ئۆپكە-ھېسىپ دىگەننى مۇنداق قۇيۇدۇ......

سىرداش

بۈگۈن بىكار بولۇپ تورغا كىرسەم، سىرلىق مۇنبىرىدە بىر مۇنبەردىشىم،ئۆپكە-ھېسىپ قۇيۇشتىن ياردەم سوراپتۇ،شۇنىغا يازغان جاۋابىمنى بۇ يەرگىمۇ يوللاپ قويدۇم،كامنى تولۇقلاپ، تەڭ پايدىلىنارمىز!



مەن بۇ يىللىق قۇربانلىق قوينىڭ ئىچ-باغرىنى قوشنامغا بەردىم،شۇنداق بولسىمۇ قۇيۇش خىيالى بارلاردىن ياردىمىمنى ھەرگىز ئايىمايمەن.

ئۆپكە-ھېسىپ بەلكىم بىز ئۇيغۇرلارنىڭ ئەڭ ئېسىل تائاملىرىدىن بىرسى بولسا كېرەك،چۈنكى مەن مۇشۇ يېشىمغىچە بىزدىن باشقىلارنىڭ بۇ تائامنى بۇنچە ۋايىغا يەتكۈزۈپ تەييارلىغىنىنى كۆرۈپ باقمىدىم.

ئۆپكە قۇيۇش ئۈچۈن ئالدى بىلەن ئۈچەي قېرىن بەك پاكىز تازلىنىشى كېرەك!
ئۆپكە قايتا-قايتا قانسىرتىلىپ،ئاپپاق بوپ كەتسۈن،ئاندىن ئۇزاق تۇرغۇزۇلۇپ سۇيى ساقىسۇن،شۇنداق قىلغاندا قۇيۇلغان ئۆپكە، تەييارلانغان ئۆپكە سۈيىنى تولۇق قۇبۇل قىلىپ،بەك ئوخشايدۇ.
ۋاقىت يار بەرسە ئۆپكىنى بۈگۈن قانسىرتىپ ئەتە قۇيۇش كېرەك!
ئاندىن ئۈچەينى تازلاش:
ئاۋال ئۈچەينىڭ ئىچىدىكى ماياقلارنى پاكىز چىقىرىۋىتىش كېرەك،ئىسسق ۋاقتىدا چىقىرۋالساق تەس كەلمەيدۇ،چىقىرىپ بولغاندىن كېيىن،تازا ئەپلەپ تۇرۇپ نەق ئوتتۇردىن ئىككى پارچە قىلىۋالساق،قۇيماق ئاسان بولىدۇ،ماياقنى چىقىرىۋالغاندىن كېيىن،ئىككى- ئۈچ نۆۋەتسۇ ماڭدۇرۋىلىپ،ئۈچەينى تەتۈر ئۆرىمىز.بۇنداق قىلغاندا ئۈچەينىڭ ئىچىدىكى ئاچچىق سۈيىنى پاكىز تازلىۋالغىلى بولىدۇ،تەتۈر ئۆرۈلگەن ئۈچەينى قايتا-قايتا چايقاپ، ئاندىن بىر قوشۇق تۈزدا شاكاراپ قىلىپ چىلاپ قويساق دېزىنفىكسىيەلەش مەقسىدىگە يەتكىلى بولىدۇ.

