يولدىشىڭىزنى ئۆمۈرۋايەت رام قىلاي دېسىڭىز...

گۇلزار

يولدىشىڭىزنى ئۆمۈرۋايەت رام قىلاي دېسىڭىز...

    قۇرۇق سەپسەتە قۇلاققا ياقمايدۇ ، پەقەت سەمىمىي سۆھبەتلا ئەر – خوتوننىڭ ئۆز ئارا ئىشەنچىسىنى ئاشۇرۇپ ، چۈشىنىشنى چوڭقۇرلاشتۇرىدۇ . ئاياللار ئەرلىرىنىڭ كۆڭلىنى ئۆمۈرۋايەت رام قىلىشتا ئۇسۇلغا دىققەت قىلىشى زۆرۈر .

   ئۇنىڭ دوستىغا ئايلىنىڭ ، ئەركىنلىكىنى بوغماڭ ، قىزىقىشىغا سوغۇق سۇ سەپمەڭ . ئېرىڭىزنى ئىلگىرىكى تۇرمۇش ئادىتى ۋە ئۇسلۇبىنى ئۆزگەرتىشكە قىستىماڭ ، ئۇنداق قىلسىڭىز ئۇ ئۆزىگە ئوخشىماي قالىدۇ .

   ئېرىڭىزنىڭ دەردىنى چۈشىنىڭ ، قارىغۇنى ياردا قىستىغاندەك ئىش قىلماڭ ، مۇھىمى ئۇنىڭ خوجايىنغا ئايلىنىپ قالماڭ . ئەرلەرنىڭ كەسپى ۋە شۇنىڭغا تۇشلۇق بېسىمى ، ئارزۇ – ئارمىنى بولىدۇ ، شۇڭا ئۆزىڭىزنى ئۇنىڭ بارلىقى دەپ ئويلىماڭ ، ئىچ سىرىنى سۆزلىمىگىنىدىن رەنجىپمۇ يۈرمەڭ .

  
ئۇنىڭ مۇۋەپپەقىيەت قازانغان كىشىگە ئايلىنىشىغا ياردەم بېرىڭ ، مۇھىمى ئۆزىڭىزنىڭ ئورنىنى توغرا تونۇڭ .

   ھەممە كىشىنىڭ ئۆتمۈشى بولىدۇ ، شۇڭا ئېرىڭىزنىڭ ئۆتمۈشى بىلەن قالماڭ . ئۆتمۈشتىكى ئىسمىنىمۇ بىلمىگەن ئاتالمىش ‹‹نازىنىن ›› بىلەن ئۆزىڭىزنى سېلىشتۇرۇپمۇ يۈرمەڭ ، بولمىسا چارچاپ قالىسىز . ئۆزىڭىزنىڭمۇ ھېكايىسى بارلىقىنى ئېسىڭىزدىن چىقارماڭ .

   ئەگەر ئۇ سىزنى سۆيسە ، ھەردائىم دەپ يۈرۈشنىڭ ھاجىتى يوق ، شۇڭا ئۇنى كۈندە نەچچە رەت ‹‹سېنى سۆيىمەن ›› دېيىشكە قىستىماڭ . ئاياللار تەسەللىگە مۇھتاج بولغاندەك ئەرلەرمۇ تەسەللى ئىستەيدۇ ، شۇڭا بۇنداق شەكىلۋازلىق بىلەن ئۇنىمۇ ، ئۆزىڭىزنىمۇ ھاردۇرۇۋالماڭ .

   مۇستەقىل بولۇڭ ، گەرچە ئاياللارنىڭ ئېرىگە بېقىنىپ ياشىشى بەرھەق بولسىمۇ ، ئېرىڭىزنىڭ زېھنى ۋە ۋاقتىنى ھەر دائىم قولىڭىزدا قاماللىۋالماڭ . ئۆزىڭىزگە تۇشلۇق تەپەككۇر شەكلىڭىز ۋە كەسپىڭىز بولسۇن ، شۇندىلا ئېرىڭىزنىڭ نەزىرىدىكى مۇھىم كىشىگە ئايلىنالايسىز .

