بايقاشتىكى‹‹ياخشىى ئەرلەر قەيەردە؟›› گە جاۋاپ

سىرداش

بايقاشتىكى‹‹ياخشىى ئەرلەر قەيەردە؟›› گە  جاۋاپ




قىزىق نوقتا بولۇپتۇ،
ياخشى ئەرلەر قەيەردە؟
بىرى جاۋاپ بېرىپتۇ،
ياخشى ئايال بار يەردە.


بىرى جاۋاپ بېرىپتۇ،
ھەممە ئەرلەر ياخشى دەپ.
ئەرلەر ھەرگىز ئەسكىمەس،
ئاياللارغا باقار دەپ.


مەندە شۇنداق بىر خىيال،
كىلىپ قالدى دوستلۇرۇم،
ئەر ياخشىمۇ ئايالمۇ؟،
چېپىپ باقسۇن تورۇقۇم.


اللاھ ئىگەم ئەسلىدە،
ياراتقانكەن-ئادەمنى،
بوي سۇنۇشقا بۇيرىغان،
ھەتتا ئىبلىس-شەيتاننى.


ھەممە شەيئى جانلىقنى،
بۇيرۇپ بەرگەن  ئادەمگە.
شانۇ شەۋكەت-مەرتىۋە،
ئاتا قىلغان قەۋمىگە.


تەقدىم قىلىپ ئېرەمنى
خۇشال-خۇرام يايراتقان،
كىرەلمىگەن  ئېرەمگە،
ھەۋەس بىلەن قاراشقان.


مۇھەببەتكە تەشنا بوپ،
غەمگە پاتقان ئادەمگە،
قۇۋۇرغىنى ئېلىپلا،
ئايلاندۇردى  ھەۋۋاگە.


شۇندىن بېرى ئىككەيلەن،
باغ- ئېرەندە ياشىدى.
كىرگەچ  نەپسى كەينىگە،
ئاقتى ئادەم ياشلىرى.


بىزگە يەتكەن ئۇدىما
يىتپ كەلدى  ھازىرغا
كىرىپ نەپسى كەينىگە
كىرگەنلەر كۆپ  قازىغا

.
ئەر ياخشىمۇ، ئايالمۇ،
ئويلاپ باقساق تەس ئەمەس،
خىيالىمنى يەكۈنلەپ،
مەن سىلەرگە دەپ بېرەي.


مۇھەببەتلىك ئائىلە.
ياخشىلىقنىڭ ئاساسى.
ياخشى كۆرگەن جۇپتىنى،
ياخشىلارنىڭ ياخشىسى.



ئەپۇچان بوپ ئۆز-ئارا،
كەچۈرۋەتسە  قايسىسى.
ھۆرمەتلەشكە ئېرىشىپ،
بولۇپ قالار ياخشىسى.


ياخشى كۆرمەس ئاياللار،
پىخسىق بولسا ئاشىقى،
قولى ئوچۇق مەرد بولسا،
بولۇپ قالار  ياخشىسى.


ئوڭۇشسىزلىققا ئۇچرىسا،
ئۆز مەشۇقى، ئاشىقى،
ياردىمىنى سۇنالسا،
بوپ قالىدۇ ياخشىسى.


كۈيۈنۈپ ئۆي-تالادا،
بىرگە بولسا ناشتىسى.
كۈلكە ئاتا قىلالسا،
بولۇپ قالار ياخشىسى.


بىشەم بولسا ئايالىڭ،
(ئىنىق بولسا قاشقىسى).
ئەڭ ياخشىسى ياتلاشقىن.
تېپىلىدۇ باشقىسى.

2013-يىلى1-ئاينىڭ3-كۈنى

گۇلزار

مەن يازغان « ياخشى ئەرلەر قەيەردە » دىگەن تېما بايقاشتىكىلەرنىڭ قارشى قىزىق نۇقتىسىغا ئايلىنىپ قالغان ئوخشىمامدۇ ؟

سىرداش

گۇلزار يوللىغان ۋاقتى  2013-1-3 22:50
مەن يازغان « ياخشى ئەرلەر قەيەردە » دىگەن تېما بايقاشت ...

