1.سىنىپ مەسئۇللۇق خىزمىتىنىڭ قائىدىسى،دوست تۇتۇشنىڭ....

XAM

   سىنىپ مەسئۇللىرى ئوقۇشقا تېگىشلىك ئون ھېكايە

         

   سىنىپ مەسئۇللۇق خىزمىتى مەكتەپ ئوقۇتۇش خىزمىتىنىڭ موھىم تەركىبىي قىسمى،مەكتەپ ئوقۇتۇش پائالىيەتلىرىنىڭ ئوڭۇشلۇق،غەلبىلىك ۋە ئۈنۈملۈك بولىشى بۇ خىزمەتنىڭ ياخشى ئىشلىنىش ئىشلەنمەسلىكى بىلەن زىچ مۇناسىۋەتلىك. يېڭى دەرس ئىسلاھاتى يولغا قويۇلغاندىن كېيىن،ئەنئەنىۋىي ئوقۇتۇش ۋە تەربىيەلەش ئۇسۇللىرىمىزدىكى بەزى يېتىشسىزلىكلىرىمىز بايقىلىشقا باشلىدى. بولۇپمۇ ئوقۇتقۇچى ۋە ئوقۇغۇچىنىڭ مۇناسىۋىتى، ئوقۇتقۇچىنىڭ رولى،سىنىپ مەسئۇللىرىنىڭ مەجبۇرىيەتلىرى قاتارلىق جەھەتلەردە يېڭىچە تەلەپلەر مەيدانغا كەلدى. مەن داۋاملىق تەربىيەدە باشلانغۇچ ۋە تولۇقسىز مەكتەپ ئوقۇتقۇچىلىرىغا بىر نەچچە قېتىم ”سىنىپ مەسئۇللۇق خىزمىتى“ توغرىسىدا لېكسىيە سۆزلىدىم. بىر قىسىم ئوقۇتقۇچىلار بىلەن پىكىر ئالماشتۇردۇم.بۇ جەرياندا شۇنى بايقىدىمكى، بىزنىڭ سىنىپ مەسئۇللۇق خىزمەتلىرىمىزدە بۇنىڭدىن كېيىن قىلىشقا تىگىشلىك ئىشلار،تۈزىتىشكە ۋە ئەلالاشتۇرۇشقا تېگىشلىك تەرەپلەر يەنىلا خېلى كۆپكەن. شۇڭىلاشقا، دەرس تەييارلاش جەريانىدا ئوقۇتقۇچىلىرىمىزغا پايدىلىق بولغان بىر قىسىم ماتىرىياللارنى كەسىپداشلار بىلەن ئورتاقلىشىش نىيتىگە كەلدىم. تۆۋەندە سۆزلىندىغان ئون ھېكايە بېيجىڭ پىداگوگىكا ئۈنېۋىرسىتىتى مائارىپ ئىنىستىتوتىنىڭ پىروفسورى چيەن جىلياڭ ئەپەندىنىڭ ئوقۇتقۇچىلارنى تەربىيەلەش كۇرسىدا سۆزلىگەن لېكسىيەسىدىن رەتلەلىنىپ تەرجىمە قىلىندى. ئەگەر بۇ ھېكايىلەر بىر قىسىم ئوقۇتقۇچىلىرىمىزنىڭ سىنىپ مەسئۇللۇق كۆز قاراشلىرىنىڭ يېڭىلىنىشىغا ئازدۇر-كۆپتۇر مەنپەئەت قىلسا ئەمگىگىمدىن رازى بولغان بولاتتىم.
_ تەرجىماندىن
      مەن بۇ تېمىلارنى قايسى توربەتتىن ساقلىغانلىقىم ئېسىمدە يوق. بىراق مەن بۇ تېمىلارنىڭ باشقىلارغىمۇ پايدىسى بولسا ئەجەپ ئەمەس دىگەن مەقسەتتە مۇنبەرگە يوللاپ قويدۇم. ئەسلى مەنبەسى تور

بۇ جەمئىي 10 ھېكايە بولۇپ  ھەر بىر ھېكايە ئايرىم - ئايرىم قىلىپ يوللاندى. شۇڭا مۇنبەرداشلارنىڭ ئېرىنمەستىن كۆزدىن كۆچۈرۈشىنى    تەۋسىيە قىلىمەن .

