«ئانا يۇرت» رومانىدىن

altuntarim09

	بۇ رومان كىتابخانىغا كېلىپ ئىككىنچى كۈنى چۈشتە بۇ روماننىڭ ئۈچ تومىنى ئېلىپ ئاپاملارنىڭ ئۆيىگە كىرىدىغان كوچىنىڭ ئاغزىغا كەلگەندە بىزنىڭ قورۇدىكى پىشقەدەم مىللىي ئارمىيە جەڭچىسى ئۇچراپ قالدى. ئۇ« قىزىم، ‹ ئانا يۇرت› نى ئالدىڭىزمۇ؟» دەپ جىددىي سورىدى. « مانا ئەكىلىۋاتىمەن» ئۇنىڭغا سومكىدىكى كىتابنى كۆرسەتتىم، « رەھمەت ئوبدان قىزىم، ساقلاپ ئوقۇڭلار، ئۇ ئىشلارغا مانا بىز شاھىت» دېدى. قاراپلا قاپتىمەن، بۇ گەپنى بىر ئۆمۈر ئۇنتۇيالمىغۇدەكمەن. چوڭ ئاپام ئاغزى يامان پىرسۇناژلارغا دەرھال رەددىيە بېرىدۇ، « بۇ روماندا نېمە دېگەن غەلىتە گەپلەر تولا، غېنى باتۇرنى تۈزۈك يازسا بولمامدۇ، ھېچبولمىسا گەپلىرىنى يوشۇرۇپ كۆپ چېكىت قويسىمۇ بولاتتىغۇ.....» بۇنىڭغا جاۋابەن مۇخبىر چوڭ دادام  شۇنداق دېدى« غېنى باتۇرنىڭ خاسلىقىنى يۇيۇۋەتسۇن دەمسەن؟ كۆپ چېكىت قويۇپ قويساڭ كىمگە ئوخشاپ قالار؟» مەن بۇنى تازا چۈشىنەلمىگەن ئىدىم، سەھراغا چىقىپ ئەينى يىللاردا ئۇنى مېھمان قىلغان تارانچى بايلارنىڭ ئاغزىدىن بىلدىمكى، غېنى باتۇر گەپ قىلسا، بىسمىللىنىڭ ئالدىدا ئاغزىنى بۇزۇپ بولاتتىكەن.

wind

	ئىسىل رۇمان. نەپسىڭگە بېرىلمە،مۇھەببەتكە قۇل بولما،بۇ ئىككىسى مۇرات_مەقسەت يولىدىكى ئىككى تىك داۋان  ...بەك ياقتۇرىمەن مۇشۇ يىرىنى

