ئاچكۆزلۈكنىڭ ئاقىۋىتى

zulpehar

	مۇشۇنداق   ئىشلارنى  ئويلىساملا  ئىچىمنى  بىر  ئاچچىق قاپلىۋالىدۇ مۇشۇ پۇلزە  نى  نى  ئادەملەرنى  ئازدۇرۇپ بەخىتلىك ئائىلىلەرنى  ۋەيران قىلىپ ...........

noshirwan

	بۇ پارىخور ئەر-خوتۇنلارنىڭ جازالانغانلىقىغا مۇناسىۋەتلىك ئىككى پارچە خەۋەرنى ئەينى ۋاقتتا تەرجىمە قىلىپ، مىسرانىم تورىغا يوللاپ بەرگەن ئىدىم. بۇ تېما بىلەن بىرلەشتۈرۈپ كۆرۈشۈڭلار ئۈچۈن ئىنكاس سۈپىتىدە يوللىدىم. پارىخور ئەر-خوتۇن جىنايى جازاغا تارتىلدى تەڭرىتاغ تورىنىڭ 30-مارت خەۋىرى: 3-ئاينىڭ 29-كۈنى ئۈرۈمچى شەھەرلىك ئوتتۇرا خەلق سوت مەھكىمىسى قەشقەر ۋىلايەتلىك خەلق قۇرۇلتىيى خىزمەت كومىتېتىنىڭ سابىق مۇئاۋىن مۇدىرى(مۇئاۋىن نازىر دەرىجىلىك) قوشۇمچە مارالبېشى ناھىيىلىك پارتكومنىڭ شۇجىسى ليۇ كاشېڭ ۋە ئۇنىڭ ئايالى چيۇ شياۋ مېينىڭ پارا ئېلىش جىنايىتى دېلوسىغا 1-سوت ھۆكۈمىنى چىقارغان.ئېنىقلىنىشىچە، ليۇ كاشېڭ 2002-يىلدىن 2010-يىلى چاغانغىچە بولغان مەزگىلدە قاغىلىق ناھىيىلىك پارتكومنىڭ شۇجىسى، قەشقەر ۋىلايەتلىك خەلق قۇرۇلتىيى خىزمەت كومىتېتىنىڭ سابىق مۇئاۋىن مۇدىرى(مۇئاۋىن نازىر دەرىجىلىك) قوشۇمچە مارالبېشى ناھىيىلىك پارتكومنىڭ شۇجىسى بولغان ۋاقتتا خىزمىتىدىكى قولايلىقتىن پايدىلىنىپ،ئايالى بىلەن بىرلىكتە  5 مىليۇن 677مىڭ 800 يۈەن نەق پۇل ۋە 18مىڭ 600يۈەن قىممىتىدىكى خاتىرە كومپيۇتېرىنى پارا ئالغان.ليۇ كاشېڭ 2003-يىلى 8-ئايدىن 2010-يىلى چاغانغىچە ئۆزى يالغۇز  بىر مىليۇن 85مىڭ يۈەن پارا ئالغان.   سوت مەھكىمىسى ليۇ كاشېڭغا پارا ئېلىش جىنايىتى ئۈچۈن مۇددەتسىز قاماق جازاسى بېرىپ، سىياسى ھوقۇقىدىن ئۆمۈرۋايەت مەھرۇم قىلىش، قوشۇمچە بارلىق شەخسىي مال-مۈلكىنى مۇسادىرە قىلىش جازاسى بەرگەن. چيۇ شياۋمېيغا پارا ئېلىش جىنايىتى ئۈچۈن مۇددەتلىك 15يىللىق قاماق جازاسى بېرىپ،  سىياسى ھوقۇقىدىن ئۈچ يىل مەھرۇم قىىلىشنى ھۆكۈم قىلغان.ئىككى جاۋابكار نارازىلىق ئەرز سۇنىمىز دېگەن مەنبە: تەڭرىتاغ تورى.   تور ئادرېسى: http://www.tianshannet.com/news/ ... content_5703637.htm

atikam1

	مۇشۇنداق پارىخور ئەمەلدارلار  يوقالمىغىچە  ئاۋام  ئاۋىمايدۇ ،،،راستلا  تورداشلار دېگەندەك  بۇلار  ھەقىقەتەن نەس باسقانلىرى ،،،،مۇشۇ ئىدارە جەمىيەتتىكى يەۋاتقانلارنى كۆرسە  ،،،،نېمە دېگۇلۇك ئەمدە

yuluqi

	مەن بۇلارنىڭ پارا ئالغىنىنى بۇنىڭدىن كۆپ دەپ ئاڭلىغان ، بىچارە دىھقانلارنى بەك قاخشاتقان بۇلار........

