خوتۇن سارىڭى

tursunjan

خوتۇن سارىڭ


يەتمەي  تۇرۇپ قىرىققا  يېشىڭ ،
بولۇپ قاپسەن   نەچچە  نىكاھلىق .
توۋا   دەيمەن      تېگەمدىغاندۇ ،
قىز    - چوكانلار ساڭا بىكارلىق ؟


ئۈچ  مۆچەلدىن  ھالقىدى يېشىڭ ،
ئاق    قىرودەك   ئاقاردى بېشىڭ .
توختىمايدۇ         ئۆيۈڭدە بىراق ،
بارمىقىڭدا    توختايدىغان  »قىز«


سەۋەپلىرىڭ چىقماس چويلىغا ،
بىرى ئورۇق ، بىرى بەك سېمىز  .
بىرى تۇغماس ، بىرى تۇغۇمچان ،
بىرى پاكار ، بىرى بەك ئېگىز .


غىلتاڭ يەردە سوپۇن تۇرمايدۇ ،
تۇتامسىزدا خوتۇن تۇرمايدۇ  .
ئەھلى  نەمەرد ئۆيدە زوراۋان،
ئەركەك دېگەن خوتۇن ئۇرمايدۇ .

خەق توققۇز ئاي قورساق كۆتۈرۈپ ،
سېنىڭ ئۈچۈن خوتۇن تۇغامدۇ  .
ھايا بىلەن چىقسۇن زۇۋانىڭ .
قىز ئالارمىش يىگىت قېرسى ،\


نىكاھىڭدا سوققان ناغرىنىڭ ،
دۈمى قېلىن  ھايۋان تېرىسى .
قۇرسا بەزمە خوتۇنپۇرۇشلار  ،
ساڭا تېگەر ئۆينىڭ تۆرىسى .


چىللاپ كېلەر قېلىن باغىقىڭ  ،
ئىشىك قېقىپ تويۇڭغا مېھمان .
نىكاھىڭنى مازارلىقتا قىل ،
ئەمدى بىزگە سالما داستىخان .


بىر  كۈن چۈشسەڭ ھاسا تاياققا ،
قىسمەت سەندىن ئالار ئىمتىھان .
سەبىيلەرنى قىلمىغىن يېتىم ،
قاپاق پۇلدار ، سۆلەت بارىڭى .


قۇلاق سالغىن ئاۋام سۆزگە ،
تۆت كوچىدا كىمنىڭ پارىڭى .
شەيتان ھەۋەس تىزگىنىڭنى تارت ،
قايت يولۇڭدىن خوتۇن سارىڭى .

تۇنۇگۇن كەچتىن دۇكاندا  زىركىپ ئولتۇرسام  بىرخوشنىمىز باغاك ئەكىرىپتۇ ، كىمنىڭ تويى بۇ دەپ سورىسام ...................................... دىگەنتى بۇگۈن ئويلۇنۇپ مۇنۇشىرنى ئۇنىڭغا ئاتاپ يىزىپ چىقتىم 40 ياشقا كىرگۈچە 6 خوتۇن ئاپتۇ ، ئۇلارنىڭ 4 قىز . 3 ئوغلى باركەن  ، بۈگۇن يەنە تويى بولىدىكەن  توۋا دەپلا قالدىم . ئىسىت ئۇلارغا بەرگەن نارسىدە بالىلارغا

زەپەر

تۇرسۇنجان ئەپەندىم . راستىنلا ياخشى يېزىپسىز . بۇ شىېرىڭىز ئارقىلىق جەمىيتىمىزدىكى خوتۇننى تۇلا ئالىدىغان . ئالسىمۇ ئۈيىدە تۇرغۇزالمايدىغان .سۇيۇق كۈڭۈك كىشىلەنى ياخشى قامچىلاپسىز . رەخمەت سىزگە . بۇ شىئېرنى شۇ خوتۇن پەرەسلەر كۆرۈپ ئىبىرەت ئالسا دەيمەن . رەخمەت سىزگە

ئوغلانبەگ

ناھايىتى ياخشى يېزىپسىز!قەلىمىڭىز توختاپ قالمىسۇن.دېمىسىمۇ ئۈچ قېتىمدىن ئارتۇق نىكاھلىق بولغان ئەر كىشىنى خوتۇن بىدىكى ياكى خوتۇنپۇرۇچ دەپ ئاتايمىز.«كەتمەن ئوڭدا ئەمەس،گەپ قوڭدا» ئايالىنى رازى قىلىپ،ئۇنىڭ ھالىغا يەتمىگەن كىشىنىڭ ئۆيىدە خوتۇن تۇرمايدۇ -ئەلۋەتتە.

سىرداش

تورچى يوللىغان ۋاقتى  2013-1-12 12:19
ناھايىتى ياخشى يېزىپسىز!قەلىمىڭىز توختاپ قالمىسۇن.دېم ...

