ياخشى ئەرلەر قەيەردە ؟

گۇلزار

ياخشى ئەرلەر قەيەردە ؟

بەلكىم بۇ سۇئالنى ئاڭلىغان مۇنبەردىكى ئەرلەر دادىللىق بىلەن  : « مانا بىز بۇ يەردە » دىيىشى مۇمكىن .  ئاياللار بولسا « مېنىڭ ئېرىم ئەڭ ياخشى » دەپ جاۋاپ بېرىشى مۈمكىن . توغرا مەنمۇ شۇنداق دەپ قارايمەن.  بايقاشتىكى ھەر بىر ئەر ئەزالارنىڭ ھەممىسى مۇنەۋۋەر ھەم ئەڭ ئالدىنقى   قاتاردىكى ئەرلەر بولىشى مۈمكىن .  ئاياللارنىڭ ئەرلىرىمۇ ھەم شۇنداق .
      ئەمما  سىز ئايالىڭىزنىڭ قەلبىدە ھەقىقەتەن ياخشى ئەر بولالىدىڭىزمۇ  ؟ ئايالىڭىز سىزدىن رازىمۇ ؟   ئايالىڭىز سىز ئارقىلىق خوشاللىق تپالامدۇ ؟  مانا بۇلار بىر ئائىلىنىڭ يۈكىنى زىممىسىگە ئېلىپ ،ئائىلىدىن ئىبارەت بۇ ئىللىق ماكانغا ھەقىقى كۆيۈنۈپ  كېلىۋاتقان ئەرلەرنىڭ ئويلىنىشىغا تېگىشلىك مەسىلىلەرنىڭ بىرى .

