دوستلارغا يىڭى يىللىق سوغا!مۇزدەك يۇمۇرلار!

ئالىم

        مۇنبەردىكى بارلىق دوستلارنىڭ يىڭى يىلىنى چىن دىلىمدىن تەبرىكلەيمەن! ييڭى يىلىڭلارغا مۇبارەك بولسۇن!
يۇمۇرلارنى سوغۇققانلىق بىلەن ئوقۇپ،ئويلىنىپ بېقىڭ!     
       بۇركۈت چۈجىسى ئانىسىغا دەپتۇ :
      - ئانا ، بىرەر يىگىدەك نەرسە تېپىپ كەلسەڭچۇ ؟ قورسۇقۇم بەكلا ئېچىپ كەتتى .
      بۇركۈت ئانسىى جاۋاب بېرىپ دەپتۇ :
      - جېنىم بالام ، ئىنسانلار مۇھىتنى بۇلغاپ جانلىقلارنىڭ نەسلىنى قۇرىتىۋېتەي دېدى ، ھەتتا ئۈسۈملۈكلەرمۇ قالمىغىلى تۇردى . مەنمۇ ئامال قىلالمىدىم ...

      بۇركۈت چۈجىسى :
      - ھېچبولمىغاندا بىرەر تال چاشقان بولسىمۇ مەيلى ئىدىغۇ ؟!
      بۈركۈت ئانسى :
      - بالام ، قارا ئاۋۇ تەرەپتە بىر ئوۋچى كېلىۋاتىدۇ . ئەگەر ئۇ ئوۋلايدىغان نەرسە تاپالماي ، ئاچلىقتىن ئۆلسە شۇنىڭ گۆشىنى يەرمىز ...


      چايان بالىسى ئانىسىدىن سوراپتۇ :
        - ئادەملەردىن قورقۇپ ئۇۋىمىزدىن چىقالمىغىنىمىزغا خېلى ئۇزۇن يىللار بوپقالدى. ئانا، قاچانمۇ ئۇۋىمىزدىن چىقىپ تاشقى دۇنيانى كۆرەرمىز ؟
       ئانا چايان جاۋاب بېرىپتۇ :
       - ئىلگىرى ئادەملەر «زەھەرلىك» دەپ بىزدىن قورقاتتى. بالام، مانا ئەمدى ئادەملەرنىڭ تىلى شىكەر، دىلى زەھەر ئامبىرىغا ئايلاندى. ھازىر بىز ئادەملەرنى چېقىۋالساقمۇ، ئۇنىڭدىكى زەھەر بىزنىڭكىدىن كۈچلۈك بولغاچقا، يەنىلا بىز ئۆلۈپ قالىمىز. شۇڭا ئۇۋىمىزدىن چىقمىغىنىمىز تۈزۈك .

       بىر چىۋىن ئىككىنچى چىۋىنگە دەپتۇ :
       - ئادەملەر بىزنى شەھەرلەردىن قوغلاپ چىقارغاندىن كېيىن قايتا بېرىپ باقمىدۇق. بۇرادەر، بۈگۈن ئىككىمىز بىر بېرىپ باقمايلىمۇ ؟
       ئىككىنچى چىۋىن جاۋاب بېرىپتۇ :
       - ئاڭلىسام، ئادەملەر بىزنى قوغلاپ چىقارغاندىن كېيىن ئۆزلىرى چىۋىنگە ئايلىنىپ رېستۇران، ئاشخانا، ماگىزىن، كوچا - كويلاردا مىژىلداپ يۈرگىدەك. بىز بارساقمۇ قونغىدەك جاي تاپالمىغۇدەكمىز، بۇرادەر .

       باچكا ئانا كەپتەردىن سوراپتۇ :
       - ئادەملەر نېمە ئۈچۈن بىزنى تىنىچلىق سىمۋولى قىلىپ تاللايدۇ ؟
       ئانا كەپتەر جاۋاب بېرىپتۇ :
       چۈنكى بىز ئۆزىمىزدىن كۈچلۈك بولغان لاچىن - قارچىغىلارغا يەم بولساقمۇ، ئۆزىمىزدىن ئاجىز بولغان قۇشقاچ - تورغايلارنى ئەسلا بوزەك قىلمايمىز .

       چۈجە مىكياندىن سوراپتۇ :
       - ئانا، بىزنىڭمۇ باشقا قۇشلارغا ئوخشاش قانىتىمىز تۇرۇقلۇق، نىمىشقا ئۇلاردەك ئۇچالمايمىز ؟
       مىكيان جاۋاب بېرىپتۇ :
       - بۇ، ئادەملەر كەلتۈرۈپ چىقارغا ئاقىۋەت، بالام. ئادەملەر ئاتا - بوۋىلىرىمىزنى تۇتىۋېلىپ، ئەسىرلەپ قەپەزگە سۇلاپ قويغاچقا، قاناتنىڭ كۈچى ئاجىزلاپ، ئاخىر ئۇچۇشقا ئەسقاتمايدىغان بۇپقالغان .

      قوزا ئانىسىدىن سوراپتۇ :
       - ئادەملەر ئەجەپ ئوبدان ئىكەن - ھە، ئانا! ئۇلار ئۆزلىرى جاپا تارتسىمۇ ئوت - چۆپ، يەم - بۇغۇزنى ئۆكسۈتمەي بىزنى باقىدىكەن .  
       ساغلىق جاۋاب بېرىپتۇ :
       - ئادەملەرنىڭ بىزنى بېقىشتىكى مەقسىتىنى كېيىن بىلىپ قالىسەن، نادان قوزام .
       - ئەمىسە نېمىشقا ھازىر دەپ بەرمەيسىز ؟
       - سېنى ئازابلاشنى خالىمايمەن. قۇربانلىق ئۈچۈن بېقىلىدىغانلىغىڭنى بىلىپ ياشىغىنىڭدىن كۆرە، بىلمەي ياشىساڭ، ئازابىڭ ئازراق بۇلىدۇ .

