يېڭى يىل ھارپىسىدىكى خىياللار

گۇلزار

       يېڭى يىل ھارپىسىدىكى خىياللار

    يېڭى يىل ھارپىسىدا  كاللامنى  نۇرغۇن خىياللار چىرمىۋالماقتا . بۇ خىياللارنىڭ ئاخىرىنى چىقارماق ماڭا بەكمۇ تەس كېلىۋاتماقتا .  مانا يەنە بىر  بىر قانچە سائەتتىن كېيىن ( شىنجاڭ ۋاقتىنى ئاساس قىلدىم چۈنكى مېنىڭ مۇنداق بالدۇرلا يېڭى يىلغا قەدەم باسقۇم يوق ) يېڭى يىلغا يەنە  2013- يىلغا قەدەم قويىمەن . شۇنىڭ بىلەن بىرگە بىر ياش چوڭىيىمەن يەنە كېلىپ يۈزلىرىمگە بىر  قورۇق قوشۇلىدۇ ،  ئۇلار بولسىلا بولدىغۇ، ئەڭ مۇھىمى 2012- يىلدىكى  مائرىپىمىزدا ، مىللىتمىزدا ھەل بولماي كېلىۋاتقان مەسىلىلەر بىلەن يۈز بېرىۋاتقان ئىشلار نى ئويلىسام  كۆڭلۈم يېرىم بولىدۇ  .  ھەر بىرىمىز بىر خىل مەخسەتكە يېتىمىز دەپ ئويلىساقمۇ،  ئەمما بىز ئۆزىمىز ئۈستىدە تەتقىق قىلىدىغانغا ۋاقىتمۇ ، سورۇنمۇ ، پۇرسەتمۇ چىقارمىدۇق، بەلكى بەرگەن ئاشقا شۇكرى قىلىپ  ، بالا بېقىشتەك تۈرلۈك - تۈمەن مەجبۇريەتلەرنى ئۆشنىمىزگە ئارتىپ ھەر خىل ، ھەر ياڭزا ئىدارىلەردە مەلۈم مەجبۇرىيەتلەرنى ئۈستىمىزگە ئارتىپ كېلىۋاتىمىز ، ئوخشىمىغان تەرەپلەردە بىزنىڭ ئۆتەيدىغان رولىمىزمۇ ئوخشاش ئەمەس ، شۇڭا بىز ئۆزىمىز ئۈستىدە ئۆيلىنىشقا ۋاقىت چىقىرالمىدۇق.  شۇڭا  بۇ ئىشلار ئۆز ئىزىدا قېلىۋەردى.  بۇنى زادى كىمدىن كۆرۈش كېرەك ؟ بۇنىڭغا زادى كىم جاۋاپكار بولۇش كېرەك ؟ بۇلارنى ئويلاپ-  ئويلاپ ئاخىرىنى چىقىرالمايۋاتىمەن ، ئويلاپ - ئويلاپ كاللام بەكمۇ چارچىماقتا . مانا 2013- يىلمۇ كىرىپ كەلمەكتە  شۇنداق يىللار  بىزگە ۋاقىت  بەرمەي ئۆز يولىدا مېڭىۋەرمەكتە .
  سەن ، مەن پۇتۇن دۇنيانى ئايلىنىپ چىقساقمۇ يەنىلا  ئەڭ ئاخىرى ئۆزىمىزگە قايتىمىز ، بۇنى تېخى بىزنىڭ بىر قىسىم ئادەملىرىمىز بىلمەيۋاتىدۇ ، ئۆزىنى تونۇپ يەتمەيۋاتىدۇ بۇ نىڭ  بىر ھەقىقەت  ئىكەنلىكىنى چۈشەنمەيۋتىدۇ .
بۇ ئىشلارئۆزىمىزنىڭ ئىدىيە - ھېسىيات  ۋە ھەركىتنى چۈشىنىش جەريانى تولىمۇ قىيىن  .
شۇڭا كاللامنى نۇرغۇن خىياللار چىرمىۋالدى !!!
قېرىنداشلارنىڭ 2013- يىلدىمۇ ئۇخلاپ ئۆتۈپ كەتمەسلىكىنى ئۈمۈد قىلىمەن . ئۆزىمىزنى تونايلى !!!

سىرداش

گۇلزار  خانىمنىڭ  بۇ تىمىسى  مىنى قاتتىق  ئويغا  سالدى.
مەن بۇ يىلدا   قانداق  ئەھمىيەتلىك ئىشلارنى قىلدىم؟  نىمىنى بايقاپ  نىمىنى  يۇقاتتىم؟   
گەرچە مىنىڭ  ئېرىشكەنلىرىم كۆپ  بولمىسىمۇ   يۇقاتقانلىرىم  ھەددى  ھىساپسىز بوپتۇ.  
توغرا   كەلگىنى كەلدى  كەتكىنى كەتتى، ئەمدىكى مەسىلە  بۇندىن كېيىن  يۇقۇتىدىغانلىرىمنى  كونتۇرۇل قىلىپ،   ئېرىشىدىغىنىمنى  كۈپەيتىش،    رەھمەت  خانىم   مۇشۇنداق  ئويلۇنۇش پۇرسىتى  يارىتىپ  بەرگىنىڭىزگە!

ئامان

مۇھىمى 2012- يىلدىكى  مائرىپىمىزدا ، مىللىتمىزدا ھەل بولماي كېلىۋاتقان مەسىلىلەر بىلەن يۈز بېرىۋاتقان ئىشلار نى ئويلىسام  كۆڭلۈم يېرىم بولىدۇ ..... بىز پۇتۇن دۇنيانى ئايلىنىپ چىقساقمۇ يەنىلا  ئەڭ ئاخىرى ئۆزىمىزگە قايتىمىز .....

