كەتكۈڭ كەلمەس كەلسەڭ خۇتەنگە....

سىرداش

كەتكۈڭ كەلمەس كەلسەڭ  خۇتەنگە....

كۈرۈپ ئاڭا تويۇپ قانمايسەن،
كەتكۈڭ كەلمەس كەلسەڭ  خۇتەنگە.،
يۈز ئەسىرنى بېسىپ ئۆتكەن ئۇ،
ياڭاق شاھى  بىزنىڭ خۇتەندە.


نىيە شەھرى قەدىمى ماكان،
تارىخ چاقنار ئۇنىڭ تىگىدە.
كېرىيەنىڭ كىشمىش  ئۈزىمى،
داۋا بولۇر  ‹‹ئاجىز›› ئادەمگە.


چېرىيەنىڭ يەرلىك ئانىرى،
ئېشىپ- تېشىپ بارارچەتئەلگە'
لوپ ئۈرىكى خۇددى بال-ھەسەل،
ھوزۇرلۇقتۇر ئادەم تېنىگە،


ھىس ئويغۇتار خۇتەن ياڭىقى،
ھەمدە  قاشتاش دەريا تېگىدە.
رەڭدار  ھېقىق ،مەرۋايىت ئۈزى،
پىيالمىنىڭ ئانارى  لەۋدە،


قارىقاشنىڭ دەريا بويلىرى،
قايناپ كىتەر ھەممە پەسىلدە
قارا قاشتاش  ماكانى بۇ،
پارقىرار ئۇ  سۇنىڭ تېگىدە.


قوشتاغ باغرى گۇما دىيارى،
‹‹چۇلاق ساي›› نىڭ قۇمى ئۈستىدە
سوۋغا قىلغان يەركەن خانلىقى،
مەڭگۈ ئۆچمەس،سىرلىق ئابىدە.



كەتكۈڭ كەلمەس كەلسەڭ خۇتەنگە،
زەپ مىھماندوست بۇندا ساھىپخان،
مىۋە-چىۋە، گۆش-كاۋاپلار،
داستىرخاندا تەييار ھەر قاچان،


تەكلىپىم شۇ بىر كىلىپ كېتىڭ،
بايقاشتىكى ئەزىز-مىھرىبان..
قۇرۇق قوللا كەلسىڭىزئەگەر،
باشلىمايدۇ تۆرگە ساھىپخان،


ھەممە يۇرتنىڭ گۈزەللىكى بار،
ھېچكىم ئاتىماس يۇرتىنى -سەرسان،
قېتىڭلا دوستلار قۇشاق -كۈيلەرگە،
يۇرتۇڭلار بولسۇن تېخىمۇ بوستان.

2012-يىلى 11-ئاينىڭ 10 كۈنى،     ئۆز قەلىمىم.



سەمىمى  تەكلىپ:   مۇنبەرداشلارنىڭ  ئۆز يۇرتىنى كۈيلەپ   ،ئىنكاس قالدۇرۇشىنى  (  شىر شەكلىدە  بولمىسا  باشقا ژانىردا )   ئۈمۈت قىلىمەن.  ئۆز يۇرتىنى   ياخشى  كۆرمەيدىغان، پەخىرلەنمەيدىغان ئىنسان  يوق دەپ قارايمەن.   رەھمەت.

tursunjan

ئالىمى ئەرىشكە تەڭداش مىسلى جەننەت ھۆر خوتەن،
ئادىمى خىزىر  بەئەينى ئەل تۆرىدە كۆر ، خوتەن.
سۈيىدىن يۈرەك ياشىرار، توپىسى نىمجانغا ئەم،
باغلىرىدا جىمى نىممەت، تاغلىرى زەردۇر خوتەن.

سىرداش

tursunjan يوللىغان ۋاقتى  2012-11-10 19:44
ئالىمى ئەرىشكە تەڭداش مىسلى جەننەت ھۆر خوتەن،
ئادىمى  ...

رەھمەت سىزگە.

Ziba

يارايسىز بۇرادەر،قەلىمىىڭىزگە بەركەت بەرسۇن!

Ziba

شېئىرىڭىزنى ئوقۇپ بەكمۇ سۆيۈندۈم،پۇرسەت يار بېرىپ قالسا خوتەنگە بېرىپ سىزنى ئىزدەيمەن،سىرداش ئەپەندىم.

سىرداش

Ziba يوللىغان ۋاقتى  2012-11-10 20:16
شېئىرىڭىزنى ئوقۇپ بەكمۇ سۆيۈندۈم،پۇرسەت يار بېرىپ قال ...

قولۇم كۆكسۈمدە.....

سىرداش

Ziba يوللىغان ۋاقتى  2012-11-10 20:16
شېئىرىڭىزنى ئوقۇپ بەكمۇ سۆيۈندۈم،پۇرسەت يار بېرىپ قال ...

دەريالىرىمىز  ئىلى د ەريا ۋادىسىغا يەتمىسىمۇ  ، ئۆزگىچىلىكى بار.

ۋېنرا

شۇنداق  ياخشى تەرىپلەپسىز  ،يازدا  بىر قېتىم بارغان ۋاقىت قىسقا بۇلۇپ قېلىپ تەپسىلى  كۇرۇش پۇرسىتى  بولمىدى ،يەنە بىر قېتىم بېرىپ كۇرۇپ كىلىش ئۇيۇم بار . خۆتەننىڭ چوققا  كۆمگەن تۇخۇمى ئۆزگىچە ئىكەن ،شۇنداق ياقتۇرغان ئىدىم .باشقا يۇرتلاردا  پەقەت تاپقىلى بولمايدۇ .

سىرداش

ۋېنرا يوللىغان ۋاقتى  2012-11-10 20:40
شۇنداق  ياخشى تەرىپلەپسىز  ،يازدا  بىر قېتىم بارغان ۋاق ...

چوققا  يەرلىك تۇخۇملارنى ،   كۈمەچلەرنى  كۆمۈپ پىشۇرسا  ناھايىتى  يىيىشلىك

گۇلاخما كۈمەچلىرى،    پاششىيىم كۆۈمەچلىرى  دىگەن   داڭلىق  كۆۈمەچ   ناملىرى بار.

ۋېنرا

سىرداش يوللىغان ۋاقتى  2012-11-10 21:24
چوققا  يەرلىك تۇخۇملارنى ،   كۈمەچلەرنى  كۆمۈپ پىشۇرسا ...

مۇنداق دەڭ  ،ھەر يۇرتنڭ ئالاھىدىلىگى ئۆزگۇچە بۇلىدۇ _ دە ،شۇ تاپتا      ئاغزىمغا  سېرىق سۇ كىلىپ كەتتى جۇمۇ  مىنىڭ