ۋاي تەخسىكەش

tursunjan

تامچە سۇنى دېڭىز دەپ ، كۆپتۈرۋەتكەن تەخسىكەش ،
لاي - لاتقىدا ئەجىرنى ، چۆكتۈرۋەتكەن تەخسىكەش ،
ئېغىز تەگسەم تائامغا ، تۆكتۈرۋەتكەن تەخسىكەش ،
شۇنداق ئىسىل دوسلارنى ، كۆچتۈرۋەتكەن تەخسىكەش ،
ياخشى قىلىپ ياماننى ،ئۆستۈرۋەتكەن تەخسىكەش .

چاقچاق بولسا سورۇندا، خۇشال يايراپ كۈلەلمەي ،
قۇسۇر تېپىپ يوق ئىشتىن ،ئامال ئىزدەپ سۈكەلمەي ،
تىكەن بولۇپ ئېتىزغا ، گىياھ بولۇپ ئۈنەلمەي ،
ھەقىقەت ھەم ۋىجداننىڭ ، يوللىرىدا تۈنەلمەي ،
ئۆز قولىدا ئۆزىنى ، ئۆلتۈرۋەتكەن تەخسىكەش .

مەنپەت ئۈچۈن ئىت بۇلۇپ ،سۆڭەك ئىزدەپ ھارمىدىڭ ،
چېقىپ ئاۋام پۇقرانى ، تالاپ كەتتىڭ قانمىدىڭ ،
ھارام مەنسەپ تاج ئۈچۈن ،رەزىللىكتىن يانمىدىڭ ،
خۇلقۇڭ تۇرۇپ ھايۋاندەك ، ئادەملەردىن چانمىدىڭ ...........،
پۇلى ئاز دەپ يانچۇقنى ، سۆكتۈرۋەتكەن تەخسىكەش .


كۆپتۈرۋەتتىڭ يۇقىرغا ،« قىلدەك ئىشنى قىلىپ پىل » ،
ھالالنىمۇ ھارام دەپ ، گەپ تاپىدۇ، سەندە تىل ،
غەيۋەت ئۈچۈن قەدەمدە ، قۇلاقلىرىڭ بەكمۇ زىل ،
كۆكتە تۇرسا تولۇنئاي ، دىدىڭ نۇرسىز بەكمۇ كىر ،
سۇغا تەشنا مايسىنى ، قۇرتىۋەتكەن تەخسىكەش .

گۈلگە تېكەن بولۇشقا ، تۈزۈپ كەتتىڭ سەن پىلان ،
ئارغامچىدىن ئۆركۈپسەن ، چاقتى دىدىڭ ، ئۇ يېلان ،
مەنپەت چىقسا ئۇرۇقتىن ، سىمىز دىدىڭ ،ئۇ قىران ،
قۇياش كۈلۈپ پارلىسا ،جۇدۇن دىدىڭ ، ئۇ تۇمان ،
ھەقىقەتنى – ناھەققە ، چۆكتۈرۋەتكەن تەخسىكەش .

قۇرۇق سۆلەت سەندىكى ، قۇرۇق شۇئار توۋلايسەن ،
خائىن بولۇپ ياخشىنى ، قاپقان قۇرۇپ ئوۋلايسەن ،
شەرەپ قۇچسا بىراۋلار ، غەيۋەت- ئورا كولايسەن ،
ئەل قەلبىدىن يىراقلاپ ، شەيتان يولىنى بويلايسەن ،
ئاۋام سەندىن بەك بىزار .ۋاي -ۋاي رەزىل تەخسىكەش.

خوراز

بەزى  تەخسىكەش  ئادەملەرنى تازا قامچىلاپسىز   ياخشى   

◤pari◥

بەزى  تەخسىكەش  ئادەملەرنى تازا قامچىلاپسىز   ياخشى   

ئەلخۇش

ئاۋام سەندىن بەك بىزار .ۋاي -ۋاي رەزىل تەخسىكەش.


ماڭا    ياقتى    خوب بولدى  تەخسىكەشلە   ئۇندا تەخسىكەشلە جىق   دىمىسىمۇ   tursunjan   ئەپەندىم   ياخشى  قىپسىز  جۇمۇ   

يۈسەن

تىلى ناھايىتى راۋان يېزىلغان شىئىر ئىكەن ...مەن ئۇقۇپ بەكلا ھاياجانلاندىم....قەلىمىڭىزگە بەرىكەت تىلەيمەن...

زەپەر

تۇرسۇنجان ئەپەندىم بەك ياخشى شىئېركەن . جەمىيەتتىكى تەخشىكەش بىر قىسىم ئادەملەرنى ياخشى قامچىلاپسىز . مەنبەسىنى ئىنق ئەسكەرتىپ قۇيۇڭ . نادىر يازمىللىرىڭىز ئۈزۈلمىگەي

سىرداش

بەك ياخىشى  يىزىپسىز قولىڭىزغا دەت بەرمىسۇن !

清澈(维)

تەخسىكە شنىڭ  تەخسىسىنى تۇرسۇنجان چېقىۋېتىپتۇ،ياشاڭ تۇرسۇنجان!

نونى

بۇ شېئىرنى ئۆزىڭىز يازدىڭىزمۇ ؟ خېلى يېتىشىپ قاپسىز ، بۇرادەر!

alimjan

ئەجەپ ياخشى يېزىپسىز بارىكاللا .تەخسىكەشلىك قىلغانلارمۇ مۇنۇ شىئېرىڭىزنى ئوقىغان بولسا تۈزەلگەن بۇلاتتى .ئەپسۇس!!!!!!!!!!!كۈنلەر بىركۈنى بۇرنىغا يىگەندە تۈزۈلەر.