شەلۋەرەش

toethogul

	شەلۋەرەش     تۆتھوگۇل   مېنىڭ جېنىم بىر تۇتام ئىس بولۇپ چىقىپ كېتەمدۇ تەنلىرىمدىن ئەگەر تىلىمنىڭ ئۈستىدە سۇلەيماننىڭ تىلىنى زىكرى قىلسام؛ تېشىلىپ كېتەمدۇ چۈشلىرىم ئاسماننىڭ تورۇسلىرىدا تۇرۇپ ئاقار يۇلتۇز بولۇپ ئېقىپ كېلەمدۇ تەنلىرىم كۆيۈپ،كۆيۈپ،كۆيۈپ...   مۇقەددەس ئوتنى يۈتىۋالغان كىشى ئەلچى بولۇپ كەلسىمۇ، بابىلنىڭ كېلەچىكىنى كۆكلىتىشكە تەۋراتنىڭ ۋاراقلىرىنى چىشلەپ كەلسىمۇ بابىلنىڭ ئۆتمۈشىنى بىخلىتىشقا... ئەمما مەن ئوت يۇرتىدا، ئوت ماكانىدا، ئوت زامانىدا پەقەت كۆيۈپ كېتىۋاتقانلىقىمنى بىلىمەن چۈنكى كۆيىۋاتىدۇ ھەممە كۆيىۋاتىدۇ كېچىلەر قىپقىزىل كۆزلەردە؛ مەن يىراقلارغا ئۇيقۇغا كەتكەندە ئوغۇرلۇقچە قوينۇمغا كىرگەن يىلان قىز ئۇستىخانلىرىمنى ئوغۇرلاپ قاچماقچى ئىكەن زەھەر ياسىماقچى ئىكەن قاناۋاتقان ئوردىسىنى بىر دەقىقە بولسىمۇ توختاتماقچىكەن ئىكەن ... مەن كېچىكتىم ئۆزۈمنىڭ كىملىكىمنى بىلگىنىمدە كۆيۈپ بولغان پارچىلىرىمغا قايتىدىن ھايات بېرىش بۇ مېنىڭ ئىمكانىمدىكى ئىش ئەمەس ئىدى مەن كېچىكتىم دېڭىزلار ئەنجۈر رەڭدە چېچەكلەپ بولغان ئىدى زەيتۇنلار قىپقىزىل مېۋىلىۋاتاتتى مەن كېچىكتىم چۈنكى مەن بىراۋلار تەرىپىدىن ئاللىقاچان بايقالغان بولۇپ ئۈگە-ئۈگلىرىمگە كۆيىۋاتقان مەشئەللەر قادالغان ئىدى بەلكىم ئاللىقاچان ئۇ يىلان قىزنىڭ بىر ياپما ئۇۋىسى بولۇپ قالغان ئىدىم تەنلىرىمدىن ئارتۇق ئۆزۈمگە مارىيالمايتتىم گەرچە شۇنچە كۆپ تۆشۈك ئېچىلىپ كەتكەن بولسىمۇ ئارىمىزدا بارلىق يارىلار ئېقىپ كېلىۋاتسىمۇ ئېغىزىمىزدىن مەن كېچىكتىم چۈنكى تۆمۈرلەرنىڭ ھەممىسى ئېرىپ تۈگىگەن ئىدى مەن داۋۇتنىڭ ھۈنىرىگە شاگىرت بولۇشقا ئاران ئۈلگۈرگەندە؛ ئاددى بىر تىترەش، ئاۋازلىق يىغلاش، ۋارقىراش بۇ قايناق شەھەر قوينىدا مېنى ئۆزىگە قوشۇپ رىۋايەتلەر قارا ئۆڭكۈرىگە ئۇزىتىۋاتاتتى...   ئاھ! ئاشۇ ئوت پۇرىۋالمىغان بىر تۈپ چۈشۈم بولسىمۇ قالسا ئىدى؟! مەنمۇ بۇ قاراڭغۇ ئاسماندىكى مەلۇم بىر يۇلتۇزنى ساڭا تويلۇق مېلى قاتارى ئېلىپ قويسام ... ئەگەر تومۇرلىرىمنى قايتا تولدۇرۇش توغرا كەلسە ئاسمانلار ۋە دېڭىزنىڭ رەڭگى بىلەن تولدۇرغان بولاتتىم ھەركۈنى خىزمەتكە بېرىپ كەلگۈچە بولغان يولدا ۋېلىسپىتىمنىڭ چۈشۈرۈپ قويغان غىڭشىق ئاۋازىنىمۇ شۇ رەڭدە بوياپ چىققان بولاتتىم ئوت قەلەم بىلەن؛   كىم كىمنى چاقىردى؟! مەن ساڭا ئارتۇقچە ھامان بەلكىم چايكىلارنىڭ ئۈستۈمدە ئېقىپ كېتىۋاتقان چىرقىراشلىرىغا ئەگىشىپ ماڭسام مەنمۇ تۇنجى قېتىم قولۋاق سالغان دېڭىزىمنى تېپىۋالارمەن چاناقلىرىمدەك مۇڭسىرىغان بىر بۇلۇڭدىن مەيلى ئۇ قۇياشنىڭ بېقىنىغا سۇقىنىۋالسۇن ياكى قارا ماددىلار بىلەن بويىلىپ ئالەمنىڭ چەك قىرلىرىغا يۆتكىلىۋاتقان بولسۇن ئۇنى تېپىۋالالايمەن ...   يېنىۋاتقان ئوت رەڭلىك ماكاندىن مەنمۇ خالىغان ئادىمىمنى چاقىرغاچ (شۇنداق، مېنىڭ ۋەزىپەم پەقەت ئۆزۈم خالىغان ئادەمنى چاقىرىشلا...) قۇملار ئارا گۆرۈمگە ئۇزاپ كېتەردىم ئوتتىن قۇتۇلۇپ ئۇنىڭ قارشىسىدىكى جايىمدا دېڭىزلارغا قېتىلاردىم...   15.04.2011

