ئىنسانلار ۋە ئىززەت-ھۆرمەت

zohragul

	ھەممىمىزگە پايدىلىق تېمىكەنغۇ . ئاپتۇرغا رەھمەت .

oxkantag

	ھەقىقەتەن ئەھمىيەتلىك تىما بولۇپتۇ....ئەلۋەتتە ،ھۆرمەت قىلغان ھۆرمەت تاپار....ئالدى بىلەن ،ئۆزىنى ۋە باشقىلارنى ھۆرمەت قىلغان كىشى چوقۇم ھۆرمەت تاپالايدۇ .....

abdulhey

	ئىنسانيەت تەرەققى قىلىپ ئىپتىدائى جەمئىيەتكە ئايلىنىپ قىلۋاتىدۇ، ئەخلاق، پەزىلەت تەرەققى قىلسا نىمىگە ئايلىنىپ كىتە ؟؟؟؟؟؟؟؟؟؟؟؟!!!!!

enwer-jula

	ئەنۋەر جۇلا ياخشىمۇ سىز؟ مەن سىزنىڭ ئەتراپنى،شەيئىلەرنى گۈزىتىش ئىختىدارىنىڭزنىڭ چۇڭقۇر ئىكەنلىكىنى بىلىمەن.لىكىن قايسى نوقتىن گۈزىتىدىغانلىقىڭىزنى چۈشەنمەيمەن.بۇ تىما سىزگە شۇئارۋازلىق قىلغاندەك تۇيغۇ بىرىپ قويغان ئوخشايدۇ.مىنىڭ گۈزۈتىشىمچە بىزنىڭ ئەتراپىمىزدا ئۈزىنى -ئۈزى خارلىۋاتقان،ئۈزىنىڭ ھۇقۇق مەنپەتنى قوغدىيالمايۋاتقان،باشقىلارنى كۆرەلمەي،باشقىلارغا زۇلۇم قىلىۋاتقا كىشىلىرىمىز قەدەمدە بىر.بۇ نوقتىنى دىمىسەممۇ سىز مەندىن ياخشى بىلىسىز.مۇشۇ كىشىلەرگە نىسپەتەن كۆڭۈل بۈلۈش ھەممىمىزنىڭ مەجبۇريىتى دەپ قارىدىم. مىنىڭچە ئىنسان ئۈستىدە دىيىلگەن مۇلاھىزە(بۇ يازمام مۇلاھىزە دەرجىسىگە توشمىسىمۇ) مەڭگۈ كونا بولمايدۇ.چۈنكى بۇ دۇنيا ئىنسانلارنىڭ دۇنياسى،شۇنىڭ ئۈچۈن ئىنسانلار ئۈزى ئۈستىدە ئويلىنىدۇ.ئۈزى ئۈستىدە سۆزلەيدۇ،ھەرقانداق شەيئى ئۈستىدە توختالغاندا ئىنسان ئۈزىنىڭ مەنپەتىنى يەنى ئىنساننىڭ مەنپەتىنى چىقىش قىلىدۇ. سىزدەك بىر نام چىقارغان شەخسىنىڭ سەمىمىيەتسىزلىكىدىن ھەيران قالدىم.بۇ يازمىنى ئازاب ئىچىدە،غالتەكتە سىرلگەندەك ئۇقۇپ چىقىشىڭىزنىڭ ھاجىتىمۇ يوق ئىدى. شەيئىلەرنى گۈزۈتۈش،يارقىن نوقتىلارنى ئىزدەش توغرىسىدىكى پىكىرىڭىزنى چۇقۇم ئويلىشىپ كۆرىمەن. سىزگە سالامەتلىك تىلەيمەن! —————————————————————— رەنجىپسىز، بۇرادەر. دوستلارنىڭ يۈزىدىن-يۈزىگە يۈز ئايىماي گەپ قىلىدىغان مىجەزىم مانا سىز رەنجىگەندەك نۇرغۇن دوست-بۇرادەرلىرىمنىڭ دىلىنى رەنجىتكەن. مەن ماقالىڭىزنى ناچاركەن دېمىدىم، لېكىن چوڭ جەھەتتىن تۆت تۈرلۈك، كىچىك جەھەتتىن بىر نەچچە تارماققا بۆلۈنگەن ماقالىڭىزنىڭ مەزمۇنى، كىچىك ماۋزۇلىرىنىڭ مەزمۇنىغا قايتىدىن قاراپ بېقىڭ. ھەممىسى ئائىلە تەربىيىسى، مەكتەپ تەربىيىسى، جەمىيەت تەربىيىسى، ئىدارە- ئورگانلارنىڭ ئازنە چۈشتىن كېيىنلىك تەربىيىسى، ۋە باشقا تاراق-تۇرۇقلار تەربىيىسىدە تولا ئاڭلىغان گەپلەركەنغۇ؟ مەن مەتبۇئاتلاردىنمۇ بۇ مەزمۇندىكى تەربىيەلەرنىڭ بەك كۆپ يېزىلغانلىقىنى بىلىمەن. شۇڭا ماڭا مەمتىمىن ھوشۇرنىڭ تىلى بويىچە ئېيتقاندا «نان يىسە قورساق تويىدۇ«،«سۇ ئىچسە ئۇسسۇزلۇقنى باسىدۇ» دېگەندەك تۇيۇلدى. مەن سىزنىڭ قەلەمگە بولغان ھۆرمىتىڭىزنى ناھىيىتى ساپ ئىكەن دەپ قارىدىم، بېسىپ ئولتۇرۇپ مۇھەببەت بىلەن قەلەم تەۋرىتىدىكەنسىز. لېكىن بىلىم جۇغلانمىلىرىڭىزنىڭ كونتروللىقىغا بويسۇنۇپ قالىدىكەنسىز. ئالدىنقى ئىككى تېمىڭىز بىلەن بۇ تېمىڭىزنى ئوقىغاندىن كېيىن شۇنداق تەسىراتقا كەلدىم. سىز مەكتەپتە دەرس ئۆتكەندە، تەلىم-تەربىيە ئاقارتىشى ئېلىپ بېرىۋاتقاندا بىلىم جۇغلانمىلىرىڭىزنى كونسىپىك شەكىلدە ئوتتۇرىغا قويسىڭىز بولىدۇ. چۈنكى ئۇ كونسىپىك كوللېكتىپ تەپەككۈرنىڭ يىغما خۇلاسىسى، ئەۋرىشكىسى بولغاچقا ئوقىغىچىلارنى ئادەم بولۇشقا تەربىيىلەشتە ناھىيىتى توغرا قىممەت ئۆلچەملىرى بولالايدۇ. لېكىن بىر ماقالە يېزىپ چىقماقچى بولسىڭىز ئۇنىڭدا چوقۇم بىلىمدىن پارتلىغان باشقىچە بىر ئۆزگۈچىلىك، يېڭىلىق بولۇشى كېرەك، دەپ قارايمەن. بۇنداق بولغاندا سىز ئىچكى جۇغلانمىڭىزدىن تەسىرىدىن قۇتۇلۇپ يېڭى ئوقۇرمەنلىككە يۈز ئاچقان بولىسىز. يۇقارقى ماقالىڭىز يېڭى ئوقۇرمەنلىك ئۈنۈمىنى قولغا كەلتۈرەلمىگەن، مەغلۇپ ماقالە. لېكىن مەن پەزىلىتىڭىزدىن قىلچە گۇمانلانمايمەن، سىز ھېچقانداق ماتىرىيالدىن پايدىلانماي يازدىم دەپ ئويلايسىز، مەن بۇنىڭغا يۈزدە-يۈز ئىشىنىمەن. لېكىن سىزنىڭ ئوي تەپەككۈرىڭىز يېزىش جەرياندا بۇرۇنقى ئىچكى جۇغلانمىڭىزنى ئۆز ئەينى قەغەز يۈزىگە چۈشۈردى. مانا بۇ ئەڭ توغرا دىئاگنوز. بىر قەلەمكەشكە نىسبەتەن ئىچكى جۇغلانما ئىنتايىن مۇھىم. لېكىن بۇ جۇغلانمىنى شۇ پېتىلا قەغەز يۈزىگە چىقىرىپ بېرىش بىلىم تەكرارلىقىنى كەلتۈرۈپ چىقىرىدۇ. ئۇنى پىششىقلاپ ئىشلەش، ئۈزلۈكسىز پەيدا بولۇپ تۇرىۋاتقان يېڭى شەيئىلەر بىلەن ماھىرلىق بىلەن بىرلەشتۈرۈپ يېڭى بىر قاراشنى ئوتتۇرىغا چىقىرىش ئۆزنى ۋە ئوقۇرمەننى ھوزۇرلاندۇرىدىغان بىر ئىش. شۇڭا سىزگە ئەتراپتىكى شەيئىلەرگە چوڭقۇر نەزەر تاشلاپ بېقىش توغرىسىدا مەسلىھەت بەردىم. جۇغلانمىڭىز ياخشى ئىكەن. ئادەمنىڭ جۇغلانمىسى خۇددى يەر قاتلاملىرىغا ئوخشاش قاتلام تۇتىدۇ. مەلۇم بىر بىلىم سىستېمىسى بىر قاتلامنى ھاسىل قىلسا، يەنە بىر خىل بىلىم سىستېمىسى يەنە بىر قاتلامنى ھاسىل قىلىدۇ. مۇشۇنداق قاتلامنىڭ كۆپ-ئاز بولىشى، نېپىز-قېلىنلىقى ۋە بايلىق كۆرسەتكۈچىنىڭ قانداق بولىشى يازغۇچىنىڭ قىممىتىنى بەلگىلەيدۇ. لېكىن شۇ زاپاس بايلىقلار تۈگىمەسنىڭ خورمىسى ئەمەس. ئىشلىتىۋەرسىڭىز تۈگەيدۇ، تۈگىسە يەنە جۇغلانما توپلىمىسىڭىز، مەلىكىلىك ھۈنەر بىلەن يېڭى شەيئىلەرگە تەدبىقلاشنى بىلمىسىڭىز ئۇ بىلىم تەكرارلىقىنى كەلتۈرۈپ چىقىرىدۇ. مانا بۇ بەزى ئىجاتكارلارنىڭ توختاپ قېلىش سەۋەبى، ئۇلار توختاپ قالغان ۋاختىسىدا يېڭى جۇغلانما توپلاش ئۈچۈن چۆمۈلىدەك ئىشلەۋاتقان بولىدۇ. دېمەك، دوستۇم، سىزنى زەھەردەك چاققىنىم ئەمەس. مەن سەل قارا يۈزرەك، كۆڭۈل ئاياشنى بىلمەيمەن. لېكىن، مۇشۇ قارا يۈزلىكىم ئارقىسىدا ھەقىقىي بىر مېھىرنىڭ بارلىقىنى ئاستا-ئاستا چۈشۈنۈپ قالىسىز. ئىجادىيىتىڭىزگە ئۇتۇق تىلەيمەن دوستۇم.