شۇنداق گۈلزار خانقىز، بىز 2012-يىلنى ئۇزۇتۇپ قويۇش ئالدىدا تۇرۇۋاتىمىز، ئۇ ماڭگۈ قايتىلانمايدۇ. مىللى مائارىپىمىزنىڭ نۆۋەتتىكى ئەھۋالى بىزگە قانائەت تۇيغۇسى بېرەلمەيدۇ. بۇ بىر يىلدا يىلدا قىلالىغىنىمىزدىن، قىلالمىغىنىمىز كۆپ. شۇنداقتىمۇ روھىمىزنى چۈشۈرمەستىن، ئۈمۈتۋارلىق ئىچىدە 2013-يىلنى كۈتۈۋېلىشىمىز كېرەك. چۈنكى مىللى مائارىپنىڭ تەرەققىياتى نەچچە ئەۋلات كىشىلەرنىڭ تىرىشچانلىقىغا مۇختاج. سىز، مەن ۋە باشقىلارمۇ بۇنىڭ ئىچىدە.

گۇلزار

سىرداش يوللىغان ۋاقتى  2012-12-31 23:46
گۇلزار  خانىمنىڭ  بۇ تىمىسى  مىنى قاتتىق  ئويغا  سالدى.
م ...

رەھمەت سىزگە .
يېڭى يىل ھارپىسىدكى بۇ خىياللىرىم سىزگە ئوخشاش مۇنبەرداشلىرىمنى ئويلىنىشلارغا سالالىسا ، ئىشىنىمەنكى كەلگۈسىمىز پارلاق بولغۇسى .

سىرداش

گۇلزار يوللىغان ۋاقتى  2012-12-31 23:49
رەھمەت سىزگە .
يېڭى يىل ھارپىسىدكى بۇ خىياللىرىم سىز ...

بىرگە بولغاي

◤pari◥

ياخشىمۇ سىز دوستۇم ؟
بۇ تېمىڭىز مىنى 2012 يىلنى قايتا بىر قېتىم ئئەسلەتكۈزدى  .دۇرۇس بىز نۇرغۇن ئىشلىرىمىزنى قىلىپ تۈگىتەلمىدۇق نۇرغۇن نەرسىلىرىمىزدىن ئايرىلىپ قالدۇق . ھەمدە بۇ ئارقىلىق نۇرغۇن تەجىربە ساۋاقلارغىمۇ ئىگە بولدۇق ، شۇ ساۋاقلارنى يەكۇنلەپ ،كەلگۈسى ، 2013 - يىلنى قىزقىن كۈتىۋېلىپ كەتكۈزۈپ قويغانلىرىمىزنى تولۇقلىۋېلىشىمىز ،مىللى مائارىپىمىز ئۈچۈن بىرلىكتە ئىتتىپاقلىق ھەمكارلىقنى ئاساس قىلىپ زور تىرىشچەنلىق كۆرسىتىشكە تىرىشايلى ! ئىتتىپاقلىق كۈچ، ئىتتىپاقلىق غەلىبە !!!!!

سىرداش

گۇلزار يوللىغان ۋاقتى  2012-12-31 23:49
رەھمەت سىزگە .
يېڭى يىل ھارپىسىدكى بۇ خىياللىرىم سىز ...

بايقاشقا   باشقۇرغۇچىلارغا......   يېڭى يىللىق  گۈل دەستە  سۇناي دىسەم،   ئامال قىلالمىدىم،   قۇرۇق بولسىمۇ   يېڭى يىلىڭىزنى تەبرىكلەيمەن......................

ئارمان520

يىڭى يىلدىكى خىياللىرىڭىز بىزنىمۇ ئوخشاشلا ئويلىنىشقا مەجبۇر قىلدى،چۈنكى ھەركىم يېڭى يىل كېلىشى بىلەن كونا يىلدىكى ئىشلارنى يەنە بىر قىتىم ئەسلەپ چېقىدۇ،،مۇۋەققىپىيەت قازانغان بولسا ئۆزىدىن پەخىرلىنىدۇ،،مەغلۇپ بولغان بولسا تەجرىبە ساۋاقلارنى يەكۈنلەپ بۇ يېڭى يىلدائەمەلگە ئاشۇرۇش ئۈچۈن ئۆزلۈكسز تېرىشىدۇ،

tarhanbag

مېنىڭچە 2012-يىلىدىكى بولۇپ ئۆتكەن ئىشلارنىڭ ھەممىسى، يەنى، ئېرىشكەنلىرىم، يوقاتقانلىرىم ھەم چۇڭقۇر ئويلىنىشقا تىگىشلىك نۇرغۇن مەسىللەرنىڭ ھەممىسىنى مېنىڭ ئېرىشكەنلىرىم دەپ قارىساق بولىۋېرىدۇ.

mamatjan74

گۈلزار ، يازمىڭىزدىكى بىر سۆزگە تۈزىتىش بېرەي،ئاپتۇنۇم رايۇنىمىزدا «شىنجاڭ ۋاقتى» دەيدىغان ۋاقىت ئۇقۇمى مەۋجۇت ئەمەس ،بەلكى «ئۈرۈمچى ۋاقتى» مەۋجۇت،ئىچكىرى رايۇنلاردا « جۇڭگو ۋاقتى» ئەمەس ،بەلكى « بېيجىڭ ۋاقتى» قوللىنىلغىنىغا ئوخشاش .
ئاخىرىدا يېڭى يىلىڭىزنىڭ يېڭى مەنىلەرگە ئىگە بولۇشىنى تىلەيمەن .