سىنىپ مۇدىرلىق ھەققىدە ئويلىغانلىرىم

بايقاش

سىنىپ مۇدىرلىق ھەققىدە ئويلىغانلىرىم

كېرىيە ناھىيە سىيەك يېزا باشلانغۇچ مەكتەپ ئوقۇتقۇچىسى: گۈلگىنە ئەخمەت

سىنىپمۇدىرلىق خىزمىتى جاپالىق ھەم شەرەپلىك خىزمەت. ئەنئەنىۋى ئوقۇتۇشتا سىنىپ مۇدىرى قورقۇتۇش شەكلىدە ئۆز نوپۇزى ۋە ئورنىنى تىكلىگەن بولسا يېڭى دەرس شارائىتىدا ئۆز پەزىلىتى، ئادىمىيلىكى بىلەن ئوبراز تىكلەيدۇ. ھەرقانداق سىنىپ مۇدىرىنىڭ مۇنەۋۋەر، ئوقۇغۇچىلار ياقتۇرىدىغان، خىزمەتتە نەتىجە قازانغان، كۆپچىلىك تەرىپىدىن ئېتراپ قىلىنغان سىنىپ مۇدىرى بولغۇسى كىلىدۇ. ئۇنداقتا قانداق قىلىغاندا ئوقۇغۇچىلارنىڭ ئالقىشىغا ئېرىشكەن سىنىپ مۇدىرى بولغىلى بۇلىدۇ؟ بۇ جەھەتتىكى كۆز قاراشلىرىمنى تۆۋەندە كەسىپداشلىرىم بىلەن ئورتاقلاشماقچىمەن.
1.مىھرى-مۇھەببەت ۋە كۆيۈنۈشكە تولغان قەلىب بۇلۇش كېرەك. تەلىم تەربىيە خىزمىتى بىلەن شۇغۇللانغان ھەرقانداق كىشى قەلبىدە مىھىر-مۇھەببەت بۇلۇشتىن ئىبارەت بۇ شەرتنى ئەڭ ئاۋۋال ھازىرلىشى كېرەك. سىنىپ مۇدىرلىرى تېخىمۇ شۇنداق. بىر ئوقۇتقۇچى شۇنداق دىگەنكەن «ئوقۇتقۇچى ئوقۇغۇچىلارنى ياخشى كۆرۈش ئارقىلىق بىر مىللەتنى تەرەققى قىلدۇرالايدۇ. ئوقۇتقۇچى ئوقۇغۇچىلارنى ئۆچ كۈرۈش ئارقىلىق بىر مىللەتنى ھالاك قىلىۋىتەلەيدۇ.»، شۇڭا ئوقۇغۇچىلارنى مىللەتنىڭ كەلگۈسى سۈپىتىدە ياخشى كۆرىشىمىز، كۆيۈنۈش ئارقىلىق تەسىر كۆرسىتىپ ئوقۇغۇچىلارنىڭ قەلبىدە مۇھەببەت ئويغىتىشىمىز كېرەك. ۋاھالەنكى كۆيۈنۈش ئوقۇغۇچىلارنىڭ ئۆگىنىشىگە ۋە تۇرمۇشىغا تەڭ كۈڭۈل بۇلۇشتە ئىپادىلىنىدۇ.
2. ئوقۇتقۇچى ھەممە ئوقۇغۇچىلارغا باراۋەر مۇئامىلە قىلىشى ھەمدە مۇناسىۋەتتە تەڭپۇڭلۇقنى ساقلاشقا دىققەت قىلىشى لازىم.
ئەنئەنىۋى ئوقۇتۇش قارشى بۇيىچە داۋاملىق سىنىپ يىغىنى ئېچىپ ياخشى ئوقۇغۇچىلارنى ماختاپ، ئىنتىزامسىزلارنى ھەرۋاقىت تەنقىدلەش ھازىرمۇ ساقلانماقتا. ئىسىڭىزدە بولسۇن ئاشۇ ئىنتىزامسىزلارمۇ سىزنىڭ ئوقۇغۇچىڭىز، ئۇلارمۇ سىزنىڭ كۆڭۈل بۆلىشىڭىزگە، ماختىشىڭىزغا مۇھتاج.
ئۇنىڭدىن باشقا ئوقۇغۇچىلار بىلەن ھەددىدىن زىيادە يېقىنلىشىپ كىتىش ئۇستازلىق ئوبرازىغا تەسىر يەتكۈزسە، ئوقۇغۇچىلار بىلەن بەك ئارلىق ساقلاش ئوقۇغۇچىلارنى چۈشىنىشكە تەسىر يەتكۈزىدۇ.
