تويلاشتۇق

سىرداش

تويلاشتۇق

( مۇخەممەس )

(  بۇ  مۇخەممەس   يۈسۈپجان  سابىرنىڭ ئەسىرى،  مەن  بەك ياقتۇرۇپ  ئوقۇغاچقا  مۇنبەرداشلارغا  سۇندۇم  ،   تەڭ  بەھىر ئالايلى)

كونىلىقنى تەكچىگە، ئېلىپ قويۇپ تويلاشتۇق ،
ئەركىن نىكاھ بولغاچقا ئاشكارىلاپ تويلاشتۇق ،
چىن مۇھەببەت بابىدا، سۆيۈپ تۇرۇپ تويلاشتۇق ،
زامانەمنىڭ ياشلىرى، شوخ-شوخ يۇرۇپ تويلاشتۇق،
ئۈلگە ئەنداز بولىمىز، ئەلگە قۇرۇپ تويلاشتۇق .


ئاتا-ئانا زامانغا، مايىل بولدى ياشلارغا ،
يول قويۇشۇپ ئۆزئارا، يىڭى -يىڭى ئىشلارغا ،
گىرىم قىلىپ ھەر ۋاقىت، ئوسما قويدى قاشلارغا ،
ھەرخىل بوياپ ئۆزگىچە، بۇدۇر قىلدى چاچلارغا ،
پەرىلەرگە ئاشىق بوپ، قوغلاپ يۇرۇپ تويلاشتۇق .


شەھەر بازار كۆرگەننى، نىشان قىلىپ ئويلايمىز ،
شەرەت قىلىپ كۆز قىسىپ، رىستۇرانغا توۋلايمىز ،
ۋاقىت ئۆتسە بەزىدە، قىزغا پىكاپ بولايمىز ،
ھەممە ئىشنى قىپ قويۇپ، چولپانگۈلنى قوغلايمىز ،
مېھرىمىزنى ئاشۇنداق، بىرىپ تۇرۇپ تويلاشتۇق .


ئوچۇق يۇرۇپ كوچىدا، بىللە ماڭدۇق ھەر زامان ،
ئىزار تاتماي ھىچكىمدىن، ئەۋرىشىم ھەم سىڭايان ،
دۇككانلاردىن كىيىمنى، تاللاپ تۇرۇپ ئالامان ،
سومكىسىغا تولدۇرۇپ، كەمپۇت، توخۇ، سامسا، نان،
كۆڭۈل تارتىپ ھەممىگە، كۆرۈپ تۇرۇپ تويلاشتۇق .


كىيىم -كىچەك چەتئەلچە، مىللى پوسۇن ئەسلا يوق ،
بەدەنلىرى كۆز تارتىپ، يوپكا-كەستۇن ئەسلا يوق ،
دەۋىر بىلەن ئىلگىرلەپ، مىزان-يۇسۇن ئەسلا يوق ،
ئۆيدە تۇرۇپ سۆزلەشكەن، نەدە بولسۇن ئەسلا يوق ،
دەۋرىمىزگە ماسلىشىپ، ئىمان كېتىپ تويلاشتۇق .


گازىر، پۇرچاق بەك ئاددى، ئىقتىسادچىل تويىمىز ،
نەرسە كىرەك جابدۇققا، لىق تولىدۇ ئۆيىمىز ،
تۇرمۇش غىمى مال-دۇنيا، دەل ۋاقتىدا كۆرىمىز ،
بولمىسا گەر بۇ تويدىن ، بولدىلا يۇز ئۆرىمىز ،
ئىقتقسادقا باغلىنىپ، بايلىق يىغىپ تويلاشتۇق .


ياقا يۇرتقا ئەپقىچىپ، تەسىر بىرىپ تويلاشتۇق ،
قىرى قىزنى ياقتۇرۇپ، ئەسىر ۈئاتلاپ تويلاشتۇق ،
قىرى يىگىتكە ئاشىق بوپ، ياشنى قاتلاپ تويلاشتۇق ،
كۆيدۈم، پىشتىم دەپ قويۇپ، راسا باپلاپ تويلاشتۇق ،
ھايا-ئىمان سۇسلىشىپ، ئادەت تاشلاپ تويلاشتۇق.

ئوغلانبەگ

ياخشى شېئىر ئىكەن. تەۋسىيە قىلغىنىڭىزغا رەھمەت!

◤pari◥

ياخشى شېئىركەن ياندىشىپ قوياي دىسەم بەك ئالدىراش بوپ قالدىم.

tursunjan

پىكاپ  بولىماي  ھازىرقى زامان مودىسىدەپ  ئاتھارۋىسى  تولىسىڭىز   ياخشى   

سىرداش

tursunjan يوللىغان ۋاقتى  2013-1-10 19:36
پىكاپ  بولىماي  ھازىرقى زامان مودىسىدەپ  ئاتھارۋىسى  تو ...

ئىملاغا  سەل قارىماسلىق كىرەك.   رەھمەت.

دىلكەش

ياخشى شىئردىن بىرنى يوللاپسىىز .رەھمەت سىزگە.