بىزنىڭ ئارزۇيىمىز

ئالپ

	بىر جۈپ ئاكا-ئۇكىلار بار ئىكەن، ئۇلار بىر بىنانىڭ 80– قەۋىتىدە تۇرىدىكەن. بىركۈنى ئۇلار سەپەردىن قايتىپ كەلسە ئۇلار تۇرىدىغان بىنادا توك توختاپ كىتىپتۇ. گەرچە ئۇلارنىڭ يۈك-تاقىلىرى ئىغىر بولسىمۇ، لېكىن باشقا ئامال بولمىغاچقا، ئاكىسى ئىنىسىغا پەلەمپەي بىلەن چىقايلى دەپتۇ. شۇنىڭ بىلەن ئۇلار ئىككى ئېغىر سومكىنى كۆتۈرۈپ پەلەمپەيدىن چىقىشقا باشلاپتۇ. 20- قەۋەتكە چىققاندا ئۇلار ھىرىشقا باشلاپتۇ، ئاكىسى «سومكىلار بەك ئىغىر ئىكەن، بولمىسا بىز سومكىلارنى بۇ يەرگە قويۇپ قويۇپ، توك كەلگەندە لېفىت بىلەن ئىچىقايلى» دەپتۇ. شۇنىڭ بىلەن ئۇلار سومكىلارنى 20-قەۋەتتە قويۇپ داۋملىق ئۈستىگە قاراپ يامىشىپتۇ، ئىغىر سومكىلار بولمىغاچقا، ئۇلارنىڭ قەدەملىرى تېزلىشىپتۇ.         ئۇلار كۈلكە-چاقچاقلار بىلەن ئۈستىگە قاراپ يامىشىپتۇ. لېكىن ياخشى ۋاقىتلار ئۇزۇنغا بارماپتۇ. 40-قەۋەتكە چېققاندا ئۇلار ھېرىپ  ھالىدىن كېتىپتۇ. ئۆزلىرىنىڭ ئەمدى تېخى يېرىم مۇساپىنى تاماملىغانلىقىنى ئويلاپ بىر-بىرىنى ئەيىپلەپ، بىر-بىرىدىن ئاغرىنىشقا باشلاپتۇ. ئۇلار دەتالاش قىلغاچ يامىشىپ 60-قەۋەتكە چىقىپتۇ. 60-قەۋەتكە چىققاندا ئۇلارنىڭ ئۇرۇشقىدەكمۇ ماغدۇرى قالماپتۇ. ئىنىسى ئاكىسىغا « بىز ئۇرۇشماي داۋاملىق يامىشايلى» دەپتۇ. شۇنىڭ بىلەن ئۇلار ئۈن-تىنسىز ئۈستىگە قاراپ ئىلگىرلەپتۇ، ئاخىرى 80-قەۋەتكە چىقىپتۇ. ئۇلار خۇشال ھالدا ئۆيىنىڭ ئالدىغا كەپتۇ، شۇ چاغدىلا ئۇلار ئۆينىڭ ئاچقۇچىنى 20-قەۋەتتىكى سومكىدا ئۇنتۇپ قالغانلىقىنى بايقاپتۇ.        بەزىلەر بۇ ھىكايىنى كىشىلىك تۇرمۇشقا سىمول قىلىدۇ: 20 ياشتىن بۇرۇن بىز ئۆيدىكىلەرنىڭ، ئوقۇتقۇچىلارنىڭ ئارزۇ- ئۈمىدلىرى، ئىغىر بېسىمى ئاستىدا ياشايمىز. پىشىپ يىتىلمىگەنلىكىمىز، ئىقتىدارىمىزنىڭ چەكلىكلىكى سەۋەبىدىن ھەر بىر قەدىمنى بېسىشىمىز تەسكە توختايدۇ. 20ياشىتىن كېيىن ھەر خىل بىسىم، يۈكلەردىن قۇتۇلۇپ ئۆز غايىلىرىمىزى ئەمەلگە ئاشۇرۇش ئۈچۈن خۇشال ھالدا 20 يىلنى ئۆتكۈزىمىز.40 ياشقا بارغاندا، ئۆزىمىزنىڭ ياشلىق چاغلىرىمىزنىڭ ئاللىقاچان  ئۆتۈپ كەتكەنلىكىنى، نۇرغۇن پۇشايمان، ئۆكۈنۈشلەرنىڭ قالغانلىقىنى ھېسقىلپ ئۆكۈنۈشكە، ئۇنىڭ-بۇنىڭدىن ئاغرىنىشقا باشلايمىز ھەمدە ئۆكۈنۇش، ئاغرىنىش ئىچىدە 20يىلنى ئۆتكۈزىمىز. 60 ياشقا بارغاندا بولسا، ئۆمرىمىزنىڭ ئۇزۇن قالمىغانلىقىنى، ئۇنىڭ- بۇنىڭدىن ئاغرىنماي، ھاياتىمىزنى قەدىرلىشىمىز كېرەكلىكىنى تونۇپ يىتىمىز. ھەمدە ئۈن-تىنسىز ھاياتىمىزنىڭ ئاخىرىقى ۋاقىتلىرىنى ئۆتكۈزىمىز. ئۆلۈم ئالدىدا بولسا ،خۇددى مەلۇم بىر ئىشنى قىلىپ تۈگىتەلمىگەنددك تۇيغۇغا كىلپ قالىمىز.ئەسىلىدە بىزنىڭ بارلىق ئارزۇ-ئارمانلىرىمىز ئاشۇ 20 ياش ۋاقىتلىرىمىزدا قىپ قالغان.        ئادەم ئارزۇ-ئارمانغا ئىگە بولغانلىقى ئۈچۈن ئۇلۇغدۇر. پۇرسەت مەڭگۈ تەييارلىقى بار ۋە دەرھال ھەركەتلىنەلەيدىغان كىشىلەرگىلا  مەنسۇپ. مەنبە: ئۆزۈم تولۇقلىما مەزمۇن (2011-12-20 22:33): بۇ ئەسەر دوستۇمنىڭ تەرجىمىسى

