زەيــپــانـــە ئـــــەر . مــــەردانـــە ئــايـــال

tursunjan

زەيــپــانـــە ئـــــەر

كىتىپ باراتتىم ،كۈندۈز كوچىدا ،
يېتىپتۇ بىر ئەركەك يول ياقىسىدا .
گۆپۈلدەپ پۇرايدۇ ئۇنىڭ تىنىقى ،
بىر ئىت چۆرگىلەپتۇ ئارقىسىدا ...

شۇنداق بىر سۇئالنى سورىغىم كەلدى ،
ئانىسى نەدىدۇر ئاشۇ ئىنساننىڭ .
< ئوغلىڭىز يېتىپتۇ سەتلىشىپ يولدا ،
پايدىسى بولدىمۇ ئەجىر قىلغاننىڭ ؟


ئاپئاق سۈتىڭىز كۈچ بولغانتىغۇ ،
ئەڭ چوڭ تەربىيچى بولغان ئىدىڭىز ؟
كاپىتان خۇددى سىز ، ئوغلىڭىز كىمە ،
بۇ دۇنيا ، تۇرمۇش ھەم خۇددى بىر دېڭىز > ...

مــــەردانـــە ئــايـــال



غىچىرلاپ چىقىدۇ يىقىمسىز ئاۋاز ،
ماڭىدۇ بىر ھارۋا يېلى يوق مىجىق .
جاھان ئاپتىپى چۈشۈپ زىمىنغا ،
ئادەملەر كوچىدا بولغاندەك تىجىق .


ھارۋىنىڭ ئۈستىدە ئاق ، قارا گازىر ،
تىترەيدۇ يىنىكلا سىلكىنىپ شۈنچە .
باشقىچە تەسىرات بەردىغۇ ماڭا ،
ئىتتىرگەن ئايالغا بىر قارىغۇچە


ئاياللار كوچىدا قىلسا تىجارەت .
ئويلىدىم بىر قانچە نوقتىدا تۇرۇپ ،
< توختا > دىدىم مەن ئۆزۈمگە شۇئان ،
ئىجابىي تەرەپكە كەلدىم قايتۇرۇپ

ئەمەستۇر ئۇ ئۈچۈن بۇمۇ بىر شەرەپ ،
كوچىدا تىجارەت قىلسىمۇ دائىم .
مۇرادى بولغىيدى بىر كۈنى ھاسىل ،
ھەربەندە ياخشى كۈن ، كۆرسۇن ئىلاھىم .


سېـــلـىــشتــۇرمـــــا ...


ئەي ئەركەك قوپساڭچۇ ، ئۆرە ئورنۇڭدىن ،
كۆرگىنە گازىرچى ، يەنە ئۆزۈڭنى .
نە ئۈچۈن زەيپانە دىدىم مەن سىنى ،
ئاڭلايچۇ جاۋابىڭ ، سەۋەپ ، سۆزۈڭنى .


ئەي ئايال بولۇپسىز نامدا < گازىرچى > ،
< ئىچەرمەن > ئالدىدا سىز بىر مەردانە .
ئۇقۇشماي بەزىلەر بەلكى تۇرمۇشنى ،
قىلىدۇ سىز ئۈچۈن نەچچە ئەپسانە

خــــــۇلاســـــــە !

تۇغۇلماق تەس ئىكەن ياشىماق ئۇندىن ،
بۇ  دۇنيا  بولۇركەن خۇددى بىر سىناق .
ئەقلىمىز ئىشلىمەي قالغاندا بىزنىڭ ،
بولۇركەن ھەممە ئىش بىزگە بىر قىلتاق .

ئاددىي ياشىماق بەزىمىز ئۈچۈن ،
بەك ئاسان بولىدۇ چۈنكى بىز ئاددىي .
قەلب ،كۆكسىمىز بولسا بىر كىتاپ ،
تىنىمىز ، ۋارىقى ، بويۇمى ماددىي .