    ئەرلەر ئاياللارنىڭ ئۆزىگە باھا بېرىشىگە قىزىقىدۇغۇ دەيمەن . ئۇنداق بولسا تۆۋەندىكى ھەر خىل ياشتىكى ئاياللارنىڭ ئەرلەرگە بەرگەن باھاسىنى  كۆرۈپ بېقىڭ  .
ئەرلەرگە بەرگەن باھا ھەر قايسى ياشتىكى ئاياللارنىڭ قارىشى ئوخشاش بولمايدۇ.   ياشلىق باھارى ئۇرغۇپ تۇرغان قىزلاردىن سورىسىڭىز ئۇلار  بولسا : « بۇ غەلىتە سۇئالغۇ ، ياخشى ئەرلەر ھەممە يەردە  تۇرمامدۇ   » دىيىشى مۇمكىن .  مۇھەببەت لەززىتىدىن مەست بولۇپ يۈرگەن قىزلار بولسا : « مېنىڭ يىگىتىم ئەڭ ياخشى ئەر » دىيىشى مۇمكىن . ئەمما توي قىلغان ئاياللارنىڭ جاۋابى  خىلمۇ  خىل بولىدۇ .
ئا : مېنڭچە ، مېنىڭ ئېرىمنى ئەڭ ياخشى ئەر ئەر دىيىشكە بولىدۇ ؛
ب : پالانچىنىڭ ئېرى چوقۇم ياىشى ئەر ؛
س : ياخشى ئەرلەرنىڭ ھەممىسى ئۆلۈپ تۈگىگەن ؛
  يوقۇرقى جاۋاپلارنى ئاڭلاپ چۆچۈپ كەتمەڭ ،   بۇ ئاياللارنىڭ جاۋابىغا ئاساسلانغاندا ، ئاياللارنىڭ كەيپىياتى ئوخشاش بولمىغان ۋاقىتتا ، بۇ سۇئالغىمۇ ئو خشاش بولمىغان جاۋاپقا ئېرىشىشىڭىز مۇمكىن .دىمەك ،مۇھەببەت شارابىدىن مەست بولغان چاغدا بېرىلگەن جاۋاپ بىلەن ئۇرۇشۇپ قالغاندا بېرىلگەن جاۋاپ تەبىي ھالدا قارىمۇ قارشى بولىدۇ .  
   ياخشى ئەر بولۇش  ئەمىليەتتە ئۇنچىلىكمۇ تەس ئەمەس . ئۇنداق بولسا ئاياللارنىڭ نەزىرىدى كى ياخشى ئەرلەر قانداق بولىدۇ ؟
1 . مۇھەببەتنى ئىپادىلەڭ
ئايالىڭىز سىزنىڭ ھەر دائىم قىزغىن مۇھەببەتكە تولغان كەيپىيات يارىتىپ تۇرشىڭىزنى ھەمىشە مۇھەببەت ئىزھار قىلىشىڭىزنى ياخشى كۆرىدۇ شۇڭا ۋاقتىڭىزنىڭ يېتىشىچە ئۇنىڭغا مۇھەببىتىڭىزنىڭ مەڭگۈ ئۆزگەرمەيدىغانلىقىنى بىلدۇرۇپ تۇرۇڭ .
2 . كەڭ قۇرساق بولۇڭ:
كەڭ قۇرساق بولۇڭ- بىر خىل گۈزەل  پەزىلەت ، ئەرلەرگە نىسبەتەن تېخىمۇ شۇنداق . خوتۇنىڭىز بىرەر ئىشنى خاتا قىلىپ قويغاندا ،ياكى بىرەر ئوڭۇشسىزلىققا ئۇچرىغاندا ،سىز دەرھال چارىسىنى تېپىپ ، تەسەللى بېرىشىڭىز ھەم يول كۆرسىتىشىڭىز  كېرەك . چۈنكى سىز ئۇنىڭ مەدەتكارى .
3 . مەردلىك  - مەردلىك ، سېخىيلىق كەڭ قۇرساقلىق ئەزەلدىن ئەركەكلەرنىڭ بەلگىسى بولۇپ كەلگەن . خەلقىمىز ئارىسىدا « قۇلدەك ئىشلەپ بەگدەك ياشا » دەيدىغان سۆزى بار ، شۇڭا تاپقان پۇلىنى لايىقىدا خەجلەپ ئائىلىسىدكىلەرنى ھەم ئەتراپىدىكىلەرگىمۇ نەپ بېرىشى كېرەك .
4  . ئايالىڭىزغا  يار - يۆلەك بولۇڭ :
ئاياللار ئېرىنى ئۆزىنىڭ ئىشەنگەن تېغى ، يۆلەنچۈكى دەپ قارايدۇ . شۇڭا تۇرمۇشتا ھەر قانداق بىر ئوڭۇشسىزلىققا ئۇچرىسا ئېرىنىڭ ياردەم قىلىشىنى يول كۆرسىتىشىنى ئۈمۈد قىلىدۇ . شۇڭا  ئايالىڭىز ئوڭۇشسىزلىققا ئۇچرىغاندا ئۇنى بايقاشقا ماھىر بولۇڭ ھەم ھەر قانداق ئىشىڭىز بولسىمۇ تاشلاپ  قويۇپ، ئۇنىڭغا ياردەم قىلىڭ ھەم تەسەللى بېرىڭ .
5. ئايالىڭىزغا كۆيۈنۈشنى بىلىڭ :
ئاياللار  ئېرىنىڭ كۆيىنىشكە ، ئىللىقلىق  ئاتا قىلىشىغا مۇھتاج بولىدىغان نۇرغۇن ئالاھىدە پەيتلىرى بولىدۇ مەسىلەن : ھەيز ، ھامىلدارلىق ، سىزىكلىك ، تۇغۇت ، زۇكام بولۇش  ياكى بىرەر كېسەلگە گىرىپتار بولۇش ... دىگەندەك ، مۇشۇنداق ۋاقىتلاردا ئايالىڭىزغا ھېسداشلىق قىلسىڭىز ، كۆيىنسىڭىز  ئۇ تەبىئىي ھالدا سىزنى ھۆرمەتلەيدۇ سىزگە بولغان مىننەتدارلىقى تېخىمۇ ئاشىدۇ ھەم سىزنى پۇتۇن مېھرى بىلەن سۆيىدۇ .

ئامان

..... ئاياللارنىڭ كەيپىياتى ئوخشاش بولمىغان ۋاقىتتا ، بۇ سۇئالغىمۇ ئو خشاش بولمىغان جاۋاپقا ئېرىشىشىڭىز مۇمكىن.....