قېرىن: ئەڭ مەينەت، لېكىن ئەڭ يىيىشلىك يېرى دەل مۇشۇ شۇ،بىراق تازلىماق شۇنداق تەس،قېرىننىڭ تىرپىسىنى چىقىرىش،بەك قول تۇتىدىغان ئىش، بىراق ئېپىنى بىلسە بۇمۇ تەس ئەمەس،مەن ئادەتتە قېرىننىڭ ئىچىنى ئادالاپ بولغاندىن كېيىن،قازاندا قايناۋاتقان سۇغا بىر چۆكۈرۈپلا ئالىمەن،شۇنداق قىلغاندا تىرپىلىماق ئاسان بولىدۇ.يىمىرلىپ يىمىرلىپ ئۆزى چىقىدۇ،ئالدىمىزدا جۇغۇرۇپ جۈرۈپ.
تازلىق ئىشلىرى پۈتكەندىن كېيىن،ئىككى ياكى ئۈچ پىيالە ئۇندا خېمىر يۇغۇرىمىز،تۈزىنى شۇنداقلا تېتىتساق بولغىنى، بەك تېتىپ كەتسە خېمىر كىرىشىۋىلىپ سۈيىنى چىقارماق تەس بولىدۇ،خېمىر سۈيىنى چىقىرىشتا ئامال بار قىززىقىراق سۈئىشلەتسە ياخشى.
خېمىر سۈيى تەييار بولغىنى، ئىشنىڭ يېرىمى تۈگىگىنى، خېمىر سۈيى تەييار بولغاندا، شۇ سۇغا تۇزىنى تەڭشەيمىز.
ئانىلىرىمىز كىچىك بالىلارنى ،كۆزىدە مېڭى بارلارنى ،ئۆپكە قۇيىۋاتقان يەرگە كىرگۈزمەيدۇ،سەۋەبى: ئۆپكىگە كۆز چىقىپ قېلىپ،قۇيماق تەس بولارمىش.
ئۆپكە خېمىر سۈيىنىڭ يېرىمىنى ئىچىپ بولغاندا بىردەم تىندۇرۇش كېرەك،شۇنداق قىلغاندا ئۆپكىنىڭ سېرىق سۈيى قاچىدۇ،ھە راس ئۆپكە ئاغزى بەك مۇھىم،ھازىر بازاردا تەييار ئۆپكە ئاغزى بار، تاپالىساڭلار شۇنى ئىشلىتىڭلار!
بولمىسا قېرىننى ئۆپكە كانىيىغا يۆمەپ تىكمەكتىن باشقا ئامال يوق!
ئۆپكە تىنىۋالغاندىن كېيىن،بىر ئارا چىنا پىششىق ماي،ئىككى دانە تۇخۇم قۇيىۋەتسە،پەچچەت بوپ كېتىدۇ،شۇلارنى ئۆپكە ئىچىپ بولغاندىن كېيىن،داۋاملىق ئۆپكە سۈيى ماڭدۇرىمىز.
ئۆپكە سۈيى ماڭدۈرغاندا،ئۆپكە سۈيى قۇيۇلغان چىلەكنى بىكار تۇرماي قوچۇپ تۇرۇش كېرەك،بولمىسا كىراخماك ئاستىغا تىنىۋالىدۇ.

شۇنداق قىلىپ ئۆپكە قۈيۈلۈپ بولدى،ئۇنى قازانغا تىقاۋىرىڭلار! بىر قاينىۋالغاندىن كېيىن،سۇس ئوتتا قاينىتىش كېرەك،قاينىتىش جەريانىدا بىر-ئىككى قېتىم ئۆرۈپ قويمىساق،تەكتى تۇتىۋالسا ئىش چاتاق.

