80-يىلدىن كېيىنكىلەرنىڭ ساداسى (ھەق سۆزلەر)

دوپپام

	بىز باشلانغۇچ مەكتەپتە ئوقۇۋاتقاندا ، ئالىي مەكتەپتە ئوقۇسا پۇل ئېلىنمايتتى . بىز ئالىي مەكتەپتە ئوقۇۋاتقان چاغدا ، باشلانغۇچ مەكتەپلەردىن پۇل ئالمايدىغان بولدى . بىز خىزمەتكە چىقمىغان چاغدا ، دۆلەتتىن بىر تۇتاش خىزمەتكە تەقسىملەيتتى . بىز خىزمەتكە چىققاندا بۇ ئىشمۇ يوق بولۇپ ، خىزمەت بېسىمى بېشىمىزنى ئاغرىتتى . بىزنىڭ پۇلىمىز يوق چاغدا ، ئىدارە - ئورگانلاردىن ئۆي تەقسىملەپ بېرەتتى . بىز ئەمدى ئازراق پۇل تاپساق ، ئۆينىڭ باھاسى شىددەت بىلەن ئۆرلەپ ئۆي بىر غەم بولدى . بىز پايچەك بازىرىنى ئۇقمايدىغان ۋاقىتتا ، ئەخمەقلەرمۇ تازا پۇل تاپتى . بىز پايچەك بازىرىنى ئۇقۇپ ، پايچەك ئويناۋېتىپ ئۆزىمىزنىڭ ئەخمەقلىقىمىزنى ھېس قىلدۇق . بىز ئۆزىمىزگە لايىق تاپمىغان ۋاقىتلاردا قىزلار ئوغۇللارنىڭ ساداقىتىنى ، چىن مۇھەببىتىنى ياقتۇراتتى . بىز لايىق تېپىشقا باشلىغاندا ، قىزلارنىڭ كۆپىنچىسى پۇلنى ياقتۇرىدىغان بولۇپ كەتتى . بىز خىزمەت تاپمىغان چاغدا ، باشلانغۇچ مەكتەپنى پۈتتۈرگەنلەرمۇ باشلىق بولۇپ يۈردى . بىز خىزمەت تاپىدىغان چاغدا ، ئالىي مەكتەپ ئوقۇغۇچىلىرى ئوبۇرنا تازىلىقچىسى بولۇپ يۈردى . مانا بۇلار دەل بىز 80 - يىلدىن كېيىن تۇغۇلغانلار ھېس قىلغان بەزى ئىشلار ، بىراق نۇرغۇنلىغانلارنىڭ نەزىرىدە 80 -يىلدىن كېيىن تۇغۇلغانلار ناھايىتى بەخىتلىك ، چوڭلار بىلەن سېلىشتۇرغاندا كۆپ جاپا تارتمىدى . بىراق بۇ پەقەت بىزنىڭ تۇرمۇشىمىزنىڭ بىر قىسمىلا خالاس ، بىراق بىز دۇچ كېلىۋاتقان بېسىم بىزدىن چوڭلارنىكىدىن ئاز ئەمەس ، مۇنداقچە قىلىپ ئېيتقاندا ، 80 - يىلدىن كېيىن تۇغۇلغانلارنىڭ بېسىمى بەك چوڭ ، زىممىسىدىكى يۈك ئەڭ ئېغىر بىر دەۋر كىشىلىرى دېيىشكە بولىدۇ ، پەقەت ئۇلاردا تەجرىبىلا كەمچىل . بىراق بىز بۇلار بىلەن مەيۈسلىنىپ قالماي ئۆزىمىزنىڭ پارلاق كەلگۈسىنى يارىتىش ئۈچۈن تىرىشىمىز كېرەك.قېنى تورداشلار 80-يىلدىن كىيىن توغۇلغان سىزنىڭ قانداق يۈرەك سۆزلىرىڭىز بار ئاڭلاپ باقايلى:

turkinaz0992

	بۇ ھەق سۆزلەرنى ئوقۇپ 90 - ۋە 2000 - يىلدىن كېيىنكىلەردىن ئەنسىرەپ قالدىم ، ئەنسىرەپ قالدىم ئەمەس ، ئەنسىرىشىم كۈچىيىپ كەتتى .....

