9. زىيادە كۈيۈمچانلىقمۇ بالىلارنى نابۇت قىلىشى مومكىن.

XAM

سىنىپ مەسئۇللىرى ئوقۇشقا تىگىشلىك ھېكايىنىڭ توققۇزىنچىسى  يوللاندى ئوقۇپ بېقىڭ

9. زىيادە كۈيۈمچانلىقمۇ بالىلارنى نابۇت قىلىشى مومكىن.
بۇرۇن بىر خىلۋەت جايدا بىر كۆل بار ئىكەن.بۇ كۆلنىڭ نامى ئاققۇ كۆلى ئىكەن.كۆلنىڭ ئوتتۇرسىدا بىر كىچىك ئارال بار ئىكەن.ئارالدا بىر ياشانغان بېلىقچى بوۋاي،مومىيى بىلەن بىللە تۇرىدىكەن.بوۋاي كېمىسى بىلەن كۆلدە يۈرۈپ بېلىق تۇتىدىكەن.موماي توخو توشقانلىرىنى بېقىپ ئۆيدە قالىدىكەن.ئۇلار تۇز ۋە ماي قاتارلىق تۇرمۇشقا كېرەكلىك بويۇملارنى سىرتتىن سېتىۋالغاننى ھېساپقا ئالمىغاندا،سىرتتىكى كىشىلەر بىلەن ئانچە ئالاقە قىلمايدىكەن.كۈز كۈنلىرىنىڭ بىر كۈنى بىر توپ ئاققۇ بۇ ئارالغا كەپتۇ.ئۇلار جەنۇپ تەرەپكە قىشىنى ئۆتكۈزش ئۈچۈن ماڭغان ئىكەن.بوۋاي بىلەن موماي بۇ يىراقتىن كەلگەن مىھمانلارنى كۆرۈپ بەك خۇشال بوپتۇ.چۈنكى ئۇلار بۇ جايدا شۇنچە ئۇزۇن يىل تۇرغان بولسىمۇ،ھېچكىم ئۇلارنى كۆرگىلى كېلىپ باقمىغان ئىكەن.بوۋاي بىلەن موماي توخو باقىدىغان يەملىرى ۋە ئۇششاق بېلىقلىرى بىلەن ئاققۇلارنى مىھمان قىپتۇ.شۇنىڭ بىلەن بىر توپ ئاققۇ بارا-بارا ئۇلارنىڭ يېقىن دوستىغا ئايلىنىپتۇ.ئۇلار ئارالدا ئەركىن –ئازادە يايلاپ يۈرۈپلا قالماستىن،بوۋاي بېلىق تۇتقىلى چىققاندا،كېمە بىلەن ئەگىشىپ ئۇچۇپ بوۋايغا ھەمرا بولىدىكەن.قىش كەپتۇ،لىكىن بۇ ئاققۇلار جەنۇب تەرەپكە قاراپ ئۇچماپتۇ.ئۇلار كۈندۈزلىرى كۆلدىن ئۇزۇقلۇق تېپىپ يەپ،كېچىسى ئارالدە ئارام ئاپتۇ.كۆل يۈزى مۇز تۇتقاندا،ئۇلار ئۇزۇقلۇق تېپىپ يىيىشكە ئامالسىز قاپتۇ.بۇ ۋاقىتتا بوۋاي بىلەن موماي كەپىسىنىڭ ئىشىكىنى يوغان ئېچىپ،ئاققۇلارنى ئۆيىگە باشلاپ كىرىپتۇ.ھەم ئۇزۇقلۇق بېرىپ بېقىپتۇ.بۇ خىل كۆيۈنۈش باھار بەسلى كېلىپ قار-مۇزلار ئېرىگەنگە قەدەر داۋاملىشىپتۇ.كۈنلەر،ئايلار،يىللار ئۆتۈپتۇ.بوۋاي بىلەن موماي ھەر يىلى قىشتا ئاققۇلارغا ئاشۇنداق مىھرىبانلىق كۆرسىتىپتۇ.بىر يىلى بوۋاي بىلەن موماي ئارقا-ئارقىدىن ئالەمدىن ئۆتۈپتۇ.شۇنىڭ بىلەن ئاققۇلارمۇ غايىب بوپتۇ.ئەمما ئۇلار جەنۇب تەرەپكە ئۇچۇپ كەتمەپتۇ،بەلكى شۇ يىلى قىشتا كۆل يۈزى مۇز تۇتقاندا ئۇزۇقلۇق تاپالماي توڭلاپ ئۆلۈپتۇ.
بەزىدە زىيادە كۆيۈنۈشمۇ كىشىلەرنى نابۇت قىلىشى مومكىن. سىنىپ مەسئۇللۇق خىزمىتى جەريانىدا، ھەمىشە بالىلارنىڭ تۈزۈمگە خىلاپلىق قىلىپ قويۇشىدىن، تەرتىپنى بۇزۇشىدىن، ئويناۋىتىپ يىقىلىپ كېتىشىدىن، تازلىقنى ياخشى قىلالماسلىقىدىن ئەنسىرەپلا يۈرۈيمىز. شۇنىڭ بىلەن ئۇلارغا كۈيۈندۇق دەپ كۆزىگە كىرىۋالىمىز. بۇ خىل كۈيۈنۈش ئۇلارنىڭ خاراكتىر جەھەتتىن ئاجىز، ئەمەلىيەتكە يۈزلىنىشكە جۈرئەت قىلالمايدىغان ئەھۋالغا چۈشۈرۈپ قويۇشى مومكىن. ئوقۇغۇچىلارمۇ بىر ئادەم بولۇش سۈپىتى بىلەن جەمىيەتتە ئۇچىراشقا تېگىشلىك قىيىنچىلىقلارغا ئۇچىراپ تۇرۇشى، قىيىنچىلىق جەريانىدا ھەل قىلىش چارىلىرىنى تېپىشنى ئۆگىنىۋىلىشى لازىم.

◤pari◥

ياخشى ھىكايىكەن رەھمەت

زەپەر

راستىنلا بىلىۋېلىشقا تىگىشلىك بولغان مۇھىم مەزمۇنكەن

گۇلزار

ھەددىدىن زىيادە كۆيۈنۈش پەرزەنتلەرنىڭ ئىشەنچىسىنى يوقۇتۇپ قويىدۇ .
رەھمەت

XAM

گۇلزار يوللىغان ۋاقتى  2013-1-12 23:26
ھەددىدىن زىيادە كۆيۈنۈش پەرزەنتلەرنىڭ ئىشەنچىسىنى يو ...

تېمىلارنى تولۇق كۆرۈپ ئەستايىدىل ئىنكاس قايتۇرغانلىڭىزغا رەھمەت

ئوغلانبەگ

مەنمۇ سىزنىڭ تەرەپدارىڭىز،بالىلارغا زىيادە كۆڭۈل بۆلۈش،ئاخىرىدا بالىنى ئاتا-ئانىسىغا يۆلىنىۋالىدىغان ئاقنانچى،قولىدىن ئىش كەلمەس قىلىپ قويىدۇ. ئاتا-ئانا بالىلىرىغا مەڭگۈ يۆلەك بولالمايدۇ -دە؟