maxal20

	چۈشىنىش بىلەن چۈشەنمەسلىك ئوتتۇرىسىدا تەپەككۇر قىلىپ باقساق، بىر ئەمەس، ئىككى ياكى ئۈچ ئوقۇپ باقساق چۈشىنەتتۇق. ھېچ بولمىغاندا زوق ئالالايتتۇق. ما تىللىگەن سۆزلەرنى تەھرىرلىۋەتسەك بولغۇدەك.saroman

saroman

	شىئېردا نېمە مەزمۇن بار ، مەركىزى ئىدىيسى نېمە  ، نېمە چۈشەندۈرۈلگەن ؟  قايسى ۋەزىندىكى شېئېرغا كىرىدۇ ، شىئېرىڭنىڭ باش ئاخىرى ماسلاشتىمۇ ، تېمىسىچۇ؟

maxal20

	بۇ 5قەۋەتتىكىsaroman يوللىغان 2011-07-19 14:36 غا قارتىلغان  : شىئېردا نېمە مەزمۇن بار ، مەركىزى ئىدىيسى نېمە  ، نېمە چۈشەندۈرۈلگەن ؟  قايسى ۋەزىندىكى شېئېرغا كىرىدۇ ، شىئېرىڭنىڭ باش ئاخىرى ماسلاشتىمۇ ، تېمىسىچۇ؟ شېئىرنىڭ قايسى ۋەزىن تۇراق ژانىرى توغرىلىق چۈشەنچە بېرەلمىسەممۇ، لېكىن مەنىسىنى، مەركىزى ئىدىيىسىنى چۈشەندىم. ئوت يالقۇنىدىن قۇتۇلۇش ۋە دېڭىزغا ئىنتىلىش لىرىك تىل ئارقىلىق ئۇستىلىق بىلەن ئىپادىلەنگەن. شەلۋەرەش... بۇ ماۋزۇ توغرا قويۇلغان دەپ قارايمەن. ئالدى بىلەن شېئىرنى 3 ئوقۇڭ. يەنىمۇ چۈشىنمىسىڭىز ئاپتورنى ئورۇنسىز ھاقارەتلىمەڭ.