دۇنيادا مۇكەممەل نەرسە يوق، شۇنىڭ بىلەن بىر قاتاردا مۇكەممەل ئەر، ياكى مۇكەممەل ئايالمۇ يوق. ئەمما ھەممىمىز مۇكەممەللىكنى قوغلىشىمىز. ‹‹ياخشى ئەرلەر قەيەردە؟›› دىگەن سۇئالغا نىسپەتەن ‹‹ياخشى ئەرلەر ئەتراپىمىزدا، يېنىمىزدا، مېنىڭ ئۆيۈمدە بار›› دەپ جاۋاپ بېرىشكىمۇ، ياكى ‹‹ياخشى ئەرلەر ئۆلۈپ تۈگىدى، بۇ دۇنيادا ياخشى ئەر يوق›› دەپ جاۋاپ بېرىشكىمۇ بۇلىدۇ. بۇ جاۋاپلارنى پۈتۈنلەي توغرا، ياكى پۈتۈنلەي خاتا دەپ دەپ ھۆكۈم قىلىشقىمۇ بولمايدۇ. شۇنداق ئەمەسمۇ؟
ئىنسانلار توپىدىكى كىشىلەرنىڭ تۇرمۇش ۋە بەخت قارىشى ئومۇمى جەھەتتىن ئورتاقلىققا ئىگە بولسىمۇ، لېكىن كىشىلەرنىڭ تۇرمۇشقا بولغان پوزۇتسىيەسى، ئىنتىلىشى، مىجەز-خاراكتىرى، قىزىقىشى.... ئوخشاش بولمىغانلىقتىن، كونكىرىتنى زامان ۋە ماكان شارائىتىدىكى تۇرمۇش ۋە بەخت قارىشى ئوتتۇرىسىدا بەلگىلىك پەرىقلەر بار. مۇشۇنداق كونكىرىتنى پەرىقلەرنىڭ مەۋجۇتلىقى تۇرمۇشىمىزدا بىر تۈركۈم ‹‹ياخشى-ياماننى ئايرىيالمىغان››، ‹‹ئالدىغا كەلگەن بەختنى تۇتالمىغان››.... ئەر ۋە ئاياللارنى مەيدانغا كەلتۈرىدۇ.   

ئىلى

ياخشى ئاياللار  قەيەردە  بولسا  ياخشى  ئەرلەرمۇ  شۇ  يەردىمىكىن دەيمەن.

زەپەر

بەك ياخشى تىما يوللاپسىز . ياخشى ئەرلەر ھەممە يەردە بارغۇ . ھەر قانداق ئايال ئۈزىنىڭ ئەرلىرىنى ياخشى دەپ ئويلار ھە قاچان

گۇلزار

ئىلى يوللىغان ۋاقتى  2013-1-3 11:18
ياخشى ئاياللار  قەيەردە  بولسا  ياخشى  ئەرلەرمۇ  شۇ  يەر ...

شۇنداق .
ياخشى ئايال قەيەردە بولسا ياخشىئەر شۇ يەردە بولغانغا ئوخشاش ،ياخشى ئەر قەيەردە بولسا ياخشى ئايالمۇ شۇ يەردە .

گۇلزار

زەپەر يوللىغان ۋاقتى  2013-1-3 11:35
بەك ياخشى تىما يوللاپسىز . ياخشى ئەرلەر ھەممە يەردە بار ...

ئەر ياخشى بولسا ،ئايالى يامان دىيىشقا قانداقمۇ كۆڭلى ئۇنىسۇن .

tursunjan

مىنى  سىز  بەكراق  چۇشنىسىز    جۇمۇ    مانا  مانا  مەن مەنا  بۇيەدە   ياخشى   پەرزەنىت  ياخشى   ئوغۇل  مانا   بۇيەدە   

گۇلزار

tursunjan يوللىغان ۋاقتى  2013-1-3 14:01
مىنى  سىز  بەكراق  چۇشنىسىز    جۇمۇ    مانا  مانا  مەن مەنا  ...