گۇلزار

سىرداش يوللىغان ۋاقتى  2013-1-3 22:55
بۇ  ئىشىڭىز  دوستلارنىڭ  كوڭلىنى رەنجىتىپ قويماسمۇ؟    ...

ئەسلى بۇنى ئاخشام يولدۇشۇم بىلەن مۇشۇ تېمىدا پاراڭلىشىپ ئولتۇرۇپ يازغان ئىدىم . باشقىچىمۇ پىكىر يوقتى . دوسلارغا ياققان بولسا ئەسلىگە كەلتۇرۇپ قويدۇم .

Shift

يېنىڭدىكىسى ئەڭ ياخشى ئەر شۇ.

ئوغلانبەگ

سىرداش ئەپەندىنىڭ يازغان جاۋابى ھەقىقەتەنمۇ توغرا ۋە ئاقىلانە جاۋاب بولۇپتۇ.

گۇلزار

سىرداش يوللىغان ۋاقتى  2013-1-3 22:55
بۇ  ئىشىڭىز  دوستلارنىڭ  كوڭلىنى رەنجىتىپ قويماسمۇ؟    ...

تېمىنى ئەسلىگە  كەلتۇرۇپ قويدۇم . بۇ شېئىرنى ناھايتى ياخشى يېزىپسىز . مۇشۇنداق بىر ياخشى شېئىرنى يازسىڭىزمۇ ، بۇ تېمىنى ئۆچۈرەرمەنمۇ ؟ دەپ بېقىڭا سىرداش ئەپەندى . مەن سىزنىڭ ئىنكاسىڭىزنى دەپ ئۇ تېمىنى ئۆچەرمىگەن ، بۇنى توغرا چۈشىنىڭ سىزنىڭ ئىنكاسىڭىز ئۇ تېمىنى تېخىمۇ يورۇتپ بېرىپتۇ . رەھمەت سىزگە .

◤pari◥

مۇھەببەتلىك ئائىلە.
ياخشىلىقنىڭ ئاساسى.
ياخشى كۆرگەن جۇپتىنى،
ياخشىلارنىڭ ياخشىسى.


ئەپۇچان بوپ ئۆز-ئارا،
كەچۈرۋەتسە  قايسىسى.
ھۆرمەتلەشكە ئېرىشىپ،
بولۇپ قالار ياخشىسى.
بۇ مىسرالارنى بەك ياقتۇردۇم ، رەھمەت سىزگە .

سىرداش

◤pari◥ يوللىغان ۋاقتى  2013-1-4 22:55
مۇھەببەتلىك ئائىلە.
ياخشىلىقنىڭ ئاساسى.
ياخشى كۆرگەن ج ...

رەھمەت.

◤pari◥

سىرداش يوللىغان ۋاقتى  2013-1-4 22:56
رەھمەت.

ياخشى ئەرلەر قەيەردە؟
بايقاش دىگەن مۇنبەردە ،
مەندە شۇنداق بىر خىيال،
كەپ قالغانتى ئەسلىدە .

سىرداش يازغان جاۋاپنى ،
گۈلزارىمنىڭ تېمىسىغا ،
ياخشى ئەرلەر ئەسلىدە ،
كۆيىنىدۇ بالىسىغا .

بايقاشتىكى ئەرلەرمۇ ،
كۆيۈنەر ئايال ۋە بالىغا ،
بايقۇشىنى گۈللىتىپ ،
قالماس ھەرگىز تالادا. قاملاشمىسىمۇ  ياندىشىپ قويدۇم كەچۈرەسىلەر . مۇشۇ شېئىر دىگەننى كۆرسەم تۇرالمايلا قالىمەن .