سەيياھ

	نەقىل : يىغىنچاقلىغاندا ئىنسانلارنىڭ ياشاش جەريانىدىكى ئەمىليىتى باشقىلارنىڭ باھاسىنى رۇياپقا چىقىرىدۇ.بۇنداق ئەمىليەتكە قاراپ ئىنسانلار بىرى-بىرىگە باھالارنى بېرىدۇ.بۇ باھالار ئىنسانلار ئۈستىدىن چىقىرىلغان ئادىل ھۆكۈم بولۇپ،ياكى مۇئەييەنلەشتۇرۇش،ياكى ئىنكار قىلىش پۇزۇتسىيەسىدە بولىدۇ. باشقىلارنىڭ باھاسى ئاساسن-سەمىمى ياكى ھىلگەر،ئاق كۆڭۈل ياكى رەزىل،دۇرۇس ياكى ئىپلاس،قابىل-ياكى دۆت،چىن ياكى ساختا،ۋىجدانلىق ياكى ۋىجدانسىز،نۇمۇسلۇق ياكى نۇمۇسسىز…دىگەندەك سۈپەتلەر بىلەن خارەكتىرلىنىدۇ.      نۇرغۇن كىشىلەر باشقىلارنىڭ ئۈزىنى قانداق باھالىشى ئۈچۈن تۇرمۇش كەچۇرگەچكە ئاخىرى ئۈزى بۇلالمايدۇ ！！شۇنداقلا نۇرغۇن كىشى بىر كىشىگە  بەرگەن باھانىڭمۇ مۇتلەق توغرا بۇلىشى ناتايىن يەنى ئادىل بۇلىشى ناتايىن ، ئادىللىقمۇ مۇھىت ۋاقىت، پەرقىگە ئىگە بۇلىدۇ .

