دۈشەنبىنىڭ ۋەھىمىسى

tashadem

	دۈشەنبىنىڭ ۋەھىمىسى مەن تىترەپ ئولتۇرۇپ ئورخان ۋەلىقانىقنى ئوقۇۋاتىمەن مەن يۈرىكىمنىڭ كۆزلىرىڭدىكى پەرۋازىغا قاراۋاتىمەن بىر بوتۇلكا سودا سۈيىگە ئوخشاش جىمجىتلىقتىن كىيىن يەتتنچى قەۋەتتىكى ئۆيۈمنى يالغۇز قويۇپ ئىشقا بېرىش كېرەكلىكىنى ھىس قىلىۋاتىمەن. مەن بىركۈن قۇياشنى كۆرمىسەم دەيمەن مەن بىركۈن ئىشقا بارمىسام دەيمەن   مەن ئۆزۈمنى بىر كۈن ئۆلتۈرۋالسام دەيمەن. ئىشىك يىپىلغان ۋاقىتتىكى مۇتلەق تەمكىنلىك مېترونىڭ ئىشىكى قىسىۋالغان بىر قول   توي قلىش ،ئىشقا بىرىش، شېئىر يىزىش كوچا ئاپتۇبۇسىدىن قىسىتىلپ چۈشىۋاتقانلارنىڭ چىرايى باش –ئاخىرى يوق كىچىلەر   ئازابلىق كۈندۈزلەر دۈشەنبىگە ئوخشاشلا مېنى قىستاپ كىلىۋاتقان سىقىلىش . مېنىڭ ياشىغۇم يوق ئەمەس مەن پەقەت   مەن پەقەت شەيتانغا ئوخشاش بىرتوپ ئادەم بىلەن دۈشەنبىنى   كۈتىۋالمىسام دەيمەن   مەن مەڭگۈ يەكشەنبە بولۇشنى تىلەيمەن. 2006-يىلى بېيجىڭ مەنبە: http://balbal.blogbus.com

kadirlik

	نىمە دېمەكچى ئىكەنلىكىنى ئۇقالمايلا قالدىم،.

دىل

	ھەرگىزمۇ مەڭگۈ يەكشەنبە بولمايدۇ..... قانداق ئادەملەر بىلەن دۈشەنبىنى كۈتىۋېلىش ئۆزىمىزگە باغلىق. ...دۈشەنبىنى كۈتۈۋالمايمۇ ئامال يوق. رىيانلىقتىن مەڭگۈ قېچىپ قۇتۇلغۇلى بولمايدۇ ...رىيانلىققا يۈزلەنمەسلىككە ئامالىمىزمۇ يوق....

humarhan

	شەيتانغا ئوخشاش بىرتوپ ئادەملەر بىلەن ئارلاشقانكى   شەيتانغا ئوخشاش بىرتوپ ئادەملەر بىلەن دۈشەنبىنى  كۈتىۋالدىغان گەپ شۇ~~~~~~

bawdun

	يولداشلار بىلەن بىللە ئىشلەيدىغان ئوخشىمامسىز؟ ھىسياتىڭىزنى چۈشىنىشكە بولىدۇ..

amina_0997

	نىمانداق چۈشىنىكسىز گەپلەر بۇ.......................

adila01

	ئاڭلىماققا غەلىتە تۇيۇلغان بىلەن بۇنداق تەشۋىش ھەممىمىزدە ئازدۇر كۆپتۇر بار ، ئۇ كىشى مىترودىن چۈشىۋاتقانلارنىڭ چىرايىدىن ئۆزىنىڭ ئەكسىنى تاپسا بىز كۇچا ئاپتوبوسىدىن چۈشىۋاتقانلارنى چىرايىدىن ئۆز ئەكسىمىزنى كۆرەلەيمىز ، جۈمە كۈنىدىكى بالىلارنىڭ ، چوڭلارنىڭ چىرايىدىكى ئازادىلىك كەيپىيات يەكشەنبە ئاخشىمى نەلەرگىدۇ غايىپ بۇلۇپ ھەممە جىددى تۈسكە كىرىدۇ ، ئوقۇغۇچىلار ئەتە مەكتەپتىكى ھەر سائەتتە ئېلىنىدىغان سىناق ، تاپشۇرۇق ، ئىنتىھانلارنىڭ تەشۋىسشىدن جىددىيلەشسە ، چوڭلا خىزمەتتىكى بېسىم ، ئىقتىساتتىكى بېسىم ، تۇرمۇش بېسىمى قاتارلىق تۈرلۈك بېسىملاردىن تەشۋىشكە چۈشىدۇ . ھاياتنىڭ ۋاڭ - چۇڭى ھىچقاچان بېسىقمايدۇ ، ئادەمنى چارچىتىدۇ ، بىزار قىلىدۇ ، بىر كۈن خۇشال بولسا ئىككى كۈن يىغلايدۇ . شۇڭا يۇقارقى تىما ئەڭ رىئال مەسىلە .