   ئېرىڭىزنىڭ يات جىنىستىن دوست تۇتۇشىدىن ئەنسىرەپ كەتمەڭ ، بۇ نورمال ئىجتىمائىي ئالاقە ، ئەگەر پەقەت خاتىرجەم بولالمىسىڭىز ، قارشى تەرەپ بىلەن يېقىن دوستلاردىن بولۇپ قېلىڭ . قۇم سىقىمدىغاندەك ھالەتكە چۈشۈپ قالماڭ ، قانچە چىڭ سىقىمدىسىڭىز ، قۇم شۇنچە ئېقىپ كېتىدۇ . ئۇنىڭ بىلەن مەسلەكداش بولۇڭ ، سىزدەك مەسلەكداش تۇرغان يەردە ، ئۇ

سىرتتا ‹‹دەرد تۆكۈپ ›› يۈرمەيدۇ .

  مەنبە « ئىككى كىشىلىك دۇنيا »

نونى

بۇنى كۆپەيتىپ ئۆيگە ئالغاچ كىرەي ، تەربىيىە يۇقۇپ قالسا ئەجەپ ئەمەس .

سىرداش

بەكمۇ   ياخشى   ھىكمەتلەرنى يوللاپسىز،  ھارمىغايسىز.

سىرداش

ئاياللار  كۆرسە  پايدىسى  بولىدىغان گەپلەر ئىكەن،  « ئىككى كىشىلىك دۇنيا »  نى  قانداق  تاپىمىز؟

بايىز

مەن بۇنى ئايالىمنىڭ ئوقۇپ بېقىشىغا تەۋسىيە قىلىمەن

زەپەر

راستىنللا مەزمۇنى ياخشىكەن رەخمەت سىزگە گۈلزار

يۈسەن

ۋاي بۇ بۇ بەك ياخشى پىكىر ئىكەن ،بارلىق ئاياللار بۇ تىمىنى پات - پات ئۇقۇپ تۇرسا بولغۇدەك

مۇزتاغ

مەنمۇ نونى ئەپەندىنىڭ پىكىرىنى قوللايمەن، بىرپارچە چىقىرىپ ئۆيگە ئېلىپ كىتەي. ياخشى تېما ئىكەن. رەھمەت سىزگە.

مەرزىيە

بەك ياخشى تىمىكەن،مەن بىر دوستۇمنىڭ:
ئىرىنىڭ تويدىن بۇرۇنقى مۇھەببەت تارىخىنى باشقىلاردىن دائىم ئاڭلاپ قالىدىغانلىقىنى،بىراق يولدىشىدىن ئەھۋال سۈرۇشتۇرسە دائىملا چۈشىنىكسىز بىر نىمىلەرنى دەپ ،گەپنى ئىلىپ قاچىدىغانلىقىدىن داتلانغىنىنى  ئاڭلاپ بەكمۇ ھەيران قالغان ھەمدە ‹‹قورسىقىڭنىڭ ئاغرىشى بولمىسا تاۋۇز يىيىشتىن قورقما››دەپتىكەن،ھازىر باشقا ئۆيلۈك -ئوچاقلىق بولغاندىكىن ھىچ بولمىغاندا ئايالىغا شونداق تارىخىنىڭ بۇلغانلىقىنى ،بىراق بۇنىڭ تويدىن بۇرونقى ئىشلار بولغاچ ھازىر ئۇنتۇپ كەتكەنلىگىنى ئىيتىپ ،ئايالىنىڭ كۆڭلىنى خاتىرجەم قىلمايدىغاندۇ،دەپ ئويلىغان ئىدىم.
يەنە بىر دوستۇمنىڭ ئىرىنىڭ تويدىن بۇرۇنقى مۇھەببىتى بىلەن ئاشخانىدا تۇيۇقسىز ئۇچرىشىپ قىلىپ ،بىرگە تاماق يىگەنلىكىنى ،بۇنى ئۆيگە كەلگەندە دوستۇمغا ئىيتىپ بەرگەنلىكىنى ،دوستۇمنىڭ بۇ گەپلەرنى نىمىشقا ماڭا ئىيتىپ يۈرۈيدۇ؟ دەپ خاپا بولغانلىقىنى ئاڭلاپ ھەيران  قالغان ھەم بۇ ئىرىڭىزنىڭ سىزگە ئىشەنگىنى دەپ قايىل قىلغان ئىدىم.