turditohti

	ئەنۋەر جۇلا ياخشىمۇ سىز؟ مەن ئىكاسىمدا سىزدىن رەنجىمىدىم،ئۇنىڭ ئۈستىگە بۇ مەۋھۇم دۇنيادا رەنجىپ يۇرۇشنىڭمۇ ھاجىتى يوق.كىيىنكى ئىنكاسىڭىزدىن سۈيۈندۇم،ئادەمنىڭ ئۇچۇق-يۇرۇق،كەينىدىن گەپ قىلماي نەق مەيداندا مەسىلىگە بولغان قارىشىنى ئىپادىلەش ئەمىليەتتە بىر ئادىمىلىك پەزىلەت ھىساپلىنىدۇ.مەن ئادەتتە باشقىلارنىڭ سۆزىدىن نەقىل،ئۈزىندىلەرنى ئېلىپ يېزىشقا قارشى ئەمەس،مىنىڭ نۇرغۇن يازمىلىرىمدىمۇ بۇ نوقتا گەۋدىلەنگەن. سىز دىگەندەك يازمىلاردا ئۇقۇتقۇچىلىق مەسئۇليىتى بىلەن ئۇقۇغۇچىلارغا بىردىغان تەربىيەنىڭ خارەكتىرى گەۋدىلەنگەن بۇلىشى مۇمكىن،ئۈزىنىڭ كەسپىنىڭ تەسىرىگە ئۇچرىمايدىغانلار يوق بۇلىشى مۇمكىن،بۇنىڭدىن كىيىن بۇ خاھىشلاردىن ساقلىنىش،شۇنداقلا سىز ئېيتقان ئۆزگىچىلىكىنى يارتىش جەريانىدا ئىزدىنىمەن.بىراق ئۆزگىچىلىك يارتىش بىز ئويلىغاندەك ئاسان ئىشمۇ ئەمەس. بۇ يازمىدا مىنىڭ كۆزدە تۇتقىنىم بىز خەقمۇ ئۆزىمىزنى قوغداش ئېڭىمىزنى ئۆسۈرسەك دىمەكچى،ئۈزىنى قوغداشنى بىلىش،ئەڭ يۇقىرى چەكتىكى ئۈزىنى سويۈشتۇر. سىزگە سالاملار بولغاي!

tamkin35

	يەنىلا بىلىملىك كىشىلەر ئاڭلىق بولىدۇ دە ئىككىڭلارنىڭ مۇنازىرەڭلاردىن تولىمۇ سۆيۇندۇم ھارمىغايسىلەر .

xamxar111

	بۇ مۇنبەردە  تىمىنى ئوقۇپ 40 % ئۇزۇققا ئىگە بولسا ، ئىنكاسلارنى ئوقۇپ 60 % ئۇزۇققا ئىرىشكىلى  بۇلىدىكەن  دىسە

turditohti

	xamxar111 يوللىغان ۋاقتى  2012-3-16 23:53 بۇ مۇنبەردە  تىمىنى ئوقۇپ 40 % ئۇزۇققا ئىگە بولسا ، ئىنكا ... راست دەيسىز،مۇنازىرە ئارقىلىق نۇرغۇن بىلىملەرگە ئىرىشكىلى بولىدىكەن،مەنمۇ ئاساسەن مۇنازىرىلەرنى كۆرۇپ ،قېرىداشلارنىڭ كۆز قاراشلىرىنى ئىگىلەپ تۇرىمەن،بۇ بىر جانلىق بىلىم بولىدىكەن

turditohti

	tamkin35 يوللىغان ۋاقتى  2012-3-16 22:46 يەنىلا بىلىملىك كىشىلەر ئاڭلىق بولىدۇ دە ئىككىڭلارنىڭ ... سىزگىمۇ رەھمەت،مىنىڭچە ئادەمنىڭ ئادەمدىن رەنجىيدىغان ھەققى يوق،رەنجىشتىن ئاۋال ئۈزىنى تەكشۈرۈپ كۈرىشى كېرەك،ئۈزىنى سەمىمىلىك بىلەن تەكشۈرەلىگەن ئادەم باشقىلاردىن ئاغرىنمايدۇ.