coffe

	بۇرۇن مەن ئۇنىڭ ماڭا قاراپ تۇرغىنى كۆرگەن   ئۇ چاغدا مېنىڭ شورلاشقان ئىددىيەم ئۇنىڭغا ناھايتى يېقىن ئىدى   ئەي....   بۈگۈن سەن قىشنىڭ تەمىنى تىتىدىڭ   ئاچچىق كۈلرەڭ تەم،   ئىككىمىزنىڭ ئارىسدا   ئېگىز تاش تام ئۈستىدە       ئەي! تەرگە چۈمگەن خېرە ئەينەكلەر   ئەي! تۇزدەك ئېغىر ۋە تەمكىن كۆزلەر   ئالقىنمدىكى بىر تۇتام قىش بىلەن   مەن يەنە نەگىمۇ بارالايمەن؟   ئاستا-ئاستا رەڭگى ئۆڭۈۋاتقان بىچارە غەزەپ   ئاستا-ئاستا ئۆزىنى چۈشەندۈرىۋاتقان قىش پەسلى   ئاستا-ئاستا مېھمانلىرى ئۈچۈن ئۆزىنى زىخقا ئۆتكۈزۈپ كاۋاپ قىلىۋاتقان بىرقەۋم   ۋە سوپۇن ماغزىپىدەك كۈلكە بىلەن   مەن قانداقمۇ سېنىڭ يېنىڭغا قايتىپ بارالايمەن؟   مەن دۆڭكۆۋرۈكنى،سېسىق سۇ ئازگىلىنى ئايلىنىپ ئۆتۈپ،   قاغىنىڭ كۆزلىرىدىكى باھارنىڭ نەم پەرۋازىغا قاراۋاتىمەن.   باھار بىزنىڭ ئېرادىمىز.       قاغا قار ئۈستىدە ماڭالايدۇ.   قاغا كەينىگە قارىيالايدۇ.   قاغا ئۆز تىلىدا يىغلىيالايدۇ.   سېنىڭ چاك كەتكەن كۈلكەڭ   سېنىڭ پەرۋاسىز قاراشلىرىڭ   قەلبىمنى ئىللىق تەسەللىي بىلەن تولدۇرىدۇ.   بىپەرۋالىق دىگەن ھېچ نەرسىگە قارشى تۇرمايدۇ.   يۈرىكى ئۆچمەنلىك ياكى ساختا خۇشاللىققا تولغان بىر ئادەم،   ئېرىمەكتە قارغا ئەگىشىپ ...   ئېرىمەكتە قارغا ئەگىشىپ...   ئەي قار سەن ئازابلانمايسەن،   بىراق   بىر قىزنىڭ كۆزلىرىڭگە تىكىلىپ تۇرۇشىدىن ئەجەبلەنمەمسەن ؟   http://balbal.blogbus.com  : مەنبە     قار ياكى قاغا

layli

	دوملاپ كەلدى دۈشەنبە سەيلاپ كەلدى سەيشەنبە چارلاپ كەلدى چاشەنبە پەيلەپ كەلدى پەيشەنبە ئۇلۇغ جۈمۈ شىكەر شەنبە ئوينايدىغان يەكشەنبە يەنە كەلدى خوشام يوق دۇشەنبە كىچىك ۋاقىتلىرىمىزدا  دوسلىرىمىز بىلەن بەكلا ئىيتىشاتتۇق

taranqi

	يەكشەنبىڭىز بەك كۆڭۈللۈك ئۆتكەن ئوخشىمامدۇ ؟