كۈلكە ئىزدەش

bargiya

	تاڭ ئاتتى،كۈن پاتتى،قاراڭغۇلۇققا تويۇندى ئەتراپ جىمجىت خانەمدە لەيلەيدۇ خىيال مۈگدىگەك كۆزلىرىم  ئۇيقىدىن بىدار تىنجىغان تۆت تام ئىستەيدۇ شامال. روھىم جىسمىمدىن يۇلقۇنۇپ چىقىپ نىمىلەرنىدۇر تاماشاقىلماقچى كۆكرەك قەپىزىمدە گۈپ-گۈپ ئاۋاز مۇشتۇمدەك شۇ گۆشنى تىلىم تىلماقچى ئىھ ،مېنىڭ پەرۋازىم قاناتلىرى يوق يۇڭدالغان پەيلىرىنى توزۇتماقتا مىڭ يىل ئاۋالقى تەنھا تەبەسسۇم قانسىز لەۋلەردە جىلمايماقتا پەريادىمدا بار سانسىز كۈلكىلەر جۇپلەشمەيدۇ،جۇپلىشەلمەيدۇ كۆز ئالدىمدىكى مۇنۇ ئادەملەر كۈلكە ئىزدەيدۇ،كۈلىشەلمەيدۇ سۈپ-سۈزۈك خىرۇستال قاچىدا تۇرغان دۇغ سۇنى پېتىنىپ كىم ئىچەلەيدۇ ئاپئاق يۈرەك ئاپئاق ئېتىقاد، سانسىزلىغان ئاق... ئاپئاق كۈلكىنى كۈلىشەلەيدۇ. تولۇقلىما مەزمۇن (2012-3-23 10:50):

turkenay

	ئەسسالام بەرگىيە ،چۇڭقۇر ھىس تۇيغۇلارغا چۈمدۈرگەن بۇ شىئرېڭىزنى ئادەتتىكى ئادەملەر چۈشەنمەيدۇ ،قەلىمىڭىزگە بەرىكەت تىلەيمەن .

oxkantag

	سانسىزلىغان ئاق.......ئاقلىق --كۆپ ھاللاردا گۈزەللىك  ،ئىجابىلىقنىڭ سىمۇلى.... كۆز ئالدىمدا ئاپئاق قار... ئۇشقۇنلار بېقىشىپ ئوينايدۇ ئۇسۇل ، دەرەخلەرگە تىزىپ قاردىن ئاق چېچەك. ئاق چېچەك بېغىشلار ئىللىق تەبەسسۇم، ئاق بىلەن بىزەلگەن كۆڭۈل كۈلگۈنچەك.

arzuyar

	يۈرىكىڭىزدىن لەرزان ئېقىپ چىقىۋاتقان،ئىزتىراپلىق ھەم پاك بىر تۇيغىنى سەزگەندەك قىلدىم.ئېتقىنىڭىزدەك ئاپئاق كۈلكىلەر سىزگە ،ھەممىمىزگە نېسىپ بولسۇن!

ArislanMemet

	مىڭ يىل ئاۋالقى تەنھا تەبەسسۇم قانسىز لەۋلەردە جىلمايماقتا ...................................... ...................................... ئاپئاق يۈرەك ئاپئاق ئېتىقاد، سانسىزلىغان ئاق... ئاپئاق كۈلكىنى كۈلىشەلەيدۇ. گەرچە ئويلىغانلىرىمنى ئىپادىلەپ بېرەلمىسەممۇ ، ھەر ھالدا ئازراق چۈشەندىم ، شىئېر بۇنداق يېزىلسا بولىدىكەنغۇ . . .  شائىرە مىزگە رەھمەت .

begana

	ئەسسالام بەرگىيە ،سىزنى ۋە كۈلكە ئىزدەۋاتقان مىسرالىرىڭىزنى ئەلكۈيىدە قايتا كۆرگىنىمدىن خوشالمەن .

khan

	«ئىھ خىرۇستال قىز» نى ئوقۇپ سىزنى ھېكايىلا يازىدۇ دەپ پەرەز قىلىپتىمەن. مۇنداقمۇ كارامىتىم بار دەڭ. مۇنبەردە سىز بولمىسىڭىز، مۇنبەر چۆلدەرەپ قالغاندەك بولۇپ قالىدىكەن. يېڭى قەدىمىڭىزگە مۇبارەك. ھە راست، باش سۈرىتىڭىزنى ئۆزگەرتىپسىز. بۇ قىز خۇددى سىزگە ئوخشاش كۆزلىرىنى يوغان ئېچىپ، چوڭقۇر تەپەككۈر قايناملىرىغا شۇڭغىغان ئوخشايدۇ.

polojan

	ئەجەپمۇ ياخشى يېزىپسىز،،،،،،ئاق خەسىدەك،ئەپئاق قەلىب،نىمىدىگەنپاكىز رەھمەت تىمىڭىزغا

bargiya

	ئەسسالامۇ ئەلەيكۇم ئەزىز تورداشلىرىم.. يۈرىكىمنى، قەلبىمنى ،ھىس-تۇيغۇمنى چۈشەنگەن ،ھىس قىلغان ،ئورتاقلاشقان ئەزىزلىرىمگە تەشەككۈر!!

0mar

	بەرگىيە ھەدە ئەسەرلىرىڭىزنىڭ كۆپرەك چىقىشىغا تەشنا مەن