ئابدۇشۇكۇر مۇھەممەتئىمىننىڭ پەرزەت توغرىسىدا ئېيتقانلىرى

گۇلزار

ئابدۇشۇكۇر مۇھەممەتئىمىننىڭ پەرزەت توغرىسىدا ئېيتقانلىرى

پەرزەنتلىك - بارلىق كىشىلىك نەسلى ھۆزۇرلانغان تۈنجى مېھرى -  شەپقەت ، تەسەۋۇر - ئىستەك گۈلشىنى .
پەرزەنت - ھەممە ئىنسان ئەۋلادى بېسىپ ئۆتكەن بىرىنچى ئۇنۋان .
پەرزەنت - ئاتا - ئانىنىڭ قايتا دۇنياغا قايتا دۇنياغا كەلگەن ئوبرازى ، مىللەتنىڭ كىلەچىكى ، ئىنسانىيەتنىڭ يېڭى بىر تارىخىي بوغۇمى ، جاھان تارىخىنىڭ داۋامى .
پەرزەنت - ئاتا - ئانىنىڭ ۋۇجۇدى ، روھىيىتى ، ئەجرىدىن پۈتكەن شاھ ئەسەر . پەرزەنتنىڭ ئاتا - ئانىغا بولغان مۇناسىۋەتلىرىدىكى ھېس تۇيغۇ ۋە ئاڭدا ئۇنىڭ ئەجىر - ئەمگەك ۋە پىشقەدەملەرگە ، جەمىيەت ۋە تارىخقا بولغان ئەقەللىي پوزىتسىيىسى ئەكىس ئەتكەن بولىدۇ .
پەرزەنت - مۇشۇ دەۋىر ھەققىدە تەلقىن ئېلىپ بېرىپ ، يېڭى تۇرمۇش ئۇسۇللىرىنى ئىجاد قىلىش ئۈچۈن دۇنياغا كەلگەن پىكىر ۋە جاسارەت نامزاتلىرى .
پەرزەنت - ئائىلە ئەزاسى
پەرزەنت - نىكاھلىق ئائىلە تەشكىلىنى كۈچەيتكۈچى قانداش رىشتە . ھەر بىر تۇغۇت ئۈستىدىكى ئانا ، ئەڭ دەسلىپى يېڭى تۇغۇلغان  پەرزەنتىنى ئۆز ئېرىغا تەغدىم قىلغان تەڭداشسىز ئۇلۇغ تۆھپە ، يادىكار ، سوۋغات تەرىزىدە ھېس قىلىدۇ . شۇنداق ، مەيلى ئائىلە ئەزالىرى ئويلىسۇن ، ئويلىمىسۇن ، يېڭى پەرزەنت ئائىلىنىڭ جەمىيەتكە ، ئىنسانىيەتكە تەغدىم قىلغان تۆھپىسىدۇر . بىز ئىپتىدائىي ئەجداد ئېتىقادچىلىقى بىلەن جىنسىي ئېتىقاد ھەققىدىكى پاكىتلاردىن ، كۆپ پەرزەنتلىك ئانىلار ھۆرمەتلەنگەن ئادەتلەردىن ، مەشھۇر شەخىسلەرنىڭ تۇغۇلغان كۈنلىرى تەسۋىرلەنگەن داستان سەھىپىلىرىدىن بىر ئائىلىدە پەرزەنتىنىڭ دۇنياغا كېلىشى پۇتۇن قەبىلە ، مىللەت ، تارىخ ئۈچۈن بېرىلگەن ھەدىيە ئىكەنلىكىنى كۆرىمىز .

مەنبە : ئابدۇشۇكۇر مۇھەممەتئىمىننىڭ « ئائىلە » دىگەن دىگەن كىتابىدىن ئېلىندى

گۇلزار

بۇ ئەسلى ناھايتى ياخشى تېما ئىدى ئەپسۇس بىرمۇ  ئىنكاس چشمەپتۇ ، قارىغاندا مۇنبەرداشلار پەرزەنت تەربىيلەشكە سەل قارىغان ئوخشايدۇ .