ئۇيغۇر 12مۇقامنىڭ ئۇيغۇرچە مەنىسى

Ziba

ئۇيغۇر 12مۇقامنىڭ ئۇيغۇرچە مەنىسى مۇنداق ئىكەن:
ئومۇمىي ئاتالغۇ بولغان<<مۇقام>> __ ئورۇن،دەرىجە،،دائىرە دېگەن مەنىگە ئېگە بولۇپ،بۇنىڭ ئىچىدىكى 12مۇقامنىڭ يەنە ئۆز ئالدىغا مەنىلىلرى بار ئىكەن.
1-<<راك مۇقامى>> __ ھۆرلۈككە تەلپۈنۈش.
2-<<چەبىيات مۇقامى>>__ نەپىس،گۈزەللىكنى سېغىنىش.
3-<<مۇشاۋىرەك مۇقامى>>__ راستلىق،چىنلىق،توغىرلىققا تەلپۈنۈش.
4-<<چارگاھ مۇقامى>>__خەلقنىڭ ئاسايىشلىققا ،تاڭغا،گۈزەل ھاياتقا بولغان تەلپۈنىشى.
5-<<پەنجىگاھ مۇقامى>>__ بۇ مۇقامنىڭ بۇرۇنقى ئىسمى <<بۇزرۇك مۇقامى>> بولۇپ،ئۇلۇغلۇق،يۈكسەكلىككە تەلپۈنۈش.
6-<<ئۆزھال مۇقامى>>__ بۇ مۇقامنىڭ بۇرۇنقى ئىسمى<<كۆجەك مۇقامى>>بولۇپ،كىچىك پېئىللىق .
7-<<ئەجەم مۇقامى>>__<<ئەجەم>> ئەرەبچە سۆز بولۇپ،شۇ دەۋىردە ئەرەبلەر ئۇيغۇرلارنى ئەجەم دەپ ئاتىغان.ئۇيغۇرلار ئۆزىنىڭ ناخشا-مۇزىكىسىنى ئەزىزلەش مەقسىتىدە ئەرەبلەرنىڭ ئۆزلىرىنى ئاتىغان بۇ سۆزىنى ناخشا-مۇزىكىنىڭ نامى سۈپىتىدە قوللانغان.
8-<<ئوششاق مۇقامى>>__ئاشىقلار،پىدائىيلار ،ئاشىقلار ساداسى.
9-<<بايات مۇقامى>>__ بۇ مۇقامنىڭ بۇرۇنقى نامى ساباھان بولۇپ،ئەسلەش دېگەن مەنىسى بار ئىكەن.ھازىرقى مەنىسى ياد ئېتىش،يورۇقلۇقنى ئىزدەش.
10-<<ناۋا مۇقامى>>__ جاسارەت،كۈچ-قۇۋەت.
11-<<سىگاھ مۇقامى>>__ بۇ مۇقامنىڭ بۇرۇنقى نامى<< پەسىللىك مۇقامى>>بولۇپ، ئارىسلاننى ھەيران قالدۇرۇش دېگەن مەنىدە ئىكەن.سىگاھنىڭ ئەسلى تەلەپپۇزى<<شىگاھ>>بولۇپ،بۇنىڭ مەنىسى غەپلەتتىن ئويغىتىش،غەرەتلىنىش.
12-<<ئىراق مۇقامى>>__دەريا قىرغىقىنىڭ ئۆرۈلۈشى دېگەن مەنىسى بار بولۇپ،خەلقنىڭ قاينام-تاشقىنلىق روھى .
          ئۇيغۇر 12مۇقامى جەمئىي 268ئاھاڭ(نەغمە)،2700مىسرادىن ئارتۇق بولۇپ،ئۇنى باشتىن-ئاخىر ئۇلاپ ئورۇنلاشقا 24سائەت كېتىدۇ.
                                مەنبە:<<تارىم غۇنچىللىرى>>ژورنىلىنىڭ2009-يىللىق7-سانى.

مەنبە:ئەلرام تور بىكىتى ئۇيغۇر 12مۇقامنىڭ ئۇيغۇرچە مەنىسى

◤pari◥

12 مۇقامنىڭ ئۇيغۇرچە مەنىسى بەكلا مەنىلىك ئىكەن بىلۋېلىشقا تىگىشلىك بىلىمكەن ،رەھمەت سىزگە

tarhanbag

بىلىۋېلىشقا تىگىشلىك ئىكەن. تىما ئىگىسىگە رەھمەت.
بىراق، 12مۇقام ئەزەلدىن ئۇيغۇرلارنىڭ مۇزىكا قامۇسى، ئەسلىدىكى نامى قايسى تىلدا ئىدى؟ بۇنى ئەسكەرتىش كىرەكمۇ-قانداق؟
مېنىڭچە قەدىمقى ئۇيغۇر  تىلىدا بولسا كىرەك......

Ziba

ئۇيغۇر12مۇقامى