شوخ ئۇچار كەپتەرلەر سامادا شۈنچە ،
قاراڭغۇ ، زەيكەشتە ئۇۋلايدۇ چاشقان .
بىر ئۇچى باغلانسا < گازىرچى > غا تىز ،
بىر ئۇچى دومسىيىپ < مەس > كە  تۇتاشقان .

قانچىسى بار زادى مۇشۇنداق ئەردىن ،
ئەيمىنمەي ياشايدۇ  ئاۋۇ ئايالدىن .
قۇتۇلسا دەيمەنغۇ شۇ خىل ئەركەكنى  ،
كۈن پاتقان ، تەقدىرى ، سوغۇق زاۋالدىن ...

ئېرىقنى كۆرگەندە سۇ بار ئىچىدە ،
ھۆل بولماي ئۆتىمەن ئۇندىن ئاتلىسام .
< مەقسىدىڭ نىمە ھەي > دىمىگىن مىنى ،
بۇ يەرگە ئەكىلىپ تازا داتلىسام .

ئازىدۇ دىمىگىن گەپ سۆزلىرىدىن ،
يازىمەن كۆرگىنىم ئاڭلىغىنىمنى .
كەچۈرگىن دوسىتلىرىم بىرنى چۈشۈرۈپ ،
بىرىنى ئالەمچە داڭلىغىنىمنى .

ئويلاپ  باق ئەي ئىنسان بالسى .... تۇغۇلغان ئىكەنمىز قانداق ياشاشنىمۇ  ئۈغۇنۋىلىشىمىز كىرەك ....

مەرىپەت

ھەقىقەتەن ياخشى تېما يوللاپسىز،تەربىيەۋى ئەھمىيىتى زور تېما ئىكەن، ئاتىلىق بۇرچىنى ئادا قىلالمايۋاتقان مۇشۇنداق ئەرلىرىمىز ئاز ئەمەس...

◤pari◥

ھەقىقەتەن ياخشى تېما يوللاپسىز،تەربىيەۋى ئەھمىيىتى زور تېما ئىكەن، ئاتىلىق بۇرچىنى ئادا قىلالمايۋاتقان مۇشۇنداق ئەرلىرىمىز ياشلىرىمىز بۇ تېمىنى بىر كۆرۈپ ھۇشىنى تېپىۋالسا قانچىلىك ياخشى بولاتتى ھە ! ھەي .......
تۇغۇلماق تەس ئىكەن ياشىماق ئۇندىن ،
بۇ  دۇنيا  بولۇركەن خۇددى بىر سىناق .
ئەقلىمىز ئىشلىمەي قالغاندا بىزنىڭ ،
بولۇركەن ھەممە ئىش بىزگە بىر قىلتاق .

ئاددىي ياشىماق بەزىمىز ئۈچۈن ،
بەك ئاسان بولىدۇ چۈنكى بىز ئاددىي .
قەلب ،كۆكسىمىز بولسا بىر كىتاپ ،
تىنىمىز ، ۋارىقى ، بويۇمى ماددىي .
بۇ مىسرالىرىنى بەك ياقتۇردۇم رەھمەت سىزگە .

ئامان

تەربىيەۋى ئەھمىيىتى يۇقۇرى، بىر قىسىم ئەرلىرىمىزگە ئىبرەت بۇلىدىغان ناھايىتى ياخشى تېما يوللاپسىز رەخمەت، قەلىمىڭىز بەرىكەتلىك بولغاي!

زەپەر

تەربىيەۋىي ئەھمىيتى ناھايتى يۇقىرى بولغان تىمىكەن رەخمەت سىزگە يەنە نادىر تىمىلارنى يوللاپ تۇرشىڭىزنى ئۈمۈت قىلىمەن

ئەلخۇش

ھەجەپ ياخشى   تىما يوللاپسىز     رەھمەت