noshirwan

	يەنە بىر پارچىسى : مارالبېشىنىڭ سابىق سېكىرتارى سوتتا نەيرەڭۋازلىق قىلغان      «قانۇنچىلىق گېزىتى»نىڭ 2011-يىلى 28-فېۋرال خەۋىرى: مارالبېشى ناھىيىلىك پارتكومنىڭ سابىق سېكىرتارى ليۇ كاشېڭ ۋە ئۇنىڭ خوتۇنى چيۇ شياۋمېي 2-ئاينىڭ 24-كۈنى ئۈرۈمچى شەھەرلىك ئوتتۇرا خەلق سوت مەھكىمىسىدە سوت قىلىندى. ئىككى جاۋابكار ليۇ كاشېڭ ئەمەل تۇتقان مەزگىلدە 5مىليۇن 687مىڭ 800يۈەننى ئورتاق پارا ئالغان، ليۇ كاشېڭ ئۆزى 1 مىليۇن 80مىڭ يۈەن پارا ئالغان، ئومۇمى پارا ئېلىش سوممىسى 6 مىليۇن 770مىڭ يۈەندىن ئاشىدۇ، دەپ ئەيىپلەندى.        11 نەپەر يېزا بازار سېكىرتارى پارا بەرگەن      ئەيىپلىگۈچى ئورگان مۇنداق ئەيىپلىدى: ليۇ كاشېڭ 2005-يىلى 5-ئايدىن 2010 -يىلىغىچە خىزمەت قولايلىقىدىن پايدىلىنىپ،  خوتۇنى بىلەن بىرلىكتە، مارالبېشى ناھىيىسىدىكى 11 يېزا-بازارنىڭ سېكىرتارىدىن تاپان ھەققى ئالغان، سوممىسى 60مىڭ يۈەندىن 655 مىڭ يۈەنگىچە بولغان. جۈملىدىن،  ئەر-خوتۇن ئىككىىسى مارالبېشى توغراق ئورمان مەيدانىنىڭ باشلىقى لوxx ، مارالبېشى ناھىيىلىك سۇ ئىدارىسى پارتكوم سېكىرتارى ليۇxx ، مارالبېشى يېشىل تاغ پارنىك چەكلىك شىركىتىنىڭ دېركتورى يو xx قاتارلىق 18 ئادەمدىن ئايرىم-ئايرىم 50مىڭ يۈەندىن 621مىڭ يۈەنگە قەدەر تاپان ھەققى ئالغان. ئەر-خوتۇن ئىككىسى يۇقۇرىقى 29 ئادەمدىن 5مىليۇن 680مىڭ يۈەن پارا ئالغان. يەنە قىممىتى 18مىڭ 600يۈەنلىك خاتىرە كومپيۇتېرنى پارا ئالغان.    ئەيىپلىگۈچى ئورگان يەنە مۇنداق ئەيىپلىدى: ليۇ كاشېڭ 2003-يىلىدىن 2010-يىلى چاغانغىچە خىزمەت قولايلىقىدىن پايدىلىنىپ، قاغىلىق ئادىل سودا شەھەرچىسىدىكى ئا xx تىن 100مىڭ يۈەن، مارالبېشى ناھىيە گۇاڭدا پاختا شىركىتىنىڭ دېركتورى ۋۇxx (ئايرىم دېلودا بىر تەرەپ قىلىنىدۇ) تىن 800مىڭ يۈەن پارا ئالغان. 5 ئادەمدىن ئالغان پارا سوممىسى 1 مىليۇن 80مىڭ يۈەندىن ئاشقان.    ئەيىپلىگۈچى ئورگان ليۇ كاشېڭ ئەر-خوتۇن ئىككىسىنىڭ پارا ئېلىش قېتىم سانى 34 قېتىمغا يەتكەن، پارا سوممىسى ئىنتايىن كۆپ، دەپ قارىغان.       ليۇ كاشېڭ: خوتۇنۇمنىڭ پۇل ئالغانلىقىدىن خەۋىرىم يوق، دېگەن.     سوت قىلىنغاندا، ليۇ كاشېڭ مارالبېشى ناھىيە شىنپېڭ پاختا شىركىتىنىڭ دېركتورى رۈەنxx تىن 50مىڭ يۈەن ئالدىم، بۇ پۇلنى 4 قېتىمدا ئالغان، مەن شۇ چاغدا قورقۇپ كېتىپ، پۇلنى قايتۇرىۋېتەي، دەپ ئويلىغان، لېكىن قايتۇرۇپ بولالمىدىم، پۇلنى قايتۇرۇش خىيالىم بارىدى، باشقىلىرىدىن مەن پۇل ئالمىدىم، خوتۇنۇمنىڭ پۇل ئالغانلىقىدىن خەۋىرىم يوق، دېدى.    ئەيىپلىگۈچى: سەن خوتۇنىڭنىڭ پۇل ئالغانلىقىنى بىلمەيمەن، دېدىڭ، ئۇنداقتا، نېمە ئۈچۈن تەھقىقلەش ئورگىنىدا جىنايىتىم بار دەپ ئىقرار قىلدىڭ؟ دەپ سورىدى.    