1. سىنىپ مەسئۇللۇق خىزمىتىنىڭ قائىدىسى،دوست تۇتۇشنىڭ قائىدىسى بىلەن ئوخشاش
بىر قاغا جەنۇپقا قاراپ ئۇچماقچى بوپتۇ.ئۇچۇش سەپىرىدە بىر كەپتەر بىلەن ئۇچىرىشىپ قاپتۇ.ئۇلار بىرلىكتە بىر دەرەخكە قونۇپ ئارام ئاپتۇ.كەپتەر قاغىدىن:“سەن بۇنچىۋىلا جاپا تارتىپ،نەگە ئۇچۇپ بارماقچى،نېمە ئۈچۈن بۇ يەردىن كېتىسەن؟“دەپ سوراپتۇ.
قاغا چوڭقۇر بىر ئۇھ تارتىپ،مەيۈسلەنگەن ھالدا: ”ئەمىلىيەتتە مېنىڭ بۇ يەردىن ئايرىلغۇم يوق،ئەمما بۇ يەردىكى ئاھالىلارنىڭ بىرسىمۇ مېنىڭ ئاۋازىمنى ياقتۇرمايدۇ.ئۇلار مېنى كۆرسىلا قوغلايدۇ،ھەتتا بەزىلىرى تاش ئاتىدۇ.شۇڭىلاشقا بۇ يەردىن كەتمەكچى بولدۇم“ دەپتۇ.
كەپتەر ئۇنىڭغا كۆيۈنگەن ھالدا:“ئارتۇقچە ئاۋارە بولما،ئەگەر سەن بۇ ئاۋازىڭنى ئۆزگەرتمىسەڭ،نەگىلا بارساڭ باشقىلارنىڭ قارشى ئېلىشىغا ئېرىشەلمەيسەن.“دەپتۇ.
نۇرغۇن كىشىلەر دائىم باشقىلارنى ئەيىپلەشنى ياخشى كۆرىدۇ“موھىت بەك ناچار،باشقىلار مېنى ياقتۇرمايدۇ“دەپ ئاغرىنىدۇ.ھەرگىزمۇ ئۆز ھەرىكىتىنىڭ باشقىلارغا نىسبەتەن قانداق تەسىر ئېلىپ كېلىدىغانلىقىنى،باشقىلارنىڭ ھۆرمەتلىشىگە ۋە ياخشى كۆرىشىگە لايىق ياكى لايىق ئەمەسلىكىنى ئويلاپ كۆرمەيدۇ.ئەگەر بىر ئادەم دائىم ئۆز-ئۆزىنى ئوپراتسىيە قىلىپ تۇرمىسا،پەقەت باشقىلارنىلا ئەيىپلەشنىلا ئۆگىنىۋالىدۇ.ھەم بايىقى قاغىغا ئوخشاش نەگىلا بارسا باشقىلار چەتكە قاقىدىغان ئوبىكىتقا ئايلىنىپ قالىدۇ.
شۇنىڭدىن كۆرىۋىلىشقا بولىدۇكى،باشقىلارنىڭ بىزارلىقىدىن قۇتۇلۇشنىڭ ئەڭ ياخشى ئۇسۇلى ئۇلار بىلەن دوست بولۇش.سىنىپ مەسئۇلىمۇ ھەم شۇنداق.ئەگەر بالىلار سىزدىن بىزار بولمىسىلا سىز ئەڭ ياخشى سىنىپ مەسئۇلى ئىكەنلىكىڭىزگە ئىشەنسىڭىز بولىدۇ.
ياخشى سىنىپ مەسئۇلى بولۇش ئانچە تەس ئەمەس.ئەمما نۇرغۇن سىنىپ مەسئۇللىرى بۇ ئىشنى قىيىن دەپ قارايدۇ.بۇ ئۇلارنىڭ مەسىلىلەرگە باھا بېرىش ئۆلچىمىنىڭ ئوخشىماسلىقىدىن كېلىپ چىقىدۇ.بىزنىڭ سىنىپ مەسئۇللۇق خىزمىتىمىز غەلبىلىك بولدىمۇ يوق؟بۇ يەردە مەن ئەڭ ئاددىي بىر ئۆلچەمنى دەپ ئۆتەي:ئوقۇغۇچىلىرىڭىز سىزگە يولۇققاندا كۈلۈمسىرىگە ھالدا ئالدىڭىزغا كېلەمدۇ،يوق؟

ئالىم

تىمىڭىزغا رەھمەت!يىڭى ئوقۇتقۇچىلار ئۈچۈن بىر ماياك تىما يوللاپسىز!
مىنىڭ ئوقۇغۇچىلىرىم قىزلار:ئەھۋالىڭىز ياخشىمۇ مۇئەللىم! دەيدۇ،ئوغۇللار:ئەسسالامۇ ئەلەيكۇم مۇئەللىم! دەپ قۇلىنى ئەكىلىدۇ،مەن بۇنىڭدىن بەكمۇ خۇشال بولىمەن!

XAM

بۇ ناھايىتى ياخشى ئەھۋال. ئوقۇغۇچىلىرىڭىز ئەدەپ-ئەخلاق قائىدە يوسۇنلىرىنى ئوبدان ئىگەللەپتۇ بۇ ئۆزى مىللىتىمىزنىڭ ئەنئەنىۋى قائىدە يوسۇنلىرى ئەدەپ-ئەخلاق تەربىيىسىنىڭ ئەۋلاتلىرىمىزغا سىڭىشى