hacker253

	بۇرۇنلادا كىشلەر ئۆيلىرىگە قۇلۇپ سالماي سىرىتلاغا بىرەر ھەپتە چىقىپ كەتسىمۇ باشقىلا  ئۇلارنىڭ ئۆيلىرىگە كۆز قىرىنىمۇ سالمايدىكەن،ھازىر  يوغان قۇلۇپتىن ئوننى سەپ قويسىمۇ خۇددى ئۆزىنىڭ ئىشىكىنى ئاچقاندەك ئىچىپ، خۇددى ئۆيدىكى نەرسىلەرنى ئىلىشىپ بەگەندەك كۆتۈرۈپ چىقىپ كىتىشىدۇ.

begana

	بىگانە..باشلانغۇچ مەكتەپنى پۈتتۇردىغان چاغدا 6يىللىق باشلانغۇچى تۇزۇمى چىقتى . ئۇ تولۇقسىزنى ئوقۇپ تىخنىكۇمغا ئىمتىھان بەرگەندە ئازلا نۇمۇر پەرقى بىلەن ئۆزى پۇل تۇلەپ ئوقۇش چىقىتى . مەيىلىلا دەپ ئوقۇشقا بىرىپ ئاخىرقى يىلى بىر تۇتاش تەقسىم قىلىش ئەمەلدىن قالدى . ئاھ نىمىشقمۇ 79 -يىلى تۇغۇلمىغاندىمەن ؟

adiyat

	خاتىرجەم  بولۇڭلار  .  با جاپانى  80-يىلىدىن  كىيىن  تۇغۇلغانلار  تاتىپ  بولاي  دىدۇق . خۇدايىم  بۇيرىسا    بىزنىڭ  ئىنى -سىڭىللار  ياخشى  كۈنلەرگە ئۇلىشىدۇ.  لىكىن  جاپا -مۇشەققەت ، بىسىم ، يىرىپ  چارچاشلار     پەقەت  جەننەتتىلا  بولمايدۇ.  ئۆلمەي  تۇرۇپ جەننەتكە كىرگىلى  بولمايدۇ.  قاندا  دىدىم،  لىكىن  ھاياتمۇ  بىرلا  كىلىدۇ ..قەدىرلەيلى  ئۆزىمىزنى  خوشال  تۇتۇپ  ياشايلى  ...  نىمە  ئىش  قىلايلى  پەقەت  ۋە پەقەت  ئۆزىمىز  ئۈچۈنلا ، ئەڭ  ئالى  جاناب  ئادەممۇ پەقەت ئۆزىنى  ئويلايدۇ ، پەرقى  ئۇلار بۇنىنىڭ ئۇچىنى ئەمەس، يىراقنى كۆرىدۇ  خالاس.

longsurfing

	بىز كىچىك ۋاقتلاردا شاگىرت بولماقمۇ تەس ئىدى ، ئۇستامنىڭ ئۆيدە نەچە يىل يۈندە توشۇپ ، ئۆي تازلاپ ، ئاندىن ھۈنەر ئۈگىنەتتۇق ، بىز چوڭ بولغاندا بولسا شاگىرت تاپماق تەس بولاپ كەتتى ، پۇل بىرىپ ھۈنەر ئۈگۈتۈپ قوياي دېسەكمۇ ، پۇلنى ئاز كۆرۈپ كەلمەس بولىۋالدى.

