قىز دېگەن

سۈمەييە

	قىز دېگەن ئۇز خۇلقىدىن جاھاننى پارلىتىدۇ قىز دىگەن، ئەلەم-تەشۋىش غىمىڭنى ئازلىتىدۇ قىز دىگەن. مىھىر بىرىپ دۇنياغا چىللاپ باھار پەسلىنى، زىمىستاننى جۇتلارنى يازلىتىدۇ قىز دىگەن. كىرپىكلەردىن ئوق ئۈزۈپ سانسىز ئاشىق يۈرەككە، مۇھەببەتتىن يۈرەكنى سازلىتىدۇ قىز دىگەن. سۆيگۈسدىن چەشمىنى باشلاپ جانان بېغىغا ، كۆڭۈللەرنى، كۆزلەرنى تاشلىتىدۇ قىز دىگەن. گۈل چىھرىدىن زوق ئېلىپ ياشىرىدۇ تەبىئەت، تەبىئەتنى، كۆڭۈلنى ياشلىتىدۇ قىز دىگەن . ۋاپاسىدىن بۇلبۇلنى سۆيۈندۈرۈپ، كۆيدۈرۈپ، دىلخانىنى سۆيگۈدىن تاڭلىتىدۇ قىز دىگەن. شەرمى ئۈچۈن جەڭ قىلىپ جان تەسەددۇق ئەيلىگەي ، دۈشمەنلەرنىڭ يولىنى تارلىتىدۇ قىز دىگەن. جاھىللارغا نامەرتكە ۋىجدانىدىن ئوق ئۈزۈپ ، باتۇر، ئوغلان يىگىتنى يارلىتىدۇ قىز دىگەن. ئىپپەت ھايا نومۇسنى جاندىن ئەزىز قىممەتلەپ ، ئىپارخاننى، نازۇكنى(نۇزۇگۇمنى) يادلىتىدۇ قىز دىگەن. بۇزۇلغاننى تۈزەيدۇ ھەربىر قەدەم سائەتتە، بوران ئۇچقان كۆلبىنى شاتلىتىدۇ قىز دىگەن. ئائىلىدە مۇھەببەت بۇلىقى بوپ دائىما ، باللىرىنى تۇلپاردەك ئاتلىتىدۇ قىز دىگەن.

سۇلتان

	ھەقىقەتەن ياخشى يېزىلغان شېئىر بوپتۇ...

urxun

	قەلەم قۇۋۋىتىڭىز ھەقىقەتەن ياخشىكەن، رەھمەت، كۆز ئالدىمدا شىېئىرىڭىزدا تەسۋىرلەنگەن قىزنى كۆرگەندەك بۇلىۋاتىمەن.

lostba

	كەلگۈسىنىڭ ئانىسى -قىز

taxnayi-a

	دۇنيادىكى بارچە گۈزەللىكنىڭ جۇلاسى ئەنە شۇ شەرمىي ھايالىق، ئەقىدە ئىتقادلىق قىز!   قەلەم تۇلپارىڭىز مەڭگۈ ھارمىغاي!

تەۋپېق

	''ئىپپەت ھايا نومۇسنى جاندىن ئەزىز قىممەتلەپ ، ئىپارخاننى، نۇزۇگۇمنى يادلىتىدۇ قىز دىگەن.'' قىزلار ئەخلاق -پەزىلىتى بىلەن سۇلماس گۈل،ئوغۇللار غورۇر -ۋىجدانى بېلەن يىقىلماس ئابىدە... شۇنداق قىز -ئوغۇللارنىڭ   كوپلەپ چىقېشىنى ئۈمۈد قىلىمەن!!!

kalgin

	ياخشى يېزىلىپ تۇ

arqayapriki

	جاھىللارغا نامەرتكە ۋىجدانىدىن ئوق ئۈزۈپ ، باتۇر، ئوغلان يىگىتنى يارلىتىدۇ قىز دىگەن   بۇ مىسرالار بەك تەسىر قىلدى .ياخشى يېزىپسىز بارىكاللا .

0998bahar

	شىېردا تەسۋىرلەنگىنىدەك شۇنداق قىزلارنىڭ كۆپرەك بولىشىنى ئۈمت قىلىمەن. قىزلار كەلگۈسى ئەۋاتلىرىمىزنىڭ ئانىلىرى.

umudwar-uyhur

	ئىپپەت ھايا نومۇسنى جاندىن ئەزىز قىممەتلەپ ، ئىپارخاننى، نۇزۇگۇمنى يادلىتىدۇ قىز دىگەن. قالتىس مىسرالاركەن .شۇنداق تارىختا ئۆز غۇرۇرى ،ئۆز ئىپپەت نۇمۇسىنى قوغداش  ئۈچۈن ئۆزىنى قۇربان قىلىشتىنمۇ قورقمىغان ،ئۆزىنىڭ ھاياتى بەدىلىگە ئۆزىنىڭ قىزلىق غۇرۇر-ئىپپەت نۇمۇسىنى قوغدىغان قىزلىرىمىز ناھايتى كۆپ ،شۇڭلاشقا ھازىرغىچە تىللاردا داستان بۇلۇپ كىلىۋاتىدۇ ،بۇلارنىڭ پەقەتلا بىر تارىخلا بولۇپ قالماسلىقىنى چىن كۆڭلۈمدىن ئۈمۈد قىلىمەن. ئەخلاق .شەرمى -ھايا .ئىپپەت -نۇمۇس قىز بوينىدىكى زۇننار!