەتەن كۈچلۈك ئوخشايدۇ.   ئانىسىنىڭ يېنىدا بولالايدىغان بالىلار، بالىلىقىڭلارردەك ئاناڭلىنىڭ ئىككى قۇلىقىدىن مەھكەم تۇتۇپ تاتلىققىنە سۆيۈپ قويۇڭلار! بىزدەك سەرگەردانلارنىڭ روھى بولسىمۇ سۆيۈپ قويسۇن!

ablajan0

	بارچە  ئا نىلارنىڭ بايرىمىغا مۇبارەك بولسۇن...

nurturan

	دىنىمىز ئىسلامدا «ئانىلار بايرىمى» دەپ بارمۇ؟

atikam1

	بارلىق ئانىلار بايرىمىغا مۇبارەك بولسۇن،،،،، بارلىق پەرىشتە سۇپەت ئانىلارغا كۈندە بايرام بولسۇن ،،،،ئاللاھ  ئۇلارنىڭ تېنىنى سالامەت قىلسۇن،،،

ئودغۇرمىش

	تولىمۇ ئىسىل چىقىپتۇ بۇ شئىر، نېمىدېگەن ھىسياتلىق....

karewa

	پاھ پاھ نىمەدىگەن ئىسىېل مىسرالار ھە ......... مەنممۇ بىر ئىككى ئېغىز جۆيلۈپ باقاي ئانا دىسەم بال تامىدۇ دىلمىدىن ، تەشنا بولغاچ يۈرەكلىرىم مىھېرڭگە. تەربيلىدىڭ ئەل قاتارى بىر ئوغۇل ، شۇ سەۋەپتن قورۇق چۈشتى چىھرىڭگە. بىر ئوغۇل دەپ پەپىلەيسەن ھەر ۋاقىت ، كىچە -كۈندۈز كىرپىك قاقماي يېنىمدا. شۇ سەۋەپتىن توختىمايدۇ جۇش ئۇرۇپ، ئاقكۆڭلۈك روھى مەڭڭۈ قېنىمدا . مانا بۈگۈن بايرىمىڭ ئانا ، بېرەلمىدىم ساڭا گۈل دەستتە. لىكىن ئانا ئويلايمەن سىنى ، سۆزلىرىڭىنى تۇتۇپ چىڭ ئەستە. بارلىق ئانلارنىڭ بايرىمىنى قىزغىن تەبرىكلەيمەن . اللاھ ئۇلارنى ئۆز پاناھىدا ساقلىسۇن