ياغلىقىڭنى ئارتىۋال سىڭلىم

سىرداش

ياغلىقىڭنى ئارتىۋال سىڭلىم

   
ئاپتۇرى: ئا. مۇھەممەت باغۋەن  
  
ياغلىقىڭنى ئارتىۋال سېڭلىم،   
كۆيدۈمىگىن ئەزىز تېنىڭنى.  
چاپلاشمىسۇن دىلغا رودىپاي،   
ئاتا - ئاناڭ قىلار غېمىڭنى.   
   
ياغلىقىڭنى ئارتىۋال سېڭلىم   
كۆيۈپ كەتمە  يامان كۆزلەردىن  
ئېتىقادىڭ بىرلە ياشىساڭ   
ساقلىنىسەن غەيۋەت سۆزلەردىن


ياغلىقىڭنى ئارتىۋال سېڭلىم  
تومۇرۇڭغا  غۇرۇر قان بېرەر.   
نوزۇكۇمدەك بولوپ ياشىساڭ ،     
ئاكا -ئىنىڭ مەغرۇر جان بېرەر.  
   
ياغلىقىڭنى ئارتىۋال سېڭلىم ،   
يات كوچىلار شۆلگەي چاچمىسۇن .

روھىڭ ئويغاق ئۇيغۇر قىزى بول،     
مىليۇن سۈلكەت سەندىن قاچمىسۇن .     
  
ياغلىقىڭنى ئارتىۋال سېڭلىم ،
پەخىرلەنسۇن سەندىن مەھەللەم .   
پەرھىزلەرگە ساداقەت كۆرسەت،   
ساقلىماقتا مەككە - مۇكەررەم   
  
ياغلىقىڭنى ئارتىۋال سېڭلىم     
قورۇنمىسۇن روھى مومامنىڭ.
كۆكلەتمىسەك يەنە يىلتىزنى         
يورۇقىدىن ئۈمۈد يوق شامنىڭ  
  
ياغلىقىڭنى ئارتىۋال سېڭلىم ،

ھالال بولسۇن ئۇلۇغ نىكايىڭ.  
بېھىش پۇراپ تۇرسۇن ھەر زامان ،     
كۆز يۇمغاندا باش قويغان جايىڭ.   
  
ياغلىقىڭنى ئارتىۋال سېڭلىم ،  
ئۇچىرمىغىن مەرەز كېسەلگە .   
ئېتىقادلار بولسۇن باراقسان ،  
مەغپىرەتلەر تىلەپ كۆڭۈلگە .
  
   
ياغلىقىڭنى ئارتىۋال سېڭلىم  
بېھىش سېنىڭ ئاستىڭدا تۇرسا  
ئىككىلىنىپ تۇرمىغىن ئەمدى ،
پۇرسەت كېتەر تاڭلار يورىسا.  
  
  
ياغلىقىڭنى ئارتىۋال  سېڭلىم ،         
سەن مىللەتنىڭ  بۈيۈك ئانىسى     
پەرزەنتىڭگە  يۈز كېلەلەمسەن ؟   
تاپشۇرۇقنىڭ قالسا چالىسى  
  
ياغلىقىڭنى ئارتىۋال سېڭلىم ،     
ياش تۆكمىسۇن ئەتە ئەنئەنەڭ.      
باش ئەگمىسە قىزلىق غۇرۇرۇڭ      
ئەۋلاتلارغا قالمايدۇ  تەنەڭ  
`  
ياغلىقىڭنى ئارتىۋال سېڭلىم ،  
چاپلاشمىسۇن شەيتان ھېيلىسى.  
غەرق بولماي يەتسۇن مەنزىلگە ،   
مىللىتىڭنىڭ ۋىجدان كېمىسى !!