مەن ياقتۇرغان ھىكمەتلەر

گۇلزار

مەن ياقتۇرغان ھىكمەتلەر

      ھەر كىشىدە مۇنداق ئالتە خىسلەت بولسا، ئۇنىڭ دوستلۇقىدا قۇسۇر يوق بولىدۇ.
      1- ئەگەر دوستىنىڭ ئەيىپىنى بىلسە، ئۇنى كىشىگە ئىزھار قىلمىغان كىشى.
      2-دوستىنىڭ ھۈنىرىنى كۆرسە، بىرىنى ئون قىلىپ ئېيتقان كىشى.
      3- دوستىغا ياخشىلىق قىلىپ، مىننەت قىلمىغان ۋە نەزەرىدە تۇتمىغان كىشى.
      4- دوستىدىن مەنپەئەت كۆرگەن بولسا، ئۇنى ئۇنتۇمىغان كىشى.
      5- دوستىدىن بىرەر خاتالىق ئۆتكەن بولسا، ئۇنى كۆڭلىگە ئالمىغان ۋە ئەپۇ قىلغان كىشى.
      6- دوستى ئۆزرە قويسا قوبۇل ئەتكەن كىشى. ئەگەر كىشى بۇ سۈپەتلەرگە ئىگە بولمىسا، مۇتلەق دوستلۇققا يارىمايدۇ. ئۇنىڭغا دوست بولغان كىشى ئاخىرى پۇشايمانغا قالىدۇ. زامان ئەھلى ئارىسىدىكى خالىس دوست كىمىياغا، رىياسىز ئاشىنا ئەنقاغا ئوخشايدۇ. بۇلار ئۆزلىرىگە يوقلۇقنى ماكان قىلىشقا ۋە تېپىلماسلىققا ھۆكۈم ئېلىشقان.   

مەنبە  : «كەلىلە ۋە دىمىنە»دىن

umid0998

دوستلۇق ھەققىدىكى ياخشى ھىكمەتلەر ئىكەن، رەھمەت سىزگە،
ئەلەم يەتسە سۆيگەنلەر ھەم ياتلىشار ئىكەن،
دەرت ئۇستىگە تەنە-تۆھمەت باشلىشار ئىكەن.
ياخشى دوستقا ياخشىلىقلار يارىشار ئىكەن،
دۇنيا قىلسۇن بىۋاپالىق، سەن قىلما ئەي دوست.

ئۆتمەي تۇرۇپ ياشلىقىمدىن ئازاپ كۆردۇممەن،
تىكەنلەرنىڭ ئارىسىدىن رەيھان تەردىممەن.
سىنى تاللاپ دوستۇم دىدىم، قولۇم بەردىممەن،
دۇشمەن ئۇرسۇن يۇرىكىمگە سەن ئۇرما ئەي دوست.

جان دوست جاندىن كىچەر، مال دوست مالىدىن كەچمەس،
جان ھەم تەندىن كۆچەرمىكىن، جىنىمدىن كۆچمەس.
تىغ يارىسى ئۆچەر ، دىل يارىسى ئۆچمەس،
ئوۋچى قۇرسۇن توزاقىنى، سەن قۇرما ئەي دوست.

گۇلزار

umid0998 يوللىغان ۋاقتى  2013-1-4 12:30
دوستلۇق ھەققىدىكى ياخشى ھىكمەتلەر ئىكەن، رەھمەت سىزگە ...

ئۇمۇد ئەپەندى ياخشىمۇسىز ؟
سىزنى كۆرمىگىلى ئۇزۇن بولغان ئىدى. بۈگۈن بۇ ئىنكاسىڭىزنى كۆرۈپ ناھايتى خۇش بولدۇم.  ھە نىمە بولسا سالامەت تۇرۇپسىز .
بۇ شېئىرىڭىزغا رەھمەت . بىزمۇ سىزنىڭ تېمىلىرىڭىزنى سېغىنىپ قالغان ئىدۇق . سىزگە يەنە بىر قېتىم رەھمەت .

mamatjan74

گۈلزار ، ناھايىتى ياخشى تېما يوللاپسىز .

سىرداش

5- 6 -سى  بەكمۇ يارىدى   ،رەھمەت سىزگە.