لاياقەتلىك سىنىپ مەسئولى بولىش ئۈچۈن ئوقۇتقۇچىدا قانداق شەرتلەر ...

گۇلزار

لاياقەتلىك سىنىپ مەسئۇلى بولۇش ئۈچۈن ئوقۇتقۇچىدا قانداق شەرتلەرر ھازىرلىنىشى كېرەك؟

      مەكتەپ تەلىم –تەربىيسىنىڭ ياخشى –يامان بولىشى سىنىپ مەسئۇلىنىڭ خىزمىتى بىلەن زىچ مۇناسىۋەتلىك بولۇپ ئوقۇغۇچىلارنىڭ پۈتكۈل ئىستىقبالىغا تەسىر كۆرسىتىدىغان مۇھىم ئامىل .
     سىنىپ مەسئۇ لىنىڭ خىزمەت سەۋيىسى ،نەتىجىسى مەكتەپ تەلىم –تەربىيە ۋە ئوقۇتۇش سۈپىتىگە بىۋاستە تەسىر كۆرسىتىدۇ.بىر سىنىپتىكى ئوقۇغۇچىلارنىڭ  ئەخلاقى ياخشى يامان بولىشى جىسمانى ۋە گۈزەللىك جەھەتلەردىن ئەتراپلىق تەرەققى قىلىشى سىنىپ مەسئۇلىنىڭ خىزمىتىگە باغلىق بولىدۇ.
     مائارىپ ئىسلاھاتىنىڭ چۆڭقۇرلىشىشىغا ئەگىشىپ ،سىنىپ مەسئۇللىرىغا قويۇلىدىغان تەلەپمۇ بارغانسېرى ئاشماقتا.سىنىپ مەسئۇلى بۇ تەلەپلەرنىڭ ھۆددىسىسدىن تولۇق چىقىش ئۈچۈن قانداق شەرەتلەرنى ھازىرلىشى كېرەك ؟
مەن بۇ جەھەتتە كەسىپداشلىرىم بىلەن ئورتاقلاشماقچىمەن :
1.سىنىپ مەسئۇلى ئوزىنىڭ سىياسى ساپاسىنى يوقىرى كۆتىرىپ ، پارتىيىنىڭ سىياسەتلىرىنى ئىزچىل ئىجرا قىلغۇچىلاردىن بولىشى ھەرقانداق ئىشتا بايرىقى روشەن ھالدا پارتىيە مەركىزى كۆمىتىت بىلەن بىردەكلىكنى ساقلايدىغان بولىشى،ئىدىيە ،ساغلام ،ئىستىلى دۇرۇس ،خىزمەتتە تىرىشچان ،يېڭىلىققا ئىنتىلىش روھى كۈچلۈك تۈرلۈك تەشۋىقات ۋاستىلىرىدىن پايدىلنىپ پارتىينىڭ ھەرقايسى باسقۇچىدىكى سىياسەتلىرىدىن  تولۇق خەۋەردار بولۇپ، ئۇنى ئۆز خىزمىتىمىزگە يېتەكچىلىك قىلالايدىغان بولۇش كېرەك .