ليۇ كاشېڭ: مەن ئىقرار قىلمىسام، خوتۇنۇم باش جىنايەتچى بولۇپ قالىدۇ، قىزىم بىلەن قېيىنئاتامنىڭ بۇ دېلوغا چېتىلىپ قېلىشىنى خالىمايتتىم، خوتۇنۇمنىڭ پۇل ئالغانلىقىدىن خەۋىرىم يوقتى، كېيىن، ئىنتىزام تەكشۈرۈش كومىتېتىنىڭ خادىملىرى ماڭا دەپ بەرگەن، دېدى.    ئەيىپلىگۈچى: 31-دىن 34- تۈرىگىچە ئەيىپلەشنى ئېتىراپ قىلامسەن؟    ليۇ كاشېڭ: بىلمەيمەن.    ئەيىپلىگۈچى: سەن بىلمىسەڭ، بۇ ئەيىپلەش نەدىن كەلگەن؟    ليۇ كاشېڭ: مېنى ئالداپ ئىقرار قىلدۇرغان، مەن توقۇپ چىققان.         خوتۇنى: غايەت كۆپ پۇلغا ھېرىسمەن بوپتىمەن، دېگەن.       ليۇ كاشېڭنىڭ خوتۇنى چيۇ شياۋمېي سوتتا يىغلاپ تۇرۇپ، ئېرىم ماڭا كەچتە كادىرلارنى قوبۇل قىلما، خوجايىنلار بىلەن باردى-كەلدى قىلما، دەپ قائىدە بېكىتىپ بەرگەن. مەن ئېرىمگە ئۇقتۇرماي باشقىلاردىن پۇل ئالغان، پۇل ئالغانلىقىمنى ئېرىمگە دېمىگەن، ئۇ پۇلغا پاي چېكى سېتىۋالغان،  دېدى.    باش سوتچى: سەن پۇل ئالغانلىقىمنى ئېرىم بىلمەيدۇ دېدىڭ، باشقىلار شۇنچە كۆپ پۇلنى بەرسە، ئۇنىڭغا ئىش قىلىپ بەرمىسەڭ، ئەرز قىلمامدۇ؟    چيۇ شياۋمېي: خەق پۇل بەرسە ئۆزىنىڭ ئىشى، مەن ئۇلارغا ئىش قىلىپ بەرمىدىم.   باش سوتچى: ئۇلار نىمىشقا ساڭا شۇنچە كۆپ پۇل بېرىدۇ؟    چيۇ شياۋمېي: پۇل بېرىش دېگەن باردى-كەلدىدە بولىدىغان ئىش، بايرامدا مەنمۇ باشقىلارغا بەرگەن.   باش سوتچى: سەن باشقىلارغا مىليۇنلاپ پۇل بەرگەنمۇ؟    چيۇ شياۋمېينىڭ ئۈنى ئىچىگە چۈشۈپ كەتتى.    چيۇ شياۋمېي: شۇنچە كۆپ پۇلنى ئېلىپ كەلسە، رەت قىلغۇم كەلمىدى، پۇلغا ھېرىس بولۇپ، ئېلىۋەردىم.    باش سوتچى: ئالغان پۇل نەگە كەتتى؟    چيۇ شياۋمېي: كۆپ قىسمىغا پايچېكى ئالدىم، بىر قىسمىنى ئۆيگە ئىشلەتتىم.            پارا بەرگۈچىلەر نىمە ئۈچۈن پۇل بەرگەنلىكىمىزنى ئەر-خوتۇن ئىككىسى ئېنىق بىلىدۇ،  دېگەن       پارا بەرگەنلەرنىڭ گۇۋاھلىق ئىسپاتى سوتتا كۆرسىتىلدى. پارا بەرگۈچىلەر نىمە ئۈچۈن پۇل بەرگەنلىكىمىزنى ئەر-خوتۇن ئىككىسى ئېنىق بىلىدۇ، پۇل بېرىشتىكى مەقسەت ئىستىقبالىمىز ۋە ئەمىلىمىز ئۆسۈشى ئۈچۈن دېگەن.    مەلۇم يېزىنىڭ سېكىرتارى لو xx 540مىڭ يۈەن پارا بەرگەن. ئۇ: نامرات يېزىدىن باي يېزىغا يۆتكىلىش ئۈچۈن كۆپ قېتىم پۇل بەردىم، ليۇ كاشېڭ ئۆزى پۇل ئالماي، خوتۇنى ئالاتتى، ئۇ خوتۇننى ھەممەيلەن بۇتساتىۋا دەيتتۇق، ئاۋال تېلېفۇن قىلىۋېتىپ، پۇل ئاپىراتتىم، ئاز بولغاندا 50مىڭ يۈەن، كۆپ بولغاندا 150مىڭ يۈەن ئېلىپ بارغان، دېگەن.    پارا بەرگەن باشقا يېزا بازار سېكىرتارلىرى: ئەگەر پۇل بەرمىسەك، چوڭ يىغىندا تەنقىتلەيتتى، ئادەم ئالماشتۇرىمەن دەيتتى، پۇل بەرسەك پوزىتسىيىسى دەرھال ئۆزگۈرەتتى، دېگەن.    سوت ئاخىرلاشقاندا، ھۆكۈم سوت ئۈستىدە ئېلان قىلىنمىغان.  ھۆكۈم نەتىجىسنى ماۋۇ ئادرېستىن كۆرۈڭ:    http://bbs.misranim.com/read.php?tid-44010.shtml         مەنبە: «قانۇنچىلىق گېزىتى»نىڭ 2011-يىلى 28-فېۋرالدىكى سانى.    تور ئادرېسى:     http://epaper.legaldaily.com.cn/ ... /Articel08002GN.htm

