تەپەككۈر جەۋھەرلىرى

Ziba

تەپەككۈر جەۋھەرلىرى

   

1. يامان سۆز بىلەن بىر كىشىنىڭ نومۇسى ۋە شەرىپىگە داغ تەككۈزۈپ يۈزىنى چۈشۈرسە، بۇ ئىش ئۇنىڭ قېنىنى تۆككەندىنمۇ بەك ياماندۇر.
2. قەلەم ئەھلىنىڭ ئادىل-ئىنسابلىق بولغىنى ھەممىدىن ئەلا. نىيەت قانچە ياخسى بولسا، ھەر قانداق ئادەم كامالەتكە يېتەلەيدۇ.
3. قاچانكى بىزگە جاھالەت، نادانلىق، خۇراپاتلىق، ئىتتىپاقسىزلىق، ھەسەتخورلۇق، مەنمەنچىلىك، شەخسىىيەتچىلىك ئىللەتلىرى چاپلاشسا، بىز شۇ كۈندىن باشلاپ زاۋاللىققا، خار-زارلىققا قاراپ يۈزلىنىمىز.
4. سەن ھەر ۋاقىت ئۆز ئەقلىڭدىن مەسلىھەت سورا! چۈنكى ئۆز ئەقلىڭدىن باشقىسى ساڭا ئاقىل مەسلىھەت بېرىشى ناتايىن.
5. بىز بۇ دۇنيادا ياشايدىكەنمىز، ئۇششاق گەپ-سۆزلەردىن قورقۇپ، ئادەم يوق، ئېگىز تاغ چوققىلىرىغا چىقىۋالساقمۇ ھامان ئۇششاق گەپتىن، زىددىيەتتىن مەڭگۈ خالى بولالمايمىز.
6. ئالىيجاناب، مەرد، سەمىمىي ئادەمنىڭ گۈزەللىكى شۇ يەردە ئىپادىلىنىدۇكى: ئۇ باشقىلارنىڭ ئەيب-نوقسانلىرىنى ياپىدۇ، ھەم باشقىلارنىڭ ئىشىنى ئۆز ئىشىدەك كۆرىدۇ.
7. ئىچكى دۇنياسىنى ياخشى سۈپەت، گۈزەل خۇلق بىلەن زىننەتلىيەلمىگەن ئادەم، قانچىلىك ئېسىل كىيىملەرنى كىيىۋالغان بىلەنمۇ مەڭگۈ سالاپەتلىك بولالمايدۇ.
8. بىر قېتىم مەغلۇبىيەتكە ئۇچراش بىلەن، بىر ئادەمنىڭ مەرد، ئالىيجانابلىقى ۋە مەرتىۋىسى ھەرگىز تۆۋەنلەپ كەتمەيدۇ. بەلكى بىر قېتىملىق مەغلۇبىىيەت، كېيىنكى قېتىملىق غەلىبىنىڭ ئاچقۇچى بولۇشى مۇمكىن.
9. نۇرغۇن كىشىلەر ھەقىقەتتىن يىراق تۇرغاچقا، ئۇلار مەڭگۈ ھايات داۋانلىرىدىن ئاشالماي، مەڭگۈ ھەسرەت چىكىپ، بۇ دۇنيادىن ئۆتۈپ كېتىدۇ.
10. توغرا يولدا ماڭغان كىشىنىڭ يول يۈرۈشى ۋە سۈر-ھەيۋىسى شىر- يولۋاستىنمۇ بەك ھەيۋەتلىك بولىدۇ.
كەمتەر كىشى بىلىم ئىگىسىدۇر. بىلىمسىز كىشى ھەر ۋاقىت كەمتەرلىكتىن باش تارتىدۇ، بۇ دۇنيادا ئەزەلدىن كەمتەرلىك بىلەن بىر ئادەمنىڭ يۈزى چۈشۈپ كەتكەن ئەمەس. بەلكى يۈز-ئابروي، مەرتىۋىسى تېخىمۇ ئۆسكەن.
11.  ئاجىز دۈشمەنگە رەھىم قىلما، چۈنكى ئۇ قۇدرەت تاپسىلا يەنە سېنى قەستلەيدۇ.
12. دوستۇڭ بىلەن سۆزلەشسەڭ ئاستا سۆزلىگىن، قان ئىچەر دۈشمىنىڭ ئاڭلاپ قالمىسۇن.
13.   كىمكى كىچىك دۈشمەننى بەك تۆۋەن چاغلىسا، كىچىككىنە ئوتنى ئۆچۈرمەي، ئوت ھەممە يەرگە يامراپ كەتكەنگە ئوخشاش بىر ئىش.
14.   كۆپ چاغلاردا سۆزدە ياخشى-يامان ھەممىسى ئېيتىلىدۇ. بۇ چاغدا دۈشمەننىڭ كۆزى ياماندىن باشقىنى كۆرمەيدۇ، قۇلىقىمۇ ياماندىن باشقا سۆزنى ھەرگىز ئاڭلىمايدۇ.

(كىتابلاردىن توپلاپ تەييارلىغۇچى: باي ناھىيەلىك مەدەنىيەت-تەنتەربىيە-رادىيو-كىنو-تېلېۋىزىيە ئىدارىسىدىن ئامانگۈل تۇنىياز)  

مەنبە:مىسىرانىم مۇنبىرى

زەپەر

زىبا ئەپەندىم راستىنلا پايدىلىنىش قىممىتى يۇقىرىكەن . رەخمەت سىزگە

مەرىپەت

مەزمۇنى ياخشىكەن يارايسىز...

ئامان

ئىسىل دۇردانىلار ئىكەن، ساقلىۋالدىم. رەخمەت سىزگە.

زەپەر

مەزمۇنى ياخشىكەن