تالاشمايمەنش

◤pari◥

تالاشمايمەن

ۋىجىكمەن بارچىدىن،مەيلى ئىگىزدىن بوي تالاشمايمەن،
قۇرۇق ئابرويغا بەك ئۆچمەن ، پەقەت ئەبروي تالاشمايمەن.

چىرايى ئۇزنىمۇ كۆردۈم، خۇيىدا بار تالاي نۇقسان،
كۆرۈمسىز بولسىمۇ چېھرىم، ئۇز رەڭگىروي تالاشمايمەن.

كۆرەڭلەپ باقمىغاچ ھېچبىر، يۈرىمەن سەسكىنىپ كۈندە،
تالاشقانغا تېڭى بار دەپ،ھەشەمەت توي تالاشمايمەن.

ئەخىرنىڭ ئالىمى دەركەن ،پېقىرمۇ دەل ئاڭا قايىل،
ئەجىردىن كەلمىسە ھەرگىز، دادامدىن قوي تالاشمايمەن.

بېسىپ غەم بەلكى يەلكەمدىن ۋىجىك قىلغاندۇ تۇرقۇمنى ،
ۋەتەن -ئەل بار خىيالىمدا،بۆلەكچە ئوي تالاشمايمەن.

مەنبە :شىنجاڭ  مائارىپى

زەپەر

پەرى قانداق مەنبەسىنى ئىنىق ئەسكەرتىپ قويماپسىزغۇ ؟

◤pari◥

زەپەر يوللىغان ۋاقتى  2012-11-21 21:34
پەرى قانداق مەنبەسىنى ئىنىق ئەسكەرتىپ قويماپسىزغۇ ؟

ئەگەر كەلسە ساڭا ئامەت ، مەن قالسام پىغانلاردا ،
بېرىپ ساڭا ئامانلىق ، مەن كۈلكە تالاشمايمەن .

ئېگىلگەنگە ئېگىلىمەن ، بېشىم يەرگە يەتكۈچە،
دوستلۇقنى قەدىرلەيمەن ، يۇز ئابروي تالاشمايمەن .

asrar

«تالاشمايمەن »شېئىرى  خىلى ئوبدانلا يېزىلىپتۇ.  مۇئەللىپنىڭ ئىجادىيىتى، قەلەم قۇۋۋىتى تېخىمۇ يۈكسەلگەي .

دىلكەش

بېسىپ غەم بەلكى يەلكەمدىن ۋىجىك قىلغاندۇ تۇرقۇمنى ،
ۋەتەن -ئەل بار خىيالىمدا،بۆلەكچە ئوي تالاشمايمەن.

بۇ مىسرالارنى بەك ياقتۇردۇم .ئۆزىڭىز يازغانمۇ ؟بەك ياخشى يېزىپسىز .

ئوتلۇق

چوڭ قىلىپ ئوقۇتقۇچىلارنىڭ مەجلىس ئاچىدىغان يىغىن زالىغا ئېسىپ قۇيىدىغان شىئىركەن بۇ .

ئامان

ناھايىتى ياخشى شېئىر ئىكەن، ساقلىۋالدىم. بىزەك رەسىملىرىڭىز بەك يارىشىپتۇ خانقىز.

ئالىم

تىمىڭزغا رەھمەت!ھەقىقەتەن ياخشى شىئېر ئىكەن!

tarhanbag

ياخشى شىئېر يوللاپسىز. ئابرويپەرەسلىك ئىللىتىنى خېلى جايىدا قامچىلاپتۇ