uyghurbeg

	بۇ شېئىرنى نىمىشقا ئۈچ قېتىم ئوقۇشىمىز كېرەككەن ؟! ... ئەدەبىياتمىزدا شېئىرنىڭ ھىچقانداق ئېنىقلىمىسى يوقمۇ ؟! يا بۇ شېئىردا مونولوگ ، يا ئېماگ ، يا ئېستىتىك قىممەت دىگەن نەرسىلەر بولمىسىمۇ ئۆزىمىزچىلا ماختايمىزمۇ ؟! شېئىرنىڭ قىممىتى شۇنداق تۆۋەنمۇ ؟!!!

maxal20

	بۇ 7قەۋەتتىكىuyghurbeg يوللىغان 2011-07-19 17:19 غا قارتىلغان  : بۇ شېئىرنى نىمىشقا ئۈچ قېتىم ئوقۇشىمىز كېرەككەن ؟! ... ئەدەبىياتمىزدا شېئىرنىڭ ھىچقانداق ئېنىقلىمىسى يوقمۇ ؟! يا بۇ شېئىردا مونولوگ ، يا ئېماگ ، يا ئېستىتىك قىممەت دىگەن نەرسىلەر بولمىسىمۇ ئۆزىمىزچىلا ماختايمىزمۇ ؟! شېئىرنىڭ قىممىتى شۇنداق تۆۋەنمۇ ؟!!! بۇ شېئىردا مونولوگ، ئېماگ، ئىستىتىك ۋە شېئىرى قىممەت يوق دەپ ئېيتالامسىز؟ ئۆزىمىزچە ماختىمىدۇق. شېئىردىن ھۇزۇرلاندۇق، پىكىردىن سۆيۈندۇق. شۇڭلاشقا ماختىدۇق. ئورۇنسىز ئاپتورنى ھەقارەتلىگەنلەرنى ئەيبلىدۇق. شېشېئىرنى ياقتۇرمىسىڭىز مەيلى، لېكىن شېئىرنى ياقتۇرمىغانلىقىڭىز شېئىرنىڭ لاياقەتسىز ئىكەنلىكىنى ئىپادىلەپ بەرمەيدۇ. مەن پەقەت بىر ئوقۇرمەن.مېنىڭ شېئىر ئوقۇشىمدىكى مەقسەت ئۇنىڭغا كەسپىي باھا بېرىش ئەمەس، ئىجابىي زوق ئېلىش. مەن بۇ شېئىردىن زوقلانغانلىقىم ئۈچۈن، ھاقارەتلەنگەنلىكىگە چىدىمىدىم. شېئىرنىڭ ئېنىقلىمىسى ۋە باشقا كەسپىي سوئاللارنى كەسپ ئەھلىلىرى چۈشەندۈرسۇن. بىز ئۆگىنەيلى.

bawdun

	شېئىر ياخشى چىقماپتۇ دىسە ، (چۇشەنمەپسەن ئەللىك قېتىم ئوقۇ دەيدىغانلار باركەن ، ھەممە ئادەمنى ئۆزى ئوخشاش بىكارچى كۆرەمدىكىنا .. ھۇزۇر ئىلىش دىگەن بىرىنجى قېىتىمدا بولىدۇ .. قايتا-قايتا بولىۋەرسە ھۇزۇرى قالمايدۇ .. چۇشەنمەيدۇدە

saroman

	ئاپتور بالا .............  ئەمدى نېمە دەيسەن ،   بۇنىڭغا يالغۇز مەنلا ئەمەس پۈتۈن تورداشلار مۇشۇنداق باھا بېرىدۇ ،شىئېر دىگەننى ھېچ بولمىغاندا چۈشۈنۈپ ئاندىن يازغىن .

维医医生

	بۇ شېئر راستىنلا شەلۋەرەپ قاپتۇ؟   ياخشى تەييارلىق قىلىپ ئاندىن يېزىڭ . بۇ چەتئەل شېئرلىرىمۇ -يا؟

maxal20

	قىزىللىققا تويۇنغان ئۇپۇق، قۇياش پاتتى ئۇنىڭ كەينىگە، يۇلتۇز ۋە ئاي بولدى نامايەن، چولپان بىلەن چاقنىدى سۇتۇق، شېئىر بىلەن قېزىلدى قۇدۇق....