uygurlove

	شۇنداق گۈزەل ئارزۇ ئارمانلار پۇرسەتنى چىڭ تۇتۇپ بەلنى چىىڭ باغلاپ توختىماي تىرىشقانلارغا مەنسۇپ! دوسلا مەن ھەم بىزلەرمۇ خام خيالىمىزغا پىتىپ قالماي گۈزەل ئارزۇ ئارمانىمىز ئۈچۈن تىرىشايلى !!!!!!! ياشلىقىمىز ئۇزىمىزنى تەرەققى قىلدۇردىغان ئالتۇندىنمۇ قىممەتلك ھاياتىمىزدىكى ئەڭ ياخشى پۇرسەت .

lerika

	ياشاش تۇرمۇشمۇ بەزىدە ھىچقانداق ئەھمىيەتسىزدەك. تۇغۇلۇش ،ئۆلۈش....!!!قايتا تىرىلىش مۇمكىنمۇ؟؟؟؟

izhar420

	ياخشى ئەسەركەن، ھەر بىر كۈننى قەدىرلەپ، ئۆزىمىزنىڭ ئارزۇ-ئارمانلىرىنى ئەمەلگە ئاشۇرۇش ئۈچۈن تىرىشساق بولغۇدەك!

akbar240

	ياشاش ئادەمگە بەزىدە شاد خۇراملىق ئىلىپ كەلسە ،بەزىدە ئازاپ ئوكوبەت ئىلىپ كىلىدۇ ،شۇڭاھاياتنى قەدىرلەيلى !

ئالپ

	lerika يوللىغان ۋاقتى  2011-12-21 10:31 ياشاش تۇرمۇشمۇ بەزىدە ھىچقانداق ئەھمىيەتسىزدەك. تۇغ ... دەپسىزغۇ ئەزىز قىرىندىشىم، «بەزىدە ھېچقانداق ئەھمىيەتسىزدەك»، ئەمسە سىز ئەھمىيەتلىك دەپ ئويلىغان ۋە باشقىلامۇ ئەھمىيەتلىك دەپ ھېس قىلىدىغان ئىشلار بىلەن مەشغۇل بولغايسىز...

مۇبارەك

	شۇڭا، ئەتىلا ئۆلۈپ كېتىدىغاندەك ياكى مەڭگۈ ئۆلمەيدىغاندەك تۇيغۇدا ياشىشىمىز كېرەك. مەن بۇ جۈملىنى «شىنجاڭ مەدەنىيىتى» ژۇرنىلىدا دىلئارام ھەدەش يازغان قۇرلاردىن سۈزىۋالغانتىم.

lostba

	پۇرسەت ۋە ئارزۇ ، يەنە ئىرادە بولۇش كېرەك

semerqent

	lerika يوللىغان ۋاقتى  2011-12-21 10:31 ياشاش تۇرمۇشمۇ بەزىدە ھىچقانداق ئەھمىيەتسىزدەك. تۇغ ... تورداش لىرىكا ! گىرامماتىكىغا دىققەت قىلىسىڭىز بوپتىكەن ، ماۋۇ ئىنكاسىڭىزدىن ‹‹ قايتا تىرىلىش مۇمكىن بولامدۇ ›› دىگەن مەنا چىقىپ قاپتۇ  ، قانداق خاتا ئىنكاس بۇ ؟ راۋان ئۇيغۇرتىلى مۇشۇنداق بولامدۇ ؟  قاراڭ ! ‹‹    ياشاش تۇرمۇشمۇ بەزىدە ھىچقانداق ئەھمىيەتسىزدەك. تۇغۇلۇش ،ئۆلۈش....!!!قايتا تىرىلىش مۇمكىنمۇ؟؟؟؟ ››   سىزنىڭ نېمە دىمەكچى بولغىنىڭىز مۇنداق بىر جۈملە سۆز بىلەن ئىپادىلىنىشى مۇمكىن : ‹‹ياشاشنىڭ ، تۇرمۇشنىڭ بەزىدە بىزگە ھېچقانداق ئەھمىيتى يوقتەك بىلىنىدۇ ، خۇددى بۇ دۇنيا تۇغۇلۇش ۋە ئۆلۈشنىلا مەقسەت قىلىدىغاندەك ...ئەمما  بۇ دۇنيادا قايتا ھاياتلىققا ئېرىشىش يەنە مۇمكىن بولارمۇ ؟ ››    مۇشۇنداقراق ئىپادىلەنگەن بولسا سىزنىڭ نېمە دىمەكچى بولغىنىڭىز بەلكىم سەل چۈشىنىشلىك بولغان بولاتتى .  ئۇيغۇر بولغاندىكىن ئانا تىلىمىزدا توغرا ۋە گۈزەل تىل بىلەن سۆزلەيلى ، قېرىندىشىم . سەل ئاقساقاللىق قىلىپ قويدۇم ، نىيىتىمنى خاتا چۈشەنمەسسىز !

durus

	lerika يوللىغان ۋاقتى  2011-12-21 10:31 ياشاش تۇرمۇشمۇ بەزىدە ھىچقانداق ئەھمىيەتسىزدەك. تۇغ ...   ئەلۋەتتە مۇمكىن.  مەن مۇمكىنلىكىگە ئىشىنىمەن.