oztekin

	قاخشىماق ھېچ نەرسىنى ھەل قىلالمايدۇ. دارۋېننىڭ بىر گېپى يادىمغا كېلىپ قالدى. <<ماسلاشقانلار ھايات قالىدۇ>>  بۇ سۆزنى مەن تامامەن توغرا دەپ قارىمايمەن. لېكىن ماسلىشىش ھايات قېلىشنىڭ ئىشەنچىلىك يوللىرىدىن بىرى. ماسلىشالمىغانلارنىڭ بىر تۈركۈمى كۆرەشچىلەرگە ئايلىنىدۇ. بۇنداق كىشىلەر ئاز سالماقنى ئېگەللەيدۇ. يەنە بىر تۈركۈمى ھالاكەتكە يۈز تۇتىدۇ. بۇمۇ ئاز سالماقنى تەشكىل قىلىدۇ. كۆپلىرى ماسلىشىپ ياشايدۇ. قانداق ماسلىشىش شۇكىشىنىڭ ئاقلى ۋە ۋىجدانىغا باغلىق. بەزىلىرى ئىنتايىن ماسلىشىپ كېتىدۇ. شۇنداق كۆپ بەدەللەرنى تۆلەيدۇ. غورورىنى، تارىخىنى، ۋىجدانىنى، ھەممە نېمىسىنى سەرىپ قىلىپ، ھايات قالىدۇ. بەزىلەر ئۇنىڭغا ئوخشىمىغان يول بىلەن ياشايدۇ. 50-60-يىللاردا ياشىغان ناتىۋانلار ئوماچ بىلەن كوممۇنىزىمغا ماسلىشىپ كەتكەن. 80-يىلىدىن كېيىن تۇغۇلغان بىزلەر بازار بىلەن خرىسقا ماسلىشالمايدىغان 50-60-يىلدىكىلەرنىڭ ئىسكەنجىسىدە بولغاچقا، ماسلىشالماسلىق پىسخكىسى ئىستىخيىلىك ھالدا ئىپادە تاپىدۇ. گەپ ئۆزىمىزدە. ئۈمۈدۋار بولۇڭ. خىزمەت، ھۆكۈمەتنىڭ تۆمۈر دەپتىرى، شىتات ۋاھاكازالارنىڭ سېسىق پۇرىقى قاپلاپ كەتكەن جەمىيىتىمىزدە نەچچە تۈمەن بايقۇش ئۆزىنىڭ قىزىل گۈلدەك ھاياتىنى شاپتۇل ئوغۇرلىغان مايمۇندەك ئۆتكۈزىۋاتىدۇ. ئەلبەتتە ھۆكۈمەتنىڭ شىتاتىغا ئۆتۈش ياخشى ئىش. يامان يېرى يوق. بىراق ئۇنىڭدىنمۇ كاپالەتلىك بىر شىتات سىزنى ھەرۋاقىت كۈتۈپ تۇرىدۇ. ئىمتاھاندىن ئۆتمەكمۇ ئاسان(تاھارەت ئېلىشنى بىلسىڭىزلا). ئارقا ئىشىكمۇ كەتمەيدۇ. تاللاش ھەركىمنىڭ ئۆزىدە.

ayrani

	مەن 80-يىلى تۇغۇلماي 79-يىلى تۇغۇلغان بولسامچۇ ؟مەكتەپ ئوقۇپ دىپلۇم ئىلىپ توپتۇغرا بەش شوۋگۇڭ بولۇپ ئىشلەپتىمەن .....مىڭ شۇكرە ياراتقان ئىگەمگە ؟

nuxriwan

	بىزنىڭ بۇيەردىمۇ 80-يىلىدىن ئىلگىرى تۇغۇلغانلار ئاساسىي جەھەتتىن تۆمۈر تاۋاقلىقلار بولۇپ ئىشلەۋاتىدۇ. ئىلگىرى مەنمۇ بېمىشقا 80-يىللىرى تۇغۇلغاندىمەن دەپ ئويلايتتىم .ئەمما ھازىر ئۇنداق ئويلىماس بولدۇم. ئەمەلىيەتتە بىز80-يىلى تۇغۇلغانلار شۇنداق بىر دەۋىردە تۇغۇلغانلىقىمىزنى بەخت دېيىشكە بولىدۇ. چۇنكى تۆمۈر تاۋاقلىقلار ۋەياكى بەزەن باشقا تاۋاقلىقلار بىز ھېس قىلغان بىز چۈشەنگەن ئىشلارنى بىلىپ بوللالمايدۇ ھەم ئويلىغىچىلىكى يوق. تۆمۈرمۇ ئوتتا تاۋلىنىدۇ. ھازىر بىزدىن نۇرغۇن كىشىلەر (ئەلۋەتتە80-يىلىدىن كېيىن تۇغۇلغانلار) كاللىسىنى سىلكىۋېتىپ شوۋگۇڭ بولۇپ ئىشلەشتىن ئۆز ئالدىغا ئىش قىلىپ يول تاپقانلار كۆپلەپ مەيدانغا كەلمەكتە. مەنمۇ شۇنداق بىر قارارغا كەلدىم .پەقەت نەچچە يىل ئىچىدە ئازرراق ئىقتىساد توپلاپ، ھۆكۈمەتنىڭ بالا ئىشچى دېگەن سېسىق نامىدىن قۇتۇلۇپ، مىڭ نەچچە يۈز يۈئەننىڭ قۇلى بولۇشتىن ئەركىن ئادەمگە ئايلىنىمەن . اللا خالىسا رىزقىمنى اللاغا تەۋەككۈل قىلىپ ،شۇ ئارقىلىق تېپىپ يەيمەن. اللا ئۇلۇغ پەزىل ئىىگسىدۇر.

berna

	ھەر زاماننىڭ ئۆزىگە چۇشلۇق دەردى بار ،ئامال يوق تۇغۇلغاندىكىن ياشىماي.