salkinay

	مۇشۇنداق ئاچكۆزلەرنى يوقاتمىغىچە،جاھان تىنجىمايدۇ.

kaygu

	زادى ھېچ بىلمىدىم........ پارخورلۇق بىزنىڭ يۇرتتىلا ئېغىر مىكىن دىسەم، ھەممە يەرلىرىدە باركەن دەيمەن.

pazilat2004

	مارالبېشىدا   كۆپ   قېتىم   يەر   تەۋرەش   بىكار  ئەمەسكەن  دە     .

barqukbag

	مانا بۈگۈنگىچە بۇ  ئاچكۆزنىڭ قانداق بولغانلىقىنى مارالبىشىدكى نۇرغۇن كىشلەر بىلمەيتى.  مەنمۇ ھازىر بىلدىم . باشلىق  دىگەن نەپسىنى سەل يىغمىسا مۇشۇنداق كۈنگە قالدۇ .

tiltumar

	بۇ 14قەۋەتتىكىnoshirwan يوللىغان 2011-08-12 00:15 غا قارتىلغان  : يەنە بىر پارچىسى : مارالبېشىنىڭ سابىق سېكىرتارى سوتتا نەيرەڭۋازلىق قىلغان     ....... نوشىرۋان تورداش، مەنمۇ سىزگە ئوخشاش مەلۇم دەرىجىلىك قانۇن ئورنىدا ئىشلەيمەن. بۇ خەۋەرنى باشقىلار بىلمەيدۇ دىگىنىم  يوق. يىقىندا جوڭگۇ بويىچە داڭلىق قانۇن تۈزۈم ژورنىلى 法制与新闻دىگەن ژورنالنىڭ 2011-يىلى 6-سانىدا،ئىلان قىلىنغان تەپسىلى خەۋەركەن. مەن پەقەت ئۈچتىن بىرىنى تەرجىمە قىلىپ يوللاپ قويدۇم.يا سىزنىڭ يۇقارقى تەرجىمىڭىزنى كۆچۈرۈپ ئەكەلمىدىم. تەرجىمىدە سىزگە  يەتمىگەن بولسام، ئاخىرىنى يوللىمىساملا بولدىغۇ؟يۇقارقى تىمىلىرىڭىزنى يوللاشتىكى مەقسىدىڭىز، مىنى خىجىل قىلىشمۇ؟ مۇنبەردە ، خۇتۇنلار ئۇزۇن كىيىدىمۇ قىسقىمۇ؟ دىگەندەك تىمىلار تەكرار تەكرار يوللىنىپ ، مۇنازىرە قىلىنسا ھىچكىمنىڭ كارى يوق، مۇشۇنىڭغا ئوخشاش جەنۇبى شىنجاڭدىكى نامرات سانالغان بىر جايدا ، چىرىكلىكنىڭ  ئەۋىج ئىلىپ كەتكەنلىگىدەك خەۋەرنى يوللاپ قويسام، پىكرىڭىز بار ئوخشىمامدۇ؟