قانداق قىلغاندا بالىلارنى يامان يولدىن توسقىلى بولىدۇ ؟

سىرداش

قانداق قىلغاندىلا بالىلارنى يامان يولدىن ساقلاپ جىسمانىي ۋە روھىي جەھەتتىن ساغلام تەرەققىي قىلدۇرغىلى بولىدۇ بالىلار مەكتەپتە ئوقۇغاندىن سىرت، نۇرغۇنلىغان دەرستىن سىرتقى ۋاقتىنى يەنىلا ئۆزلىرى ئەركىن ئورۇنلاشتۇرىدۇ. باشلانغۇچ مەكتەپ ئوقۇغۇچىلىرى دەل بەدىنى ئۆسۈپ يېتىلىۋاتقان، بىلىمى ئېشىۋاتقان باسقۇچتا تۇرغان بولۇپ، جانلىق، تېتىك، ھەۋىسى مول بولىدۇ. ئەگەر ئۇلارنىڭ روھىي تۇرمۇشىنى ئەھمىيەتلىك پائالىيەتلەر بىلەن بېيىتمىغاندا، ناچار ئېدىيىنىىڭ تەسىرىگە ئۇچراپ كېتىشى، ھەتتا زىيانلىق ھەرىكەتلەر بىلەن شۇغۇللنىپ قېلىشى مۈمكىن. شۇ سەۋەپتىن ئاتا _ ئانىلار بالىلارنىڭ دەرستىن سىرتقى پائالىيەتلىرىنى ياخشى ئورۇنلاشتۈرۈپ ئۇلارنىڭ روھىي تۇرمۇشىنى تولۇقلاپ تۇرۇشى كېرەك. شۇنداق قىلغاندىلا بالىلارنى يامان يولدىن ساخلاپ جىسمانىي ۋە روھىي جەھەتتىن ساغلام تەرەققىي قىلدۇرغىلى بولىدۇ . بالىلارنىڭ دەرستىن سىرتقى پائالىيىتى دېگەندە، سىياسىي تەربىيە پائالىيىتى، پەن_ تېخنىكا پائالىيىتى، ئەدەبىيات _ سەنئەت پائالىيىتى ۋە كوللېكتىپ ئەمگەك پائالىيىتى قاتارلىقلارنى ئۆز ئىچىگە ئالسا بىر قەدەر مۇۋاپىق بولىدۇ. پائالىيەت ئېلپ بارغاندا ئاممىۋى پائالىيەت، گۇرۇپپا پائالىيىتى، شەخسىي پائالىيەتتتىن ئىبارەت ئۈچ خىل شەكىلنى قوللانسا بولىدۇ. ئاممىۋى پائالىيەتتە ، بالىلارنى ئېقىم مەسىلىلىرى ھەققىدىكى دوكلات يىغىنلىرىغا ، يەنى پەننى ئومۇملاشتۇرۇش ھەققىدىكى لېكىسىيە يىغىنلىرىغا، ھېكايە سۆزلەش يىغىنلىرىغا، كۆرگەزمە ۋە كوللىكتىپ ئەمگەككە قاتناشتۇرسا بولىدۇ . گۈرۇپپا پائالىيىتىدە، بالىلارنى سىياسەت، ئېقىم مەسىلىلىرىنى ئۈگىنىش، پەن _ تېخنىكا گۇرۇپپىسى ۋە تەنتەربىيە گۇرۇپپىسى قاتارلىقلارغا قاتناشتۇرسا بولىدۇ . شەخسىي پائالىيەتتە، ئۆزىنىڭ ئېقتىدارى ھەۋىسىگە ئاساسەن پائالىيەت ئېلىپ بارىدۇ. مەسىلەن: كىچىك تەجرىبە تەكشۈرۈش، ئۆسۈملۈكلەر نۇسخىسى يىغىش، مودىل ياساش ، چېنىقىشقا قاتنىشىش ، ئۇسۇل ئويناش ۋەرەسىم سېزىش قاتارلىقلار . ئاتا ئانىلار شارائىت ۋە مۈمكىنچىلىككە قاراپ، بالىلارنى يۇقارقى پائالىيەتلەرگە قاتنىشىشقا ۋە شۇ ئارقىلىق ئۆزلىرىنىڭ روھىي تۇرمۇشىنى بېيىتىشقا ھەمدە ئۇنىڭدىن تەرببيە ئېلىپ چېنىقىشقا دەۋەت قىلسا بولىدۇ.
مەنبە:بىلىملەر  تورى