مەرھابا 2012 يېڭى يىلنى كۈتىۋېلىش سەنئەت كېچىلىكى ئۆتكۈزۈلدى
ئەسسالامۇئەلەيكوم ! ئەلكۈيى تورىنىڭ ئەزىز كۆرۈرمەنلىرى ئالدى بىلەن ھەرقايسى تورداشلارنىڭ 2012-يىللىق يېڭى يىلىنى قىزغىن تەبرىكلەيمىز،يېڭى يىلىڭلار ئاسايىشلىق ئىچىدە ئۆتكەي!
ھەممەيلەنگە مەلۇم بولغاندەك يېقىندىن بۇيان ئابدۇللا ئابدۇرېھىم يىتەكچىلىكىدىكى <<شىنجاڭ مىللىي مۇزىكا ئۆمىكى ئابدۇللا ئانسامبىلى >>نەق مەيداندا تەڭكەش قىلىدىغان،ئەل سۆيگەن ناخشىچىلاردىن ئابدۇللا ئابدۇرېھىم،مەخمۇت سۇلايمان،مۆمىنجان ئابلىكىم،ئىززەت ئىلىياس قاتارلىق سەنئەتكارلىرىمىزدىن تەشكىللەنگەن <<مەرھابا 2012 يېڭى يىللىق سەنئەت كېچىلىكى>> ئۆتكۈزىلىدىغانلىقى ھەققىدە ئۇچۇر ئەلكۈيى تورى ،ئابدۇللا ئابدۇرېھىم ئەلكۈيى مىكرو بلوگى شۇنداقلا ئابدۇللا تورى قاتارلىق ئورۇنلاردا كەڭ تۈردە تەشۋىق قىلىغان ئىدى.
ھەممەيلەن ھاياجانلىق بىلەن كۈتكەن ئۇشبۇ دەقىقىلەر 30–دېكابىر ،31-دېكابىر كەچ ، شىنجاڭ سەنئەت يۇرتى تىياتىرخانىسى قاينام–تاشقىنلىققا چۆمدى. كونا يىلنى ئۇزىتىپ ، يېڭى يىلنى كۈتۈۋېلىش مۇناسىۋىتى بىلەن ، شىنجاڭ سەنئەت يۇرتى مىللىي مۇزىكا ئۆمىكىدىكى مۇزىكانتلار بىلەن خەلق سۆيگەن سەنئەتكاردىن ئابدۇللا ئابدۇرېھىم باشچىلىقىدىكى ئابدۇللا ئانسامبىلى مۇزىكانتلىرى، شۇنداقلا خەلقىمىزنىڭ قەلب تۆرىدىن چۇڭقۇر ئورۇن ئالغان سەنئەتكارلىرىمىزدىن ئىززەت ئىلياس، مەخمۇت سۇلايمان، مۆمىنجان ئابلىكىم قاتارلىقلارنىڭ ھازىرقى زامان ناخشا–مۇزىكا سەنئىتىنىڭ ھەقىقىي سەۋىيەسىنى نامايان قىلىپ، مىللىي مۇزىكىلار بىلەن ھازىرقى زامان مودا مۇزىكىلىرىنى بىرلىكتە ئورۇنلاپ كەڭ خەلق ئاممىسىنىڭ يېڭى يىلىنى تەبرىكلىدى.
كېچىلىك تەپسىلاتى ھەققىدىكى ئۇچۇرلار توردا ئېلان قىلىنغاندىن كىيىن،تورداشلارنىڭ بۇ كېچىلىك ھەققىدە بىلىشكە ئىنتىزار بولغان تەرەپلىرى ھەقىقەتەنمۇ جىق بولدى ئەلۋەتتە،ئەلكۈيى تورى بۇ قېتىملىق يېڭى يىللىق كېچىلىككە قاتنىشىپ كېچىلىك نەق مەيدانىدا مەرھابا يېڭى يىل ، مەرھابا تورداشلار نامىدىكى بىر مەيدان نەق مەيدان سۆھبىتى ئىشلەپ كەلدى ۋە نۆۋەتتە زىيارەت تەپسىلاتى جىددىي كىرىشتۈرىلىۋاتىدۇ.
ئالدىن كېچىلىك تەپسىلاتى ھەققىدە خەۋەر بىرىش مەقسىتىدە بىر قىسىم رەسىم ۋە كېچىلىك جەريانلىرى كەڭ تورداشلار بىلەن ئورتاقلىشىش ئالدىدا تۇرماقچىمىز.
