‹‹تاققا-تۇققا››سەھپىسنىڭ سەركارى: ھەبىبۇللا موللام بىلەن تونۇشۇڭ.

Ziba

‹‹تاققا-تۇققا››سەھپىسنىڭ سەركارى: ھەبىبۇللا موللام بىلەن تونۇشۇڭ.

ئىسىم فامىلىسى: ھەبىبۇللا موللام
تۇغۇلغان كۈنى: 1974- يىلى 2- ئاينىڭ 2- كۈنى غۇلجا قورغاس ناھىيىسىدە تۇغۇلغان.
ئىشتىن سىرتقى ھەۋىسى: مۇزىكا چېلىش
تاماششىبىنلىرىغا دەيدىغان سۆزى: خەلقنىڭ تەكلىپ ۋە تەنقىدىي پىكىر بېرىشىنى چىن كۆڭلۈمدىن خالايمەن.
ھەبىبۇللا موللام 1974- يىلى 2- ئاينىڭ 2- كۈنى غۇلجا قورغاس ناھىيسىنىڭ لەڭگەر يىزىسىنىڭ كۆنچى مەھەللىسىدە دۇنياغا كەلگەن.
ئەسلى ئىسمى ھەبىبۇللا موللام بولغىنى بىلەن ئۇنى كىچىكىدىنلا مەھەللە- كويدىكىلەر، ئەل- ئاغىنىلىرى ئىسمىنى قىسقارتىپ‹‹ئەنەي›› ‹‹ئەبەيجان›› دېگەندەك قىسقارتما ئىسىملار بىلەن ئاتاپ كالمەكتە.
ئۇ 1980- يىلدىن 1985- يىلىغىچە پارلاق باشلانغۇچ مەكتىپىدە ئوقۇغان.
1985- يىلىدىن 1989- يىلىغىچە قورغاس ناھىيلىك 5- ئوتتۇرا مەكتەپنى ئوقۇغان. 1989- يىلى شىنجاڭ ماشىنسازلىق ئىلىكتىرون تىخنىك مەكتىپىگە قوبۇل قىلىنىپ 1992- يىلى 7- ئايدا مەكتەپ پۈتتۈرگەن.
1992- يىلى 12- ئايدا شىنجاڭ ئورمانچىلىق نازارىتىنىڭ ياغاچ ماتېريال تىرانسىپورت شىركىتىگە خىزمەتكە قوبۇل قىلىنغان.2000- يىلى 7- ئايدا كارخانا ۋەيران بولغانلىقى سەۋەبىدىن خىزمەتتىن توختاپ قالغان.
ھەبىبۇللا موللام سەنئەت ئائىلىسىدە تۇغۇلۇپ چوڭ بولغاچقا سەنئەتكە كىچىكىدىنلا قىززىقاتتى، ئۇ گىتتار چىلىپ، ناخشا ئىيتىپ مەكتەپتە ئۆتكۈزۈلگەن پائالىيەتلەردە ئالاھىدە كۆزگە كۆرۈنگەن.
ئۇنىڭ يەنە بىر ئالاھىدىلىكى ئەڭ ئۆزگىچە  بولغان يەنى تاققا- تۇققا، داڭقان- پۇتى گەپلەر بىلەن خەلقنى كۈلدۈرۈپ كەلگەن. ئۇنىڭ بۇ ئۆزگىچە سۆز ئويۇنى ئەل ئارىسىدا چوڭ غۇلغۇلە قوزغىدى. ئۇنىڭ بۇ سۆز ئويۇنى يىڭىچە ئۇسلۇپ بولغاچقا كىشىلەرنىڭ دىققىتىنى ناھايىتى تېزلا ئۆزىگە تارتتى. ھەممە ئادەم ئۇنىڭ شۇ قىززىق، ئۆزگىچە بولغان گەپلىرىنى ئاڭلاشنى ئارزۇ قىلىدىغان بولدى.