2.ئۆزلۈكسىز ئىلگىرلەۋاتقان بىلىم ئىگلىكىنىڭ تەرەققىياتىغا زىچ ماسلىشىشى ئۈچۈن ئۆزىنىڭ بۇرۇن ئىگلىگەن بىلىمىگە قانائەت قىلىپ قالماستىن ، بىلىم تۈزۈلمىلىرنى پۇختىلاشقا ئەھمىيەت بېرىپ ،كەسپى بىلىم سەۋيىسىنى ئۆستۈرۈپ ،ئۆزىدە ئىجادىيەت روھىنى ئۇيغۇتۇش كېرەك ،
3.ئوقۇغۇچىلارنى چۈشىنىشكە ئەھمىيەت بېرىشى لازىم .سىنىپ مەسئۇلى ئوقۇغۇچىلارنىڭ ئائىلە ئەھۋالى،ئىندىۋداللىقى ،مىجەز خارەكتىرى ،ئەخلاقى ،ئەقلى،جىسمانى گۈزەللىك جەھەتتىكى ئەھۋالىنى ۋە ئوقۇغۇچىلارنىڭ سىنىپ ئىچىدىكى رولىنى ماھىرلىك بىلەن كۈزىتىپ ،كېسەلگە قاراپ رېستىپ يازالايدىغان دوختۇر ،بەدەنگە ئۆلچەپ كىيىم تىكەلەيدىغان تۈككۈچىلىك رولىنى جارى قىلدۇرۇپ ، بارلىق ئوقۇغۇچىلارنى خۇددى ئۆز پەرزەنتىگە كۆيۈنگەندەك كۆيۈنۈپ ،ئۇلارنىڭ قايغۇ خوشاللىقىغا ئورتاقلىشالايدىغان جىسمانى كەمتۈكلۈكى بار ئوقۇغۇچىلارغا ئالاھىدە غەمخورلىق قىلىپ ، روھى جەھەتتىن باشقا ئوقۇغۇچىلارنىڭ ئولارنى كەمسىتىشىگە ،چەتكە قېقىش ئىشلىرنى قەتئى توسۇپ، سىنىپ ئىچىدە ھۆرمەتلىشىدىغان ئىناق كەيپىياتنى شەكىللەندۈرۈش لازىم.
4.پائالىيەت  ئارقىلق تەربىيلەشكە ئەھمىيەت بېرىشى لازىم .                                                                                             
پائالىيەت ئوقۇغۇچىلارنى ئۆزىنى-ئۆزى تەربىيلەشكە يېتەكلەيدىغان بىر ۋاستە .شۇنۇڭ ئۈچۈن سىنىپ مەسئۇللىرى پائالىيەتنىڭ تەلىم تەربىيىدىكى رولىنى ئېنىق تۇنۇپ، ئوقۇغۇچىلارنى تەربىيۋى ئەھمىيتى زور بولغان پائالىيەتلەرگە كۆپرەك تەشكىللەپ ئۇلارنىڭ خوجايىنلىق رولىنى تۇرغۇزۇشقا شارائىت يارىتىپ بېرەلەيدىغان بولىشى كېرەك .
     مەسلەن:قاراتمىلىقى كىچلىك بولغان «كىچىك بۈركۈت مىدال پائالىيتى »«بەش ئۆز پائالىيتى »«لېفېڭ-لەينىڭدىن ئۆگىنىش پائالىيتى»«ئللىقلىق يەتكۈزۈش پائالىيتى »«دوستلۇق پائالىيتى »قاتارلىق پائالىيەتلەرنى تېخىمۇ چوڭقۇرلاشتۇرۇشقا يۈزلىنىپ، ئوقۇغۇچىلارنىڭ ئونۋىرسال ساپاسىنى يوقىرى كۆتىرىشكە تىرىشىش كېرەك .
5.سىنىپ مەسئولىنىڭ كەسپى ساپاسى ئەتراپلىق يېتىلگەن بىلىم قۇرۇلمىسى ۋە ئوقۇتۇش تەجرىبىسى مول بۇلۇش كېرەك .
سىنىپ مەسئولىنىڭ مۇكەممەل كەسپى ساپاسى دەرىسخانە ئوقۇتۇشنى سەرخىللاشتۇرۇشنىڭ ئاساسى، ئۆسمۈر بالىلارنىڭ قىزىقىشى كۆپ تەرەپلىمىلىك بولۇپ،  سورىمايدىغىنى بولمايدۇ. ئۇلارنىڭ نەزىرىدە سىنىپ مەسئۇلى ھەممىنى بىلىدىغان مول بىلىملىك قابىليەتلىك كىشلەردۇر . شۇڭا تەربىيىچى ئۆز ىنىڭ كەسپى ساپاسىنى يېتىلدۈرمىسە ئوقۇغۇچىلارنىڭ بىلىمگە بولغان ئىنتىلشى قاندۇرۇلماي قالىدۇ ۋە ئوقۇغۇچىلارنى مەكتەپكە جەلىپ قىلىش ،ئىنتىزامغا كۆندۈرۈش ،كوللىكتىپ تۇرمۇشقا قىزىقتۇرۇش قىيىنغا توختايدۇ. شۇنۇڭ ئۈچۈن سىنىپ مەسئۇلىدا كەسپى ساپا ئەتراپلىق يېتىلگەن ، ئوقۇتۇش تەجىرىبىسى مول ئونۋىرسال ئىقتىدارغا ئىگە بولۇشى كېرەك .