ئۇيغۇر سەنئىىتنىڭ گۈلتاجىسى بولغان ئابدۇللا ئابدۇرېھىم باشچىلىقىدىكى بۇ كېچىلىك ھەقىقەتەنمۇ ئۆزگىچە ۋە يېڭى شەكىل،يېڭى مەزمۇنلار بىلەن باشلاندى.تورىمىز مۇخبىرى كېچىلىك نەق مەيدانىغا يىىتپ بارغاندا كېچىلىك باشلىنىشقا تېخى يەنە بىر سائەتتەك ۋاقىت بار بۇلۇپ ، سەھنىدە ئابدۇللا ئابدۇرېھىم،مۆمىنجان ئابلىكىملەر جىددىي تۈردە مەشىق قىلىۋاتقان ئىدى،ھەرقانداق ئادەم ئۇلارنىڭ مەشىق جەريانىنى كۆرۈپ قانچىلىك ھېرپ - چارچىغانلىقىنى ھىس قىلالايتتى ئەلۋەتتە،بىراق ھارغىنلىق ،چارچاش بۇ سەنئەتكارلىرىمىزنى ئۆزىگە باش ئەگدۈرەلمەپتۇ.ئەل سۆيگەن ناخشىچى ئابدۇللا ئابدۇرېھىم گاھ قەلەندەرمان ، گاھى سۇلتانمەن نامدىكى يېڭىدىن قايتا ئاكورتلاشتۇرۇلغان ناخشىسىنى جىددىي ئورۇنلاۋېتىپتۇ،ئاڭلىغانسىرى ئادەمگە ئۆزگىچە زوق بىرىدىغان بۇ يېڭى ئاكورت كېچىلىكنىڭ باشقا نومۇرلىرىنى كۆرۈشكە ئىنتىزار قىلاتتى.
ئارقىدىن تورىمىز رىياسەتچى - مۇخبىرلىرى بۇ جەرياندىكى خىزمەتلەر،ئارتىسلىرىمىزنىڭ تەييارلىقلىرى ، كېچىلىك باشلىنىش ئالدىدىكى ھىسياتى ھەققىدە ئابدۇللا ئابدۇرېھىم،مۆمىنجان ئابلىكىم ، مەخمۇت سۇلايمان ، ئىززەت ئىلىياس ۋە رەھبەرلەر شۇنداقلا بىر قىسىم مۇناسىۋەتلىك كىشىلەر بىلەن بۇ ھەقتە سۆھبەتتە بولدى،سەنئەت كېچىلىكى ئاخىرلاشقاندا تاماششىبىنلار بەس - بەس بىلەن زىيارىتىمىزنى قوبۇل قىلىپ كىېچىلىك ھەققىدە ۋە يېڭى يىل ھەققىدە ئۆز قەلبىنى ئىزھار قىلدى.بۇ جەرياندىكى پاراڭلىرىمىزنى ئەلۋەتتە زىيارەتتىن كۆرىۋالمىساڭلار بولمايدۇ،ئاشكارلىمايمىز ...
كەڭ تورداشلارنىڭ يېڭى يىلىنى مۇبارەكلەش ئۈچۈن بۇ قېتىملىق يېڭى يىللىق سەنئەت كېچىلىكىنىڭ بىر قىسىم رەسىملىرى ۋە ئۇچۇرلىرىنى ھۇزۇرۇڭلارغا سۇندۇق.
كىچىلىكنىڭ نەق مەيدان ئەمەلىي ئەھۋالى ۋە زىيارەت جەريانىنى ئەلكۈيى تورى كېچىلىك نەق مەيدانىدا ئىشلىگەن « مەرھابا يېڭى يىل ، مەرھابا تورداشلار »نامىدىكى زىيارەت فىلىمىمىزدە بولسۇن! بىر قانچە كۈن ئىچىدە فىلىم كىرىشتۈرۈلۈپ ئايرىم تېما شەكلىدە كەڭ تورداشلارنىڭ ھوزۇرىغا سۇنۇلىدۇ.
يوللىغان ۋاقتى 2012-1-1 12:19:03
يوللىغان ۋاقتى 2012-1-1 13:13:18
بەك ياخشى چىقىپتۇ !!!