پىشىپ يىتىلگەن ئادەمگە ھۆكۈم قىلىشنىڭ 20 تۈرلۈك ئۆلچىمى
بىر ئادەمنىڭ يېشىنىڭ چوڭ بولۇشى ئۇنىڭ پىشىپ يىتىلگەنلىكىنىڭ بەلگىسى ئەمەس. ئۇنداقتا قانداق قىلغاندا گۈدەكلىكتىن قۇتۇلغىلى، پىشىپ يىتىلگەن ئادەم بولغىلى بولىدۇ؟ تۆۋەندىكى كىشىلىك تۇرمۇشقا مۇناسىۋەتلىك 20 تۈرلۈك ئۆلچەمگە قاراپ، ئۆزىنىڭىزنىڭ قانچە تۈرىگە چۈشىدىغانلىقىڭىزنى كۆرۈپ بىقىڭ.
بىر ئادەم قانداق بولغاندا باشقىلار ئۇنى «ھەقىقى پىشىپ يىتىلگەن ئادەم» دەپ قارايدۇ؟ نۇرغۇن ئادەم ئاددى ھالدا كىشىلەرنىڭ يىشىغا قاراپ ھۆكۈم قىلىدۇ. ئەگەر سىز بۇ مەسىلىنى ئۆزىڭىز بىلەن ئوخشىمىغان مەدىنىيەت ئارقا كۆرۈنىشىگە ئىگە كىشلەر بىلەن مۇنازىرە قىلىپ قالسىڭىز، بۇ كۆز قاراشنىڭ توغرا ئەمەسلىكىنى بايقايسىز. ئەگەر سىز ئۇلاردىن بالىلار بىلەن چوڭلارنىڭ ياش چىگىراسىنى قانداق ئايرىش كىرەك؟ دەپ سوراپ قالسىڭىز دائىم ئوخشاش بولمىغان جاۋاپقا ئىگە بولىسىز. چۈنكى ھەر بىر ئادەم ئۆزىنىڭ سۇبىكتىپ تونۇشىغا ئاساسەن جاۋاپ بىرىدۇ. يىتىلگەن ياكى يىتىلمىگەنلىگىنى ياشقا قاراپ ئايرىغىلى بولمايدۇ، بەلكى ھىسيات جەھەتتىكى پىشىپ يىتىلىشىگە قاراپ ئايرىش كېرەك.
ئۇنداقتا قانداق قىلغاندا ھىسىيات جەھەتتە يىتىلگەن ئادەم بولىدۇ؟ تۆۋەندىكى 20 تۈرلۈك ئۆلچەمنى «ھەقىقى پىشىپ يىتىلگەن ئادەم» ياكى ئەمەسلىكىگە ئايرىشنىڭ ئۆلچىمى دەپ قاراشقا بولىدۇ:
1. پىشىپ يىتىلىش بىر خىل ھالەت ئەمەس بەلكى بىر ئىزچىللىققا ئىگە جەرياندۇر. بۇنىڭ ئۆزلۈكسىز تىرىشىش ئارقىلىقلا ئەمەلگە ئاشىدىغانلىقىنى تونۇش كىرەك.
2. ھەسەتخورلۇق ۋە ھەۋىسىنى كونتىرول قىلالىشى كىرەك.
3. باشقىلارنىڭ كۆز قارىشىنى ئاڭلاپ، ئۇنىڭغا ھۆكۈم قىلىش ئىقتىدارى بولۇشى كىرەك.
4. كۈندىلىك ئىشلىرىنى ئورۇنلاشتۇرۇشتا سەۋىرىچان ۋە جانلىق بولۇشى كىرەك.
5. ئادەم دائىم ھەممە ئىشتا ئۇتالمايدۇ، بۇ ئەمەلىيەتنى قۇبۇل قىلىش كىرەك. خاتالىقتىن ساۋاق ئىلىش، كۆڭۈلدىكىدەك بولمىغان نەتىجىدىن ئاغرىنىپ يۈرمەسلىك كىرەك.
