«ئانارخان»تېلىۋىزىيە تىياتىرىنىڭ نەق مەيدان ئەھۋالى ۋە فىلىم ئىشلەش جەريانىدىكى بىر قىسىم رەسىملەر
كۆپ قىسىم تورداشلارغا مەلۇم بولغاندەك ئالدىنقى يىلى يەنى 2011-يىلى باھار ئېيىنىڭ 23-كۈنى(يەنى 5-ئاينىڭ 23-كۈنى) بىر يىلغا يېقىن جىددىي تەييارلىق كۆرۈلگەن 20 قىسىملىق تېلېۋىزىيە تىياتىرى ‹‹ئانارخان›› تۇرپان ۋىلايىتىدە سۈرەتكە ئېلىنىشقا باشلىغان.ئارىدىن ئوزۇن ئۆتمەي ئەلكۈيى تورىدا بۇ ھەقتە قىسقا پاراڭلار بولۇپ ئۆتكەن ئەلۋەتتە.
ئەلكۈيى مىكروبلوگى تور دۇنياسىغا رەسمىي تۈردە ئېچىۋېتىلگەندىن كىيىن بىر قىسىم تورداشلار ئۆز مىكرو بلوگىدا بۇ كىنوغا مۇناسىۋەتلىك بەزى رەسىملەرنى ئېلان قىلدى.تورىمىزنىڭ توردىكى ئىنكاسلارغا قاراپ پەرەز قىلىشىمىزچە بۇ تېلىۋىزىيە تىياتىرىنى كۆرۈشنى خالايدىغان تورداشلار بىر قەدەر كۆپ ئىكەن، شۇڭا بىز يېقىندا مەركىزىي تېلىۋىزىيە ئىستانسىسىدا قويۇلماقچى بولغان ‹‹ئانارخان›› ناملىق كۆپ قىسىملىق تېلېۋىزىيە تىياتىرىنىڭ سۈرەتكە ئېلىنىش جەريانىدىكى بىر قىسىم نەق مەيدان ئەھۋالى ۋە فىلىم ئىشلەش جەريانىدا تارتىلغان بىر قىسىم رەسىملەرنى تورداشلارنىڭ ھۇزۇرىغا سۇنۇشنى مۇۋاپىق كۆردۇق.
ئانارخان›› ناملىق كۆپ قىسىملىق تېلېۋىزىيە تىياتىرىنىڭ سۈرەتكە ئېلىنىش جەريانىدىكى بىر قىسىم نەق مەيدان ئەھۋالى
چولپانىمىز مەمەتجان ئابدۇقادىر بۇ تېلىۋىزىيە تىياتىرىدا رول ئېلىشتىن باشقا يەنە فىلىمنىڭ نەق مەيدان مۇئاۋىن رىجىسسورلۇق خىزمىتىنى بىرگە ئىشلىگەن
ئەلكۈيى تورىنىڭ مۇناسىۋەتلىك ئورۇنلاردىن ئېگىلىشىچە، ‹‹ئانارخان›› ناملىق بۇ كۆپ قىسىملىق تېلېۋىزىيە تىياتىرى شىنجاڭ ئۇيغۇر ئاپتونوم رايونى ئىشلىگەن تىلغا ئېلىشقا ئەرزىيدىغان كىنو – تېلېۋىزىيە ئەسىرى بولۇپ، ئاپتونوم رايونلۇق مەدەنىيەت نازارىتى ئاپتونوم رايونىمىز ئىچى – سىرتىدىكى مۇنەۋۋەر سەنئەتكارلارنى تەشكىللەپ، ‹‹ئانارخان›› ناملىق ھېكايە فىلىم ئاساسىدا ئۆزگەرتىپ ئىشلىگەن، بۇ فىلىمنى ئىشلەشنى ئاپتونوم رايونلۇق مەدەنىيەت نازارىتى بىلەن تۇرپان ۋىلايەتلىك پارتكوم، مەمۇرىي مەھكىمە ئۈستىگە ئالغان.
‹‹ئانارخان›› ناملىق رەڭلىك ھېكايە فىلىمنى بېيجىڭ كىنو ئىستۇدىيەسى بىلەن سابىق شىنجاڭ كىنو ئىستۇدىيەسى 1961 – يىلى بىرلىشىپ ئىشلىگەن بولۇپ، 1962 – يىلى مەملىكەت ئىچىدە قويۇلغان. بۇ فىلىمدە ئۆتكەن ئەسىرنىڭ 40 – يىللىرىنىڭ ئاخىرى، 50 – يىللىرىنىڭ باشلىرىدىكى جەنۇبىي شىنجاڭنىڭ مەلۇم يېزىسىدىكى بىر جۈپ ئۇيغۇر قىز – يىگىتنىڭ ئازاب – ئوقۇبەتلىك مۇھەببەت سەرگۈزەشتىسى ۋە ئەگرى – توقاي ھايات كەچۈرمىشى ھېكايە قىلىنغان.
يوللىغان ۋاقتى 2012-3-17 19:39:42
يوللىغان ۋاقتى 2012-3-17 20:14:02
