گۇمانخورغا...

saba007

گۇمانخورغا...

مىجىت ماڭسۇر

ئىنسانلىقنى يوقاتتىڭ ،
ئەل ئىچىدە گۇمانخور.
ئېقىپ ئۆلسەڭ بولمامدۇ؟
سەل ئىچىدە گۇمانخو.

كۆزىڭ تۇرۇپ كۆرمەيسەن،
روھىڭ ئەما گۇمانخور.
ھەسەتخورلۇق چۆلىدە،
كۆڭلىڭ قەنا گۇمانخور.

ئايان بولماس تىلىڭدىن،
ياخشى سۆزلەر گۇمانخور.
يىراق بولدى سېنىڭدىن ،
ئەسلى ئۆزلەر گۇمانخور.

ئەل- بىرادەر دوستنىمۇ،
دۈشمەن دىدىڭ گۇمانخور،
ئاناڭ بەرگەن ئاشنىمۇ ،
ئەمەن دىدىڭ گۇمانخور.

يا، ۋىللىدە كۈلمەيسەن،
خۇشال بولساڭ گۇمانخور.
خىجىل بولماس ھىچ يۈزىڭ،
ئوسال بولساڭ گۇمانخور.

ئات چاپتۇرسا بىرلىرى،
كۆز تاشلىدىڭ گۇمانخور.
ئۆسەك توقۇپ كەينىدىن ،
سۆز باشلىدىڭ گۇمانخور.

ئۆزىڭدىكى قاننىمۇ،
سىناپ باقتىڭ گۇمانخور.
‹‹جايى- پىنھان››جاينىمۇ،
قاساپ باقتىڭ گۇمانخور.

رۇجەكلەردىن مارىدىڭ،
ئىۋەن ئىزدەپ گۇمانخور.
ھاماقەتنى خوش قىلدىڭ،
‹‹يامان بىز››،دەپ گۇمانخور.

ئېسىت سېنىڭ ھالىڭغا،
كوڭلى قارا گۇمانخور.
ھەقىقەتنىڭ ئوقىدا،
باغرى يارا گۇمانخور.

‹‹ئىمان قاچار،گۇماندىن››،
بىلىپ ئالغىن گۇمانخىور.
ئەقلىڭ بولسا بۇ يولدىن،
يېنىپ ئالغىن گۇمانخور.[/color]

مەنبە :  ئۆز قەلەم

admin

ئادەمنىڭ كۆڭلى- كۆكسى تار بولۇپ، خىزمەتداشلىرى، دوستلىرى ھەتتا ئائىلىسىدىكىلەردىنمۇ گۇمان قىلىدىغان بولۇپ قالسا، ئۆزىنىڭ خىزمىتىگە، كىشىلىك مۇناسىۋىتىگە، ئائىلە ئىناقلىقىغا تەسىر يېتىپ قالماستىن، يەنە ئۆزىنىڭمۇ ساغلاملىقىغا تەسىر يېتىدۇ.

زەپەر

مەنبەسى سىزمۇ  سابا ئەپەندىم . مەن چۈشۈنەلمىدىم .ئىنقراق يېزىڭ . بۇ شىئېر ئارقىلىق جەمىيتىمىزدىكى بەزى بىر گۇمانخورلارنى ياخشى قامچىلاپسىز . رەخمەت سىزگە . شۇڭا ھەممىمىز قارارغۇلارچە بولغان گۇمانخورلۇققا قەتئى قارشى تۇرايلى. رەخمەت سىزگە