      6.سىنىپ مەسئۇلىدا كۈچلىك مەسئولىيەتچانلىق تۇيغۇ ۋە ئەخلاق قارشى ئېنىق بولۇشى كېرەك  .
سىنىپ مەسئولى ياش ھەم پىشقەدەم بولسۇن ئۇنۇڭدا كۈچلىك مەسئولىيەت ۋە ئەخلاق پەزىلەتتە باشقىلاردىن ئۈستۈن بولشى كېرەك .
سىنىپ مەسئوللۇق خىزمىتى  ناھايىتى جاپالىق ھەم   مەسئۇلىيتى ناھايتى كۈچلىك بولىدۇ . شۇڭا سىنىپ مەسئۇلى بۇنى ئېنىق ھېس قىلشى ،يۈكسەك مەسئولىيەتنى ئۈستىگە ئالالايدىغان بولىشى ،ئۆزىدە گۈزەل ئەخلاقى پەزىلەتنى يېتىلدۈرشى ۋە ئۆزىدىكى گۈزەل ئەخلاقى پەزىلەتنى ئوقۇغۇچىلارغا سىڭدۈرۈشى ، ئۇلارنى ئەخلاقى ،ئەقلى جىسمانى گۈزەللىك جەھەتلەردىن ساغلام تەرەققى قىلشىغا كاپالەتلىك قىلىش زۆرۆر .
     7.سىنىپ مەسئۇلى مېھرىبان كۆيۈمچان بولىشى كېرەك  .
ئوقۇغۇچىلاررغا مېھرى - مۇھەببىتى بولمىغان ئوقۇتقۇچى لايەقەتلىك سىنىپ مەسئۇلى بولالمايدۇ.
سىنىپ مەسئۇلى بولغان ئوقۇتقۇچى مەيلى قانداق  ئائىلىنىڭ پەرزەنتى بولشىدىن قەتئىنەزەر ،ھەممىگە ئادىل باراۋەر مۇئامىلە قىلشنى بىلى شى ،ئانىلاردەك مېھرىبان ،ئاتىلاردەك غەمگۈزارلىقىنى يەتكۈزۈش شەرت .
8. سىنىپ مەسئۇلى ئۆزىدە ئىجادىيەت روھىنى ئۇيغۇتۇپ خاسلىق بىلەن ئەھمىيەت بېرىش كېرەك  .
خاسلىق ئادەمنىڭ تەرەققىياتىدىكى ئەڭ يوقىرى پەللە .
دىمەك ئوقۇتقۇچى ئۆزىدىكى خاسلىقنى يېتىلدۈرۈپ ئوقۇغۇچىلارنىڭ خاسلىقىنى قازالايدىغان بىر ئېنژىنېر بولۇش كېرەك . شۇنۇڭ بىلەن بىرگە يېڭى دەۋىردىكى يېڭى-يېڭى بىلىملەر بىلەن ئۆزىنى قۇراللاندۇرۇپ ئۆزىدە بىر خىل ئىجادچانلىق روھىنى ئۇيغۇتۇش كېرەك  .
دىمەك :ئوقۇتقۇچىلاردا موشۇ شەرتلەر ھازىر بولغاندىلا ئاندىن لاياقەتلىك سىنىپ مەسئولى بولغىلى بولىدۇ دەپ قارايمەن .