adidas777

	ئىشقىلىپ مەن ھاياتىمدا ئەڭ ياقتۇرغان رومان مۇشۇ 777

semerqent

	ئەسسالامۇ ئەلەيكۇم تېما ئىگىسى !  ئەجرىڭىزگە رەھمەت ئېيتىمەن .    ‹‹ ئانا يۇرت ›› رومانى ھەققىدىكى تەسىراتلارنىڭ ئوقۇرمەنلەرنىڭ كاللىسىدىن ئاسانلىقچە ئۇنتۇلمايدىغانلىقى ئېنىق . چۈنكى زوردۇن سابىر ئىجادىي ھاياتىنىڭ ئەڭ ئاخىرقى مەۋسۇمىدە ئۆزىنىڭ ئۆمۈرلۈك ئىجادىيىتىنىڭ سەمەرىسى بولالىغان نادىر ئەسەردىن بىر قالدۇرۇپ ئارمان بىلەن كەتتى .         ھەممەيلەنگە ئايان  ،  ‹‹ ئانا يۇرت ›› رومانى ئۇيغۇرجەمئىيىتىدە ئەڭ كۆپ بەس - مۇنازىرە قوزغىغان ۋە ئەڭ كۆپ ئوقۇلغان رومانلارنىڭ سەركىسى . ئېتىراپ قىلىشقا تېگىشلىك بىر نۇقتا شۇكى ، رومان گەرچە قانچىلىك نادىرلىقىدىن - مەزمۇنى قانچىكى مول ، ۋەقەلىكى قانچىكى مۇرەككەپ ، ئەكس ئەتتۇرگەن تۇرمۇش سەھنىسى قانچىكى كەڭ ، تارىخىي چىنلىقىنىڭ ئىشەنچىلىكلىكى قانچىكى يۇقىرى بولۇشىدىن ؛ زوردۇن سابىرنىڭ يۈكسەك ئارزۇ - ئارمانلىرى ، ئىنتىلىشلىرى ، سۆيگۈ - مۇھەببىتى ۋە شۇنىڭغا ئوخشاش ئەزىز خەلقىدىن كۈتكەن ۋە كۈتىدىغانلىرىنىڭ جەۋھەر ئەدەبىيات كاتېگورىيىسىنى چۆرىدەپ  شۇنچە قايىل قىلارلىق ، شۇنچە ئېچىنىشلىق ، شۇنچە ماھىرلىق بىلەن ئوتتۇرىغا قويۇلىشىدىن قەتئىينەزەر ئۇيغۇر پەرزەنتلىرىنىڭ تەسىراتى رومانغا نىسبەتەن ھىسسي بىلىش باسقۇچىدىلا تۇرۇپ قالدىكى بۇ روماندىن قانداق ئىبرەت ئېلىشنى ، قانداق ئويغىنىپ قانداق ھەرىكەتكە ئۆتۈشنى ھەقىقىي مەنىدە ھېس قىلالمىدى . بۇھال زۇلپىقار بارات ئۆزباش ‹‹ كىملىك كىرزىسى ›› ناملىق ماقالىسىدە ئېيتىپ ئۆتكىنىدەك رومان ئېلان قىلىنغاندىن كېيىن سۆزلەيدىغان ياشلارنى كۆپەيتىۋەتتى ، ئەمما ئۇلار ھەققىي ھەرىكەتكە ئۆتمىدى . ‹‹ ئىبرەت ئالغۇدەك ۋە تەسىرلەنگۈدەك ھېكمەتلەر قەدەمدە بىر ئايان بولۇپ تۇرىدۇ ، ئەمما ھەرىكەتكە ئۆتۈش باشقا گەپ ›› . بۇنى ھىسسىياتچانلىق كېسىلىگە باغلاپ چۈشەندۈرىدۇ ، زۇلپىقار بارات ئۆزباش .        بىزگە ئايان بولغان ھەقىقەتلەردىن بىرى ، ئۇيغۇر جەمئىيىتىدە ئانا يۇرت رومانىدەك جەۋھەر رومانلار ناھايىتى ئاز يېزىلدى ۋە ئاز يېزىلماقتا . بۇ ھەقتە مەنمۇ ئوشۇقراق بىرەر ئېغىز گەپ قىلالمايمەن . ئىقتىسادىي بازىس بىلەن ئۇستقۇرۇلمىنىڭ چەمبەرسىمان قورشاۋلىرىدا تۇرغان بىر جەمئىيەتكە نىسبەتەن ئۆزگەرتكۈچى ئەھمىيەتكە ۋە ھەرىكەتلەندۈرگۈچى قۇدرەتكە ئىگە بىرەر ھادىسىنىڭ مەيدانغا كېلىشى ئىقتىسادىي ۋە ئىجتىمائىي  قۇرۇلما ئۆزگىرىشىدىن شۇنداقلا ئىجتىمائىي ئاڭ ئۆزگىرىشىدىن  بارلىققا كىلىشى مۇمكىن . بۇ ھەقتە ئىقتىسادشۇناسلار ، ئىجتىمائىيەتشۇسلار ، سىياسىيونلار ۋە باشقا ئىجتىمائىي پەن تەتقىقاتچىلىرى ھەقلىق ئىككى ئېغىز گەپ قىلالايدۇ دەپ ئويلايمەن . شۇڭا ئۆزەمنىڭ زورۇقۇپ تەھلىل قىلىپ قېلىشىمدىن ساقلىنىشىم ئۈچۈن بۇ ھەقتە گەپ قىلىشتىن ئامال بار ئۆزەمنى قاچۇراي .       ئانا يۇرت رومانىنى يۇقىرىدا ئىنكاس يازغان تورداشلارغا ئوخشاشلا مەنمۇ شۇنداق ياخشى كۆرىمەن . بۇ روماننى ئۇيغۇر رومانچىلىقىدىكى بۈيۈك نامايەندە دەپ ئويلايمەن . ئەدەبىياتشۇناس بولمىغانلىقىم ئۈچۈن بۇ رومان ھەققىدە نەزەرىيەۋىي يۈكسەكلىكتىن يىراقلاشقان سۇبيېكتىپ چۈشەنچىلىرىمنى بايان قىلىشتىن خالىي بولالماسلىقىم تۇرغانلا گەپ . شۇڭا ئىنكاسىمنى مۇشۇ يەردە توختىتىشقا مەجبۇرمەن .    ئاخىرىدا تېما ئېگىسىنىڭ مۇشۇنداق بىر تېما ئارقىلىق تورداشلارغا ئەركىن پىكىرلىشىش پۇرسىتى يارىتىپ بەرگەنلىكىگە مىننەتدارلىقىمنى بىلدۈرىمەن .

boraogli

	ئابلەت ئابدۇللا ئاكىمىز يازغان ماقالىنى ئوقۇساڭلار بىلىسىلەر ئەزىزلەر،تەپسىلاتىنى مەن يوللاپ بېرەي چۈشتىن كېيىن،شۇ ژورنالنى تېپىپ ئوقۇڭلار ئۆزۈڭلار.

boraogli

	تەڭرىتاغ ژورنىلىنىڭ 4-،5-سانىدىكى ئابلەت ئابدۇللا ئاكىمىز يازغان ‹‹ئۇلۇغ قەرزىدار،ئۇلۇغ يازغۇچى-زوردۇن سابىر››دىگەن ماقالىنى ئوقۇساڭلار ھەممىنى بىلىسىلەر.

sihinix

	ھەممەيلەن سۆيۈپ ئوقۇيدىغان بىر رومان، مەن ئۈچ قىتىم ئوقۇدۇم، 3-قىسمىنى 5 قىتىم ئوقۇغاندىمەن مۇشۇ روماننىڭ...

henry