باشلانغۇچ مەكتەپ ئوقۇغۇچىسى چاقماق تىزلىكىدە توي قىلىپ ئاجىراشتى

ئاتەش

خۇالۇڭ تورى خەۋىرى: چۇڭچىدىكى مەلۇم بىر باشلانغۇچ مەكتەپنىڭ ئۈچىنچى يىللىقىدا ئوقۇيدىغان نىنى بىلەن تاۋتاۋنىڭ مۇناسىۋىتى بىر قەدەر ياخشى بولۇپ، بۇ ئىككەيلەن بىر-بىرىگە «كۆڭلى» چۈشۈپ قالغانلىقىنى ھېس قىلغاندىن كېيىن، «ئەر-ئايال» بولۇشنى قارار قىلىپ، ئۆزلىرى توي خېتىدىن بىرنى سىزىپ چىققان ۋە سىنىپىدىكى 40 نەپەر ساۋاقدىشىنىڭ گۇۋاھلىقىدا «توي» قىلغان ھەم بىر ئۆمۈر بىر-بىرىگە سادىق بولىدىغانلىقى ھەققىدە قەسەم ئىچىپ، ۋەدىلەر بېرىشكەن. ئەمما تاۋتاۋ باشقىلارنى ئەخمەق قىلىشقا ئامراق تەنتەكلەردىن بولغاچقا، بىر ھەپتىدىن كېيىن بۇ ئىككەيلەن «ئاجرىشىش» قارارىغا كەلگەن ۋە يەنە قائىدە بويىچە يەنە ئاجرىشىش گۇۋاھنامىسىدىن بىرنى ياساپ «ئاجرىشىپ» كەتكەن.
بۇ بالىلارنىڭ بىر-بىرىگە كۆڭلى چۈشۈپ قېلىپ چاقماق تېزلىكىدە توي قىلىپ يەنە چاقماق تېزلىكىدە ئاجرىشىپ كەتكەنلىكى ھەققىدىكى خەۋەر بىردەمنىڭ ئىچىدە ئاتا-ئانىلارنىڭ قۇلىقىغا يەتكەن بولۇپ، بۇ ھال ئاتا-ئانىلارنى قاتتىق ئەندىشىگە سالغان.
بۇ ئىشقا قارىتا مۇناسىۋەتلىك مۇتەخەسىسلەر مۇنداق يەكۈن چىقارغان: بالىلار باشقىلارنى دوراشقا ئامراق، ھازىرقى جەمئىيەتتىكى كىشىلەرنىڭ نىكاھ ئىشىغا سەل قارىشى، توي ئىشىنى ئويۇن قاتارىدا كۆرۈپ، ئاجرىشىشنى ئادەتتىكى ئىش دەپ بىلىشى دىگەندەك بىر قاتار مەسىلىلەر بالىلارغا تەسىر قىلغاچقا، ئۇلار مۇشۇنداق قىلغان. ئەمما بۇ بالىلاردىكى بىر خىل دوراش بولۇپ، بۇنىڭدىن بەك ئەندىشە قىلىپ كېتىشىنىڭ ھاجىتى يوق. يەنە بىر تەرەپتىن ھازىرقى ئاتا-ئانىلار بەك ئالدىراش بولغاچقا، بالىلىرىغا يېتەرلىك مۇھەببەت ۋە ئىللىقلىق ئاتا قىلالمىغانلىقتىن، ئۇلار باشقىلار ئارقىلىق مۇھەببەت ۋە ئىللىقلىق ئىزدەپ، يۇقىرىقىدەك قىلمىشلارنى سادىر قىلىدۇ.
يەنە بىر تەرەپتىن، بالىلار تۆت، بەش ياش ۋاقىتلىرىدىن تارتىپلا كىشىلەر ئارىسىدىكى مۇناسىۋەتكە بولغان قىزىقىشى باشلىنىدىغان بولۇپ، نىكاھ مۇناسىۋىتى ئۇلار ئەڭ يېقىن بولغاچقا، ئۇلار «ئىزدىنىش» نى نىكاھ مۇناسىۋىتىدىن باشلايدۇ. نىكاھقا بولغان سەزگۈرلۈك دەۋرى بالىلارنىڭ جەمئىيەت مۇناسىۋىتىنى تونۇشتىكى مۇھىم بىر جەريان، بالىلار بۇ دەۋرنى مۇقىم، ئىناق مۇھىتتا ئۆتكۈزەلىسە، كېيىنكى نىكاھ مۇناسىتىگە پۇختا ئاساس سېلىندى دېيىشكە بولىدىكەن.
مۇتەخەسىسلەرنىڭ تەكلىپ-پىكىرى: بالىلاردا بۇنداق ئەھۋاللار كۆرۈلسە، ئاتا-ئانىلار ئەڭ ئاۋۋال بۇنىڭ نورمال ھادىسە ئىكەنلىكىنى ئايدىڭلاشتۇرىۋىلىشى، پەرزەنتلىرىنى قالايمىقان تەنقىدلەپ، ئەيىبلىمەسلىكى كېرەك؛ ئائىلە ئەزالىرى مۇناسىۋىتى نۇقتىسىدىن توغرا يېتەكلەپ، بالىلارغا ياخشى كۆرۈش بىلەن مۇھەببەتنىڭ ئوخشىمايدىغانلىقىنى ئېيتىش كېرەك؛ ئاخىرى ئاتا-ئانىلار ئۆزلىرىگە «ئەگەر بالىلار ئائىلىدە يېتەرلىك بىخەتەرلىك تۇيغۇسى ۋە مۇھەببەتكە ئېرىشسە، بۇنىڭدەك ئەھۋاللار كېلىپ چىقارمىدى؟!» دىگەن سوئالنى قويىشى كېرەك.

مەنبە: نۇر تورى

سىرداش

بۇ  بالدۇر يىتىلىشنىڭ  ئالامىتىمۇ  نىمە؟

ۋاقىت

بۇ جەمىيەتنىڭ بالىلارغا بولغان تەسىرى بولسا كېرەك.