3. ئۆز ئەخلاق پەزىلىتىنى كۈچەيتىش تەسەۋۋۇرى باي بۇلۇش كېرەك. بىلىملىك، ئۆزىگە خاس ئىدىيىسىگە ئىگە. تەسەۋۋۇرى مول، رەڭدار سىنىپ پائالىيەتلىرىنى تەشكىللىيەلەيدىغان سىنىپ مۇدىرى ئېنىقكى تەبىئىلا ئوقۇغۇچىلارنىڭ قايىللقىغا ئېرىشەلەيدۇ. سىنىپنىمۇ ئۈنۈملۈك ياخشى باشقۇرالايدۇ.
4. سىنىپ مەدەنىيىتىنى بەرپا قىلىشقا ئەھمىيەت بېرىش. مېنىڭچە قۇرۇق تەربىيە، قورقۇتۇپ مەجبۇرلاشقا قارىغاندا سىنىپتىكى تام دوسكا، ئىلان تاختىسى، كىتاب بۇلۇڭى قاتارلىقلارنىڭ تەربىيەلەش ئۈنۈمى تېخىمۇ ياخشى بۇلىدۇ. سىنىپڭىزدا سىنىپ نىشانى، سىنىپ شۇئارى، سىنىپ ناخشىسى بولسۇن، «باشقىلار بىزنىڭ مەۋجۇتلىقىمىزدىن بەخت تاپسۇن!» دىگەنگە ئوخشاش سۆزلەرنى چاپلاپ سىنىپ مەدەنىيىتىنىڭ سىھرى كۈچىنى تېخىمۇ ئاشۇرغۇسى.
5. مۇكەممەل بولغان سىنىپ باشقۇرۇش مىخانىزىمى بەرپا قىلىش كېرەك.
يەنى «ئادەم ئارقىلىق باشقۇرۇش» نى «قانۇن ئارقىلىق باشقۇرۇش»قا تەرەققى قىلدۇرۇش كېرەك. مۇكەممەل بولغان سىنىپ تۈزۈملىرى، باشقۇرۇش مىخانىزىمى بىكىتىلسا، سىنىپ مۇدىرىنىڭ خىزمەت سىجىللىقى يەڭگىللىسە، سىنىپ مۇدىرىنىڭ سىنىپنىڭ سىياسەت بەلگىلەش ۋە ماسلاشتۇرۇش خىزمىتى ئۈستىدە ئويلىشىغا ۋاقىت چىقىدۇ-دە ئۆزلۈكسىز ئويلىنىش ۋە تۈزىتىش ئارقىلىق ئۆزىنى تېخىمۇ مۇكەممەللەشتۈرەلەيدۇ.
ھەر بىر سىنىپ مۇدىرىنىڭ باشقۇرۇش ئۇسۇلىدا پەرقلەر بۇلىدۇ. لېكىن ئەگەر ھەر بىر سنىپ مۇدىرى يۇقارقى شەرتلەرنى ئۆزىدە ھازىرلايدىكەن. ئۆزىنىڭ مۇنەۋۋەر سىنىپ مۇدىرى بۇلۇشتەك غايىسىنى چۇقۇم ئەمەلگە ئاشۇرالايدۇ.

سىرداش

يېڭىدىن  خىزمەتكە چىققانلارغا  بىر قېتىملىق  ئەمىلى  لىكسىيە  بوپتۇ

زەپەر

سىنىپ مۇدىرلىرى ئۈچۈن ياخشى بولغان تەتقىقات ماقالىسىكەن . رەخمەت سىزگە . شۇ ماقالىنى يازغان كېريە ناھيە سىيەك  يازا باشلانغۇچ مەكتەپتىكى گۈلگىنە خانىمنىڭ يازغا قۇلىدىن گۈللەر ئۈنگەي . ياخشى ماقالىكەن

سىرداش

سىنىپ  مۇدىرلۇق  خىزمىتى   بۇ  قارىماققا  ئاددىدەك  كۈرۈنگىنى بىلەن   مۇرەككەپ  خىزمەت.  بۇلۇپمۇ  ھازىرقى زاماندا..........