ئەمدى ئۈچەي:
ئۈچەينى تازلاپ بولدۈق،بىر يېرىم چوڭ چىنا گۈرۈچ، 25 كېلوگىرام گۆش چىققان قوينىڭ ئۈچىيىگە يېتىدۇ، ئاندىن جىگەر، قۇيرۇق، تاللارنى قىيما قىلىمىز،  كۆك مۇچ بىر تال،قىزىل مۇچ بىر تال،شوخلا ئىككى تال،بىر باش پىياز ، ئىككى باش قىزىل سېرىق سەۋزە OK! قىيما قىلىمىز!
ئاندىن ئىلمان سۈ قۇيىمىز،سۈ بىلەن خۇرۇچلارنىڭ نىسبىتى،جاۋۇرغا قۇيۇلۇپ بولغاندىن كېيىن،كۆرسەتكۈچ بارمىقىمىزنىڭ چىلىساق تولۇق چىلاشسا بولغىنى ،ئاندىن تۇزىنى تەڭشەيمىز،زىرە بىلەن قارمۇچنى جىق سالىمىز،تېتىپ ئېشىپ تۇرسا بەك تەملىك بولىدۇ.
پىنە ياكى يۇمغاقسۈت قوشىۋەتسەك تېخىمۇ تەملىك بولىدۇ.
ئاندىن كاۋاپ زىقىدىن بىرنى ئىلىپ.ئۇنى ئېلپىس شەكىلدە ئېگىپ كەرگۈچ ياسايمىز، ئۈچەينىڭ ئىنچىكە يېرىنى يىپتا بۇغساقمۇ،ئۆزىنى چىگىپ قويساقمۇ بولىدۇ،يۇغان يېرىگە كەرگۈچنى كەپلەپ، ئۈچەينىڭ بېشىنى ئازراق تەتۈر ئۆرىمىز،شۇنىڭ بىلەن قىيمىنى قيماق ئاسان بولىدۇ.

ئۈچۈي 40 مىنۇت، ئۆپكە 30 مىنۇت قاينىسا پىشىدۇ.

Ziba

تاماق ئېتىشتا بەلگىلىك تىخنىكا بولمىسا بولمايدۇ،ئەلۋەتتە!بۇ بىلمىلەرنى ساقلاپ قويۇپلا قالماي،بەلكى ئۇنى ئەمەلىيەتتىن ئۆتكۈزۈپ،ئۆز ئەجرىمىز بىلەن ئوخشاشىغان‹‹ئۆپكە-ھېسىپ››نى ئېتىپ ھەقىقىي يەرلىك ئۆي تائاملىرىمىزنىڭ مەدىنىيتىنى ئۆز پەرزەنىتلىرىمىزگە ھېس قىلدۇرىشىمىز لازىمدۇر.

نونى

ئەتە ئۆپكە -ھېسىپ قۇيماقچىدۇق، تازا  بەلەن ۋاقىتتا ئەسقاتىدىغان بولدى-دە !

سىرداش

نونى يوللىغان ۋاقتى  2012-10-29 18:57
ئەتە ئۆپكە -ھېسىپ قۇيماقچىدۇق، تازا  بەلەن ۋاقىتتا ئەس ...

سىاپ باقتىڭىزمۇ؟

زەپەر

شۇ ئۆپكە قۇيدىغان ئاياللار بىلىشى زۈرۈل بولغان مۇھىم مەزمۇنكەن . رەخمەت سىزگە

زەپەر

شۇ ئۆپكە قۇيدىغان ئاياللار بىلىشى زۈرۈل بولغان مۇھىم مەزمۇنكەن . رەخمەت سىزگە

tursunjan

سىرداش   ئاشپەز لىكتىنمۇ   خەۋرىڭىز  باركەندە   

باتۇق

ئەجدادىمىزنىڭ ئەقىلىقلىقىنىڭ نامايەندىسدە بۇ.

سىرداش

tursunjan يوللىغان ۋاقتى  2012-10-31 15:40
سىرداش   ئاشپەز لىكتىنمۇ   خەۋرىڭىز  باركەندە

پىنسىيىگە   چىققاندا   ئۆپكە-ھېسىپ   ساتايمىكىن  دەيمەن.

tursunjan

سىرداش يوللىغان ۋاقتى  2012-10-31 16:34
پىنسىيىگە   چىققاندا   ئۆپكە-ھېسىپ   ساتايمىكىن  دەيمەن ...

ياخشى   ئويلاپسىز  جۇمۇ     مھمان   قىلىشنى   ئۇنتۇپ قالسىڭىز  بولمايدۇ