6. مەسىلىلەرنى تەھلىل قىلغاندا، ناچار تەرىپىگىلا ئىسلىۋالماي، ياخشى تەرىپىنىمۇ كۆرۈش كىرەك.
7. نىمىنىڭ ئەقىلغا تايىنىپ چىقىرىلغان قارار، نىمىنىڭ بىردەملىك ھىسىياتقا تايىنىش ئىكەنلىكىنى بىلىش كىرەك.
8. ھەرقانداق ماھارەت ۋە تەبىئى تالانتى بولغان بىلەنمۇ يەنىلا تەييارلىقنىڭ تولۇق بولغىنغا يەتمەيدىغانلىقىنى بىلىش كىرەك.
9. ئاچچىقى ۋە كەيپىياتىنى كونتىرۇل قىلالىشى كىرەك.
10. باشقىلارنىڭ ھىسىياتىنى ئۇنتۇپ قالماسلىقى، شەخسىيەتچى بولماسلىقى كىرەك.
11. ئۆزىنىڭ ئىھتىياجى بىلەن ئارزۇسىنى پەرقلەندۈرەلىشى كىرەك.
12. ئۆزىگە ئىشىنىشى، ئەمما ئۆزىنى چوڭ چاغلىۋالماسلىقى كىرەك.
13. بىسىمنى تەمكىنلىك بىلەن يىڭەلىشى كىرەك.
14. ئۆزىنىڭ نىمە ئىش قىلىۋاتقانلىقىنى بىلىشى، تىگىشلىك مەسئولىيەتنى ئۈستىگە ئالالىشى كىرەك.
15. قۇرقۇنۇچنى بويسۇندۇرالىشى كىرەك.
16. ھەربىر ئىشنىڭ چوقۇم ھەق ياكى چوقۇم ناھەق بولمايدىغانلىقى، قاراڭغۇ تەرىپىمۇ بولىدىغانلىقىنى چۈشىنىش كىرەك.
17. ئۆز كەمچىلىكىنى باشقىلارنىڭ كۆرسىتىپ بىرىشىنى قۇبۇل قىلىش، بۇنى ئۆزىنى مۇكەممەللەشتۈرۈشتىكى ۋاستە قىلىش كىرەك.
18. شەخىسنىڭ بىخەتەرلىك تۇيغۇسى ۋە غۇرۇرىنىڭ نىمە ئىكەنلىكىنى بىلىش كىرەك.
19. ھەقىقى مۇھەببەت ۋە بىردەملىك مۇھەببەتنى پەرقلەندۈرەلىشى كىرەك.
20. باشقىلار بىلەن كەڭ دائىرىدە ئارلىشىشنىڭ ئىلگىرلەشنىڭ مۇھىم ھالقىسى ئىكەنلىكىنى بىلىش كىرەك.
ئومۇمەن، ھەقىقى پىشىپ يىتىلگەن ئادەم ئۆزى قىلىشقا تىگىشلىك ئىشلارنى قىلىشى، شارائىت يار بەرگەندە ئۆزى ياقتۇرىدىغان ئىشلارنى قىلىشى كىرەك. مۇشۇ ئىككى خىل ئەھۋالنى پەرقلەندۈرۈپ، ئۆزىنىڭ ۋاقتى ۋە زىھنىنى لايىقىدا ئورۇنلاشتۇرالىشى كىرەك. پىشىپ يىتىلگەن دىگەن گەپ ھەرگىزمۇ مۇكەممەللەشكەن دىگەننى بىلدۈرمەيدۇ.بەلكى نۇرمال چوڭ ئادەم بولدى دىگەننى بىلدۈرىدۇ. يۇقىرىقىلار ئادەتتىكى ئادەملەر قىلالمايدىغان ئىشلار ئەمەس.
بۇ يازمىنى ئاخىرىدا مۇبارەك تەھرىرلىگەن. ۋاقتى 2012-4-20 16:32
يوللىغان ۋاقتى 2012-4-16 23:45:22