شۇنداق، سىز كەلگۈسىدە چوقۇم ياخشى ئەر،  ياخشى دادا بولالايسىز ئۇكام .
تۇرمۇشىڭىزغا بەخت تىلەيمەن .

سىرداش

قىزىق نوقتا بولۇپتۇ،
ياخشى ئەرلەر قەيەردە؟
بىرى جاۋاپ بېرىپتۇ،
ياخشى ئايال بار يەردە.


بىرى جاۋاپ بېرىپتۇ،
ھەممە ئەرلەر ياخشى دەپ.
ئەرلەر ھەرگىز ئەسكىمەس،
ئاياللارغا باقار دەپ.

مەندە شۇنداق بىر خىيال،
كىلىپ قالدى دوستلۇرۇم،
ئەر ياخشىمۇ ئايالمۇ؟،
چېپىپ باقسۇن تورۇقۇم.

اللاھ ئىگەم ئەسلىدە،
ياراتقانكەن-ئادەمنى،
بوي سۇنۇشقا بۇيرىغان،
ھەتتا ئىبلىس-شەيتاننى.

ھەممە شەيئى جانلىقنى،
بۇيرۇپ بەرگەن  ئادەمگە.
شانۇ شەۋكەت-مەرتىۋە،
ئاتا قىلغان قەۋمىگە.

تەقدىم قىلىپ ئېرەمنى
خۇشال-خۇرام يايراتقان،
كىرەلمىگەن  ئېرەمگە،
ھەۋەس بىلەن قاراشقان.

مۇھەببەتكە تەشنا بوپ،
غەمگە پاتقان ئادەمگە،
قۇۋۇرغىنى ئېلىپلا،
ئايلاندۇردى  ھەۋۋاگە.

شۇندىن بېرى ئىككەيلەن،
باغ- ئېرەندە ياشىدى.
كىرگەچ  نەپسى كەينىگە،
ئاقتى ئادەم ياشلىرى.

بىزگە يەتكەن ئۇدىما
يىتپ كەلدى  ھازىرغا
كىرىپ نەپسى كەينىگە
كىرگەنلەر كۆپ  قازىغا
.
ئەر ياخشىمۇ، ئايالمۇ،
ئويلاپ باقساق تەس ئەمەس،
خىيالىمنى يەكۈنلەپ،
مەن سىلەرگە دەپ بېرەي.

مۇھەببەتلىك ئائىلە.
ياخشىلىقنىڭ ئاساسى.
ياخشى كۆرگەن جۇپتىنى،
ياخشىلارنىڭ ياخشىسى.


ئەپۇچان بوپ ئۆز-ئارا،
كەچۈرۋەتسە  قايسىسى.
ھۆرمەتلەشكە ئېرىشىپ،
بولۇپ قالار ياخشىسى.

ياخشى كۆرمەس ئاياللار،
پىخسىق بولسا ئاشىقى،
قولى ئوچۇق مەرد بولسا،
بولۇپ قالار  ياخشىسى.

ئوڭۇشسىزلىققا ئۇچرىسا،
ئۆز مەشۇقى، ئاشىقى،
ياردىمىنى سۇنالسا،
بوپ قالىدۇ ياخشىسى.

كۈيۈنۈپ ئۆي-تالادا،
بىرگە بولسا ناشتىسى.
كۈلكە ئاتا قىلالسا،
بولۇپ قالار ياخشىسى.

بىشەم بولسا ئايالىڭ،
(ئىنىق بولسا قاشقىسى).
ئەڭ ياخشىسى ياتلاشقىن.
تېپىلىدۇ باشقىسى.

گۇلزار

سىرداش يوللىغان ۋاقتى  2013-1-3 22:39
قىزىق نوقتا بولۇپتۇ،
ياخشى ئەرلەر قەيەردە؟
بىرى جاۋاپ  ...

سىرداش ئەپەندى بۇ تېما سىزنىڭ ئىلھاملىرىڭىزنى ئۇرغۇتۇپ ناھايىتى ياخشى بىر شېئىرنى ۋۇجۇتقا چىقرىشىڭىزغا تۇرتكە بولۇپتۇ . رەھمەت سىزگە