«كەتمەن ئوڭدا ئەمەس،گەپ قوڭدا»

سىرداش

سىرداش يوللىغان ۋاقتى  2013-1-12 14:08
«كەتمەن ئوڭدا ئەمەس،گەپ قوڭدا»

ياخشىمۇ سىز  ئىنىم!
يېقىندىن بېرى  مۇنبەرگە چىقساملا ئەڭ ئاۋال  ئىزدەيدىغىنىم  قايسى  بىلەمسىز؟  بەلكم سىز  بىلمەيسىز  مەنلا جاۋاپ بېرىۋەتەي:   ئۇ بولسىمۇ   ‹‹ تۇرسۇنجان››  دىگەن ئىسىم.   بولدى  سىزگە ۋە   تىمىڭىزغا  بەرگەن باھايىمنى ئەمدى دىيىشنىڭ  ھاجىتى يوق. رەھمەت  بىزنىڭ يېشىمىزغا بارغۇچە مىللىتىمىزدىن  يەنە بىر  ئىقتىساس ئىگىسى چىقىشقا تامامەن  ئىشىنىمەن.

سىرداش

مىنىڭ  يەنە  دەيدىغىنىم   سىز  ھازىرغىچە يازغان بارلىق  ئىجادىيەتلىرىڭىزنى   بىر توپلام قىلىپ  تەييارلاپ  قايتا  يوللاڭ   بۇلامدۇ؟

ئامان

نىكاھدىن ئاجرىشىش، قايتا نىكاھلىنىش ھادىسىسى مىللىتىمىزدە بەك ئېغىر، بۇنداق ھادىسىلار كۆپ بولغانلىقى ئۈچۈن بىزدە تىرىك يىتىملەر كۆپ. بۇنداق تىرىك يىتىملەر مۇكەممەل ئائىلە تەربىيەسىگە ئىگە بۇلالمىغانلىقى ئۈچۈن بىزدە ‹‹زامانىۋى›› سەرگەردانلار، ئەل كېزەرلەر ۋە تۇتۇپ تۇرۇش ئورۇنلىرىنىڭ ‹‹مېھمان››لىرى كۆپ.
تەربىيەۋى ئەھمىيەتكە ئىگە ياخشى تېما يوللاپسىز ئىنىم، مۇشۇنداق ئەھمىيەتلىك تېمىلىرىڭىز ئۈزۈلۈپ قالمىغاي، رەخمەت سىزگە.

گۇلزار

جەمىيىتمىزدە ئۆزىنىڭ  بۇ دۇنياغا نىمە ئۈچۈن كەلگەنلىكىنى  كىم ئۈچۈن نىمە ئۈچۈن ياشاۋاتقانلىقىنى پەرىق قىالمايۋاتقان ئاشۇنداق  كىشىلەرمۇ مەۋجۇت ئۇلار ئۆزلىرىنىڭ ئازراق كۆڭۈل خۇشلۇقى ئۈچۈن ئۆز باغرىنى يېرىپ چىققان يۈرەك پارىلىرىنى كوچىلاردا سەرسان بولۇپ يۇرىشىگە سەۋەپچى بولماقتا .   شۇ سەۋەپتىن مىللىتىمىزدە ئوغرى ، نەشىكەش ، ئاقچى  ، كۆكچىلەر چىقىپ ،مىللىتىمىزنىڭ يۈز ئابرويىنى تۆكمەكتە .
بولدىلا مۇشۇنچىلىكلا سۆزلەي . رەھمەت ئۇكام قەلەم تۇلپارىڭىزنىڭ مەڭگۈ توختاپ قالماي بۇنىڭدىن ئېسىل ئەسەرلەرنى روياپقا چىقىرىشىڭىزغا تىلەكداشمەن .
رەھمەت

مەرىپەت

زەپەر يوللىغان ۋاقتى  2013-1-12 12:13
تۇرسۇنجان ئەپەندىم . راستىنلا ياخشى يېزىپسىز . بۇ شىېرى ...

بۇ ئىنكاسنى  سىز يازدىڭىزما؟...

◤pari◥

ئامان يوللىغان ۋاقتى  2013-1-12 15:37
نىكاھدىن ئاجرىشىش، قايتا نىكاھلىنىش ھادىسىسى مىللىتى ...

  جەمىيىتىمىزدە مانا مۇشۇنداق « ئاجرىشىش » لار كۆپەيگەچكە . جەمىيىتىمىزدە  « ئىچەرمەن ، چېكەرمەن » لەر، مەكتەپلىرىمىزدە بولسا ئاتا -ئانا مېھرىگە قانمىغان « ئەخلاقسىز» لار كۆپەيمەكتە ..... بۇ ئىشلارغا زادى كىم سەۋەپچى ؟؟؟..........