بۇ ھەبىبۇللا موللامنىڭ بۇنداق قىززىق، يۇمۇرىستىك سۆز ئويىنىنى چوڭ سەھنىگە ئىلىپ چىقىپ خەلقنى ئۆزىگە قارىتىشىدىكى ئەڭ مۇھىم سەۋەپ ئۇنىڭ تاغىسى يەنى ئاپىسىنىڭ ئىنىسى ئابدۇرىشىت مۇھەممەت چوڭ تەسىر قىلغان، ئۇنىڭ تاغىسى ئابدۇرۇشىت مۇھەممەت، ھەبىبۇللاغا ئوخشىمايدۇ، ھەبىبۇللام سەھنىدە تاققا- تۇققا سۆزلىسە، تاغىسى ناھايىتى يۇمۇرىستىك بولۇپ ئادەتتىكى تۇرمۇشتا تاققا- تۇققا سۆزلەيتتى. مەسلەنلا ھەبىبۇللام تاغىسىدىن:‹‹رىشتكا ئۆيۈڭگە باراي دىگەنتىم،   ھەدىمىز نېمە تاماق ئىتىۋاتىدۇ؟›› دەپ سورىسام رىشىتكام:‹‹ھەدەڭ، ھەدەڭ، ئۈزۈپ تاشلاپ مانتا ئىتىۋاتىدۇ ياكى بولمىسا گاڭپەنگە خېمىر يۇغۇرۋاتىدۇ.›› دەپ جاۋاپ بىرەتتى.
ھەبىبۇللام 2008- يىلى قۇربان ھىيتلىق سەنئەت كىچىلىكىدە‹‹لەتىپىچىلەر كۇلۇبى›› دېگەن نۇمۇردا ئۆزىنىڭ تالانتىنى خەلققە يەنە بىر قىتىم زور نامايەن قىلىپ، پۈتۈن شىنجاڭدا غۇلغۇلە قوزغىدى.
ئۇ يەنە كۆپلىگەن قىزىقارلىق كىنو- فىلىم ۋە ئىتوتلاردا ناھايىتى يۇمۇرستىك روللارنى ئالغان. مەسلەن:‹‹ بەڭگىلەر ماجراسى››، ‹‹قىرلىق ئىستاكان›› قاتارلىق كومىدىيىلىك كىنولاردا ناھايىتى ياخشى روللارنى ئالغا، ئۇ يەنە خى ئەمىر غۇلجىدا، توختى گاداي باي، لەتىپىچىلەر كۇلۇبى قاتارلىق ئىتوتلاردىمۇ ناھايىتى ياخشى، ئۇنتۇلماس ئوبرازلارنى ياراتتى. ئۇ يەنە گېتتار چېلىپ ناخشا ئېيتىش بۇ جەھەتتىمۇ ناھايىتى ياخشى يېتىلگەن بولۇپ ئۇنىڭ‹‹
گۈزەل قورغاس››، ئىيت ناخشاڭنى دېھقانلار›› قاتارلىق ناخشىلىرىنى كىشىلەر سۆيۈپ ئاڭلىماقتا.
مەنبە:كۈي تورى

ھوزۇرۇڭلاردا:خې ئەمىر غۇلجىدا http://www.kinola.cn/play.php?urlid-6975-index-0.htm2

tarhanbag

خەلقنى كۈلدۈرۈپ، شاتلىق ئاتا قىلىش ئۈچۈن تاققا-تۇققا سۆزلىسە بولىدۇ. ئەمما تۇرمۇشتا ئۇنداق بولمىسىكەن دىگەن ئۈمىتتىمەن.

رەپقەت

بىزنىڭ يېزىغا كېلىپ ئۇيۇن قويغان ئىدى

سىرداش

ئۇنىڭغا  قارىسىلا  ئادەم  ئىختىيارسىز  كۈلۈپ  سالىدۇ.تىما  ئىگىسىگە  رەھمەت

火山

رەھمەت جاپا  چىكىپسىز   ھارمىغايسىز

ئوغلانبەگ

تىما ئىگىسىگە رەخمەت،جاپا چېكىپسىز.