توينى قانداق شەكىلدە قىلسا ئەھمىيەتلىك ھەم توغرا بولىدۇ؟

سۈمەييە

	ئەسسالامۇئەلەيكۇم كەڭ تورداشلار! ھەر خىل مەدەنىيەت ۋە ئىدىيەلەرنىڭ تەسىرىگە ئەڭ زور ئۇچراۋاتقان بىر دەۋردە ياشاۋاتىمىز. شۇڭا تۇرمۇش ئۇسۇلىمىز ۋە نۇرغۇن مۇراسىم-بايراملىرىمىزنىڭ ئۆتكۈزۈلۈش ئۇسۇلىدىمۇ زور ئۆزگىرىشلەر بولۇۋاتىدۇ. بىر دوستۇم توي قىلماقچى ئىدى. ئۇ ئۆمرىدىكى بۇ چوڭ ئىشىنى ئېتىقادىمىزنىڭ تەلەپلىرىگە ئۇيغۇن، ئۆرپ-ئادەتلىرىمىزگە ماس ھەم ئۇنتۇلماس، ئۆزگىچە  شەكىلدە ئۆتكۈزۈشنى ئارزۇ قىلىدىكەن. بۇندىن بىر قانچە يىللار بۇرۇن مىرغىياس بىلەن ئاسىيەنىڭ ئۆزگىچە تويى تورداشلارنىمۇ زىلزىلگە سالغانغۇ؟! شۇ ۋەجىدىن مەندىن مەسلىھەت سوراپتۇ، ئەلۋەتتە كۆپنىڭ ئەقلى كۆپ، شۇڭا كەڭ مۇنبەرداشلارنىڭ دوستانە، سەمىمىي پىكىرلىرىنى ئېلىپ بېقىش مەقسىتىدە مۇنبەرگە مۇراجىئەت قىلدۇق. كۆپچىلىكنىڭ مەسلىھەت پىكىر بىرىشىنى ئۈمىد قىلىمىز. ئاساسلىقى سىز تويىڭىزنى قەيەردە ئۆتكۈزسە ياخشى دەپ قارايسىز؟ قانداق كېيىنىش، تويدىكى كۆڭۈل ئېچىش نومۇرلىرىنى قانداق ئورۇنلاشتۇرۇش، رىستۇران ياكى ئۆيدە ئۆتكۈزسە قانداق قىلىش، قانداق ئۇنتۇلماس ئىشلارنى قىلىش...دېگەندەك مەسىلىلەر ھەققىدىكى كۆز-قاراشلىرىڭىزنى ئوتتۇرىغا قويسىڭىز بولىدۇ. قېنى، تورداشلارنىڭ قىممەتلىك پىكىرلىرىنى كۈتىمىز.

taranqi

	توي قىلىش بىر ئۆمۈرلۈك ئىش ... لىكىن توي قىلدۇق دەپ ئاشۇرۇپ قىلماسلىق كېرەك . ھازىر تويلاردا ئىسراپچىلىق بەك ئىغىر شۇنداقلا سەندىن مەن قالامدىم دەيدىغان خاھىش مەۋجۈت . شۇڭا توي قىلغاندا ئاددىي - ساددا قىلىش ، شۇ بەزىبىر ئارتۇق چىقىم قىلغان پۇللىرىمىزنى يېتىم-يىسىر ياكى بالىلار كەنىتىگە ئىئانە قىلساقمۇ بولىدۇ ......

0998bahar

	مېنىڭچە ئۆز ئۆيىدە توي قىلىش شارائىتى بارلار ئۆيدە توي قىلسا ياخشى. ھازىر مەرىكە زاللىرىدا ئۆتكۈزۈلگەن تويلار بىر پائالىيەتكە ئوخشاپ قىلىپ ئۆز خاسلىقى ۋە قائىدە يوسۇنلىرىدىن چەتنەپ كىتىۋاتىدۇ.

0998bahar

	يېقىندا  يېزىدىكى تۇققانلار ئارىسىدا بىر تويغا قاتناشتىم، شۇنداق كۆڭۈللۈك ۋە ئەھمىيەتلىك بىر توي بولدى. توينىڭ قائىدە يوسۇنلىرى تولۇقى بىلەن، يەنى، بوغجۇما ئىچىش، چوڭلارنىڭ بىربىرىنى مىھمان قىلىشى،  گۈلە، قاق، جىگدە، كەمپىت قاتارلىقلاردىن تەييارلانغان توي چاچقۇسى،  قىزنى ئېلىپ ماڭغاندا كۆرپە تۆپىسىگە ئولتۇرغۇزۇپ، ئىشىكتىن پاتمىدى دەپ تۇرۇۋىلىشلار، ئاندىن قىينى ئانىنىڭ قىزغا كۆڭلىنى بىلدۈرىشى قاتارلىق بىر تالاي ئىشلار. ئىش قىلىپ  بەك كۆڭۈللۈك ۋە ئەھمىيەتلىك بىر توي.

چىۋەرقىز

	مېنىڭچىمۇ شۇ. توي قىلىش ئۆمۈرلۈك ئىش بولغاندىن كىيىن، ئەھۋالغا قاراپ ئەڭ ئەھمىيەتلىك قىلىش كېرەك.

lostba

	تويدا ئىسراپچىلىق بولمىسا

selsebil

	مۇسۇلمانمەن دېگەن ئادەم چوقۇم تويىنى ئىسلام شەرىئىىتگە ماس ھالدا ئۆتكۈزۈش كېرەك.

0991sumruh

	ئىسراپچىلىق ،ھەشەمخورلۇق قىلماي ،ئاددى-ساددا ئۆتكۈزگەن ياخشى

azimat0903

	ئەگەر ھەشەنەتچىلىك قىلماي ئاددى توي قىلىشنى  ئوغۇل تەرەپكە توي سىلىغىنى ئازراق سېلىشنى ئويلىسا تۈۋەندە تۇرغانلار قىزىنى ئەرگە بېرەلمەي قاپتىكەن ،دىگەندەك پىكىرلەرنى قىلىدىغانلار كوپ

barna73

	توي رەسىمگە چۇشكەندە كەينىدە چىركاۋى يوق رەسىمنىڭ ئالدىدا چۇشسە،رەسىمچىمۇ ، باشقىلار مۇشۇ رەسىمنىڭ ئالدىدا چۇشتى سەن نىمىشقا چۇشمەيسەن دىمەتتى..................