تۈركىيەدە ئولىمپىك شاھمات مۇسابىقىسى ئۆتكۈزۈلدى

Ziba

تۈركىيەدە ئولىمپىك شاھمات مۇسابىقىسى ئۆتكۈزۈلدى

خەلقئارا شاھماتچىلار بىرلەشمىسىنىڭ 40-نۆۋەتلىك  ئولىمپىك  شاھمات مۇسابىقىسى 2012-يىلى 8-ئاينىڭ 27-كۈنىدىن 9-ئاينىڭ 10-كۈنىگىچە تۇركىيەنىڭ ئىستانبول شەھرىدە ئۆتكۈزۈلدى. كىرامىنىك، توپالوۋ، ئارونىيان، كارياكىن، ئىۋانچۇك، گىرىسچوك  قاتارلىق داڭدار ماھىرلارنى ئۆز ئىچىگە ئالغان 160 دۆلەت ۋە رايۇنلاردىن  كەلگەن شاھمات ماھىرلىرى ئەرلەر ۋە ئاياللار كوماندىسى بويىچە مۇسابىقىغا قاتناشتى. ئەرلەر كوماندىسىدا 5نەپەر، ئاياللار كوماندىسىدا 4 نەپەر ماھىر  كوللىكتىپ مۇسابىقە تۈزۈمى بويىچە، شىۋىتسارىيە قائىدىسىگە ئاساسەن 11 ئايلانما مۇسابىقە ئوينىدى. نەتىجىدە، ئەرلەر كوماندىسىدا ئارونىيان باشچىلىقىدىكى  ئەرمىنىيە كوماندىسى كىچىك نۇمۇردىكى ئۈستۈنلۈكى بىلەن دۇنيادىكى داڭدار ماھىرلار توپلانغان روسىيە كوماندىسىنى يېڭىپ 1-لىككە ئېرىشتى. روسىيە كوماندىسى 2-لىككە، ئوكرائىنا كوماندىسى 3-لىككە، جۇڭگۇ كوماندىسى 4-لىككە ئېرىشتى. بۇ نۆۋەتلىك مۇسابىقىنىڭ ساھىپخانى بولغان تۈركىيە كوماندىسى 42-لىككە ئېرىشتى. ئاياللار كوماندىسىدا روسىيە كوماندىسى 1-لىككە، جۇڭگۇ كوماندىسى 2-لىككە، ئوكرائىنا كوماندىسى 3-لىككە، ھىندىستان كوماندىسى 4-لىككە ئېرىشتى. ساھىپخان تۈركىيە كوماندىسى ئەرلەر كوماندىسىغا ئوخشاشلا 42-لىككە ئېرىشتى.
                                                      مەنبە:قۇتيار تورى

barqin

دۆلىتىمىز يامان ئەمەس نەتىجىگە ئېرىشىپتۇ، ئامما بۇ خەۋەرنى تۈركىيەدىن بىرەرسى پىيادە ئېلىپ كەلدىمۇ قانداق؟؟؟ كىچىكىپ ئاڭلاپ قاپتۇق

پەريات

دولىتىمىزنىڭ ئايال ماھىرىلىرى قالتىس جۇمۇ!

سىرداش

ياخشى تىما يوللاپسىز

ئوغلانبەگ

مەنمۇ شاھماتقا بەك قىزىقىمەن.ياخشى تېما ئىكەن.

بودەك

ئاياللىرىمىزمۇ بوش كەلمەپتۇ-ھە!  لېكىن كوماندا دېگىنى نېمىسى؟ شاھمات دېگەننى ئۆز ئالدىغا ئوينىماي ، بىللە ئولتۇرۇپ ، مەسلىھەتلىشىپ ئوينايدىغان ئىش بارمۇ ؟