       تەخەي ئىشەكتىن سوراپتۇ :
       - ئادەملەر بىزنى ھەمىشە «دۆت ئىشەك» دەيدىكەن. بىز راستتىنلا دۆتمۇ ؟
       - دەل ئۇنىڭ ئەكسى، بالام. بىز پۇتىمىز بىر قېتىم سېپىلىپ كەتكەن كۆۋرۈكنى مەڭگۈ ئەستە تۇتۇپ، ئۇنىڭدىن ھەرگىز ئۆتمەيمىز. بىراق ئادەملەر قانلىق ساۋاقلارنىمۇ بىردەمدە ئۇنتۇپ، بىر خىل خاتالىقنى تەكرار - تەكرار سادىر قىلىدۇ. بۇ گەپلەرنى يەنە ئادەملەرگە دەپ يۈرمە. چۈنكى ئادەملەر ئۆز خاتالىقىنى ھەرگىز ئىتراپ قىلمايدۇ. مانا بۇ ئۇلارنىڭ تېخىمۇ دۆتلىكى .

       ياۋا غاز چۈجىسى ئانىسىدىن سوراپتۇ :
       - ھەر يىلى كۈزدە ئىسسىق جايلارغا بېرىپ، باھاردا يەنە قايتىپ قىينىلىپ يۈرگىچە، بىزمۇ ئادەملەردىن ئۆگىنىپ ئۆي سېلىپ، مۇدھىش قىشنى شۇ ئىسسىق ئۆيدە ئۆتكۈزسەك بولمامدۇ ؟
       - بىر بۇ خىل كۆچۈشنى دەل ئادەملەردىن ئۆگەنگەن. ئوخشىمايدىغان يېرى، بىز كۆچۈپ يۈرگەن بىلەن، مۇھىتقا بۇزغۇنچىلىق قىلمايمىز. بىراق، دىققەت قىلساڭ، ئادەملەرنىڭ شۇ تاپتا يەر شارىنىڭ بۇلۇڭ - پۇچقاقلىرىغىچە كۆچۈپ بېرىپ، بايلىقلارنى بۇلاڭ - تالاڭ قىلىپ تۈگىتىپ، مۇھىتنى بۇلغاپ بولغاندىن كېيىن، مانا ئەمدى يەر شارىنى تاشلاپ، مارىسقا كۆچۈشكە تەرەددۇق قىلىۋاتقانلىقىنى كۆرىسەن .

      
                                              مەنبە : شىنجاڭ مەدەنىيىتى

tarhanbag

مەزمۇنى ئىنتايىن ياخشى يۇمۇرلاركەن. رەھمەت سىزگە.

ئالىم

tarhanbag يوللىغان ۋاقتى  2012-12-31 20:14
مەزمۇنى ئىنتايىن ياخشى يۇمۇرلاركەن. رەھمەت سىزگە.

ئەرزىمەيدۇ!

◤pari◥

ئالىم ئەپەندىم ياخشىمۇ سىز؟
يوللىغان يۇمۇرلىرىڭىز ھەم قىزىقارلىق ھەم مەزمونى ئىنتايىن چوڭقۇركەن . ئىبرەتلىك يۇمۇرلاركەن رەھمەت سىزگە !

سىرداش

ياخشى  يۇمۇرلار ئىكەن.رەھمەت سىزگە.

ئالىم

◤pari◥ يوللىغان ۋاقتى  2012-12-31 20:45
ئالىم ئەپەندىم ياخشىمۇ سىز؟
يوللىغان يۇمۇرلىرىڭىز ھەم ...

ئەرزىمەيدۇ!

◤pari◥

مەن بۇ سورۇندىن مۇنداقلا ئۈتۈپ كەتسەم بولمايدۇ. مەنمۇ يۇمۇر يوللاي يېڭى يىللىق .
بىر ئايال ئەينەك ئالدىدا ئولتۇرۇپ  ئېرىگە : -ۋاي خۇدايىمەي ، كۆڭلۈم بەك يېرىم ، بولۋاتىدۇ .قارىمامسىز ھەم سەمرىپ ، ھەم ساتلىشىپ كېتىپتىمەن ،مېنى بىر ماختاپ خۇشال قىلۋېتىڭە =دەپتۇ .
-كۆرۈش قۇۋىتىڭ بەك ياخشى جۇمۇ سېنىڭ - دەپتۇ ئېرى .

ئالىم

سىرداش يوللىغان ۋاقتى  2012-12-31 20:46
ياخشى  يۇمۇرلار ئىكەن.رەھمەت سىزگە.

ئەرزىمەيدۇ!

ئالىم

◤pari◥ يوللىغان ۋاقتى  2012-12-31 20:51
مەن بۇ سورۇندىن مۇنداقلا ئۈتۈپ كەتسەم بولمايدۇ. مەنمۇ  ...

يارايسىز!

گۇلزار

ئالىم ئەپەندى ياخشىمۇسىز ؟
بۇ يۇمۇرلار ھەقىقەتە ن قىزىقارلىق ھەم چوڭقۇر مەنىلىك  ئىكەن  . ئوقۇغان ئادەمنى چوڭقۇر ئويلارغا سالىدىكەن ھەم كىشىلىك تۇرمۇشىمىز ئۈستىدە يەنە بىر قېتىم ئويلىنىشقا ئېلىپ بارىدىكەن .
رەھمەت