تۈن كۈيى

saba007

تۈن كۈيى[/align

مىجىت ماڭسۇر

قۇياش مۈكۈپ تاغنىڭ كەينىگە،
كۇندۈز بىلەن ئالماشتى كېچە.
قارا چۈمبەل ياپتى كائىنات،
لىۋەن قىزدەك، گۈلرەڭ يۈزىگە.

جىمجىتلىققا چۆمگەن  يەر-زىمىن،
قۇچقاچلارمۇ توختاپ ‹‹ۋىچىر››دىن.
پەقەت سەزگۈ بېرىدۇ بىر ھال،
تەشنا لەۋلەر قىلغان ‹‹.پىچىر››دىن.

‹‹پىچىر››ئەمەس، قۇلاق سالسىڭىز،
ئۇ، ھاياتنىڭ ئۈزۈلمەس كۈيى.
مۇھەببەتلىك بىر جۇپ يۈرەكنىڭ،
ئېقىن بولۇپ ئاققان شوخ سۈيى.

قاراقلارنىڭ ئۇدۇللىشىدىن،
‹‹لاپ-لاپ››قىلىپ چاقنايدۇ ئۇچقۇن،
يېرىپ ئۆتۈپ تۈننىڭ باغرىنى،
يانار تاغدەك چاچىدۇ يالقۇن.

قانچە ئۇزۇن سىرلىق بۇ كېچە،
ھىس قىلمايدۇ چىرماشقان تەنلەر.
تەلۋىلەرچە سۆيۈشىشلەردىن،
ۋىسال تاپار ئارزۇ-تىلەكلەر.

شەرق ئاسمىنى سۈزۈلۈپ ئاستا...
قۇياش ئوغلى تۇغۇلدى تاڭدا.
كېتىپ قالدى چۈمبەللىك قىزمۇ...
خىجىل بولۇپ ئۆزگىچە ھالدا.

مەنبە:  ئۆز قەلەم.

زەپەر

ياخشىكەن تىرشىڭ  مەنبەسىنى ئەسكەرتىۋەتىڭ  ھە .ئادەمنى ىر ئاز گۇمانىي قاراشقا سەپ قۇيدىكەن

saba007

زەپەر يوللىغان ۋاقتى  2012-10-11 00:07
ياخشىكەن تىرشىڭ  مەنبەسىنى ئەسكەرتىۋەتىڭ  ھە .ئادەمنى  ...

تىما ئاستىدا  قەلەم ئىگىسىنىڭ نامى بار   ئپەندىم، كۆرمىدىڭىزمۇ؟؟؟؟؟

نونى

لېرىكىغا بارغانسېرى ئۇستا بولۇپ كېتىۋاتىسىز جۇمۇ!   بولۇپمۇ بۇ مىسرالىرىڭىز ياخشى چىقىپتۇ:
‹‹پىچىر››ئەمەس، قۇلاق سالسىڭىز،
ئۇ، ھاياتنىڭ ئۈزۈلمەس كۈيى.
مۇھەببەتلىك بىر جۇپ يۈرەكنىڭ،
ئېقىن بولۇپ ئاققان شوخ سۈيى