شاھمات ئويۇنى(شېئىر)
ئاپتۇرى:مۇھەممەد رەھىم
قارا پەرزىن چىقتى ئالغا شاھىدىن رۇخسەت ئېلىپ،
بىر قاراپلا يان تەرەپتىن «شاھ!» دېدى تەھدىت سېلىپ.
بىر بېسىپ ئاق پېشكا شۇئان«شاھ»قا بەرگەندە جاۋاپ،
«شاھ!» دېدى پەرزىن يەنە تەكرار ھۇجۇمغا ئالدىراپ.
قوغدىدى ئاق پىل چىقىپ قالغان بولۇپ شاھ ئالدىنى،
شۇندا پەرزىن توپنى كۆزلەپ ئاچتى ئالدام خالتىنى.
«گەردى!» دەپ دەپ چۈشكەندە ئاق ئات، قارىدى ئەتراپىغا،
تاپتى بىر پىنھاننى ئۇ، دەرھال چېكىندى ئارقىغا.
يەنە بىر ئاق ئات كېلىپ«گەردى! دېدى ھەم «شاھ!» دېدى،
شاھ قۇتۇلدى بىر بېسىپ، پەرزىن يىقىلدى- ئاھ دېدى.
پېشكىلار نىقتاپ بۇلۇڭغا «شاھ!» دېيىشتى قاتمۇ قات،
توختىماي قىلغان ھۇجۇمدىن قىستىلىپ شاھ بولدى مات.
بۇ ھاياتلىق ئالىمى گوياكى شاھمات تاختىسى،
زىددىيەتلەر جان تىكىپ ئوينايدىغان جەڭ سەھنىسى.
1975-يىل ئاپرېل،ئۈرۈمچى
مەنبە:شىنجاڭ خەق نەشرىياتى تەرىپىدىن نەشىر قىلىنىغان ئۇيغۇر ھازىرقى زامان ئاتاقلىق شائىرلىرىنىڭ شېئىرلىرىدىن نەمۇنىلەر
مۇھەممەد رەھىمنىڭ «جان تەسەددۇق» دېگەن شېئىرلار توپلىمىدىن ئېلىندى. | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-11-9 16:42:45
يوللىغان ۋاقتى 2012-11-10 17:41:17
